လက်ကျန်အစိုးရသက်တမ်းကာလအတွင်း တည်ဆဲဥပဒေများ၊ နည်းဥပဒေများ၊ လုပ်ထုံးလုပ်နည်းများ၊ ပြဋ္ဌာန်းချက်များအတိုင်း ဆက်လက် ဆောင်ရွက်ပြီး အသွင်ကူးပြောင်းရေးကို ချောမွေ့အောင် ဆောင်ရွက်သွားမည်

ကျွန်တော့်အနေနဲ့ လုပ်ဖော်ကိုင်ဖက် နိုင်ငံရေးပါတီခေါင်းဆောင်များကို အခုလိုထပ်မံပြီး တွေ့ဆုံခွင့် ရတဲ့အတွက် ဝမ်းမြောက်မိပါတယ်။ လွန်ခဲ့တဲ့ ငါးနှစ်တာကာလအတွင်း ကျွန်တော်တို့အစိုးရ ဦးဆောင် အကောင်အထည်ဖော်ခဲ့တဲ့ ပြုပြင်ပြောင်းလဲရေး လုပ်ငန်းစဉ် တွေထဲမှာ အခုလို နိုင်ငံရေးပါတီများနဲ့ တွေ့ဆုံမှုကနေရရှိတဲ့ အကြံဉာဏ်များကို ထည့်သွင်းစဉ်းစား အကောင်အထည်ဖော် လုပ်ဆောင်ခဲ့တာလည်း လုပ်ငန်းစဉ်တစ်ခု ဖြစ်ခဲ့ပါတယ်။ အခုလိုတိုင်းပြည်အတွက် အရေးပါတဲ့အချိန်မှာလည်း အသွင်ကူးပြောင်းရေး ညင်သာချောမွေ့စေရေးအတွက် နိုင်ငံရေးပါတီများနဲ့ တွေ့ဆုံရခြင်းပဲ ဖြစ်ပါတယ်။

အခုဆိုရင် ၂၀၁၅ အထွေထွေရွေးကောက်ပွဲကြီးကို အောင်မြင်စွာ ကျင်းပပြီးစီးနိုင်ခဲ့ပြီ ဖြစ်ပါတယ်။ နိုင်ငံတကာကလည်း ရွေးကောက်ပွဲနဲ့ပတ်သက်လို့ ချီးကျူးဂုဏ်ပြု နေတာတွေ အများအပြား ရှိနေပါပြီ။ ကျွန်တော့်အနေနဲ့ ကျွန်တော်အစဉ်ကတိပြု ပြောကြားခဲ့တဲ့ အတိုင်းပဲ လွတ်လပ်တဲ့ ရွေးကောက်ပွဲများကို ကျွန်တော်တို့ရဲ့ အုပ်ချုပ်ရေးကဏ္ဍကနေ ဆောင်ရွက်နိုင်သမျှ ဆောင်ရွက်ပေးခဲ့တာဖြစ်ပါတယ်။ အခု အဲ့ဒီကတိအတိုင်းပဲ ဆောင်ရွက်ပေးခဲ့ပါပြီလို့ ထပ်လောင်းပြောကြားလိုပါတယ်။

ရွေးကောက်ပွဲများကို လွတ်လပ်စွာ ကျင်းပနိုင်ခြင်းဟာ ကျွန်တော်တို့နိုင်ငံရဲ့ ဒီမိုကရေစီ အသွင်ကူးပြောင်းမှု အောင်အောင်မြင်မြင်နဲ့ ရှေ့ကို ဆက်သွားနေတယ်လို့ ဆိုရမှာ ဖြစ်ပါတယ်။ ကျွန်တော်တို့ အစိုးရ တာဝန်ယူချိန်ကစပြီး နိုင်ငံရေးဖြစ်စဉ်မှာ ပြည်သူတွေတက်ကြွစွာ ပါဝင် လာနိုင်ရေးအတွက် လိုအပ်တဲ့ နိုင်ငံရေးဖြေလျှော့မှုတွေ၊ မီဒီယာ လွတ်လပ်ခွင့်တွေနဲ့ အုပ်ချုပ်ရေး ပုံစံတွေကို ပြုပြင်ပြောင်းလဲခဲ့ပါတယ်။ ပြည်သူတွေ နိုင်ငံရေးမှာ နိုးကြားစွာ ပါဝင်လာခြင်းမှာ နိုင်ငံရေးပါတီများရဲ့ အင်အားကလည်း အရေးကြီးပါတယ်။ ဒါကြောင့် ဒီနေရာကနေ နိုင်ငံရေးပါတီများရဲ့ အခန်းကဏ္ဍကိုလည်း ဂုဏ်ပြုအသိအမှတ်ပြု ပြောကြားလိုပါတယ်။

ငါးနှစ်အတွင်းဆောင်ရွက်ခဲ့တဲ့ ပြုပြင်ပြောင်းလဲရေး လုပ်ငန်းစဉ်များကနေ အသွင် ကူးပြောင်းရေး အတွက် အရေးကြီးတဲ့ အထွေထွေရွေးကောက်ပွဲကြီးကို ကျွန်တော်တို့ အောင်မြင်စွာကျင်းပနိုင်ခဲ့ပြီ ဖြစ်ပါတယ်။ ဒီလိုကျင်းပတဲ့အခါမှာ တည်တည်ငြိမ်ငြိမ်၊ အေးအေးချမ်းချမ်းနဲ့ အောင်မြင်မှုရှိစွာ ကျင်းပနိုင်ဖို့ ကြိုးပမ်းဆောင်ရွက်ခဲ့တဲ့ ရွေးကောက်ပွဲ ကော်မရှင်အဆင့်ဆင့်၊ ပါဝင်ယှဉ်ပြိုင်ကြတဲ့ နိုင်ငံရေးပါတီများ၊ အနိုင်ရလွှတ်တော် ကိုယ်စားလှယ်များ၊ ပါဝင် ကူညီခဲ့ကြသူများနဲ့ မဲဆန္ဒရှင် ပြည်သူလူထုကြီးကိုလည်း ဂုဏ်ပြုအပ်ပါတယ်။

ကျွန်တော်တို့အစိုးရအဖွဲ့အနေနဲ့ ကျန်ရှိနေသေးတဲ့ အစိုးရသက်တမ်းကာလအတွင်းမှာ တည်ဆဲဥပဒေများ၊ နည်းဥပဒေများ၊ လုပ်ထုံးလုပ်နည်းများ၊ ပြဋ္ဌာန်းချက်များအတိုင်း ဆက်လက် ဆောင်ရွက်ပြီး အသွင်ကူးပြောင်းရေးကို ချောမွေ့အောင် ဆောင်ရွက်သွားမှာ ဖြစ်ပါတယ်။ ကျွန်တော့်အနေနဲ့ လုပ်ထုံးလုပ်နည်းများနဲ့အညီ ဒုတိယအကြိမ် လွှတ်တော် များ စတင်ကျင်းပဖို့ ဖိတ်ကြားမှာ ဖြစ်ပါတယ်။ လွှတ်တော်များအနေနဲ့ ဆောင်ရွက်ရန် ရှိသည်များကို အဆင့်ဆင့်ဆောင်ရွက်ပြီးတဲ့အခါမှာ ပေါ်ပေါက်လာမယ့်အစိုးရအဖွဲ့ သစ်ထံကို သတ်မှတ်ချိန်အတွင်း စနစ်တကျ တာဝန်လွှဲပြောင်းပေးအပ်သွားမှာ ဖြစ်ပါတယ်။ ဒီကိစ္စနဲ့ပတ်သက်ပြီး စိုးရိမ်ပူပန်မှု မရှိစေဖို့နဲ့ တည်တည်ငြိမ်ငြိမ်နဲ့ ချောချောမွေ့မွေ့ ဖြစ်စေဖို့ ဆောင်ရွက်မှာဖြစ်တယ်လို့ ထပ်မံပြောကြားလိုပါတယ်။

ကျွန်တော်တို့အစိုးရအဖွဲ့ တာဝန်ယူတဲ့ ငါးနှစ်တာကာလ သက်တမ်းအတွင်းမှာ ဆောင်ရွက်ရန်ရှိသည်များကို အကောင်းဆုံး ဆောင်ရွက်ခဲ့ပြီး ဖြစ်ပါတယ်။ အထူး သဖြင့်တော့ နိုင်ငံရေးအရ ကြည့်မယ်ဆိုရင် နိုင်ငံရေး အင်အားစုတွေအကြားမှာ စေ့စပ် ဆွေးနွေး ညှိနှိုင်းခြင်းနဲ့ အဖြေရှာတဲ့ နိုင်ငံရေး ယဉ်ကျေးမှုသစ် အကောင်အထည် ပေါ်လာအောင် ဆောင်ရွက်ခဲ့ပါတယ်။

ငွေလဲနှုန်း၊ လွတ်လပ်တဲ့ဗဟိုဘဏ်နဲ့ နိုင်ငံခြား ရင်းနှီးမြှုပ်နှံမှုဆိုင်ရာ ဥပဒေတွေကြောင့် နိုင်ငံတကာ ရင်းနှီးမြှုပ်နှံမှုတွေကို ဆွဲဆောင်နိုင်ခဲ့သလို အခု ဆိုရင် အရှိန်အဟုန်ပြင်းပြင်းနဲ့ ဝင်ရောက်လုပ်ကိုင်ဖို့ အလားအလာကောင်းတွေ တွေ့မြင်နေရပြီ ဖြစ်ပါတယ်။ ငြိမ်းချမ်းရေး ကဏ္ဍမှာလည်း တိုင်းရင်းသားလက်နက်ကိုင် အဖွဲ့အစည်း (၈) ဖွဲ့နဲ့ တစ်နိုင်ငံလုံး ပစ်ခတ် တိုက်ခိုက်မှု ရပ်စဲရေးသဘောတူညီချက်ကို လက်မှတ်ရေးထိုးနိုင်ခဲ့ပြီ ဖြစ်ပါတယ်။

လက်မှတ်မရေးထိုးသေးတဲ့ အဖွဲ့များအနေနဲ့လည်း ပါဝင်လာနိုင်ဖို့ ကြိုးပမ်း ဆောင်ရွက် နေပါတယ်။ ဒီစာချုပ်မှာ အဓိကအားဖြင့် လက်နက်ကိုင် ပဋိပက္ခတွေကို နိုင်ငံရေး နည်းလမ်းနဲ့ဖြေရှင်းဖို့၊ ဖက်ဒရယ်စနစ်ကို အခြေခံတဲ့ ပြည်ထောင်စုကြီးကို နိုင်ငံရေး ဆွေးနွေးပွဲများ ကနေတစ်ဆင့် အတူတကွ ဝိုင်းဝန်းတည်ဆောက်ဖို့ဆိုတဲ့ နိုင်ငံရေး အာမခံချက်တွေ ပါဝင်ပါတယ်။

ဒီတစ်နိုင်ငံလုံး ပစ်ခတ်တိုက်ခိုက်မှုရပ်စဲရေးစာချုပ် (NCA) သည် ငြိမ်းချမ်းရေးအတွက် အခြေခံ အုတ်မြစ်တစ်ခုအနေနဲ့ အကောင်းဆုံး ချန်ထားရစ်နိုင်ခဲ့တာဖြစ်ပါတယ်။ မကြာမီမှာ NCA သဘောတူညီချက် အချိန်ဇယားများအတိုင်း နိုင်ငံရေးဆွေးနွေးပွဲများ စတင်ဖို့လည်း ကြိုးပမ်း ဆောင်ရွက်နေပြီဖြစ်တဲ့အတွက် နောင်ပေါ်ပေါက်လာမယ့် အစိုးရအနေနဲ့ ဒီအခြေခံကောင်းတွေ အပေါ်မှာ အကောင်းဆုံး ဆက်လက် ဆောင်ရွက်သွားနိုင်မယ်လို့ ယုံကြည်ပါတယ်။

ဒီမိုကရေစီစနစ်မှာ ရွေးကောက်ပွဲများသည် အဓိကကျသော်လည်း ဒီရွေးကောက်ပွဲ များဟာ သက်တမ်းအလိုက် အမြဲရှိနေမှာဖြစ်ပါတယ်။ ကျွန်တော်တို့ တိုင်းပြည်ရဲ့ စနစ်အရ ဆိုရင် ငါးနှစ်မှာတစ်ခါ ရွေးချယ်နေကြရမှာ ဖြစ်ပါတယ်။ ရွေးကောက်ပွဲရလဒ်များဟာ ပြည်သူလူထုရဲ့ အဆုံးအဖြတ်ဖြစ်ပါတယ်။ နိုင်ငံရေးပါတီများဟာလည်း ရွေးကောက်ပွဲ များမှာ နိုင်တဲ့ပါတီရှိမယ်၊ ရှုံးတဲ့ပါတီရှိမယ်။

သို့သော်လည်း ဒီမိုကရေစီစနစ်ဖြစ်တဲ့အတွက် ရွေးကောက်ပွဲမှာ အများစုအနိုင်ရပါတီများဟာ ပြည်သူလူထုရဲ့ အကျိုးစီးပွားအတွက် ဆောင်ရွက်ရမှာဖြစ်သလို အနည်းစုသာ အနိုင်ရတဲ့ပါတီများအနေနဲ့ကလည်း ဒီမိုကရေစီ ရဲ့ အရေးကြီးတဲ့ ကိစ္စတစ်ခုဖြစ်တဲ့ Check and Balance မပျောက်စေဖို့အတွက် ဆက်လက် ဆောင်ရွက်သွားရမှာ ဖြစ်ပါတယ်။

ဒါ့အပြင် ရွေးကောက်တင်မြှောက်ခြင်း မခံရတဲ့ ပါတီများအနေနဲ့ကလည်း လွှတ်တော်ပြင်ပ နိုင်ငံရေးအနေနဲ့ ထိန်းကျောင်း သွားရမှာ ဖြစ်ပါတယ်။ ဒါမှသာလျှင် ဒီမိုကရေစီစနစ်ဟာ အသက်ဝင်ရှင်သန်နေမှာ ဖြစ်ပါတယ်။ ဒါကြောင့် အပြန်အလှန် ထိန်းကျောင်းခြင်းဖြစ်စဉ် အားကောင်းနေစေဖို့ အတွက် နိုင်ငံရေးပါတီအားလုံးအနေနဲ့ ဆက်လက်ကြိုးပမ်းဆောင်ရွက်ကြဖို့ ဒီကနေ တိုက်တွန်းလိုပါတယ်။

တစ်ဖန် ကျွန်တော်တို့တိုင်းပြည်ဟာ အသွင်ကူးပြောင်းရေးဆောင်ရွက်နေတဲ့ နိုင်ငံဖြစ်တဲ့ အားလျော်စွာ အသွင်ကူးပြောင်းရေး အောင်မြင်ဖို့အတွက် အစိုးရနဲ့ လွှတ်တော်တို့မှာသာ တာဝန်ရှိတာမဟုတ်ဘဲ နိုင်ငံရေးအင်အားစုတိုင်းမှာ တာဝန်ရှိနေပါတယ်။ ဒါကြောင့် အသွင် ကူးပြောင်းရေး ပြီးမြောက်အောင်မြင်ဖို့ နိုင်ငံရေးပါတီတွေရဲ့အားက အရေးကြီးတဲ့ အခန်းကဏ္ဍမှာ ရှိနေပါသေးတယ်။ နောက်ပြီးတော့ ကျွန်တော်တို့ တိုင်းပြည်ရဲ့ အခြေအနေအရ ငြိမ်းချမ်းရေးဖြစ်စဉ်မှာလည်း နိုင်ငံရေးပါတီများရဲ့အခန်းကဏ္ဍ လိုအပ် ပါတယ်။

အထူးသဖြင့် ငြိမ်းချမ်းရေးဖြစ်စဉ်ကနေ ပေါ်ပေါက်လာမယ့် နိုင်ငံရေးဆွေးနွေးပွဲများမှာ နိုင်ငံရေးအင်အားစု အသီးသီးအနေနဲ့ မိမိတို့ကိုယ်စားပြုမယ့် အခန်းကဏ္ဍအလိုက် ပါဝင်ရမှာ ဖြစ်ပါတယ်။ ဒါကြောင့် နိုင်ငံရေးပါတီများအနေနဲ့ နိုင်ငံရေးဆွေးနွေးပွဲများနဲ့ ပတ်သက်ပြီး ပြင်ဆင်ထားကြရမယ်ဆိုတဲ့ အချက်ကိုလည်း မီးမောင်းထိုးပြလိုပါတယ်။

ရွေးကောက်ပွဲများ ရှိနေတာနဲ့အမျှ နိုင်ငံရေးပါတီများအနေနဲ့ အနိုင်အရှုံး ဆိုတာလည်း ရှိနေမှာဖြစ်ပါတယ်။ ရွေးကောက်ပွဲတစ်ခုပြီးတိုင်းမှာလည်း ပြည်သူလူထုများရဲ့ ရွေးချယ်မှု ဟာ အနည်းနဲ့အများ ပြောင်းလဲနေမှာဖြစ်ပါတယ်။ မည်သို့ပင် ပြောင်းလဲစေကာမူ အမှန်တကယ် အရေးကြီးတာကတော့ တိုင်းပြည်ကို တည်တည်ငြိမ်ငြိမ် အေးအေး ချမ်းချမ်းနဲ့ ဆက်လက် ဖွံ့ဖြိုးတိုးတက်နေစေဖို့ပဲဖြစ်ပါတယ်။ ဒါကတော့ အစိုးရတိုင်းက လုပ်ဆောင်ရမယ့် တာဝန်ပဲ ဖြစ်ပါတယ်။ တိုင်းပြည် တည်ငြိမ်အေးချမ်းပြီး ဖွံ့ဖြိုး တိုးတက်နေဖို့ အတွက်တော့ အားလုံးက ဆောင်ရွက်နေရမှာပဲ ဖြစ်ပါတယ်။

ကျွန်တော်တို့နိုင်ငံဟာ ဒီမိုကရေစီလမ်းကြောင်းပေါ်ကို စတင်လျှောက်လှမ်းစ၊ တစ်နည်း အားဖြင့် စနစ်ဟောင်းကနေ စနစ်သစ်ကို ကူးပြောင်းနေရတဲ့ နိုင်ငံဖြစ်ပါတယ်။ ဒါကြောင့် အပြောင်းအလဲမှာ စနစ်တကျနဲ့ သိမ်သိမ်မွေ့မွေ့ကူးပြောင်းဖို့လိုပါတယ်။ တစ်ဖန် ကျွန်တော်တို့နိုင်ငံရဲ့ ပထဝီအနေအထားနဲ့ ကမ္ဘာ့နိုင်ငံရေးဆိုတာတွေကိုလည်း ထည့်သွင်း စဉ်းစားရမှာ ဖြစ်ပါတယ်။ နိုင်ငံရေးအရ၊ စီးပွားရေးအရနဲ့ တိုင်းပြည်မှာ ဖော်ဆောင်နေတဲ့ ပြည်တွင်းငြိမ်းချမ်းရေးကိစ္စရပ်များအတွက် ဒီကိစ္စတွေဟာ အလွန်အရေးကြီးပါတယ်။ အစိုးရ တာဝန်ကို ထမ်းဆောင်မယ့် ပုဂ္ဂိုလ်များအနေနဲ့ ဒီအချက်ကို အထူး အလေး အနက်ထား ဆောင်ရွက်ရမှာလည်း ဖြစ်ပါတယ်။

ကျွန်တော့်အနေနဲ့ကတော့ ရွေးကောက်ပွဲမတိုင်မီကတည်းက ကျွန်တော် ရေဒီယိုမိန့်ခွန်းမှာ ကတိပေးပြောကြားခဲ့တဲ့အတိုင်းပဲ ရွေးကောက်ပွဲရလဒ်များသည် ပြည်သူများရဲ့ဆန္ဒကို ထင်ဟပ်တယ်လို့ အလေးအနက် ယုံကြည်ပါတယ်။ ရွေးကောက်ပွဲပြီးတဲ့နောက်မှာတော့ အသွင်ကူးပြောင်းရေးမှာ ချောချောမွေ့မွေ့ ဖြစ်ဖ်ို့လိုတယ်။

တိုင်းပြည်အနေနဲ့ တည်ငြိမ် အေးချမ်းပြီးဖွံ့ဖြိုးတိုးတက်မှုလမ်းကြောင်းပေါ်ကို တက်လှမ်းနိုင်ဖို့ လာမယ့်အနာဂတ် ရွေးကောက်ပွဲတွေဟာ ပိုမိုစနစ်ကျလာရမယ်။ ဒီမိုကရေစီစံနှုန်းတွေ မြင့်မားလာရမယ်ဆိုတဲ့ ဦးတည်ချက်များအတွက် ဒီကနေ့ ကျွန်တော်တို့ နိုင်ငံရေး အင်အားစုများအားလုံးမှာ တာဝန်ရှိပါတယ်။ ဒီလိုအရေးပါတဲ့ အခိုက်အတန့်မှာ ကျွန်တော်တို့အားလုံးရဲ့ ဆင်ခြင် သုံးသပ်နိုင်စွမ်း၊ ပူးပေါင်းဆောင်ရွက်နိုင်စွမ်းနဲ့ အမြော်အမြင်ကြီးမှုများက အဆုံးအဖြတ်ပေးသွားမှာ ဖြစ်ပါတယ်။

နိဂုံးချုပ်အားဖြင့် ဒီကနေ့ ကြွရောက်လာတဲ့ နိုင်ငံရေးပါတီခေါင်းဆောင်များ၊ နိုင်ငံရေး ပါတီများ အနေဖြင့်လည်းကောင်း၊ ပြည်သူလူထုတစ်ရပ်လုံးအနေဖြင့် လည်းကောင်း၊ ပြည်ထောင်စုသမ္မတမြန်မာနိုင်ငံတော်ကြီး ပိုမိုတည်ငြိမ်ဖို့၊ ပိုမိုငြိမ်းချမ်းသာယာဖို့၊ ပိုမိုဖွံ့ဖြိုး တိုးတက်ဖို့၊ ကျွန်တော်တို့ အားလုံး အတူတူလက်တွဲပြီး ပိုမိုကြိုးစားဆောင်ရွက် ကြပါစို့လို့ တိုက်တွန်း နှိုးဆော်ရင်း နိဂုံးချုပ်အပ်ပါတယ်။

(နိုင်ငံတော်သမ္မတ ဦးသိန်းစိန်သည် ၂၀၁၅ ခုနှစ် နိုဝင်ဘာလ ၁၅ ရက်နေ့၊ နံနက် (၁၀) နာရီတွင် ရန်ကုန်မြို့ရှိ ရန်ကုန်တိုင်းဒေသကြီး အစိုးရအဖွဲ့ရုံး မင်္ဂလာခန်းမ၌ နိုင်ငံရေး ပါတီများမှ ခေါင်းဆောင်များနှင့် တွေ့ဆုံစဉ် ပြောကြားချက်)

Ref : myanmarpresidentoffice