နွေရာသီမှာ ရေပိုသောက်ပါ

 

နွေရာသီ၏ အပူရှိန်က ပြင်းထန်လာနေသည်။နေရောင်ခြည်အရှိန် ပြင်းပြလာချိန်မှာ ခရမ်းလွန်ရောင်ခြည်၏ အန္တရာယ်သတိပေးချက်တွေလည်းထွက်ပေါ်လာခဲ့သည်။ ခရမ်းလွန်ရောင်ခြည် တိုက်ရိုက်ထိတွေ့ခြင်းသည် အန္တရာယ်တစ်ခုဖြစ်သကဲ့သို့ နွေရာသီကာလမှာ ခန္ဓာကိုယ်ရေဓာတ်ခန်းခြောက်ခြင်းကလည်း ကျန်းမာရေးအတွက် သတိထားစရာအကြောင်းအရာတစ်ခုဖြစ်ပါသည်။

ရေဓာတ်ခန်းခြောက်ခြင်း။ အင်္ဂလိပ်လိုတော့ Dehydration ဟုခေါ်ဆိုသည်။ လူ့ခန္ဓာကိုယ်မှ လိုအပ်သော ရေဓာတ်ပမာဏ အလုံအလောက် မရရှိသဖြင့် ခန္ဓာကိုယ်မှာ အစိုဓာတ်၊ ရေဓာတ် နည်းပါးသွားခြင်းကို ဆိုလိုသည်။ရေဓာတ်ခန်းခြောက်လျှင် မည်သို့ဖြစ်နိုင်သနည်း။ သင်၏အိမ်မှ  ပန်းပင်ကလေးတစ်ပင်ကို ကြည့်ရှုလျက် တွေးတောစဉ်းစား ဆင်ခြင်နိုင်သည်။ ပန်းပင်ကလေးတစ်ပင်  အသက်ရှင်သန်ရန် ရေဓာတ်လုံလောက်စွာ ရရှိဖို့လိုအပ်မည်။ မိုးရေ(သို့)ပက်ဖျန်းပေးသော ရေဓာတ်လုံလောက်စွာ မရရှိသော ပန်းပင်ကလေးတစ်ပင်သည် ညှိုးရော်ခြောက်သွေ့သွားမည်။ ထို့နည်းအတူ လူအပါအ၀င် သတ္တ၀ါတိုင်းအသက်ရှင်သန်နိုင်ရန် ရေဓာတ်သည် မရှိမဖြစ် အမြဲတစေလိုအပ်နေလေသည်။

လူတစ်ယောက် ရေဓာတ် ခန်းခြောက်လာခြင်းကို မည်သို့ သိနိုင်မည်နည်း။ ပထမဆုံးတော့ ရေငတ်လာမည်။  ရေဆာလာ မည်။ အာခေါင်ခြောက်သွေ့လာ မည်။ ရေကိုသောက်သင့်ချိန်မှာ မသောက်ရလျှင်မူ ခေါင်းနောက် လာမည်။ ခေါင်းကိုက်လာမည်။ ခေါင်းမူးလာမည်။ ကြွက်သား များအားပျော့လာပြီး မလှုပ်ချင် မရှားချင်ဖြစ်လာမည်။ နုံးခွေလာ မည်။ နောက်ဆုံး စွမ်းအင်အား လုံးကျဆင်းသွားပြီး သတိလစ် ၍ပင် သွားနိုင်ပါသည်။

လူ၏ခန္ဓာကိုယ်တစ်ခုလုံး ၏ ၆၀ ရာခိုင်နှုန်းမှာ ရေဓာတ် အများစုဖြင့် တည်ဆောက်ထား သည်ကို  အခြေခံအားဖြင့်  လူ တိုင်းပင် သိရှိနားလည်သင့်ပါ သည်။ ကြွက်သားများမှာ ရေ ဓာတ် ၇၅ ရာခိုင်နှုန်း၊ ဦးနှောက် သည် ၉၀ ရာခိုင်နှုန်း၊ အရိုးများ သည် ရေဓာတ် ၂၂ ရာခိုင်နှုန်း၊ သွေးသည် ရေဓာတ် ၈၃ ရာခိုင် နှုန်းဖြင့် တည်ဆောက်ထားပြီး ခန္ဓာကိုယ်တစ်ခုလုံးရှိ ကိုယ် အင်္ဂါအစိတ်အပိုင်းအားလုံး၏ ဆဲလ်တိုင်း၊  တစ်ရှူးတိုင်းကိုလည်း ရေဓာတ်ဖြင့်သာ အများဆုံးဖွဲ့စည်းတည်ဆောက်ထားသည်။ ထိုကဲ့သို့ ရေကိုအားပြု၍ အဓိကထားတည်ဆောက်ထားသော ခန္ဓာကိုယ်အစိတ်အပိုင်း အားလုံးအတွက်လိုအပ်သော ရေကို ပုံမှန်မရရှိလျှင် သစ်ပင်ပန်းမန်တို့ ညှိုးရော်နွမ်းလျသကဲ့သို့ ဆဲလ်များ၊ တစ်ရှူးများလည်း ညှိုးရော်ခြောက်သွေ့လာစေသည်။ ထို့အပြင် ခန္ဓာကိုယ်မှာ ဆဲလ်အသစ်ဖြစ်ပွားရန်လည်း အဟန့်အတား ဖြစ်လာစေပါသည်။ ထို့ကြောင့် လူတိုင်း လူတိုင်းရေကိုနေ့စဉ်ပုံမှန်သောက်သုံးကြရသည်။

ရေသောက်နည်းခြင်းသည် ကျန်းမာရေး ထိခိုက်စေတတ် သော်လည်း ရေများများသောက် သုံးသူများမှာ ကျန်းမာရေးအ တွက် များစွာအကျိုးရှိသည်။ အသားအရေကို လှပစေခြင်း၊ အစာအိမ်နှင့် အူလမ်းကြောင်း ဆိုင်ရာရောဂါများ ကာကွယ်နိုင်ခြင်းတို့အပြင် နှလုံးရောဂါကြောင့် ရုတ်တရက်သေဆုံးတတ်ခြင်း၊ ရင်သားကင်ဆာ၊ အစာဟောင်း အိမ်ကင်ဆာ၊ ဆီးအိမ်ကင်ဆာများ ဖြစ်ပွားနိုင်ခြေကို ထက်ဝက် ၄၅-၅၀ ရာခိုင်နှုန်းအထိ လျော့ကျစေသည်ဟုလည်း ကျန်းမာရေးသုတေသီများက ဆိုပါသည်။

ထို့ကြောင့် လူတိုင်းနေ့စဉ် ပုံမှန်ရေသောက်ဖို့ လိုအပ်သည်။ ရေသည် ဆေးတစ်ပါးဆိုသည့် မြန်မာတို့ဆိုရိုးအတိုင်း   ရေ သောက်ခြင်းက ကျန်းမာရေးကို အထောက်အကူဖြစ်စေသည်ဟု ဆိုကြသည်ကတော့ ဟုတ်ပါပြီ။ လူတစ်ယောက်၊ တစ်နေ့တာအ တွက် ရေမည်၍ မည်မျှပမာဏ သောက်သုံးသင့်သနည်းဆိုသည် ကလည်း မေးစရာမေးခွန်းတစ်ခု ပါပေ။ ကျန်းမာရေးသုတေသီ များ အကြံပြုသည်ကတော့ တစ် နေ့တာအတွက် ဖန်ခွက်ကြီး ရှစ်ခွက်ခန့် သောက်သုံးသင့်သည် ဟု အကြံပြုကြသည်။ ဖန်ခွက် ကြီး ရှစ်ခွက်ဆိုသည်မှာ နှစ်လီ တာပမာဏ။  မြန်မာပြည်မှာ ရောင်းချနေသော ၂၀၀-၂၅၀  ကျပ်တန် ရေသန့်ဘူးကြီး နှစ်ဘူး ပမာဏမျှ သောက်သုံးသင့်သည် ဟုသာ မှတ်ယူနိုင်ပါသည်။ ထို ထက်ပိုသော သုတေသနတွေ လည်း ရှိသေးသည်။ အမေရိကန် အညွှန်းကိန်းအရဆိုပါလျှင် အသက်(၁၈)နှစ်အထက် အမျိုး သားများအတွက် နေ့စဉ် ၃ ဒသမ၇ လီတာ သောက်သင့်သည်။ အသက်(၁၈)နှစ်ပြည့်ပြီးသူ အမျိုးသမီးများက ၂ ဒသမ ၇ လီတာ အထိ သောက်သင့်သည်ဟု ဆိုထားပါသည်။  မည်သို့ပင်ဆိုစေ အနည်းဆုံးတော့ နှစ်လီတာ ရေသန့်ဘူးကြီးနှစ်ဘူး(သို့) ဖန်ခွက်ကြီး ရှစ်ခွက်သောက်ရမည်ဟု မှတ်ယူနိုင်ပါသည်။

ရေဓာတ်ကို ရရှိရန် နည်းလမ်းများမှာ အစာမစားမီနှင့် စားပြီးချိန်များမှာပါ ရေကိုသောက် သင့်သလို ထမင်းကဲ့သို့ အဓိက အစားအစာကို စားနေစဉ်မှာလည်း အရည်ဓာတ်များများပါသော ဟင်းချိုရည်မျိုးသောက်သုံးခြင်းမှာလည်း ကောင်းမွန်သော အလေ့အထဟုဆိုကြပါသည်။ အရည်ရွှမ်းသော အသီးအနှံများ စားသုံးခြင်းသည်လည်း ရေဓာတ်ရရှိရန် ကောင်းမွန်သော နည်းလမ်းတစ်ခုဖြစ်သည်။  မလိုင်မပါသော နွားနို့၊ ကော်ဖီ၊ လက်ဖက်ရည်၊ ရေနွေးကြမ်းသောက်သော အလေ့အထများကလည်း အတိုင်းအတာတစ်ခုမျှ ရေဓာတ်ရရန် ကူညီသည်။ ပုလင်းနှင့် အသင့်ဖျော်အချိုရည်များကတော့ ကယ်လိုရီပါဝင်မှု ရာခိုင်နှုန်းမြင့်မားခြင်းကြောင့်  ကိုယ်အလေးချိန်ထိန်းသိမ်းလိုသူများနှင့်  ဆီးချိုရောဂါရှိသူများ  သတိထားသောက်သုံးသင့်သည်ဟု သတိပေးလိုပါသည်။

လူတစ်ယောက်၏ ကျန်းမာ ရေးအတွက်ခန္ဓာကိုယ်အစို ဓာတ်ကို ထိန်းသိမ်းနိုင်ရန်မှာ သူတစ်ပါးမှာတာဝန်မရှိ။ မိမိအတွက် မိမိသာလျှင် တာဝန်ယူရသော သဘောရှိပါသည်။ လူတိုင်း လူတိုင်း မိမိခန္ဓာကိုယ်၏  ရေဓာတ်ခန်းခြောက်မှုကို  ကာကွယ်ရန် ရေသောက်ရခြင်း မဖြစ်မနေလုပ်ဆောင်ကြရသည်။  လူတစ်ယောက်အတွက် အကြမ်းဖျင်းအားဖြင့် ဖန်ခွက်ကြီး ရှစ်ခွက်၊ နှစ်လီတာ ပမာဏလိုအပ်သည်ဆိုသော်လည်း လက်တွေ့တွင်မူ အခြေအနေနှင့် အချိန်အခါကို မူတည်၍ ထိုပမာဏထက် လိုအပ်ကောင်းလိုနေပါမည်။

ရေကိုပိုသောက်ရန် လို အပ်သော အခြေအနေ လေးခုရှိပါသည်။

(၁) ပတ်ဝန်းကျင် ရာသီဥ တု အပူချိန်လွန်ကဲနေချိန်

(၂) လှုပ်လှုပ်ရှားရှား လုပ်ကိုင်ရသည့် အလုပ်ခွင်များနှင့် ကိုယ်လက်လေ့ကျင့်ခန်းလုပ်နေချိန်

(၃) ဖျားနာနေချိန်

(၄) ၀မ်းပျက်ခြင်း၊ ပျို့အန် ခြင်းများဖြစ်ချိန်များတွင် ရေဓာတ် ကို ပိုမိုရှိရန် လိုအပ်နေပါမည်။ နာဖျားနေချိန်၊ ၀မ်းပျက်နေချိန်၊ ပျို့အန်နေချိန်များမှာ ရေဓာတ် အပြင် ဆိုဒီယမ်၊ ပိုတက်စီယမ် စသော  သတ္တုဓာတ်များပါလိုအပ်နေပါလိမ့်မည်။ ဤအတွက်မူ အနီးစပ်ဆုံးသော ကျန်းမာရေးဝန်ထမ်းများ၏ အကြံပြုချက်ကို ရယူသည်ကသာ အကောင်းဆုံး ဖြစ်ပါမည်။

ခန္ဓာကိုယ်၏ အစိုဓာတ်ကို ထိန်းသိမ်းရန် ရေသောက်ကြရ မည်။ အထက်ဖော်ပြပါ အခြေ အနေများမှာ ရေကိုပိုသောက်ရမည်။ နံပါတ်(၁)အချက်အဆိုအရ ရာသီဥတုပူပြင်းလာလျှင် ရေဓာတ်ပိုမိုလိုအပ်သည်။ ယခုလိုနွေရာသီကာလမှာဆိုလျှင်  ရေပိုသောက်ရန် လိုအပ်မည်ဆိုကြပါစို့။ သို့သော် သောက်သုံး ရေက သန့်ရှင်းစင်ကြယ်ရန်လည်းအရေးကြီးပါသည်။  သောက်သုံးရေ၏ အရည်အသွေးကို အကြမ်းအားဖြင့်စံသတ်မှတ်မှုတွေရှိပါသည်။

(၁) မျက်မြင်အခြေအနေ

  မျက်စိဖြင့် ကြည့်လျက် အကြည်၊ အနောက်၊ အနည်၊ အနှစ်၊ အမှုန်၊ အမွှားစသည် ကင်းရှင်းမှုရှိ၊ မရှိကိုဆိုလိုသည်။ ဤအချက်မှာ လူတိုင်းသိရှိနားလည်ပြီး ဖြစ်နေမည်ထင်ပါသည်။

(၂) အန္တရာယ်ရှိသော ဓာတုပစ္စည်းများ ကင်းရှင်းမှု

 နိုက်ထရိုက်၊ နိုက်ထရိတ်၊ အာစင်းနစ်စသော  ဓာတ်ပစ္စည်း များပါဝင်နေသော  ရေကို မျက်စိဖြင့် မမြင်နိုင်။ ထိုဓာတုပစ္စည်း များ ပါဝင်နေသော ရေကို သောက်သုံးရန် မသင့်ဟု သတ်မှတ်သည်။ ဓာတုပစ္စည်းပါဝင်မှု ရှိ၊ မရှိမှာ ရေနှင့်သက်ဆိုင်သော ဓာတ်ခွဲခန်း များမှာသာ အထူးစစ်ဆေးခြင်း ပြုလုပ်ပေးနိုင်ပါသည်။

(၃) ပိုးမွှားကင်းစင်မှု

ဘက်တီးရီးယားများ၊ ဗိုင်း ရပ်စ်ပိုးများ၊ သံဥကဲ့သို့သောကပ် ပါးပိုးများပါဝင်နေသော ရေကို သောက်သုံးရန် မသင့်ပါ။ သာ မန်အခြေအနေမှာ ရေကိုကျိုချက်သောက်ခြင်းကတော့ ပိုးမွှားကင်းစင်သော ရေသန့်ကိုရရှိနိုင်ရန် အလွယ်ကူဆုံးသော နည်းလမ်းတစ်ခု ဖြစ်ပါသည်။ ယခုအခါ ရေသန့်ရောင်းချသော စီးပွားဖြစ်လုပ်ငန်းမျိုး ရှိလာခြင်းမှာ ကျန်းမာရေးအတွက် သောက်သုံးရန် သင့်လျော်သော ရေရရှိရန် အထောက်အကူဖြစ်စေပါသည်။  ၀င်ငွေနည်းပါး၍ ရေသန့်ဝယ်ယူ ရန် အခက်အခဲရှိသူများနှင့် ရေ သန့်ဖြန့်ဖြူးရောင်းချမှု စနစ်မရောက်ရှိသေးသော အရပ်ဒေသများမှာမူ ရေကို ကျိုချက်သောက်လျှင် အကောင်းဆုံးသာဖြစ်မည်ထင်ပါသည်။

ယခုအခါ ကမ္ဘာ့ရာသီဥတု ကလည်း တစ်နှစ်ထက် တစ်နှစ်ပို ၍ ပူပြင်းလာနေသည်။ မြန်မာ ပြည်ကလည်း  သစ်ပင်တော တောင် စိမ်းစိုမှုနည်းပါးလာ၍ နွေရာသီ၏ အပူဓာတ်မှာလွန်ကဲလာသည်။  ထိုအချိန်တွင် မိမိခန္ဓာ ကိုယ်အပူဓာတ်ကို  ထိန်းသိမ်းနိုင်ရန် သာမန်အချိန်ထက်  ရေပိုသောက်သင့်သည်ဟု  အကြံပြုပါသည်။

 ချွေးထွက်တတ်သော အ လုပ်ခွင်မှသူများ မကြာခဏ ရေ သောက်ပေးရန် လိုအပ်သလို အရိပ်ထဲမှာထိုင်၍ စတိုင်နှင့် လုပ်ရသူများပင်လျှင် ရေကို အလွယ်တကူသောက်နိုင်ရန် အလုပ်စားပွဲ၌ ရေတစ်ဖန်ခွက်(သို့)ရေပုလင်းကို စားပွဲပေါ်မှာတင်ထားပြီး မကြာခဏသောက်ရန် လိုလိမ့်မည်။ နီးနီးနားနား ခရီးသွားလျှင် ရေပုလင်းသေးသေး တစ်ပုလင်းကို အိတ်ထဲ၊ ဆွဲခြင်းထဲမှာ ထည့်ယူသွားသင့်ပါသည်။ ပုလင်းမှာ ရေကုန်လျှင် ပြန်ဖြည့် စွက်ပါ။ (သို့မဟုတ်)ရေသန့်တစ် ပုလင်းထပ်မံဝယ်ယူပါ။ ရန်ကုန် မြို့တွင် နာရေးအသုဘအခမ်းအနားများတွင် ရေသန့်ဘူးငယ်များ ဝေငှခြင်းသည် အလွန်ကုသိုလ် ရသော အလှူဒါနတစ်ခုဟု ချီး မွမ်းလိုပါသည်။ ရှေးက မြန်မာ တို့၏  ရေချမ်းစင်ကုသိုလ်ဒါန သည်လည်း  အလွန်ကောင်းမွန် သော  ဓလေ့ထုံးတမ်းအစဉ်အ လာပါပေ။

 နွေရာသီကာလမှာ ခေါင်း မူးလာခြင်း၊ ခေါင်းကိုက်လာခြင်း များသည် တစ်ခါတစ်ရံ ရောဂါ တစ်ခုမဟုတ်ဘဲ ရေသောက်ရန် လိုအပ်လာ၍ ဖြစ်တတ်သည်ကို သတိပြုစေချင်ပါသည်။  ရေ ဓာတ်လိုအပ်လာပြီဖြစ်ကြောင်း ကို အာခေါင်ခြောက်သွေ့လာရုံ၊ ရေငတ်သည့် စိတ်ခံစားမှုဖြစ်ရုံ မျှဖြင့် ရေသောက်ပေးလျှင် သတိလစ်သွားသည်အထိ ကျန်းမာရေးချို့ယွင်းခြင်းကို ကာကွယ်နိုင်ပါ သည်။

မြန်မာပြည်မှ အထည်ချုပ် စက်ရုံအပါအ၀င် စက်ရုံ၊ အလုပ် ရုံများမှာ  အလုပ်သမားများ သောက်သုံးရန် ရေသန့်ဘူးကို အလုံအလောက်ဖြည့်ဆည်းပေး ခြင်း မရှိသည့် စက်ရုံ၊ အလုပ်ရုံ များရှိကြောင်း သတင်းများမှာ မကြာခဏကြားရတတ်ပါသည်။ ရေအလုံအလောက်သောက်သုံး ခွင့်မရလျှင် အလုပ်လုပ်ရသော အလုပ်သမားများမှာ အလုပ် လုပ်နိုင်စွမ်းအား၊ စွမ်းရည်ကျ ဆင်းတတ်သည်ဖြစ်၍ အလုပ် သမားများ ရေငတ်လျှင် လုပ်ငန်း ရှင်လည်း ထိခိုက်နစ်နာနိုင်သည် ကို သတိပေးပါရစေ။ စေတနာ အရရော၊ လုပ်ငန်းသဘောအရပါ စက်ရုံ၊ အလုပ်ရုံများမှာ လစာငွေဆိုသည်ကို တစ်ခဏထားလျက် သောက်သုံးရေကိုမူ  အလုံအလောက်ထားပေးရန် နှိုးဆော်ပါသည်။ အလုပ်ရှင်ဖြစ်သူ က သောက်သုံးရေကိုမှ မသဒ္ဓါလျှင်တော့ ဆန္ဒသာပြကြပါဟု အလုပ်သမားများကို  တိုက်တွန်းလိုသည်။

 နွေနေရောင်အောက်မှာ ရေဓာတ်လိုအပ်ခြင်းသည် သစ် ပင်များသာမက သတ္တ၀ါတိုင်းနှင့် သက်ဆိုင်၍ အိမ်မွေးတိရစ္ဆာန် လေးများအတွက်လည်း သောက် သုံးရေ အလုံအလောက် ထားရှိ ပေးသင့်ပါသည်။ နွား၊ ၀က်၊ ကြက်၊ ဆိတ်၊ သိုး၊ ကြက်၊ ခွေး၊ ကြောင်ကလေးများ ရေသောက် စရာအဆင်ပြေအောင် ဖန်တီးပေးရန်မှာ လူတို့မှာ တာဝန်ရှိပါသည်။

အထူးသတိပြုရန်မှာ မိမိ အတွက် မိမိလိုအပ်ချက်ကို မဖြည့်စွမ်းတတ်သေးဘဲရေသောက်ရမည်ကို မသိတတ်သေးသော အလွန်ငယ်ရွယ်သော ကလေးသူငယ်များနှင့် မိမိ၏ ကျန်းမာရေးအတွက် မည်သည့်အရာလိုအပ်နေသည်ကို မေ့လျော့နေတတ်သော သက်ကြီးရွယ်အိုများကို လူငယ်၊ လူလတ်များက နွေရာသီကာလမှာ ရေမကြာခဏ ဂရုတစိုက်တိုက်ပေးပါရန် မေတ္တာရပ်ခံပါသည်။

နွေရာသီမှာ ရေပိုသောက် ရန်လိုသည်ဟု  ဆိုသော်ငြား လည်း ကျောက်ကပ်ဝေဒနာခံစား နေရသဖြင့် ရေသောက်ခြင်းကို ကန့်သတ်ခံ ထားရသူများက တော့ သက်ဆိုင်ရာ ဆရာဝန်ခွင့် ပြုချက်အတိုင်းသာ သောက်သုံး ကြပါကုန်။ ဤအချက်ကား ခြွင်း ချက်ဖြစ်ပါသည်။   ။

မယ်ငွေဥ

မယ်ငွေဥ