အောက်တိုဘာ ၂၁ ရက်နေ့ သမ္မတကျမ်းသစာ ကျိန်ဆိုခဲ့တဲ့ အင်ဒိုနီးရှားသမ္မတ ကို ပြည်သူအများက မျှော် လင့်အားထားကြပြီး အင်ဒိုနီးရှားနိုင်ငံမှာ တခါမှ မရှိခဲ့ဖူးဘူးတဲ့ သမ္မတလို့ ပြောဆိုကြပါတယ်။အင်ဒိုနီးရှား နိုင်ငံ ရဲ့ ၇ ဦးမြောက် သမ္မတဖြစ်လာပြီး သန့်ရှင်းတဲ့အစိုးရဖြစ်လာဖို့နဲ့ ခိုင်ခိုင်မြဲမြဲ အမြစ်တွယ်နေတဲ့ ကိုယ် ကျိုးရှာနိုင်ငံရေးကို ဖယ်ရှားမယ်လို့ အင်ဒိုနီးရှားပြည်သူတွေကို ကတိပေးထားပါတယ်။
သမ္မတသစ်ဟာ အင်ဒိုနီးရှားနိုင်ငံသမိုင်းမှာ စစ်တပ်နဲ့ နိုင်ငံရေးအသိုင်း အ၀ိုင်း နောက်ခံမရှိပဲ တက်လာတဲ့ သမ္မတဖြစ်ပါတယ်။
လက်တွေ့ကျကျ စီမံအုပ်ချုပ်သူအဖြစ် ထင်ရှားသလို သာမန်မိသားစုကနေ ဆင်းသက်လာပြီး ကမ္ဘာ့အကြီး ဆုံး မွတ်စလင်နိုင်ငံရဲ့ ခေါင်းဆောင်ဖြစ်လာ သူလည်းဖြစ်ပါတယ်။
သမ္မတကို ထောက်ခံသူတဦးက သမ္မတဟာ ပွင့်လင်းပြီး လူထုနဲ့ တသား တည်းနေတဲ့ သမ္မတလို့ ပြောဆို ပါတယ်။
သယံဇာတကြွယ်ဝတဲ့ အင်ဒိုနီးရှားနိုင်ငံကို နိုင်ငံခြားရင်းနှီးမြှုပ်နှံမှု ဖိတ်ခေါ်ပြီး စီးပွားရေး ပြန်လည်တိုးတက် လာဖို့၊ နိုင်ငံကို ၀န်ထုပ်ဝန်ပိုးဖြစ်နေတဲ့ အစိုးရလောင်စာဆီ ထောက်ပံ့ရေးအစီအစဉ်တွေကို ဘယ်လို အပြောင်းအလဲ လုပ်မလဲ စတာတွေကို အရင်ဆုံး ကိုင်တွယ်ရမှာဖြစ်ပါတယ်။
တရိပ်ရိပ်တက်လာတဲ့ ကုန်ဈေးနှုန်းဒဏ်ကို ခါးစည်းခံနေရတဲ့ အင်ဒိုနီးရှား လူလတ်တန်းစားတွေလည်း သမ္မတသစ် ဘာလုပ်ပေးနိုင်လိမ့်မယ်လို့ မျှော်လင့်တကြီး စောင့်စားနေကြတာပါ။
အင်ဒိုနီးရှားသမ္မတဖြစ်လာပြီး ဘေကျင်းမြို့မှာ မကြာခင်ကျင်းပမယ့် အာရှပစိဖိတ်ထိပ်သီးဆွေးနွေးပွဲနဲ့ သြစတြေးလျနိုင်ငံမှာ ကျင်းပမယ့် G 20 ထိပ်သီးဆွေးနွေးပွဲ တွေကို တက်ရောက်မှာဖြစ်ပါတယ်။
DVB
No comments:
Post a Comment