ချင်းပြည်နယ်၊ မတူပီမြို့နယ်၌ မတူဖိုရမ်တစ်ခုအား ဧပြီ(၁၅)ရက်မှ (၁၇)ရက်အထိ ကျင်းပခဲ့ကြောင်းသိရ သည်။ ယင်းမတူဖိုရမ်တွင်အလွှာအသီးသီးမှာ ကိုယ်စားလှယ်(၃၇၉)ဦးကျော်တက်ရောက်ခဲ့ရာတွင် ရရှိ ခဲ့သော သဘောထား (၁၈)ချက်ကို မေ ၈ ရက်က MJNရုံးတွင် မတူဖိုရမ်ကျင်းပရေးကော်မတီမှ ထုတ်ပြန် ခဲ့ကြောင်း သိရသည်။
၎င်းမတူဖိုရိမ်တွင် တောင်ကြီး၊ပခုက္ကူ၊ဖားကန့်မှ ကိုယ်စားလှယ်များ ၊ဒေသခံမြို့မိမြို့ဖများ၊ဆွေမျိုးစု ခေါင်းဆောင်များ၊ လွတ်တော်ကိုယ်စားလှယ်များ၊နိုင်ငံရေးပါတီမှ ကိုယ်စားလှယ်များ၊အသင်းတော် ဂိုဏ်းဂဏ အသီးသီးနှင့် ဘာသာပေါင်းစုံမှ ခေါင်းဆောင်များ၊အမျိုးသမီးကိုယ်စားလှယ်များ ကျောင်းသား အဖွဲ့ ကိုယ်စားလှယ်များ စသည့် အလွှာပေါင်းစုံမှ ကိုယ်စားလှယ် စုစုပေါင်း(၃၇၉)ဦး တက်ရောက်ခဲ့ကာ သဘောထား(၁၈)ချက်ကို သဘောတူလက်မှတ် ရေးထိုးခဲ့ကြောင်းသိရသည်။
“မတူဖိုရမ်အဓိကလုပ်ဖြစ်တာကတော့ အမျိုးသမီးတွေရဲ့အခွင့်အရေးတွေနည်းပါးလာတယ် ရွေ့ပြောင်း တောင်ယာစနစ်ကြောင့် သဘာဝပတ်ဝန်းကျင်ပျက်စီးလာတယ် ဒါကြောင့် မတူဖိုရမ်ကနေ သဘာဝ ထိန်းသိမ်းစောင့်ရှောက်ရေး၊စောင့်ကြည့်လေ့လာရေးအဖွဲ့ကို ဖွဲ့မယ်ပြီးရင်မတူမျိုးနွယ်တွေရဲ့ ရိုးရာ ယဉ်ကျေး မှုပြန်လည်အသက်ဝင်အောင်လုပ်မယ် ပညာရေးအဆင့်ကိုလည်း မြှင့်တင်သွားမယ် မတူဖိုရမ်အဖွဲ့ဟာ မတူမျိုးနွယ်တစ်စုထဲအတွက်ပဲ မဟုတ်ဘူး ချင်းပြည်နယ်တစ်ခုလုံးအတွက် အလုပ်လုပ်သွားမှာဖြစ်ပါ တယ်”ဟု မတူဖိုရိမ်ဥက္ကဌ ဦးငိုင်ဆာ့ခ်ကပြောသည်။
အဆိုပါ သဘောထား (၁၈)ချက်မှာ (၁)မတူစာပေတစ်မျိုးတည်းဖြစ်ရေးအတွက် စာပေနှီးနှောဖလှယ်ပွဲများ ပြုလုပ်ရန်နှင့် စာပေပညာရှင်များ၊ဘာသာစကားဆိုင်ရာ ပညာရှင်များ မွေးထုတ်သွားမည်(၂)မတူမျိုးနွယ်စု ဆင်းသက်လာပုံ သမိုင်း ဖော်ထုတ် နိုင်ရေးအတွက် သမိုင်းသုတေသနအဖွဲ့အား ဖွဲ့စည်းခြင်း (၃)လက်ရှိ ကျင့်သုံးနေသော မတူဓလေ့ထုံးတမ်းဥပဒေကို တည်ဆဲဥပဒေများ၊ကုလသမဂ္ဂကွန်ဗင်းရှင်းသဘောတူစာချုပ် များနှင့် အညီပြင်ဆင်ပြောင်းလဲရေး (၄)ခိုင်မာကျစ်လစ်သော် မတူလူမှုအဖွဲ့ အစည်းများ ကိုကျေးရွာ၊ရပ်ကွက်အဆင့်မှမြို့နယ်အဆင့်အထိစနစ်တကျဖွဲ့စည်းခြင်း(၅)မတူ အမျိုးသမီးများသည် အမျိုးသားများ နည်းတူ ကဏ္ဍတိုင်းတွင် တန်းတူအခွင့်အရေးရရှိနိုင်ရေးအတွက် မတူဓလေ့ထုံးတမ်း ဥပဒေတွင်ရေး ဆွဲပြဌာန်းနိုင်ရန် ကြိုးပမ်း ဆောင်ရွက်ခြင်း(၆)မတူပီမြို့နယ် အတွင်းဝမ်းစာဖူလုံရေး၊အလုပ် လက်မဲ့ပြဿနာနှင့် ကုန်ဈေးနှုန်းမြင့်တက်နေမှုများကို ထိန်းချုပ်နိုင်ရန်ရည်ရွယ်လျက် စိုက်ပျိုးရေး၊မွေးမြူရေးနှင့်အခြား ဝန်ဆောင် မှုလုပ်ငန်းများအတွက်အစိုးရမှနည်းပညာအားဖြင့် သော်လည်းကောင်း၊ ချေးငွေများ ထုတ်ချေးပေးခြင်း၊ ကူညီပံ့ပိုးပေးရန်တိုက်တွန်းသွားမည် (၇) ဒေသအတွင်း အသေးစားစက်မှု လုပ်ငန်းများအကောင်အထည် ဖော်နိုင်ရန်၊ ရေပေးဝေမှုစနစ်၊ လျှပ်စစ်ဓါတ်အား၊တယ်လီဖုန်းဆက်သွယ်ရေး၊ အင်တာနက်ကွန်ရက် နှင့်လမ်းပန်းဆက်သွယ်ရေး တိုးမြင့်ဆောင်ရွက်ပေးရန် တိုက်တွန်းခြင်း (၈)အစိုးရမှ ပြည်သူများအတွက် သုံးစွဲသော ဘတ်ဂျက်အား တိုင်းရင်းသားပြည်သူများ နားလည်နိုင်အောင် ရှင်းပြရန်တိုက်တွန်းခြင်း (၉)အစိုးရမှ သဘာဝ သယံဇာတအရင်းမြစ်များ တူးဖော်ခြင်းမှရရှိသောအခွန်ဘဏ္ဍငွေများကိုပွင့်လင်းမြင် သာမှုရှိရန် အပြည်ပြည်ဆိုင်ရာ စံနှုန်းများအတိုင်းလုပ်ဆောင်ရန် တိုက်တွန်းခြင်း (၁၀) ဒေသဆိုင်ရာ ဖွံ့ဖြိုးရေး လုပ်ငန်းများဖော်ဆောင်ရာတွင် ပိုမိုအကျိုးရှိပြီး ထိရောက်လွယ်ကူစေရန်နှင့် ပွင့်လင်းမြင်သာမှု ရှိစေရန် အတွက် အပြန်အလှန် စောင့်ကြည့်လေ့လာခြင်း အစီစဉ်ချမှတ်ဆောင်ရွက်ခြင်း (၁၁)ခေတ်နှင့် အညီ အရည်အသွေးမြင့် ပညာရေး၊ ကျောင်းပြင်ပ ပညာရေးနှင့်အသက်မွေးဝမ်းကြောင်း ပညာရေးများ လေ့လာဆည်းပူးနိုင်ရန် တွန်းအားပေးခြင်း(၁၂)မတူပညာရေးမြင့်တင်မည့်အဖွဲ့အစည်း ဖွဲ့စည်းတစ်ရပ် ထူထောင်သွားမည် (၁၃) ပညာရေးဆိုင်ရာ သုတေသန တိုးမြင့်ဆောင်ရွက်ခြင်း (၁၄) မတူရိုးရာယဉ်ကျေး မှုပြတိုက်များ ထူထောင်နိုင်ရန် (၁၅)လူငယ်များ၏ စွမ်းဆောင်ရည်မြင့်မားလာစေရန်အတွက် အထောက် အကူဖြစ်စေမည့် လူငယ်စင်တာတစ်ခုကို သက်ဆိုင်ရာ (MultiStakeholder)များနှင့် အမြန်ဆုံး ပူးပေါင်း ထူထောင်ခြင်း (၁၆) အထင်ကရနေရာများဖြစ်သော (ဘုံတလာ၊လုံကီလ်း၊ ဘုံမွလ်၊ ကိုင်ဆီး၊လွီးစန်း) တောင်ကြောများကို မတူပီနယ် ကြိုးဝိုင်းအတွင်းရှိ ဘေးမဲ့တောအဖြစ် သတ်မှတ်နိုင်ရန်ကြိုးပမ်းခြင်း (၁၇)ရွှေ့ပြောင်းတောင်ယာ စနစ်ကျင့်သုံးခြင်းမှ အမြဲတမ်း စိုက်ကွက်များဖော်ထုတ်ရန် ကြိုးပမ်းခြင်း (၁၈)သဘာဝပတ်ဝန်းကျင် ထိန်းသိမ်း စောင့်ရှောက်ရေးလုပ်ငန်းများကို အမြဲစောင့်ကြည့် လုပ်ဆောင်မည့် စောင့်ကြည့်လေ့လာ ထိန်းသိမ်းရေးအဖွဲ့များ (Watch Groups)ကို ဖွဲ့စည်းဆောင်ရွက်ခြင်း တို့ဖြစ်ကြောင်း သိရှိရသည်။
ချစ်မင်းထွန်း
The Myanmar Age
No comments:
Post a Comment