ကာကွယ်ရေးဦးစီးချုပ် ပထမဆုံးတက်ရောက်သည့်သတင်းစာရှင်းလင်း ပွဲတွင် MRTV-4၊ မြ၀တီနှင့် သတင်းစဉ်တို့သာ မေးခွန်းမေးမြန်းခွင့် ရရှိ

(၁၁) ကြိမ်မြောက် အာဆီယံကာကွယ်ရေးဦးစီးချုပ်များ အလွတ်သဘော အစည်းအဝေး သတင်း စာရှင်း လင်းပွဲကို မတ် ၅ ရက်က နေပြည်တော်၌ ကျင်းပခဲ့ပြီး တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်ကိုယ်တိုင် တက်ရောက်ခဲ့သည်။

အဆိုပါ သတင်းစာရှင်းလင်းပွဲသည် မြန်မာ့တပ်မတော် ကာကွယ်ရေးဦးစီးချုပ် ဗိုလ်ချုပ်မှူးကြီး မင်အောင်လှိုင် ပထမဆုံးအကြိမ်အဖြစ် တက်ရောက်ခဲ့ခြင်းဖြစ်ပြီး သတင်းများ မေးမြန်းခွင့်ပြုရာတွင် အစိုးရနှင့် နီးစပ်သော သတင်းဌာနများဖြစ်သည့် မြ၀တီရုပ်သံသတင်းဌာန၊MRTV-4 နှင့် သတင်းစဉ် တို့မှသာ မေးခွန်းမေးမြန်းခွင့် ရရှိခဲ့သည်။ အဆိုပါ သတင်းစာရှင်းလင်းပွဲသို့ တက်ရောက်ရန် ပုဂ္ဂလိက သတင်းဌာနများမှ သတင်းသမားများအနေဖြင့် ကြိုတင်ကာ စာရင်းပေးသွင်းရသည့်အပြင် ဓာတ်ပုံသုံးပုံနှင့် ကိုယ်ရေးအကျဉ်း နှစ်စောင် ဖြည့်စွက်ခဲ့ရသည်။

အဆိုပါ သတင်းစာရှင်းလင်းပွဲအတွက် မေးခွန်းများကို ကြိုတင်ပေးပို့ရန်တောင်းဆိုခဲ့သော်လည်း နောက် ပိုင်း တွင် ပေးပို့ရန်မလိုကြောင်း၊ သတင်းစာရှင်းလင်းပွဲအတွင်းတွင်သာ မေးမြန်းနိုင်ကြောင်း ပြန်ကြားရေး
ဝန်ကြီးဌာန လက်အောက်ရှိ မူပိုင်ခွင့်နှင့် မှတ်ပုံတင်ဌာနမှ အကြောင်းကြားခဲ့သည်။ သို့သော်လည်း သတင်းစာရှင်းလင်းပွဲ ကျင်းပချိန်တွင် ကြိုတင်ပေးပို့ထားသော မေးခွန်းများကို ဦးစားပေး ဖြေကြားမည် ဟုဆိုကာ အဆိုပါသတင်းဌာနသုံးခုကို မေးမြန်းခွင့်ပြုခဲ့ပြီးနောက် ဆက်လက်မေးမြန်းခွင့် မပြုခဲ့ပေ။

အဆိုပါ သတင်းစာရှင်းလင်းပွဲတွင် တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်က အာဆီယံတပ်မတော်များအနေဖြင့်ဒေသတွင်းလုံခြုံရေးတွင် ပူးပေါင်းဆောင်ရွက်ရန်နှင့် တောင်တရုတ် ပင်လယ်အရေး ဖြေရှင်းရာတွင် ငြိမ်းချမ်းစွာညှိနှိုင်းအဖြေရှာသည့် နည်းလမ်းကို ကျင့်သုံးရန် မြန်မာ့ တပ်မတော်က တိုက်တွန်းကြောင်း ပြောကြားသည်။

မတ် ၅ ရက်က နေပြည်တော်တွင် ကျင်းပသော အဆိုပါ သတင်းစာရှင်းလင်းပွဲသည် တပ်မတော် ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်၏ ပထမဆုံးသော သတင်းစာရှင်းလင်းပွဲ လည်းဖြစ် သည်။

(၁၁) ကြိမ်မြောက် အာဆီယံတပ်မတော် ကာကွယ်ရေးဦးစီးချုပ်များ အစည်းအဝေးတွင် ဒေသတွင်း လက်ရှိဖြစ်ပေါ်နေသော လုံခြုံရေး ခြိမ်းခြောက်မှုများသည် ဒေသတွင်းတည်ငြိမ်အေးချမ်းရေးကို အနှောင့် အယှက်ဖြစ်လာနိုင်သဖြင့် အာဆီယံတပ်မတော်များ ပူးပေါင်းကာ ဒေသတွင်းလုံခြုံရေးကို ဆောင်ရွက်ရန် သဘောတူခဲ့ကြောင်း၊ ရေကြောင်း လုံခြုံရေးသည်လည်း အဓိကကျသော ကဏ္ဍမှ ပါဝင်သည်ဟု သဘောတူကြောင်း တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်က မီဒီယာ များသို့ ပြောကြားသည်။

“အာဆီယံ တပ်မတော်တွေ ပူးပေါင်းပြီး ဒေသတွင်းလုံခြုံရေး ခြိမ်းခြောက်မှုကို ဖြေရှင်းတဲ့အပြင် ပိုမိုတည်ငြိမ်အေးချမ်းပြီး ပိုမိုလုံခြုံတဲ့ ဒေသတစ်ခုအဖြစ် ဖော်ဆောင်ကြမှာပါ” ဟု ၎င်းက ဆက်လက်ပြော ကြားသည်။

အာဆီယံအဖွဲ့ဝင်နိုင်ငံများအနေဖြင့် လက်ရှိရင်ဆိုင်နေရသော လုံခြုံရေးဆိုင်ရာ ခြိမ်းခြောက်မှုများတွင် သဘာဝပတ်ဝန်းကျင် ဘေးအန္တရာယ်များ၊ ကူးစက်ရောဂါများ၊ နယ်စပ်ဖြတ်ကျော် ရာဇ၀တ်မှုများ၊ အကြမ်းဖက်မှုများ၊ လူမှုလုံခြုံရေးနှင့် အင်တာနက် ရာဇ၀တ်မှုတို့ပါဝင်ပြီး အာဆီယံတပ်မတော်များ အနေဖြင့် သတင်းအချက်အလက်နှင့် နည်းပညာဖလှယ်ခြင်း၊ ပူးပေါင်းလေ့ကျင့်ခြင်း၊ အရည်အသွေး မြှင့်
တင်ခြင်းတို့ ပြုလုပ်ကာ အဆိုပါခြိမ်းခြောက်မှုများကို ရင်ဆိုင်သွား မည်ဖြစ်ကြောင်း (၁၁) ကြိမ်မြောက် အာဆီယံကာကွယ်ရေးဦးစီးချုပ်များ အစည်းအဝေးတွင် ထပ်လောင်းအတည်ပြုခဲ့သည်ဟု ဗိုလ်ချုပ်မှူးကြီး မင်းအောင်လှိုင်က ပြောကြားသည်။

Eleven Media Group