Thursday, March 12, 2015

ကျောင်းသား ဆန္ဒပြမှုများကို အင်အားသုံး မဖြိုခွင်းသင့်ဟု NLD, KIO နှင့် MJN တို့ ကြေညာချက်ထုတ်


လက်ပံတန်းနှင့် ရန်ကုန်ရှိ ကျောင်းသားဆန္ဒပြမှုတွင်  အင်အားသုံးဖြိုခွင်း၍ ကျောင်းသားများနှင့် သတင်းထောက် များကို ရိုက်နှက်ဖမ်းဆီးခြင်းများသည် ဒီမိုကရေစီ အသွင်ကူးပြောင်းရေးသို့ ဦးတည်နေ ချိန်တွင် မရှိသင့်တော့ဟု အမျိုးသားဒီမိုကရေစီအဖွဲ့ချုပ် (NLD)၊ ကချင်လွတ်မြောက်ရေးအဖွဲ့ (KIO) နှင့်  မြန်မာဂျာနယ်လစ်ကွန်ရက် (MJN) တို့က မတ်လ ၁၁ ရက်တွင် ကြေညာချက်များ ထုတ်ပြန်၍ တုံ့ပြန်လိုက်သည်။
NLD  ၏ကြေညာချက်တွင်  အကြမ်းမဖက်ရေးလမ်းစဉ်ကို လက်ခံယုံကြည်ပြီး တွေ့ဆုံဆွေးနွေး ညှိနှိုင်း အဖြေရှာရေးကို ယုံကြည်သဖြင့် မည့်သည့်အကြမ်းဖက်မှုမျိုးမဆို လက်မခံနိုင်ဟု ဖော်ပြထားသည်။

ဥရောပသမဂ္ဂက မြန်မာနိုင်ငံရဲတပ်ဖွဲ့၏ ပြည်သူဗဟိုပြုလုပ်ငန်းစဉ်နှင့် လူစုလူဝေးအား စနစ်တကျထိန်း သိမ်းခြင်း သင်တန်းပေးနေချိန်တွင် ရဲတပ်ဖွဲ့သည် ဥပဒေ၊ ရဲလက်စွဲတို့နှင့်အညီ စနစ်တကျလူစု ခွဲခြင်း ဖြစ်စေရမည် ဖြစ်သည်။ သို့သော် လိုအပ်သည်ထက် အင်အားသုံးဖြိုခွင်း၍ ရိုက် နှက်ခြင်း များပြုလုပ်ခြင်းကို စုံစမ်းရေးကော်မတီဖွဲ့၍ အစီရင်ခံစာကို အများပြည်သူသိရှိစေရန် အမြန်ဆုံးထုတ်ပြန် သင့်သည်ဟု ဖော်ပြထားသည်။

ကေအိုင်အိုကလည်း ၎င်း၏ကြေညာချက်တွင်  အကြမ်းဖက်ရိုက်နှက်ဖမ်းဆီးခြင်းကို ကန့်ကွက်ကြောင်း ၊ လျော်ကန်သည့် ပညာရေးဥပဒေ ပေါ်ပေါက်လာစေရန် ဆန္ဒဖော်ထုတ်သောကျောင်းသားထုအား လေး စားစွာ အသိအမှတ်ပြုကြောင်း ဖော်ပြထားသည်။

အစိုးရက အပြန်အလှန်ညှိနှိုင်းရေးလမ်းကြောင်းကို ငြင်းဆန်မျက်ကွယ်ပြုပြီး အင်အားသုံး အကြမ်းဖက်နှိမ် နင်းခြင်း သည် ပြည်တွင်းမငြိမ်မသက်မှု ပိုမိုကျယ်ပြန့်လာစေရန် ဖန်တီးနေသည်ဟု သုံးသပ်ကြောင်း ဖော်ပြ ထားသည်။

မြန်မာဂျာနယ်လစ်ကွန်ရက်က အမျိုးသားပညာရေးဥပဒေနှင့်ပတ်သက်၍ ပဲခူးတိုင်း လက်ပံတန်းမြို့တွင် ဆန္ဒပြနေသည့် ကျောင်းသားများကို မတ်လ ၁၀ ရက်က ရဲတပ်ဖွဲ့ဝင်များက အင်အားသုံး အကြမ်းဖက်ဖြိုခွဲစဉ် သတင်းထောက်များ ဖြစ်ကြောင်းသိရှိလျက်နှင့် ရိုက်နှက်ခြင်း၊ ဖမ်းဆီးခြင်းတို့လုပ်ဆောင်ခဲ့သည်ကို ကြားသိ ရသဖြင့် ယင်းလုပ်ရပ်သည် ၂၀၁၄ ခုနှစ်ကအတည်ပြုခဲ့သည့် သတင်းမီဒီယာ ဥပဒေပုဒ်မ (၇) အရ အရေး အခင်း၊ အဓိကရုဏ်း၊ အများပြည်သူဆန္ဒပြရာ နေရာ ဒေသတို့၌ သတင်းရယူစဉ်တွင် လုံခြုံရေးဆိုင်ရာ အဖွဲ့အစည်းတစ်ရပ်ရပ်၏ ဖမ်းဆီးထိန်းသိမ်းခြင်းမှ ကင်းလွတ်မှုရှိစေရန်နှင့် လုံခြုံရေးအကာအကွယ် ရယူခွင့်ရှိစေရန် ဖော်ပြပါရှိသော်လည်း လက်တွေ့တွင် သတင်းထောက်များမှာ ကာကွယ်ပေးမှု ရယူနိုင်ခြင်း မရှိဘဲ အကြမ်းဖက်မှုနှင့် ဖမ်းဆီးမှုကိုသာ ကြုံတွေ့ခဲ့ရခြင်းဖြစ်ကြောင်းဆိုသည်။

ယင်းလုပ်ရပ်များသည် ပြုပြင်ပြောင်းလဲရေးကို လိုလားသည်ဟုဆိုသော အစိုးရတစ်ရပ်က ပြုပြင်ပြောင်း လဲရေးတွင် အရေးပါသည့် ကဏ္ဍတစ်ခုမှ ပါဝင်သည့် စတုတ္ထမဏ္ဍိုင် ဘက်တော်သားများကို အကြမ်း ဖက်ခြင်းဖြစ်သည်ဟု ယူဆသည်။

ယင်းအပြင် ရွှေပြည်သာမြို့နယ်တွင် ဖြစ်ပျက်ခဲ့သည့် ဆန္ဒပြမှုဖြိုခွဲမှုဖြစ်စဉ်၌ သတင်းထောက်နှစ်ဦး ခေတ္တဖမ်း ဆီးခံရသည့် ဖြစ်စဉ်အပါအဝင် မတ်လ ၁၀ ရက် ဖြစ်စဉ်များအတွက်   မြန်မာဂျာနယ်လစ်ကွန်ရက်မှ ပြင်းထန် စွာကန့်ကွက်ပြီး အစိုးရက ကျိုးကြောင်းဆီလျော်သည့် တုံ့ပြန်ဖြေရှင်းမှုမျိုး လုပ်ဆောင်ပေးရန် မြန်မာဂျာနယ် လစ် ကွန်ရက်ကတောင်းဆို လိုက်သည်ဟု ဖော်ပြပါရှိသည်။

ယခုလိုဖြစ်ရပ်များ ထပ်မံမဖြစ်ပွားစေရေးအတွက် မြန်မာနိုင်ငံ စာနယ်ဇင်းကောင်စီ (ယာယီ) က  အစိုးရ တာဝန်ရှိသူများနှင့် ဆွေးနွေး၍ အာမခံချက်ရရှိအောင် လုပ်ဆောင်ပေးရန်လည်း တိုက်တွန်းကြောင်း ယင်းကြေညာချက်တွင် ပါရှိသည်။

အဆိုပါကြေညာချက်သုံးခုစလုံးတွင်  အစိုးရက  ဒီမိုကရေစီလမ်းကြောင်းသို့ သွားနေချိန်တွင် အကြမ်းဖက် မှုမားကို လုပ်ဆောင်နေခြင်းသည် မရှိသင့်သော လုပ်ရပ်များဖြစ်ပြီး  ယင်းအပေါ်အစိုးရက တာဝန်ယူဖြေ ရှင်းဆောင်ရွက် ပေး သင့်ကြောင်း ဖော်ပြထားသည်။

လက်ပံတန်းမှ ရန်ကုန်သို့ချီတက်မည့် ကျောင်းသားပင်မသပိတ်စစ်ကြောင်း ကို  မတ်လ ၁၀ ရက်က အကြမ်း ဖက် ဖြိုခွင်းပြီး  တစ်ရာကျော် ဖမ်းဆီးထား ခဲ့သည်။

Mizzima - News in Burmese

No comments:

Post a Comment

My Blog List