လွတ်လပ်ရေးရပြီးကတည်းက အမြစ်တွယ်ခဲ့သော ပြည်တွင်း စစ်ကို နိုင်ငံရေးနည်းလမ်းအရ ဆွေးနွေး ညှိနှိုင်းလျက် သူနိုင်ကိုယ်နိုင်ဖြေရှင်းနိုင်ခြင်းမရှိလျှင် ဒီမိုကရေစီပြုပြင်ပြောင်းလဲရေးသည် အချည်းနှီး ပင် ဖြစ်သည်။
အပစ် အခတ်ရပ်စဲရေးသည် ပြည်တွင်း စစ်ချုပ်ငြိမ်းရေး၏ ကနဦးခြေ လှမ်းဖြစ်ပြီး နောင်လာမည့် ခြေလှမ်း များနှင့်အတူ ခယောင်းလမ်း ရှည်ကြီးကို ဖြတ်သန်းရဦးမည် ဖြစ်သည်။ အပစ်ရပ်အလွန်၊ ခြေလှမ်းများ ပို စိပ်လေ၊ နိုင်ငံရေး ခေါင်းဆောင်များနှင့် တိုင်းရင်းသားခေါင်းဆောင်များအကြား လက်ချင်းချိတ်ထားရေး သည် ဗျူဟာမြောက် ပိုအရေးကြီးလေ ဖြစ် သည်။
၂၀၁၅ ခုနှစ် မတ်လ ၃၁ ရက်နေ့တွင် ရန်ကုန်မြို့ မြန်မာနိုင်ငံ ငြိမ်းချမ်းရေးပြန် လည်ထူထောင် ရေးလုပ် ငန်းဗဟိုဌာန၌ ပြည် ထောင်စုငြိမ်းချမ်းရေးဖော်ဆောင် ရေးလုပ်ငန်းကော်မတီ (ယူပီဒဗ လျူစီ)နှင့် တစ်နိုင်ငံ လုံးအပစ်အ ခတ်တိုက်ခိုက်မှုရပ်စဲရေးဆိုင်ရာ ညှိနှိုင်းရေးအဖွဲ့ (အင်န်စီစီတီ)တို့ သည် အခန်း ခုနစ်ခန်း၊ အပိုဒ် (၃၃)ပိုဒ်၊ အပိုဒ်ခွဲပေါင်း (၈၆) ခုပါရှိ သော တစ်နိုင်ငံလုံးပစ်ခတ်တိုက် ခိုက်မှုရပ်စဲရေးစာချုပ် (အင်န် စီအေ) အတည်ပြုမူကြမ်းကို နှစ်ဖက်သဘောတူညှိနှိုင်းပြုစုရေးဆွဲပြီးစီးကြောင်း အတည်ပြုချက်ကို လက် မှတ်ရေးထိုးခဲ့ကြသည်။
လက်မှတ်ရေးထိုးပွဲအခမ်း အနားသို့ တက်ရောက်ရန် နေပြည်တော်မှ အထူးလေယာဉ်ဖြင့် ရောက်ရှိလာ ခဲ့သော သမ္မတ ဦးသိန်းစိန်က ငြိမ်းချမ်းရေးသည် ပြည်သူများ၏ လိုလားချက်၊ ဆန္ဒ နှင့် မျှော်လင့်ချက်ဖြစ် ပါကြောင်း၊ ယခုသဘောတူညီချက်သည် တစ် နိုင်ငံလုံးပစ်ခတ် တိုက်ခိုက်မှုရပ်စဲ ရေးစာချုပ် (အင်န်စီအေ) လက်မှတ်ရေးထိုးနိုင်ရေးအတွက် တွန်းအား တစ်ရပ်ဖြစ်ပါကြောင်း၊ ယခုဧပြီလအတွင်း အင်န်စီအေလက် မှတ်ရေးထိုးနိုင်ရန် သေချာစွာဆောင်ရွက်နိုင်တော့မည် ဖြစ်ကြောင်းတို့ကို မိန့်ခွန်းတွင် ထည့်သွင်းပြောကြား ခဲ့သည်။
သမ္မတ၊ ပြည်ထောင်စုအစိုးရအဖွဲ့နှင့် အာဏာရပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီတို့သည် ပြည်သူ များ၏ ငြိမ်းချမ်းရေး လိုလားချက်၊ ဆန္ဒနှင့်မျှော်လင့် ချက်ကို လေးနှစ်တာသက်တမ်းအတွင်း ဆုပ်ဆုပ်ကိုင် ကိုင်မဖြည့် ဆည်းပေးနိုင်သည်မှာ လယ်ပြင်မှာ ဆင်သွားသလို ထင်ရှားလျက် ရှိနေသည်။
သမ္မတ ဦးဆောင် သော နိုင်ငံတော်ကာကွယ်ရေးနှင့် လုံခြုံရေးကောင်စီအနေဖြင့် တစ် နိုင်ငံလုံးပစ်ခတ် တိုက်ခိုက်မှုရပ်စဲ ရေးကို တစ်ဖက်သတ်ထုတ်ပြန် နိုင်ခဲ့မည်ဆိုလျှင်၊ အထွေထွေ လွတ်ငြိမ်းချမ်းသာခွင့် အမိန့်နှင့်အတူ မတရားအသင်းအက်ဥပဒေ နှင့် မတရားအသင်းအဖြစ် စာရင်းထည့်သွင်းမှုများကို ပယ် ဖျက်နိုင်ခဲ့မည်ဆိုလျှင် လွန်ခဲ့သော လေး နှစ်နီးနီးကာလကတည်းက ထိ ရောက်၊ တွင်ကျယ်၊ ရေရှည်အမြင် ရှိပြီး မဟာဗျူဟာမြောက်သောနိုင်ငံရေးဆွေးနွေးပွဲများကို စတင် ပြီးဖြစ်မည်ဟု သုံးသပ်နိုင်သည်။
တစ်နိုင်ငံလုံးပစ်ခတ်တိုက် ခိုက်မှုရပ်စဲရေးစာချုပ် (အင်န်စီ အေ)အတည်ပြုမူကြမ်းအား နှစ်ဖက်သဘောတူ ညှိနှိုင်းပြုစုရေးဆွဲ ပြီးစီးကြောင်း အတည်ပြုချက် ကို လက်မှတ်ရေးထိုးနိုင်ခဲ့ခြင်း သည် အင်န်စီအေ (အချော) ကို လက်မှတ်ရေးထိုးနိုင်ရေးအတွက် တွန်းအားတစ်ရပ်ဟု ဆိုခြင်း ထက် အခြေခံကောင်း၊ အစ ကောင်း ဟုသာ သတ်မှတ်နိုင်မည် ဖြစ်သည်။ အစိုးရသည် မည်သည့် နည်းလမ်းဖြင့်ဖြစ်စေ၊ ဖိအားပေးသည့် အသွင် သဏ္ဌာန်ဘက်ဦးတည် မသွားရန် သတိကြီးကြီးထားရမည် ဖြစ်သည်။ လက်တွေ့အား ဖြင့် တစ်နိုင်ငံလုံး ပစ်ခတ်တိုက် ခိုက်မှုရပ်စဲရေးစာချုပ် (အင်န်စီ အေ)ကို ဧပြီလအတွင်း လက်မှတ် ရေးထိုးနိုင်ရန် ဖြစ်နိုင်ခြေ နည်းပါး ဦးမည်ဟု သုံးသပ်နိုင်သည်။
သမ္မတအနေဖြင့် အလွန်နီးကပ် လွန်းသော ကာလအကန့်အသတ် နှင့် မျှော်မှန်းချက်ကို ထည့်သွင်း ပြော ကြားခြင်းသည် တိုင်းရင်း သားလက်နက်ကိုင်အဖွဲ့များအားသွယ်ဝိုက်ဖိအားပေးသည့် အသွင် ဖြစ်မည် ဆိုလျှင် ကြောင်းကျိုး လျော်ကန်မှုနည်းပါးနိုင်ဖွယ်ရှိ သည်ဟု မှတ်ချက်ပြုရမည် ဖြစ်သည်။
တိုင်းရင်းသားလက်နက် ကိုင်အဖွဲ့အစည်းများကို ကိုယ်စား ပြုသည့် တစ်နိုင်ငံလုံးအပစ်အခတ်တိုက်ခိုက် မှုရပ်စဲရေးဆိုင်ရာ ညှိနှိုင်းရေးအဖွဲ့ (အင်န်စီစီတီ)သည် တစ်နိုင်ငံလုံးပစ်ခတ်တိုက် ခိုက်မှုရပ်စဲရေးစာချုပ် (အင်န်စီအေ)အတည်ပြုမူကြမ်းကို လိုင်ဇာညီလာခံ၊ လော်ခီးလာညီလာခံကဲ့ သို့ ညီလာခံကြီးတစ်ခုပြု လုပ်ပြီးတိုင်းရင်းသားလက်နက်ကိုင်အဖွဲ့ခေါင်းဆောင်များ၏ သဘောတူ အတည်ပြုချက်ကို ရယူရမည် ဖြစ် သည်။
အတည်ပြုမူကြမ်းကို တိုင်းရင်းသား လက်နက်ကိုင်အဖွဲ့ ခေါင်းဆောင်များအနေဖြင့် ရာ နှုန်းပြည့်ထောက်ခံ မည်ဆိုလျှင် အင်န်စီအေကို အမြန်ဆုံးလက် မှတ်ရေးထိုးနိုင်မည် ဖြစ်သည်။ အင်န်စီအေအတည်ပြု မူကြမ်းနှင့် စပ်လျဉ်း၍ ပြုပြင်၊ ပယ်ဖျက်၊ ဖြည့်စွက်ဖွယ်များရှိလာမည်ဆိုလျှင် တိုင်းရင်းသားလက်နက်ကိုင် အဖွဲ့ များ၏ ကိုယ်စားလှယ်များအနေ ဖြင့် အစိုးရနှင့် ထပ်မံလွန်းထိုးညှိ နှိုင်းဆွေးနွေးရဦးမည် ဖြစ်သည်။ သို့ဖြစ်၍ တစ်နိုင်ငံလုံးပစ်ခတ် တိုက်ခိုက်မှုရပ်စဲရေးစာချုပ်ကို ဧပြီလအတွင်း လက်မှတ်ရေးထိုး နိုင်ရန် မှာ ဖြစ်နိုင်ခြေနည်းလွန်း သော အဆိုပြုချက်ဟုကောက် ချက်ပြုနိုင်မည် ဖြစ်သည်။
သမ္မတ ဦးသိန်းစိန်မိန့်ကြား သကဲ့သို့ တစ်နိုင်ငံလုံးပစ်ခတ် တိုက်ခိုက်မှုရပ်စဲရေးစာချုပ်ကို လက်မှတ်ရေးထိုး ပြီးသည်နှင့် နိုင် ငံရေးဆွေးနွေးပွဲ၏ တံခါးပေါက် ပွင့်သွားပြီဟု အလျင်စလိုကောက်ချက်ဆွဲရန် ခဲယဉ်း မည် ဖြစ်သည်။ တစ်နိုင်ငံလုံးပစ်ခတ်တိုက်ခိုက်မှု ရပ်စဲရေးစာချုပ်ကို တိတိကျကျ လိုက်နာဖော်ဆောင်ရေး သည် ကြားကာလ၌ ထိလွယ်ရှလွယ်မှု မြင့်မားသော စိန်ခေါ်မှုကြီးပင် ဖြစ်သည်။ စစ်မျက်နှာအသီးသီး၌ စစ် ရိပ်စစ်ငွေ့များ၊ သေနတ်သံ၊ အ မြောက်သံ၊ ဗုံးသံများ လုံးဝဆိတ် သုဉ်းပြီး ပစ်ခတ်တိုက်ခိုက်မှုရပ်စဲ ရေး အလွန်ကာလတွင်သာ နိုင်ငံ ရေးဆွေးနွေးပွဲတံခါးပေါက်ကို တွန်းဖွင့်နိုင်မည် ဖြစ်သည်။
ပွင့်ပွင့်လင်းလင်းဆိုရလျှင် ပြည်ထောင် စုအစိုးရနှင့် တပ်မတော်အနေဖြင့် စစ်မျက်နှာအသီးသီး၌ စစ်သံ၊ စစ် ဟန်များ၊ တိုက်ပွဲခေါ်သံများ လုံး လုံးဆိတ်သုဉ်းရေးကို မျက်မှောက် ပြုနိုင်မှသာ နိုင်ငံရေးဆွေးနွေးပွဲ များကို အစပြုနိုင်ရေးရှေးရှုနိုင်မည် ဖြစ်သည်။ ကြားကာလအ တွင်း တွေ့ကြုံရမည့် အခက်အခဲ နှင့် ပြဿနာများ ကို နှစ်ဖက် ညှိနှိုင်းကျော်လွှားသွားကြရမည်ဟူသော သမ္မတ၏ မိန့်မှာစကားကို အလုပ် အဖြစ် လက်တွေ့ ကျကျ အ ကောင်အထည်ဖော်နိုင်ခြင်းရှိ၊ မရှိစောင့်ကြည့်အကဲခတ်ရဦးမည် ဖြစ်သည်။
တိုင်းရင်းသားစည်းလုံးညီ ညွတ်မှုအတွက် တန်ဖိုးမဖြတ်နိုင်သည့် အောင်မြင်မှု တစ်နည်းအား ဖြင့် ဒုတိယ ပင်လုံ၏ အောင်ပွဲအ ဖြစ် ပြောစမှတ်ပြုကြမည် ဖြစ်ပါ ကြောင်း သမ္မတဦးသိန်းစိန်က မိန့် ကြားခဲ့သည်။ တစ်နိုင်ငံလုံးပစ်ခတ်တိုက်ခိုက်မှုရပ်စဲရေးစာချုပ် (အင်န်စီအေ) အတည်ပြုမူကြမ်းအား နှစ်ဖက်သဘော တူညှိနှိုင်း ပြုစုရေးဆွဲပြီးစီးကြောင်း အတည် ပြုချက်ကို လက်မှတ်ရေးထိုးခဲ့ ခြင်းသည် မြန်မာ့နိုင်ငံရေးသမိုင်း တွင် မှတ်ကျောက်တင်ရမည့် အ ချိုးအကွေ့ကြီးတစ်ခုအလား သုံး သပ်မှုများနှင့်အတူ သမ္မတ၏ ဒုတိယ ပင်လုံ၏ အောင်ပွဲသုံးသပ်မှုများသည် မြေပြင်ပကတိအခြေအနေများနှင့် ဆက်စပ်ချဉ်းကပ်လျှင် ချဲ့ကားလွန်း သည်ဟုပင် မှတ်ချက်ပြုနိုင်သည်။ နိုင်ငံရေး အရ တစ်ဆိတ်ကို တစ်အိတ်လုပ် နေသည်ဟုပင် ပွင့်ပွင့်လင်း လင်း ဆိုနိုင်သည်။ မှတ်ကျောက်၊ ဒုတိယပင်လုံ၏ အောင်ပွဲဟု သတ်မှတ်မည့်အစား တစ်နိုင်ငံလုံးအပစ်အ ခတ်ရပ်စဲရေးဆီ ဦးတည်နိုင် မည့် ကနဦးခြေလှမ်းသက်သက် မျှသာဖြစ်သည်ဟု ကောက်ချက် ပြုမည်ဆို လျှင် ပိုမိုကြောင်းကျိုး ဆီလျော်မည် ဖြစ်သည်။
‘‘ငြိမ်းချမ်းရေးအတွက် မျှော် လင့်ချက်ရောင်ခြည်တင်မကပါ ဘူး။ အလင်းတန်းတွေ ပေါ်လာပြီ ဖြစ်တယ်လို့ ကျွန်တော်တို့ပြော လို့ရပါပြီ။ မကြာခင် ငြိမ်းချမ်းရေး ရဖို့လည်း အားလုံးဝိုင်းပြီး ဆု တောင်းပေးကြပါ’’ဟု သမ္မတ၏ မီဒီယာမှတ်ချက် စကားသည် လည်း လမ်းချော်နေသည်ဟုပင် မှတ်ချက်ပြုနိုင်သည်။ ၁၉၈၀ ဆယ်စုနှစ်နှောင်းပိုင်းနှင့် ၁၉၉၀ ဆယ်စုနှစ်ဦးပိုင်းကာလများ နိုင်ငံ တကာအသိုင်းအ၀ိုင်း၏ ဘက်စုံ အထောက်အပံ့ပေးမှုများ မြင့်မြင့် မားမားမရှိသည့်ကာလတွင် တိုင်း ရင်းသားလက်နက်ကိုင်အဖွဲ့ ၁၇ ဖွဲ့နှင့် နိုင်ငံရေးသဘောတူညီချက် များမပါဝင်သော စီးပွားရေးနှင့် ဒေသဖွံ့ဖြိုးရေးအခြေပြုအပစ်အ ခတ်ရပ်စဲရေးကာလရှည်ကြီးနှင့် နှိုင်းစာလျှင် လတ်တလောစီအင်န် အေမူကြမ်းပြုစုရေးဆွဲပြီးကြောင်း အတည်ပြုချက်ကို လက်မှတ်ရေး ထိုးနိုင်ခြင်းသည် မပြောပလောက်သော၊ စာမဖွဲ့လောက်သော ခပ် ရေးရေးကနဦး ခြေလှမ်းတစ်ခု သက်သက်သာ ဖြစ်သည်။
ငြိမ်းချမ်းရေးရဖို့ အားလုံး ၀ိုင်း၍ ဆုတောင်းခြင်းသည် ကောင်းမွန်လျော်ကန်သော်လည်း လက်တွေ့ကျကျ နဖူးတွေ့ ဒူး တွေ့ဖော်ဆောင်နိုင်ရေးသည် ဗျူ ဟာမြောက် ပိုမိုအရေးပါသည်။ တိုင်းရင်းသားပြည်သူ လူထု အများစုသည် ရှေးကတည်းက ငြိမ်း ချမ်းရေးကို ငတ်မွတ်ခဲ့ကြသည်။ တောင့်တခဲ့ကြသည်။ ဆုတောင်း ခဲ့ကြသည်မှာ ငြင်းမရသော အ ချက်ဖြစ်သည်။ အမျိုးသားကာ ကွယ်ရေးနှင့် လုံခြုံရေးကောင်စီ အစိုးရအဖွဲ့ အဆင့်ဆင့် အာဏာရပြည်ထောင်စုကြံ့ခိုင်ရေးနှင့် ဖွံ့ ဖြိုးရေးပါတီနှင့် သမ္မတအနေဖြင့် အမြော်အမြင်ရှိရှိ သဘောထား ကြီးကြီး တစ်နိုင်ငံလုံးအပစ်အခတ်ရပ်စဲရေးကို စံနမူနာပြထိန်း ကျောင်းနိုင်မည်ဆိုလျှင် သူနိုင် ကိုယ်နိုင်အခင်းအကျင်းကို ပစ်ခတ်တိုက်ခိုက်မှုမှမဟုတ် စားပွဲ ၀ိုင်းတွေ့ဆုံဆွေးနွေးမှုမှတစ် ဆင့် ဖော်ဆောင်နိုင်မည် ဆိုလျှင် တိုင်း ရင်းသားပြည်သူလူထုတစ်ရပ်လုံး က သာဓုအကြိမ်ကြိမ်ခေါ်
ဆိုကြမည်သာ ဖြစ်သည်။
သမ္မတ၏ ပြောရေးဆိုခွင့်ရှိ သူက ကမ္ဘာ့သမိုင်းနှင့်ချီ၍ ငြိမ်း ချမ်းရေးကို ဖော်ဆောင်နိုင်သော လက်ချိုးရေနိုင် မည့် နိုင်ငံ့ခေါင်း ဆောင်နှင့် စစ်ခေါင်းဆောင်များ တွင် သမ္မတကြီးနှင့် တပ်မတော် ကာကွယ်ရေးဦးစီးချုပ်တို့ သည် ငြိမ်းချမ်းရေးကိုဖော်ဆောင်နိုင် သည့် ရှားရှားပါးပါး နိုင်ငံ့ခေါင်း ဆောင် တပ်မတော်ခေါင်းဆောင် များအဖြစ် သမိုင်းဝင်သွားပြီဖြစ် ကြောင်း မှတ်ချက်ပြုပြောကြားခဲ့ သည်။
ကိုယ့်ငါးချဉ်ကိုယ်ချဉ်လွန်း ရာကျ မည် ဖြစ်သည်။ ငြိမ်းချမ်း ရေးလမ်းစလေး ရေးရေးမြင်နေရ ရုံကို အကြောင်းပြုလျက် ငြိမ်းချမ်းရေးကို ဖော်ဆောင်နိုင်သည်အထိ အဆမတန် ချဲ့ကားပြောဆိုမှုသည် ဆေး မဖြစ်။ ဘေးဖြစ်နိုင်ခြေ ရှိသည်ကို အနုလုံပဋိလုံဆင်ခြင် သုံးသပ်သင့်သည်။ အပစ်အခတ် ရပ် စဲရေးနှင့် ပြည်တွင်းငြိမ်းချမ်း ရေးကို အပြောမဟုတ် အလုပ် နှင့် သက်သေပြနိုင်မည်ဆိုလျှင် ပြည်သူလူထု သည် သမ္မတ၊ ကာ ကွယ်ရေးဦးစီးချုပ်သာမက တိုင်း ရင်းသား လက်နက်ကိုင်အဖွဲ့ ခေါင်းဆောင် များနှင့် နိုင်ငံရေး ခေါင်းဆောင်များကို ပြည်သူ့သူရဲ ကောင်းများအဖြစ် မှတ်ကျောက် တင်ကြမည်သာ ဖြစ် သည်။ပြည်တွင်းငြိမ်းချမ်းရေးခရီး သည် ရှည်ကြာဦးမည် ဖြစ်သည်။ နှစ်ပေါင်း ၆၀ ကျော် ယုံ ကြည်မှုနှင့် နားလည်မှုကျိုးပေါက်ခဲ့ကြသော တပ်မတော်နှင့်တိုင်းရင်းသားလက်နက်ကိုင်အဖွဲ့များအကြား ရေရှည်အမြင် ရှိရှိ ဗျူဟာ မြောက်ယုံကြည်မှုနှင့် နားလည်မှု တည်ဆောက်ရေးကို ရှေ့တန်း တင်နိုင်ရန် ပဓာနကျမည် ဖြစ် သည်။ ငြိမ်းချမ်းရေးလှေကြီးပေါ် တွင် တစ်လှေတည်းစီး၊ တစ်ခရီး တည်းသွားနိုင်သည်အထိခရီး ပေါ က်နိုင်ရေးကို စနစ်တကျ အချိန်ယူပြင်ဆင်ရမည် ဖြစ်သည်။ သိမ်မွေ့သော၊ ထိလွယ်ရှလွယ်သော၊ အနိမ့် အမြင့်များသော ပြည်တွင်းငြိမ်းချမ်းရေး၏ တရားကိုယ်သဘောကို မျက်ခြည်မပြတ်ရန်လည်း လွန်စွာ အရေးကြီးသည်။တစ်နိုင်ငံလုံးပစ်ခတ်တိုက် ခိုက်မှုရပ်စဲရေးစာချုပ် (အင်န်စီ အေ)ကို လက်မှတ်ရေးထိုးပြီးပါ က စာချုပ်ပါပြဋ္ဌာန်းချက်များနှင့် အညီ အပစ်အခတ်ရပ်စဲရေးကို တစ်နိုင်ငံလုံးတွင် ဖော်ဆောင်နိုင် ရမည် ဖြစ် သည်။
လတ်တလော ဆွေးနွေးမှုများတွင် ပါဝင်ခြင်းမရှိ သော တိုင်းရင်းသားလက်နက် ကိုင်အဖွဲ့အစည်းများ အနေဖြင့် အင်န်စီအေပါပြဋ္ဌာန်းချက်များကို ထောက်ခံလက်မှတ်ရေးထိုးလာ နိုင်ရေးကိုလည်း ဦးတည်ချက် ထားရှိရမည် ဖြစ်သည်။ သို့မှသာ အင်န်စီအေသည် တစ်နိုင်ငံလုံးကို လွှမ်းခြုံနိုင်သည့်အသွင်ကို အပြည့် အ၀ဆောင်လာမည် ဖြစ်သည်။ ထိုမှတစ်ဆင့် နိုင်ငံရေးဆွေးနွေးပွဲများမတိုင်မီ ဆွေးနွေးပွဲဆိုင်ရာ မူ ဘောင် များချမှတ်ရေး ခေါင်းချင်း ဆိုင်ဆွေးနွေးရမည့် ကြိုတင်ပြင် ဆင်ရေးကာလကို ဖြတ်သန်းရ မည် ဖြစ်သည်။
နိုင်ငံရေးဆွေးနွေးပွဲများကို အပစ်အခတ်ရပ်စဲရေးအလွန်ကာ လတွင် သတိကြီးကြီးထား အမြော်အမြင်ရှိရှိ ပုံဖော်နိုင်ရန် လိုအပ်မည် ဖြစ်သည်။ နိုင်ငံရေးဆွေးနွေး ပွဲများကို တိုင်းရင်းသားပါတီများ အပါအ၀င် နိုင်ငံရေး ပါတီများ တပ်မတော်၊ တိုင်းရင်းသားလက်နက် ကိုင်အဖွဲ့များစသဖြင့် ကျယ် ကျယ်ပြန့်ပြန့် အားလုံးပါဝင် ကိုယ် စားပြုနိုင်ရေး ပြင်ဆင်ရာတွင် ဆွေးနွေးပွဲအကြို နိုင်ငံရေးမူ ဘောင်များချမှတ်ရေးကိုမဖြစ် မ နေ ကျော်ဖြတ်ရမည်သာ ဖြစ် သည်။ နိုင်ငံရေးအရ ၂၀၀၈ ခုနှစ်ဖွဲ့စည်းပုံအခြေခံဥပဒေပြင်ဆင် ရေးနှင့် ၂၀၁၅ ခုနှစ် အထွေထွေ ရွေးကောက်ပွဲတို့ကိုလည်း မျက် ခြည်မပြတ်ရန် အရေးတကြီးလို အပ်မည် ဖြစ် သည်။
၂၀၁၅ ခုနှစ် အထွေထွေရွေး ကောက်ပွဲမတိုင်မီ ပြည်လုံးကျွတ် ဆန္ဒခံယူပွဲကျင်းပရန်မလို၊ ပြည် ထောင်စု လွှတ်တော်ကိုယ်စား လှယ် ၇၅ ရာခိုင်နှုန်းကျော် ထောက်ခံမှုဖြင့် ပြင်ဆင်နိုင်သည့် တိုင်း ဒေသကြီး (သို့မဟုတ်) ပြည်နယ် အစိုးရ၀န်ကြီးချုပ်များကို တိုင်းဒေ သကြီး (သို့မဟုတ်) ပြည်နယ် လွှတ်တော်များက ဆန္ဒမဲပေးရွေး ချယ်နိုင်မည့် ပုဒ်မ ၂၆၁ အပါအ ၀င် ကိုယ်ပိုင်အုပ်ချုပ်ခွင့်၊ ကိုယ်ပိုင်ပြဋ္ဌာန်းခွင့်၊ တန်းတူရည် တူခွင့် များကို ချဲ့ထွင်ပေးနိုင်မည့် ဖွဲ့ စည်းပုံအခြေခံဥပဒေပါပုဒ်မများ ပြင်ဆင်ရေးသည် အပစ်အခတ် ရပ်စဲရေးအလွန် နိုင်ငံရေးဆွေး နွေးပွဲများ၏ အလားအလာ အသီးအပွင့်တို့နှင့် များစွာဆက်စပ်နေ သည်။
ထို့အတူ လွတ်လပ်၍ တရားမျှတသော ရွေးကောက်ပွဲများကို ၂၀၁၅ ခုနှစ် နှစ်ကုန်ပိုင်းတွင် မဖြစ်မနေကျင်း ပနိုင်ရေးသည် လည်းအပစ်အခတ်ရပ်စဲရေး၊ နိုင်ငံရေးမူဘောင်ချမှတ်ရေး၊ နိုင်ငံ ရေးဆွေးနွေးပွဲများကျင်း ပနိုင်ရေး တို့နှင့် တိုက်ရိုက်ပတ်သက်နေ သည်။
၂၀၁၅ ခုနှစ် နှစ်ကုန်ပိုင်း တွင် ရွေးကောက်ပွဲများကျင်းပနိုင် ရန် ပျက်ကွက်ခဲ့မည်ဆိုလျှင် အပစ်အခတ်ရပ် စဲရေး၊ နိုင်ငံရေးမူ ဘောင်ချမှတ်ရေးနှင့် နိုင်ငံရေး ဆွေးနွေးပွဲများအပေါ် အနုတ် လက္ခဏာဆန်ဆန် သက်ရောက်မှု ရှိလာနိုင်မည် ဖြစ်သည်။ အကယ် စင်စစ် နိုင်ငံရေးဆွေးနွေးပွဲများ ၏ စစ်မှန်သော ကိုယ် စားပြုမှုသည်၂၀၁၅ ခုနှစ် အထွေထွေရွေး ကောက်ပွဲ၏ လွတ်လပ်၍ တရားမျှတမှုနှင့် ချိတ်ဆက်နေသည်ဟု သုံးသပ်နိုင်သည်။ လွတ်လပ်တရား မျှတသော ရွေးကောက်ပွဲသည်သာ ပြည်သူလူထုအများစုကို အစစ်အ မှန် ကိုယ်စားပြုနိုင်မည့် နိုင်ငံရေးဆွေးနွေးပွဲကို ပုံဖော်နိုင်မည် ဖြစ်သည်။
သို့ဖြစ်၍ နိုင်ငံရေးဆွေး နွေးပွဲအကြို မူဘောင်ဆွေးနွေးမှု များကို ၂၀၁၅ ခုနှစ် အထွေထွေ ရွေးကောက်ပွဲ မတိုင်မီ လက်စ သတ်နိုင်ရေး ပြင်ဆင်ဆောင်ရွက် သင့်သော်လည်း နိုင်ငံရေးဆွေး နွေးပွဲများကိုမူ ၂၀၁၅ ခုနှစ် ရွေး ကောက်ပွဲအလွန်ဖွဲ့စည်းမည့် လွှတ်တော်များ အစိုးရများပေါ် ပေါက်ပြီးမှသာ ရုပ်လုံးဖော်သင့် သည်ဟု အကြံပြုတိုက်တွန်းလိုပါ သည်။
အချုပ်အားဖြင့်ဆိုသော် တိုင်းရင်းသားလက်နက်ကိုင်အဖွဲ့များနှင့် တစ်နိုင်ငံလုံးအပစ်အခတ်ရပ် စဲရေးနှင့် နိုင်ငံရေးတွေ့ဆုံ ဆွေးနွေးရေးတို့သည် ဗျူဟာ မြောက်အရေးပါသည့် နည်းတူ ၂၀၀၈ ခုနှစ် ဖွဲ့စည်းပုံအခြေခံဥပဒေပြင်ဆင်ရေးနှင့် ၂၀၁၅ ခုနှစ်အထွေထွေရွေးကောက်ပွဲတို့၏ နိုင်ငံရေးအရ အကွက်အကွင်းကျ မှုကိုလည်း မျက်ခြည်မပြတ်ရန် အ ရေးကြီးသည်။ နိုင်ငံရေးဆွေးနွေး ပွဲများကို ဖွဲ့စည်းပုံပြင်ဆင်ရေး ရွေးကောက်ပွဲတို့နှင့် ချိတ်ဆက် ထားနိုင်မည်ဆိုလျှင် နိုင်ငံရေးအရ ပိုမိုအားကောင်းမောင်းသန်မည် ဖြစ်သည်။
သို့ဖြစ်၍ နိုင်ငံရေး ခေါင်းဆောင်များ၊ တိုင်းရင်းသား ခေါင်းဆောင်များ၊ တိုင်းရင်းသား လက်နက်ကိုင် အဖွဲ့ခေါင်းဆောင် များအနေဖြင့် အပစ်အခတ်ရပ်စဲ ရေးနှင့် နိုင်ငံရေးဆွေးနွေးပွဲများကို အကြောင်းပြုလျက် ၂၀၁၅ ခုနှစ် ရွေးကောက်ပွဲများရွှေ့ဆိုင်းမည့် အခင်းအကျင်းနှင့် ၂၀၀၈ ခုနှစ် ဖွဲ့ စည်းပုံအခြေခံဥပဒေပြင် ဆင်ရေး ကို အချိန်ဆွဲကြန့်ကြာအောင် လုပ်မည့်အခြေအနေတို့ကို မျက်စိဖွင့်နားစွင့်လျက် ညီညီညွတ်ညွတ် လက်ချင်း ချိတ်ထားသင့်ပါ ကြောင်း မီးမောင်းထိုးတိုက်တွန်း လိုက်ရပါသည်။
7Day News Journal
No comments:
Post a Comment