Thursday, April 09, 2015

ဒေါ်အောင်ဆန်းစုကြည်ရဲ့ နိုင်ငံရေးမဟာဗျူဟာ တွက်ကိန်းမှားသွားပြီဆိုတာ သူကိုယ်တိုင် လက်ခံလာပြီလား


ကွယ်လွန်သွားပြီဖြစ်သည့် သတင်းစာဆရာကြီးနှင့် နိုင်ငံရေး လှုပ်ရှား ကြိုးပမ်း စွန့်လွှတ် အနစ်နာခံခဲ့သူ ဦးဝင်းတင်က “ဒီအစိုးရကို ကျုပ်မယုံဘူး” ဟု ပြောင်ဖွင့်ပြောပြီး စိန်ခေါ်ရဲသည့် သတ္တိရှိခဲ့သည်။ ၂၀၁၂ ကြားဖြတ် ရွေးကောက်ပွဲကို ဒေါ်အောင်ဆန်းစုကြည် ကိုယ်တိုင် မဝင်ဖို့နှင့် ထောင် ချောက်ထဲကို လည်စင်း မခံဖို့ ပန်ကြားခဲ့သည်။ ဒေါ်အောင်ဆန်းစုကြည် ကတော့ လျစ်လျူရှုခဲ့သည်။
ပြီးခဲ့တဲ့ တပတ်က Reuters သတင်းဌာနနှင့် အင်တာဗျူးတွင်တော့ သမ္မတသည် ပြုပြင်ပြောင်းလဲရေးတွင် ရိုးသားမှု မရှိကြောင်း၊ အစိုးရသည်လည်း သဘောထား တင်းမာသူ (Hardliners) များနှင့် ဖွဲ့စည်း ထားခြင်းဖြစ်ကြောင်း ထပ်တလဲလဲ ပြောခဲ့သည်ကို တွေ့ရသည်။ “ဒေါ်အောင်ဆန်းစုကြည် တယောက်တော့ မျက်နှာဖုံး ကွာကျသွားတဲ့ နေပြည်တော်က နိုင်ငံရေး ဆင်ကွက် ထောင်ချောက်ထဲမှာ ထိုင်ပြီး အကျဉ်းခံနေရပြီ” ဟု ခနဲ့သူတွေ ရှိလာပြီ ဖြစ်သည်။

Reuters နှင့် အင်တာဗျူးသည် ဒေါ်အောင်ဆန်းစုကြည်က အမှန်တရားကို မြင်၍ (သူ၏ နိုင်ငံရေး မဟာ ဗျူဟာ မှားသွားသည်ကို ဖွင့်ဟဝန်ခံခြင်းဟုလည်း ယူဆနိုင်သည်) ဖွင့်ဟ ဝေဖန်လိုက်ခြင်းဟု သုံးသပ်ပါ သည်။

သူ၏ အင်တာဗျူးတွင် အမေရိကန်အပါအဝင် အနောက်နိုင်ငံ အစိုးရတွေကိုလည်း ဝေဖန်ခဲ့သည်။ အစိုးရ၏ Reform ကို အနောက်နိုင်ငံများက လိုသည်ထက်ပို၍ အလွန်အကျွံ ချီးမွမ်းခဲ့ခြင်း၊ အခြေခံဥပဒေ ပြင် ဆင်ရေးအတွက်ကို ဖိအား မပေးတော့ခြင်း စသည်တို့ကို ထောက်ပြခဲ့ပြီး အဆိုပါ ချီးကျူးမှုများက အစိုးရ ကို သွေးနားထင် ရောက်စေသည်ဟု သူက ပြောခဲ့သည်။

ဒေါ်အောင်ဆန်းစုကြည်သည် ယခု နိုင်ငံရေးကစားကွက်တွင် Outmaneuvered အလုပ်ခံလိုက် ရပြီလား ဟု နိုင်ငံရေး သုံးသပ်သူများက မေးခွန်းထုတ် သုံးသပ်နေကြပြီ ဖြစ်သည်။

ဒါကတော့ ဖြစ်နိုင်ပါသည်။ တိုင်းပြည်ကို ချစ်၍စေတနာထားသော နိုင်ငံရေးသမား လှုပ်ရှားသူတဦး အနေဖြင့် သူ အမှားတွေလည်း လုပ်နိုင်သည်။ ဦးဝင်းတင်လို အကင်းပါးပါးနှင့် မြင်နိုင်သော အတွေ့အကြုံမျိုး သူ့တွင် မရှိနိုင်။ သို့သော်လည်း ပြည်သူများကတော့ သူ့ကို ချစ်ဆဲ၊ ယုံကြည်နေဆဲ ထောက်ခံနေမြဲ ဖြစ် သည်ကို အံ့သြဖွယ် တွေ့ရသည်။

ထို့ကြောင့်လည်း အုပ်ချုပ်သူများက (သက်တမ်းတိုးလိုသူများ အပါအဝင်) သူ့ကို ထည့်သွင်းစဉ်းစား နေရ သည်။ ယုံကြည် ပူးပေါင်းချင်လွန်း၍တော့ မဟုတ်။ တခြားနိုင်ငံရေးသမားများ (တိုင်းရင်းသားများ) ကိုတော့ အစိုးရက အတော်များများ သိမ်းသွင်းခဲ့ပြီ၊ ဝယ်ခဲ့ပြီ ဖြစ်သည်။ ယခု မကြာခင် ပြုလုပ်မည့် ခြောက်ပွင့် ဆိုင် ဆွေးနွေးပွဲတွင်လည်း ဒေါ်အောင်ဆန်းစုကြည် ပြောခဲ့သော သဘောထား တင်းမာသူများ (ပြုပြင် ပြောင်းလဲရေး လှုပ်ရှားသူများနှင့် အရေခြုံများ) ကို ရင်ဆိုင်ရဦးမည်။

မည်သည့် ထူးခြားသော ရလဒ်မှ ထွက်လာမည် မဟုတ်သော်လည်း သူမပါလျှင် မပြီးသည့် ဒေါ်အောင် ဆန်းစုကြည်နှင့် တခြား ခေါင်းဆောင်များ၊လက်ရှိခေါင်းဆောင်များ၏ တွေ့ဆုံပွဲကိုတော့ စောင့် ကြည့် အကဲဖြတ် သုံးသပ်ကြဦးမည်မှာ မလွဲပေ။


ဧရာဝတီ

No comments:

Post a Comment

My Blog List