နိုင်ငံတော်သမ္မတရုံး ပြည်ထောင်စုဝန်ကြီး ဦးအောင်မင်းက ကယားပြည်နယ် အမျိုးသားလွှတ်တော် မဲဆန္ဒနယ် အမှတ် ၇ ကနေ တစ်သီးပုဂ္ဂလအဖြစ် ရွေးကောက်ပွဲဝင်ဖို့အတွက် လွိုင်ကော်ခရိုင် ရွေးကောက် ပွဲကော်မရှင်ရုံးခွဲမှာ အမည်စာရင်းတင်လိုက်ပါတယ်။ ၀န်ကြီး ဦးအောင်မင်း ၀င်ရောက်ယှဉ်ပြိုင် မယ့် မဲဆန္ဒနယ်မှာ လူဦးရေ ၄ထောင်ကျော်ရှိတဲ့ ရှားတောမြို့နယ် တစ်ခုလုံး ပါဝင်တယ်လို့ လွိုင်ကော်ခရိုင် ရွေးကောက်ပွဲကော်မရှင် အရာရှိ ဦးညီညီမင်း က ပြောပါတယ်။
"ဦးအောင်မင်းက ၁၁ ရက်နေ့က ကိုယ်စားလှယ်အနေနဲ့ တင်တာပါ၊ သူ့မဲဆန္ဒနယ်က ရှားတောမြို့တစ်မြို့ လုံးပါ မဲဆန္ဒနံပါတ် ၇ ပါ လူဦးရေက လေးထောင်နီးပါရှိပါတယ်"
ဝန်ကြီး ဦးအောင်မင်း ရွေးကောက်ပွဲဝင်မယ့် အမျိုးသားလွှတ်တော် မဲဆန္ဒနယ် ၇ မှာ ပြည်ထောင်စု ကြံ့ခိုင်ရေးနဲ့ ဖံွ့ဖြိုးရေးပါတီနဲ့ ကယား လူမျိုးစုဒီမိုကရေစီပါတီက ကိုယ်စားလှယ်လောင်းတွေလည်း ၀င်ရောက် ယှဉ်ပြိုင်မှာဖြစ် ပါတယ်။ ၀န်ကြီး ဦးအောင်မင်းဟာ ပြီးခဲ့တဲ့ ၂၀၁၀ ရွေးကောက်ပွဲမှာ ပဲခူးတိုင်း ဒေသကြီး တောင်ငူမြို့နယ် ပြည်သူ့ လွှတ်တော်ကိုယ်စားလှယ်အဖြစ် ရွေးကောက်ခံခဲ့တာဖြစ်ပါတယ်။
အလားတူ ပြည်ထောင်စုဝန်ကြီး ဦးစိုးသိန်းဟာလည်း ကယားပြည်နယ် အမျိုးသားလွှတ်တော် မဲဆန္ဒနယ် ၉ မှာ ၀င်ရောက်ယှဉ်ပြိုင်ဖို့ အမည်စာရင်းတင်ထားပါတယ်။
ကယားပြည်နယ်တစ်ခုလုံးမှာ လူဦးရေ ၂သိန်း ၇သောင်းကျော်ရှိရာ အဲဒီထဲမှာ မဲပေးခွင့်ရှိသူ ၁သိန်းခွဲ ကျော်ရှိတယ်လို့ သိရပါတယ်။
RFA
No comments:
Post a Comment