သမ္မတ ဦးသိန်းစိန် အစိုးရဟာ နိုင်ငံရေးတွေ့ဆုံဆွေးနွေးဖို့ ဆောင်ရွက်နေ တယ်ဆိုပေမယ့် လက်တွေ့ အကောင်အထည်ဖေါ်ရာမှာ တန်းတူခြင်း၊ တရားမျှတခြင်းမရှိတဲ့အပြင် နောက်ပြန်ဆုတ်တဲ့ လုပ်ဆောင် ချက်တွေ ရှိနေတယ်လို့ တိုင်းရင်းသား လက်နက်ကိုင်အဖွဲ့တွေ စုဖွဲ့ထားတဲ့ UNFC ညီညွတ်သော တိုင်းရင်း သားလူမျိုးများ ဖက်ဒရယ်ကောင်စီက ဒီကနေ့ ကြေညာချက်ထုတ်ပြန် ပြောကြားလိုက်ပါတယ်။
၂၀၀၈ ဖွဲ့စည်းပုံအခြေခံဥပဒေကို ပြင်ဆင်ဖို့ လွှတ်တော်မှာ ကန့်ကွက်တာတွေ ဟာ နောက်ကြောင်းပြန် ဆုတ်ချင်တဲ့အနေအထားတွေဖြစ်တယ်လို့ UNFC တွဲဖက်အထွေထွေ အတွင်းရေးမှူး ဗိုလ်မှူးကြီးခွန်ဥက္ကာက ပြောပါတယ်။
"ဒီသတင်းမှာက တခြားနိုင်ငံရေးပါတီတွေ ဒေါ်အောင်ဆန်းစုကြည်တို့ရဲ့NLD ပါတီတွေကနေပြီးတော့ ပြည်သူလူထုတွေကလည်း ၂၀၀၈ ဖွဲ့စည်းပုံပြင်ရေးကို ကြိုးစားနေကြတာကိုး၊ လွှတ်တော်ပြင်ပကလည်း လူငှားသလို၊ လွှတ်တော်အတွင်းကိုလည်း လက်မှတ်တွေရေးထိုးပြီးပေးပို့တော့ လွှတ်တော်အတွင်းက နေပြီးတော့ လုံးဝမပြင်တော့ဘူးဆိုပြီးတော့ ဆုံးဖြတ်ချက်တွေ ထွက်လာတယ် ကြားတော့ စိတ်မကောင်း စရာပေါ့၊ သို့သော်လည်းပဲ အဲ့ဒီလို လုံးဝမပြင်တော့ပဲနဲ့ အဲ့ဒီလိုပုံစံကြီးအတိုင်းသွားနေရင် အပစ်အခတ် ရပ်စဲရေးပြီးရင်တောင်မှ ကျနော်တို့က နိုင်ငံရေးဆွေးနွေးပွဲတွေ သွားရမယ်ဆိုတော့ အဲ့ဒီန်ိုင်ငံရေးဆွေးနွေး ပွဲတွေ မပြီးမပြတ်ဖြစ်သွားမှာကို စိုးရိမ်တယ်"
အောက်တိုဘာလ ၂၀ ရက်နေ့ကနေ ၂၂ ရက်နေ့ထိ ထိုင်းမြန်မာနယ်စပ်မှာ ကျင်းပခဲ့တဲ့ UNFC မျက်နှာ စုံညီအစည်းအဝေးအပြီးမှာ ကြေညာချက် ထုတ်ပြန်ခဲ့တာဖြစ်ပါတယ်။
အစိုးရတပ်မတော်က ကချင်၊ ရှမ်းနဲ့ ကရင်ပြည်နယ်တွေမှာ စစ်ဆင်ရေးတွေ ရှိနေဆဲဖြစ်တာကြောင့် ပြည် တွင်းငြိမ်းချမ်းရေးကို အမှန်တကယ် လိုလားမှုရှိ၊ မရှိ သံသယဖြစ်လာနေရကြောင်းလည်း အဲ့ဒီကြေညာချက် မှာ ဖော်ပြပါရှိ ပါတယ်။
RFA Burmese
No comments:
Post a Comment