Saturday, August 15, 2015

သူရဦးရွှေမန်းအား ဖမ်းဆီးထိန်းသိမ်းထားခြင်းမရှိ၊ ပြည်သူများ၏ ကောင်းကျိုးချမ်းသာအတွက် ပြည်သူများနှင့်အတူ နောက်ဆုံးအချိန်အထိ ဆက်လက်ဆောင်ရွက်သွားပါမည်ဟု သူရဦးရွှေမန်း Facebook စာမျက်နှာ မှတစ်ဆင့် ပြောကြား


ပြည်သူများ၏ ကောင်းကျိုးချမ်းသာအတွက် ပြည်သူများနှင့်အတူ နောက်ဆုံးအချိန်အထိ ဆက်လက်ဆောင် ရွက်သွားပါမည်ဟု ပြည်ထောင်စုလွှတ်တော် နာယက ပြည်သူ့လွှတ်တော်ဥကဋ္ဌ သူရဦးရွှေမန်းက ၄င်း၏ facebook စာမျက်နှာမှတစ်ဆင့် ပြည်သူလူထုထံသို့ သြဂုတ် ၁၄ ရက်တွင် ပြောကြား သည်။

သူရဦးရွှေမန်းက ''စေတနာ၊ မေတာ၊ စာနာမှုများဖြင့် မိမိအား မေးမြန်းကြသည့် ပြည်သူများအား ကျေးဇူး တင်ရှိပါတယ်။ ပြည်သူလူထု၏ မေတာ၊ စေတနာကို အလေးထား လေးစားတန်ဖိုးထားပြီး ပြည်သူများ၏ ကောင်းကျိုးချမ်းသာအတွက် ပြည်သူများနှင့်အတူ နောက်ဆုံးအချိန်အထိ ဆက်လက်ဆောင်ရွက်သွားပါ မယ်။ အများအကျိုး ဆောင်ရွက်နိုင်ကြပါစေ'' ဟု ပြည်သူလူထုထံသို့ ၄င်း၏ facebook စာမျက်နှာမှတစ် ဆင့် ပြောကြား သည်။

ထို့ပြင် ပြည်ထောင်စုလွှတ်တော်နာယက ပြည်သူ့လွှတ်တော်ဥကဋ္ဌ သူရဦးရွှေမန်းသည် နေပြည်တော် လွှတ်တော်ဝင်းအတွင်းရှိ လွှတ်တော်ဥကဋ္ဌရုံး တက်ရောက်လျက်ရှိကြောင်း သတင်းရရှိသည်။

''အဘကတော့ လွှတ်တော်ထဲမှာ ရုံးတက်နေပါတယ်။ ကျွန်တော်တို့ ဒီမနက် ရုံးတက်နေပါတယ်''ဟု သူရ ဦးရွှေမန်း၏ ကိုယ်ရေးအရာရှိ ဗိုလ်မှူးကြီး အောင်ဝင်းထွန်းက သြဂုတ် ၁၄ ရက် နံနက်တွင် ပြောကြား သည်။

ထို့ပြင် ပြည်ထောင်စုလွှတ်တော်နာယက ပြည်သူ့လွှတ်တော်ဥကဋ္ဌ သူရဦးရွှေမန်းအား နေအိမ်အကျယ် ချုပ် ချထားသည်ဆိုသော သတင်းများ ထွက်ပေါ်မှုကိုလည်း ၄င်းက ငြင်းဆိုခဲ့ပြီး ကောလာဟလသာ ဖြစ်ကြောင်း ဆက်လက်ပြောကြားသည်။

ပါတီထိပ်ပိုင်းရာထူးများမှ ဖယ်ရှားခံခဲ့ရသည့် အထွေထွေအတွင်းရေးမှူး ဦးမောင်မောင်သိမ်း၊ ဗဟိုအလုပ် အမှုဆောင် သူရဦးအောင်ကိုတို့အား ဖုန်းဖြင့် ဆက်သွယ်ရာ အဆက်အသွယ် မရခဲ့ပေ။

ဦးမောင်မောင်သိမ်း၏ ကိုယ်ရေးအရာရှိအား ဖုန်းဖြင့် ဆက်သွယ်မေးမြန်းရာ ၄င်းအနေဖြင့် ခရီးသွားနေ ကြောင်းနှင့် ဦးမောင်မောင်သိမ်း၏ ဖုန်း ပိတ်ထားလိမ့်မည်ဟုသာ ဖြေကြားသည်။

နေပြည်တော် ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီရုံးချုပ်တွင် သြဂုတ် ၁၃ ရက်က ဗဟိုအလုပ် အမှုဆောင် ကော်မတီ အစည်းအဝေး နှစ်ကြိမ်တိုင် ပြုလုပ်ခဲ့ပြီး ဗဟိုအလုပ်အမှုဆောင် ကော်မတီအဖွဲ့ အား အသစ်ပြန်လည် ဖွဲ့စည်းခဲ့သည်။

ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီဥက္ကဋ္ဌ သူရဦးရွှေမန်း၊ အထွေထွေအတွင်းရေးမှူး ဦးမောင်မောင် သိမ်း အပါအ၀င် ဗဟိုအလုပ်အမှုဆောင် ကော်မတီဝင် အချို့အား ပါတီထိပ်ပိုင်းရာထူးများမှ ဖယ်ရှားခဲ့ပြီး အတွင်းရေးမှူး အဖွဲ့ဝင်များကိုလည်း ပြန်လည်ဖွဲ့စည်းခဲ့သည်။

ပြန်လည်ဖွဲ့စည်းခဲ့သော ကော်မတီအသစ်တွင် ဦးသိန်းစိန် ဥက္ကဋ္ဌ၊ နိုင်ငံတော်သမ္မတ၊ ဦးဌေးဦး ဒုတိယ ဥက္ကဋ္ဌ/ဥက္ကဋ္ဌ ပူးတွဲတာဝန်၊ ဦးတင်ထွတ်၊ ဦးစိုးသာ၊ ဗဟိုအတိုင်ပင်ခံ/ပြည်သူ့လွှတ်တော်ကိုယ်စားလှယ်၊ ဦးခင်အောင် မြင့် ဗဟိုအတိုင်ပင်ခံ/အမျိုးသားလွှတ်တော် ဥက္ကဋ္ဌနှင့် သူရဦးအေးမြင့်/ ဒုတိယဥက္ကဋ္ဌ၊ ဗဟို အကြံပေးများအဖြစ် ဦးသောင်း၊ ဦးလွန်းသီ၊ ဒေါက်တာ ချမ်းငြိမ်း၊ ဦးသိန်းဇော်၊ ဦးသိန်းဆွေ၊ ဒေါက်တာ ကျော်မြင့်၊ ဒေါက်တာမြဦး တို့ဖြစ်ပြီး ဦးတင်နိုင်သိန်း/အထွေထွေ အတွင်းရေးမှူး၊ ဦးသက်နိုင်ဝင်း/ တွဲဖက် အထွေထွေ အတွင်းရေးမှူးတို့ဖြစ်ကြောင်း သိရသည်။

ထို့ပြင် သူရဦးရွှေမန်းအား ယခုကဲ့သို့ အာဏာရပါတီ ထိပ်ပိုင်းခေါင်းဆောင် ပိုင်းမှ ဖယ်ရှားခဲ့သဖြင့် အခြား သော အရေးယူမှုများ ပြုလုပ်မည်သတင်းများ ထွက်ပေါ်နေခြင်းသည် မည်သည့်အတွက်ကြောင့်ဖြစ် ကြောင်း သတင်း ထောက်တစ်ဦး၏ မေးမြန်းမှုအား ၎င်းတို့အနေဖြင့် အဆိုပါကိစ္စရပ်သည် သက်ဆိုင်ခြင်း မရှိကြောင်း ဗဟိုအတွင်းရေးမှူး ဒေါက်တာမောင်မောင်ဌေး က သတင်းထောက်များအား သြဂုတ် ၁၃ ရက်တွင် ပြောကြားသည်။

“အဲဒါကျွန်တော်တို့နဲ့ သက်ဆိုင်ခြင်း မရှိပါဘူး။ အရေးယူမယ်ဆိုတဲ့ စကား ကတော့ အခုချိန်ထိတော့ မပြော ပါနဲ့” ဟု ဒေါက်တာမောင်မောင်ဌေး က ပြောကြားသည်။

သူရဦးရွှေမန်းသည်၂၀၁၀ ရွေးကောက်ပွဲတွင် ဇေယျာသီရိမဲဆန္ဒနယ်မှ ပြည်သူ့လွှတ်တော် ကိုယ်စားလှယ် အဖြစ် ရွေးကောက်ခံခဲ့ပြီး ပြည်သူ့ လွှတ်တော် ဥက္ကဋ္ဌတာဝန်နှင့် အလှည့်ကျ ပြည်ထောင်စု လွှတ်တော် နာယက တာဝန်ထမ်းဆောင်နေသူ တစ်ဦးဖြစ်သည်။

ခေတ္တရပ်နားထားသည့် လွှတ်တော်အစည်းအဝေးများ သြဂုတ် ၁၈ ရက်တွင် ပြန်လည်ကျင်းပမည်ဖြစ် သည်။

Eleven Media Group

No comments:

Post a Comment

My Blog List