ကိုပါကြီးသေဆုံးမှုအတွက် စုံစမ်းစစ်ဆေးမှုများပြုလုပ်ရန် တောင်းဆိုမည်

ကိုပါကြီး(ခ) ကိုအောင်နိုင်သေဆုံးမှုအတွက် လုံလောက်သည့် စုံစမ်းစစ်ဆေးမှုများပြုလုပ်ပေးရန် မြန်မာအစိုးရနှင့် တပ်မတော် သို့ တောင်းဆိုသွားမည်ဖြစ် ကြောင်း ၎င်း၏မိသားစုဝင်များ နှင့် လုပ်ဖော်ကိုင်ဖက်များက ပြောကြားလိုက် သည်။

လွန်ခဲ့သော တစ်လနီးပါး ကတည်းက မိသားစုဝင်များနှင့် အဆက်အသွယ်ပြတ် တောက် သွားခဲ့သည့် ကိုပါကြီးသည် အောက်တို ဘာ ၄ ရက်၌ မြန်မာ့တပ်မတော် ကင်းစောင့်စစ်သည်ထံမှ လက် နက်လုယူထွက်ပြေးရန်ကြိုးစား၍ ပစ်ခတ်ဖမ်းဆီးခံရပြီး သေဆုံးသွားကြောင်း အောက်တိုဘာ ၂၄ ရက်စွဲဖြင့် မြန်မာ့တပ်မတော်၏ ထုတ်ပြန်ချက်ထွက်ပေါ် လာပြီး နောက် ယင်းကဲ့သို့ တောင်းဆို လိုက်ခြင်းဖြစ် သည်။

ကိုပါကြီးသေဆုံးမှုနှင့်ပတ် သက်၍ မြန်မာ့တပ်မတော်နှင့် ကိုပါကြီး၏ လုပ်ဖော်ကိုင်ဖက်များအကြား နှစ်ဖက်ပြောဆိုမှု များမှာ ရှုပ်ထွေးလျက်ရှိသည်။

ကိုပါကြီးမှာ အလွတ်တန်း သတင်းထောက်ဟုတ်၊ မဟုတ် သက်ဆိုင်ရာသတင်း ဌာနတစ်ခုခုက အတည်မပြုခဲ့သော် လည်း တရားဥပဒေဘောင်အတွင်းနေထိုင် လုပ်ကိုင်နေသူနိုင်ငံသားတစ်ဦး ကို ဖမ်းဆီးပြီးဥပဒေမဲ့ ရိုက်နှက် စစ်ဆေး ခဲ့ခြင်းမှာ လူ့အခွင့်အရေး ချိုးဖောက်မှုတစ်ရပ်ဖြစ်ကြောင်း မြန်မာဂျာနယ်လစ်ကွန်ရက်မှ ဦး မြင့်ကျော်ကပြောကြားသည်။

ကိုပါကြီးမှာ ကျိုက်မရော တွင်ဖြစ်ပွားနေသည့်တပ်မတော် နှင့် DKBAတပ်တို့ တိုက်ပွဲများအ ကြားသတင်းဓာတ်ပုံများ လိုက်လံ ရယူနေသည့်သတင်းထောက်ဖြစ် ပြီး သတင်းလိုက်ရန် စက်တင်ဘာလကုန်ခန့်က ထွက်ခွာသွားကြောင်း ၎င်း၏ ဇနီးဒေါ်သန္တာက သတင်းစာရှင်းလင်းပွဲ၌ ပြော ကြားထားသည်။

၎င်း၏ဇနီးဖြစ်သူက အောက်တိုဘာ ၁၉ ရက်တွင် မွန်ပြည်နယ်ကျိုက်မရော ရဲစခန်းသို့ ကိုပါကြီးပျောက်ဆုံးကြောင်း အမှုဖွင့်တိုင်ကြားခဲ့သည်။ ထို့နောက် လေးရက်အကြာတွင် မြန်မာ့တပ်မတော်က ကိုပါကြီး သေဆုံးသွားပြီဖြစ်ကြောင်း သတင်းထုတ်ပြန်ခဲ့ ခြင်းဖြစ်သည်။

မြန်မာ့တပ်မတော်၏ ထုတ်ပြန်ချက်တွင် ကိုပါကြီးသည် လက်နက်ကိုင် တပ်ဖွဲ့တစ်ခုဖြစ်သည့် KKO စောဆန်းအောင် အဖွဲ့မှ ပြန်ကြားရေး တာဝန်ခံဗိုလ်ကြီးအဆင့်ရှိသူဖြစ်ကြောင်းထုတ်ပြန်ခဲ့သည်။

‘‘သူက ပြည်ပသတင်းဌာန တွေကို သတင်းအများဆုံးပို့တာ ဖြစ်တယ်။အရင်ဒေါ်အောင်ဆန်းစုကြည်ကို လုံခြုံရေး ယူပေးတဲ့ သုံးရောင်ခြယ်အဖွဲ့က အဖွဲ့ဝင်လည်းဖြစ်တယ်။ တကယ်လို့ဗျာ သူက လက်နက်ကိုင်အဖွဲ့ဖြစ်ပါ စေဦး။ သုံ့ပန်းအဖြစ်ပဲ ဆက်ဆံရ မှာ။ သုံ့ပန်းကိုသေတဲ့အထိညှဉ်း ပန်းနှိပ်စက်တာ စစ်ရာဇ၀တ်မှုပဲ။ သူ့ဇနီးက ကျိုက်မရော တိုင်းစစ်ဌာနချုပ်ကို သွားမေးတုန်းက နယ်လုံဝန်ကြီးဆီကိုလွှဲတယ်။ နယ်လုံကလည်း မသိဘူးပြောလို့ ကျိုက်မရော ရဲစခန်းမှာအမှုဖွင့်တယ်။အဲ ဒီအထိ ဘာမှမပြောဘဲ ဒေါ်သန္တာ က သတင်းစာရှင်းလင်းပွဲလုပ်ပြီး မှ တပ်ဘက် ကကြေညာချက်ထွက် လာတယ်။ ဗိုလ်ကြီးစန်းမင်း အောင်ဆိုတဲ့လူက ဖမ်းခေါ်တယ် လို့ဝန်ခံထားတယ်။ အဲဒါ သူတို့ ရှင်းကိုရှင်းရတော့မယ်’’ဟု တရား လွှတ်တော်ရှေ့နေဦးရောဘတ် စန်းအောင်ကပြောကြားသည်။

ကိုပါကြီး သေဆုံးမှုသည် မြန်မာနိုင်ငံသား တစ်ဦးအား မြန်မာ့တပ်မတော်မှ ယခုကဲ့သို့ လက်လွတ်စပယ် ဆောင် ရွက်ခြင်းသည် တိုင်းပြည်၏ ဂုဏ်သိက္ခာကို ထိပါးစေကြောင်း ၈၈ မျိုးဆက်(ငြိမ်းချမ်းရေးနှင့် ပွင့်လင်းလူ့အဖွဲ့အစည်း) ကလည်းဝေဖန်လိုက်ပြီး စုံစမ်းစစ်ဆေးမှုများပြုလုပ်ရန်လည်း တောင်းဆိုလိုက်သည်။

ကိုပါကြီးဖမ်းဆီးခံခဲ့ရ ကြောင်းသတင်းများ ထွက်ပေါ်နေချိန်တွင်လည်း ၎င်း၏ ဖေ့စ်ဘွတ်ခ်၊ ဂျီတော့နှင့် skype အစ ရှိသည့်အကောင့်များအားလုံး မကြာခဏအသုံးပြုနေသည့်ပုံစံမျိုး မြင်တွေ့နေရ ကြောင်း ၎င်း ၏ မိတ်ဆွေများက ပြောသည်။

ကိုပါကြီးဖြစ်စဉ်နှင့် ပတ် သက်၍ ကာယကံရှင်မိသားစုမှ ကျေနပ်မှုမရှိ၍ တိုင်ကြားပါက တပ်မတော်၏ လုပ်ထုံးလုပ် နည်းအရ စုံစမ်းစစ်ဆေးရေးခုံရုံးတင် ၍ ထပ်မံစစ်ဆေးဆောင်ရွက်မည် ဖြစ်ကြောင်း တပ်မတော်မှ ဒုတိယဗိုလ်မှူးကြီး ဟောင်း ပြန်ကြားရေး ဝန်ကြီး ဦးရဲထွဋ်က ပြောကြား သည်။

‘‘အောင်နိုင်(ခေါ်) ဦးပါကြီးဖြစ်စဉ်နဲ့ ပတ်သက်လို့ အရှေ့တောင်တိုင်း စစ်ဌာနချုပ်က မိသားစုတွေကို ဆက်သွယ်ပြီး အခြေအနေရှင်းပြဖို့ စီစဉ်နေပါပြီ။ လတ်တလော သိထားတဲ့ဖြစ်စဉ်ကတော့ သူ့ကို ရှေ့တန်းခေါ်သွားပြီး လက်နက်ဖော် ထုတ်တဲ့အခါ သုံးလက်ရတယ်။ နောက်ညဘက်မှာ ထွက်ပြေးဖို့ ကြိုးပမ်းတဲ့အတွက် ပစ် ခတ်ဖမ်းဆီးခံရပြီး သေဆုံးသွား တယ်လို့ သိရတယ်’’ဟု ဦးရဲထွဋ် ကပြောကြားသည်။

မြန်မာ့တပ်မတော်၏ ထုတ် ပြန်ချက်တွင် စက်တင်ဘာ ၂၆ ရက်၌ KKO အဖွဲ့သည် မြို့တွင်း လက်နက်ကိုင်ဆောင် ဝင်ရောက် ခြင်းမပြုရန် သွားရောက်ပြော ကြားခဲ့သည့် ကျိုက်မရောမြို့နယ် မြေခံတပ်နှင့် ရဲတပ်ဖွဲ့တို့ပါဝင် သည့် ပူးပေါင်းအဖွဲ့ကို KKO က ရုတ်ချည်းလက်နက်များချိန် ရွယ်ကာ ထိန်းသိမ်းခဲ့ကြောင်း၊ အဆိုပါ မြန်မာ့တပ်မတော်၏ ပူးပေါင်းအဖွဲ့ပြန်လည်မရောက် ရှိခဲ့သဖြင့် နောက်မှထပ်မံလိုက်ပါ သွားသည့် လုံခြုံရေးတပ်စိတ်တစ် စိတ်ကို KKO တို့က လက်နက် ငယ်များဖြင့် စတင်ပစ်ခတ်ပြီး ထပ်မံထိန်းသိမ်းခဲ့ကြောင်း ထုတ် ပြန်ခဲ့သည်။

ထို့နောက် KKO အဖွဲ့သည် သိမ်းဆည်းထားသည့် လက်နက်များယူဆောင်ကာ ကျိုက်မရော မြို့ အရှေ့ဘက်အတ္ထရံ မြစ်ကို ဖြတ်ကူးပြီး အရှေ့ဘက်သို့ ဆက် လက်ထွက်ခွာသွားကြောင်း မြန်မာ့တပ်မတော်က ထုတ်ပြန်ခဲ့သည်။ နယ်မြေ အတွင်း လက်နက် ကိုင်တပ်ဖွဲ့များအကြား စစ်ရေး တင်းမာနေချိန်တွင် မြို့၏စက် လှေဆိပ်များကိုအဝင်အထွက် စစ်ဆေးနေစဉ် စက်တင်ဘာ ၃၀ ရက် နံနက်က စက်လှေတစ်စီး ပေါ်တွင် ရေစိုလျက် ရွှံ့ဗွက်များ ပေကျံနေသည့် ကိုပါကြီးကို မသင်္ကာသဖြင့် အမှတ်(၂၀၈) ခြေမြန်တပ်ရင်းက ဖမ်းဆီးထိန်းသိမ်းခဲ့ခြင်းဖြစ်ကြောင်း သတင်းထုတ်ပြန်ခဲ့သည်။

ကိုပါကြီးအား နယ်မြေခံအမှတ် (၂၀၈) ခြေမြန်တပ်ရင်းသို့ လွှဲပြောင်းစစ်ဆေးရာ ၎င်းသည်KKO စောဆန်းအောင် အဖွဲ့မှ ပြန်ကြားရေး တာဝန်ခံဗိုလ်ကြီးအဆင့်ရှိ အောင်နိုင်ဖြစ်ကြောင်း၊ ကျိုက်မရောဖြစ်စဉ်တွင် ပါဝင်သော စောဝင်းဇော်အဖွဲ့ကို ရွှေဝါချောင်ကျေးရွာတွင် စောဆန်းအောင်နှင့်အတူသွားရောက်တွေ့ဆုံရန် ပူးပေါင်းခဲ့ သူဖြစ်ကြောင်းလည်း မြန်မာ့တပ်မတော်၏ ထုတ်ပြန်ချက်တွင် ပါဝင်ခဲ့သည်။

ကိုပါကြီးသည် ကျိုက်မရောဖြစ်စဉ်တွင် KKO စောဆန်းအောင်အဖွဲ့သိမ်းဆည်း သွားခဲ့သော လက်နက်များ အနက် အချို့ကို စက်တင်ဘာ ၂၈ ရက်တွင် ရွှေဝါချောင်ကျေးရွာအနီးတိုက်ပွဲဖြစ်ပွားပြီးနောက် အနီးတစ်ဝိုက်တွင်ဝှက်၍ အသီးသီးဆုတ်ခွာသွားကြောင်း ထွက်ဆိုခဲ့သည်ဟု မြန်မာ့တပ်မတော်က ထုတ်ပြန်ခဲ့သည်။

ကိုပါကြီးကို KKO စောဆန်းအောင်အဖွဲ့အား ပိတ်ဆို့ရှင်းလင်းနေသည့် လှုပ်ရှားစစ်ကြောင်းသို့ အောက်တိုဘာ ၄ ရက်တွင် လွှဲပြောင်းပေးခဲ့ကြောင်းနှင့် ယင်းနေ့ညနေတွင် သိမ်းဆည်းခံမြန်မာ့တပ်မတော်၏ လက်နက်သုံးလက်ကို ရွှေ ဝါချောင်ကျေးရွာအနီးတွင် ပြန်လည်တွေ့ရှိခဲ့ကြောင်းလည်း ထုတ်ပြန်ချက်၌ ရေးသားထား သည်။

ယင်းနေ့ည ၇ နာရီ ၄၅ မိနစ်တွင် ကိုပါကြီး(ခ)ကိုအောင်နိုင် သည် အပေ့ါသွားရန်အကြောင်း ပြပြီး ရုတ်တရက်ကင်း စောင့်နေသည့် ကင်းစောင့်စစ်သည်ကို တိုက်ခိုက်ကာ လက်နက်လုယူထွက်ပြေးရန်ကြိုးစားခဲ့ကြောင်း၊ ကင်းစောင့် စစ်သည်က ပစ်ခတ်ဖမ်းဆီးမှုကြောင့် သေနတ်ဒဏ်ရာဖြင့် အသေဖမ်းဆီးရမိခဲ့ခြင်း ဖြစ်ကြောင်း မြန်မာ့တပ်မတော်က သတင်းထုတ်ပြန်ခဲ့သည်။

ကိုပါကြီးသေဆုံးကြောင်း သတင်းထုတ်ပြန်ချိန်တွင် ဒေါ်သန္တာမှာ UNDP မှ ငြိမ်းချမ်းရေးနှင့် လူ့အခွင့်အရေးတက်ကြွ လှုပ်ရှားသူများကိုရွေးချယ်ချီးမြှင့်သည့် N Peace Award ငြိမ်းချမ်းရေးဆုကို ထိုင်းနိုင်ငံ၊ ဘန်ကောက်မြို့၌ လက်ခံရ ယူနေချိန်ဆုပေးပွဲအခမ်းအနားတွင် ကိုပါကြီး ကွယ်လွန်ခြင်းအတွက် တစ်မိနစ်ကြာ ငြိမ်သက်ခဲ့ကြသည်။

7Day Daily