၂၀၁၅ နှစ်လယ်ပိုင်းနီးကပ် လာခြင်းနှင့်အတူ နှစ်ကုန်ပိုင်းတွင်ကျင်းပမည်ဟု တရားဝင်ထုတ်ပြန်ထားသော အထွေထွေရွေးကောက်ပွဲများ ရွှေ့ဆိုင်းနိုင်ခြေစိုးရိမ်ရေမှတ် မြင့်တက်လျက်ရှိသည်။ ရွေးကောက်ပွဲရွှေ့ဆိုင်းခြင်းသည် ဒီမိုကရေစီပြုပြင်ပြောင်းလဲရေးနှင့် တိုင်းရင်းသား ပြည်သူလူထု၏ဆန္ဒကို ဒီမိုကရေစီနည်းကျထုတ်ဖော် မှုကို ရွှေ့ဆိုင်းခြင်းပင်ဖြစ်သည်။
ရွေးကောက်ပွဲများကို ဒီမိုကရေစီစနစ်တွင် အသားကျပြီး ဖြစ်သည့် နိုင်ငံကြီးများတွင်ပင် ရွှေ့ဆိုင်းလေ့ ရှိသည့်အလျောက် ဒီမိုကရေစီပြုပြင်ပြောင်းလဲစ၊ လုံခြုံရေးနှင့် တည်ငြိမ်အေးချမ်း ရေးကို ဖျာလိုလိပ်၊ ထိပ်ပေါ်တင်ထားရသည့် မြန်မာနိုင်ငံတွင် ရွေး ကောက်ပွဲရွှေ့ဆိုင်းရခြင်းကို ဋီကာချဲ့မနေသင့်ကြောင်း ၊ ရွေး ကောက်ပွဲရွှေ့ဆိုင်းခြင်းသည် ရွေး ကောက်ပွဲများကို ဖျက်သိမ်းခြင်း မဟုတ်ကြောင်း စသည့်ဆင်ခြေ များ၊ စကားလုံးများကို နိုဝင်ဘာ ပထမပတ်မတိုင်မီမကြားရမှသာ ရွေးကောက်ပွဲများ ရွှေ့ဆိုင်းနိုင် ခြေ အပေါ် စိုးရိမ်ပူပန်မှု သက်သာရာရမည်ဖြစ်သည်။ သမိုင်းမှတ်တမ်းများနှင့် လတ်တလောလုပ် ဟန်များ အပေါ်တွင် အခြေတည် လျက် စိုးရိမ်စိတ်သည် တစ်တိတိ ပျံ့နှံ့စိမ့်ဝင်လျက်ရှိသည်။
အမျိုးသားဒီမိုကရေစီအဖွဲ့ ချုပ်ဥက္ကဋ္ဌ ဒေါ်အောင်ဆန်းစု ကြည်နှင့် အမေရိ ကန်အောက် လွှတ်တော်ဒီမို ကရက်တစ်ခေါင်း ဆောင်မစ္စနန်စီပလိုစီတို့၏ ဧပြီ ၁ ရက် နေပြည်တော်တွေ့ဆုံမှုတွင် လွတ်လပ်တရားမျှ တသော အထွေထွေရွေးကောက်ပွဲများကို သတ်မှတ်ထားသည့်အချိန်ကာလ၌ ကျင်းပသင့်ကြောင်းနှင့် အပစ် အခတ်ရပ်စဲရေးလုပ်ငန်းစဉ်များ ကို အကြောင်းပြလျက် ရွေး ကောက်ပွဲများ ရွှေ့ဆိုင်းမည်ကို စိုး ရိမ်ကြောင်း အတိအလင်းထုတ် ဖော်ပြောကြားခဲ့သည်။
လက်ငင်း နိုင်ငံရေးအခင်းအကျင်းတွင် ရွေး ကောက်ပွဲကို လုံးလုံးရွှေ့ဆိုင်းနိုင် သည့်နည်းတူ၊ အနိုင်ရ ရှိနိုင်ခြေ နည်းပါးသော မဲဆန္ဒနယ်များတွင် သီးခြားကွက်၍ ရွေးကောက်ပွဲကို ရွှေ့ဆိုင်းနိုင်ခြေရှိနေသည်။ ဆင်ခြေပေးစရာအကြောင်းများ ထောင်းထောင်းထနေသည့်ခေတ် တွင် ရွေးကောက်ပွဲရွှေ့ဆိုင်းခြင်း သည် ထမင်းစားရေသောက်ဖြစ် ကြောင်း ၂၀၁၄ ကြားဖြတ်ရွေး ကောက်ပွဲကိုပယ်ဖျက်ခဲ့ခြင်းက အနီးကပ်ဆုံး သက်သေပြလျက်ရှိ သည်။
ပြည်ထောင်စုသမ္မတမြန်မာ နိုင်ငံတော်၊ ၂၀၀၈ ဖွဲ့စည်းပုံ အခြေခံဥပဒေ အခန်း(၉)တွင် ရွေးချယ် တင်မြှောက်ခြင်းကို ဖော်ပြထားသည်။ ပုဒ်မ ၃၉၁ မှ ပုဒ်မ ၄၀၃ အထိ ပုဒ်မ ၁၃ ခု ပြဋ္ဌာန်းထားသည်။ ပုဒ်မ ၃၉၈ အရ နိုင်ငံတော်သမ္မတသည် ပြည်ထောင်စုရွေးကောက်ပွဲ ကော်မရှင်ဥက္ကဋ္ဌ နှင့် အဖွဲ့ဝင်များကို ခန့်အပ်တာဝန်ပေးသည်။ သိက္ခာသမာဓိနှင့်ပြည့်စုံပြီး အတွေ့အကြုံရင့်ကျက်သူ၊ နိုင်ငံရေးပါတီဝင်မဟုတ် သူ၊ လွှတ်တော်ကိုယ်စားလှယ်မဟုတ်သူသည် ဥက္ကဋ္ဌနှင့်အဖွဲ့ဝင်အဖြစ် အရည်အချင်းပြည့်မီသည်။ ပုဒ်မ ၃၉၉ အရ ပြည်ထောင်စုရွေး ကောက်ပွဲကော်မရှင်သည် လွှတ် တော်ရွေးကောက်ပွဲများကျင်းပရန် တာဝန် ရှိသည်။ ပုဒ်မ ၄၀၂တွင် ရွေးကောက်တင်မြှောက်ခြင်း ဆိုင်ရာလုပ်ငန်းများ၊ ရွေးကောက် ပွဲခုံအဖွဲ့များ၏ ဆုံးဖြတ်ချက်များ၊ အမိန့်များနှင့်စပ်လျဉ်းသည့် အယူခံမှုများနှင့် ပြင်ဆင်မှုများ တွင် ပြည်ထောင်စုရွေးကောက် ပွဲ ကော်မရှင်၏ ဆုံးဖြတ်ချက်နှင့် ဆောင်ရွက်ချက်များသည် အပြီးအပြတ်အတည်ဖြစ်စေရမည်ဟု ပြဋ္ဌာန်း ထားသည်။ ထို့ကြောင့် ဖွဲ့စည်းပုံအခြေခံဥပဒေအရ ပြည် ထောင်စုရွေးကောက်ပွဲကော်မရှင်သည် လုပ်ပိုင် ခွင့်အပြည့်အဝရရှိ ထားသောအဖွဲ့အစည်းဖြစ်ပြီး ရွေးကောက်ပွဲကျင်းပခြင်း၊ ရွှေ့ဆိုင်း ခြင်းနှင့် ကြားဖြတ်ရွေးကောက်ပွဲ ပယ်ဖျက်ခြင်းတို့တွင် အဓိက တာဝန်ရှိသောအဖွဲ့အစည်းဖြစ်သည်ဟု သုံးသပ်နိုင် သည်။
ကုန်ဆုံးလုနီးနီး ပထမ အကြိမ်လွှတ်တော်သက်တမ်းတွင် ၂၀၁၂ ဧပြီ ၁ ရက် ကြားဖြတ်ရွေးကောက်ပွဲကို တစ်ကြိမ်တည်းသာပြုလုပ်ခဲ့ပြီး ဒေါ်အောင်ဆန်းစုကြည်နှင့် ဒီချုပ်ကိုယ်စားလှယ်များ လွှတ်တော်နိုင်ငံရေးထဲ ဝင် ရောက်နိုင်ရေးအတွက် သီးသီးသန့်သန့်လွှတ်တော်နိုင်ငံရေးလမ်း ကြောင်းထွင်ပေးခဲ့လေသလားဟုပင် မှတ်ယူဖွယ်ဖြစ်သည်။
ကြား ဖြတ်ရွေးကောက်ပွဲတွင် လစ်လပ်၄၆ နေရာအနက် ဒီချုပ်သည် ၄၃ နေရာတောင်ပြိုကမ်းပြိုအနိုင်ရရှိ ခဲ့ခြင်းသည်လည်း ဆင်ထားသောဗျူဟာအကွက်တစ်ကွက်ဖြစ် ကောင်းဖြစ်နိုင်သည်။ ဒေါ်အောင်ဆန်းစု ကြည်နှင့် ဒီချုပ်ကိုယ်စားလှယ်များ လွှတ်တော်နိုင်ငံရေးလမ်းကြောင်းပေါ် ခြေချခြင်းနှင့်အတူ နိုင်ငံရေး သည် ကြွေတစ်လှည့်၊ ကြက်တစ်ခုန်ဆိုသည့် စကားအလား၊ မြန်မာနိုင်ငံနှင့်အမေရိကန်ပြည်ထောင်စုအပါ အဝင် အနောက်နိုင်ငံများ၏ ဆက် ဆံရေးသည် နေ့ချင်းညချင်း ဂငယ်ကွေ့ကွေ့ခဲ့သည်မှာ အထင် အရှားဖြစ်သည်။ အနောက်နိုင်ငံ များသည် အလျင်စလိုနောက် ကြောင်းပြန်လှည့်ခဲ့ကြသည်ဟု သုံးသပ်နိုင် သည်။
၂၀၁၄ နှစ်ကုန်ပိုင်းတွင် ကြားဖြတ်ရွေးကောက်ပွဲများပြု လုပ်မည်မဟုတ်ကြောင်း ပြည် ထောင်စုရွေးကောက် ပွဲကော် မရှင်အနေဖြင့် ထုတ်ပြန်ကြေညာ သောအခါ တည်ဆဲဥပဒေများနှင့် နည်းဥပဒေများတွင် ကြားဖြတ် ရွေးကောက်ပွဲနှင့်ပတ်သက်၍ အတိအလင်းဖော်ပြထားသည်ကို မတွေ့ရှိရသဖြင့် ဥပဒေအရ တုံ့ ပြန်နိုင်ရန် အားနည်းခဲ့သည်။ လွှတ်တော်ထဲတွင် တစ်နေရာလစ်လပ်လျှင် ပြည်သူလူထုတစ်သိန်းကျော် ၏ ကိုယ်စားပြုမှု လစ်လပ်သည့်အလျောက်၊ ကြားဖြတ် ရွေးကောက်ပွဲများ ပုံမှန်ကျင်းပ နိုင်ရေး ဥပဒေထဲ တွင် တိတိကျကျ ထည့်သွင်းသင့်သည်။ ပြည် ထောင်စုရွေးကောက်ပွဲကော်မရှင်သည် ၂၀၁၄ နှစ်ကုန်ပိုင်း တွင် ကြားဖြတ် ရွေးကောက်ပွဲများ ကျင်းပမည်ဟု လွှတ်တော်တွင်တရားဝင်ဖြေကြားခဲ့လင့်ကစား နောက် ပိုင်း ကြားဖြတ်ရွေးကောက် ပွဲများကို ဖျက်သိမ်းခဲ့သည်ကို သင်ခန်းစာယူနိုင်ရန် လိုအပ်မည် ဖြစ်သည်။
နှစ်ကုန်ပိုင်းကျင်းပမည့် အထွေထွေ ရွေးကောက်ပွဲများကို တရားဝင်ရက်သတ် မှတ်ပြီး သည့်တိုင် ရွှေ့ ဆိုင်းနိုင်၊ ဖျက် သိမ်းနိုင်သည့်လုပ်ပိုင်ခွင့်အာဏာသည် ပြည်ထောင်စု ရွေးကောက်ပွဲ ကော်မရှင်တွင်ရှိနေ သည်ဟု သုံးသပ်နိုင်သည်။ ကော်မရှင်၏ ရွေး ကောက်ပွဲရက် သတ်မှတ်ခြင်း၊ ရွှေ့ဆိုင်းခြင်း၊ ဖျက်သိမ်းခြင်း တို့ အပေါ် ပြည်ထောင်စုအစိုးရ၊ ပြည်ထောင်စုလွှတ်တော်တို့အနေဖြင့် စွက်ဖက်သက်ရောက်နိုင်ခြင်းမရှိ သည်ကို တွေ့ရှိရသည်။ ပြည် ထောင်စုလွှတ်တော်က ရွေးချယ်တင်မြှောက်သည့် သမ္မတက ခန့်အပ်တာ
ဝန်ပေးသော ပြည်ထောင်စုရွေးကောက်ပွဲကော်မရှင်ဥက္ကဋ္ဌနှင့်အဖွဲ့ဝင်များသည် ပြည်ထောင်စု လွှတ်တော် ကိုပင် အခုစာကလေးကြော်၊ အခုဆီထမင်းလုပ်နိုင်ခဲ့ကြောင်း ကြားဖြတ်ရွေးကောက်ပွဲဖျက်သိမ်းမှုက သက်သေပြုလျက်ရှိသည်။
မြန်မာနိုင်ငံလွတ်လပ်ရေးရ ပြီးနောက် ပထမဆုံးအကြိမ် ပါလီမန်ရွေးကောက်ပွဲများကို ၁၉၅၁ နှင့် ၁၉၅၂ ခုနှစ်၌ ကျင်းပခဲ့ချိန် တွင် နိုင်ငံအနှံ့၊ ပြည်တွင်းစစ်မီး အကြီးအကျယ်လောင်ကျွမ်း လျက်ရှိခဲ့သည်။ ပြည်တွင်း စစ်မီး အကြီးအကျယ်လောင်ကျွမ်းနေခဲ့ သောကာလတွင် ပါလီမန်ရွေး ကောက်ပွဲများကို မဖြစ်မနေကျင်းပ ခဲ့သည့် သမိုင်းမှတ်တမ်းများနှင့် ဆက်စပ်သုံးသပ်မည်ဆိုလျှင် တိုင်းရင်းသားလက်နက်ကိုင်အဖွဲ့ များနှင့် အပစ်အခတ်ရပ်စဲရေး လက်မှတ်ရေးထိုးနိုင်သည်ဖြစ် စေ၊ မရေးထိုးနိုင်သည်ဖြစ်စေ၊နိုင်ငံရေး မူဘောင်ဆွေးနွေးပွဲများ ကျင်းပနေသည်ဖြစ်စေ ရွေးကောက်ပွဲကို မဖြစ်မနေကျင်းပ နိုင်ရမည်ဖြစ်သည်။ ထို့ကြောင့် အပစ်အခတ်ရပ်စဲရေးလုပ်ငန်းစဉ်၊ ပြည်တွင်းငြိမ်းချမ်းရေး လုပ်ငန်းစဉ်တို့ကို အကြောင်းပြလျက် လာမည့်ရွေးကောက်ပွဲများကို ရွှေ့ဆိုင်းမည်ဆိုလျှင်ကြောင်းကျိုးဆီ လျော်မှုကင်းလွတ်နိုင်သည်။
ထို့အပြင်ရွေးကောက်ပွဲများ ကျင်းပနိုင်ခြင်းမရှိသည့်နယ်မြေများကို သတ်မှတ်ရာတွင်လည်း ကော်မရှင် အနေဖြင့် ပွင့်လင်းမြင်သာမှု ရှိရှိဆောင်ရွက်နိုင်ရန် လိုအပ်မည်ဖြစ်သည်။ အမျိုးသားဒီမိုကရေစီအဖွဲ့ချုပ်နှင့် တိုင်းရင်းသားပါတီများအားကောင်းမောင်းသန်သည့် မဲဆန္ဒနယ်များတွင် ရွေးကောက်ပွဲများကို အကြောင်း အမျိုးမျိုးပြရွှေ့ဆိုင်းသည့် အသွင်သဏ္ဌာန်လုံးလုံး မဖြစ်ရေးကိုလည်း ကော်မရှင် အနေဖြင့် ထိန်းကျောင်းရ မည်ဖြစ် သည်။
အချုပ်အားဖြင့်ဆိုသော် ရွေးကောက်ပွဲကိုအကြောင်းပြ ရွှေ့ဆိုင်းနိုင်ခြေ မြင့်မားလျက်ရှိနေသည်ဟု ကောက် ချက်ပြုနိုင်သော ကာလအပိုင်းအခြား၊ ရွေး ကောက်ပွဲ၏လွတ်လပ်၊ တရား မျှတနိုင်ခြေ ကို လျော့ပါးစေနိုင် သည်ဟု မှတ်ယူနိုင်သောအခင်း အကျင်းနှင့် ရွေးကောက်ပွဲအလွန် အာဏာလွှဲပြောင်းနိုင်ရေးအတွက် အာမခံချက်နည်းပါးသောပတ် ဝန်းကျင်တို့တွင် ရွေးကောက်ပွဲ သပိတ်မှောက်နိုင်ခြေမြင့်မားလာ တတ်သည် မှာ ဖြစ်ရိုးဖြစ်စဉ်ကိစ္စ ပင်ဖြစ်သည်။
မည်သို့ပင်ဖြစ်စေ၊ အစိုးရ၊ လွှတ်တော်၊ တပ်မတော်၊ တိုင်းရင်းသားခေါင်းဆောင်များ အပါအဝင် နိုင် ငံရေးခေါင်းဆောင် များနှင့် တိုင်းရင်းသားလက်နက် ကိုင်အဖွဲ့ခေါင်းဆောင်များ အကြား အချိန်ဇယားရှိရှိ၊ လမ်းပြ မြေပုံရှိရှိ၊ ရေရှည်အမြင်ရှိရှိ၊ သူ နိုင်ကိုယ်နိုင်အမြင်ရှိရှိ ကျင်းပမည့် နိုင်ငံရေးစားပွဲဝိုင်းဆွေးနွေးပွဲ များမှတစ်ဆင့် နိုင်ငံရေးအားမျှခြေကို မဖြစ်မနေထိန်းညှိပေးသင့်ပါ ကြောင်း တိုက်တွန်းဆော်ဩ လိုက်ရ ပါသည်။
7Day News Journal
7Day News Journal
No comments:
Post a Comment