မန္တလေးတိုင်းဒေသကြီး ရမည်းသင်းမြို့နယ်၊ ရွှေမြင်တင်ဘုရားကုန်းပေါ်မှာ သပိတ်စခန်း ဖွင့်ထားတဲ့ မိုးထိမိုးမိရွှေလုပ်သား အယောက် ၅၀ လောက်ကို သက်ဆိုင်ရာ အာဏာပိုင်တွေက မနေ့က ညနေပိုင်းမှာ လာရောက် ဖမ်းဆီးခေါ်ဆောင် သွားတယ်လို့ ထိန်းသိမ်းခံခဲ့ရသူတွေက အဖမ်းဆီးခံရင်းနဲ့ပြောသွားတယ်လို့ သိရပါတယ်။
အဲဒီ သပိတ်စခန်းကို ဖေဖော်ဝါရီ ၂၈ရက်နေ့ နောက်ဆုံးထား ဖယ်ရှားပေးဖို့ သက်ဆိုင်ရာက ထုတ်ပြန်ထား ခဲ့တာဖြစ်ပါတယ်။
ရွှေလုပ်သားတွေကို အာဏာပိုင်တွေက လာရောက် ဖမ်းဆီးခေါ်ဆောင်တဲ့ ကိစ္စနဲ့ပတ်သက်ပြီး ရွှေမြင်တင် ဆရာတော် ဦးဇာဂရက အခုလို မိန့်ကြားပါတယ်။
“ရဲအင်အားရာကျော်တယ်၊ ရယက အဖွဲ့အစည်း၊ ရပ်ရွာအဖွဲ့အစည်း ဂေါပကအဖွဲ့ အကုန်အစုံ ဆိုရင်တော့ ဦးဇင်းအနေနဲ့ကတော့ တစ်ရာ့ငါးဆယ်လောက်ကတော့ရှိတယ်လို့ထင်တာပဲ၊ တရာငါးဆယ်၊ နှစ်ရာပေါ့။”
လောလောဆယ်တော့ အဲဒီရွှေမြင်တင်ဘုရားကုန်းမှာ လုံခြုံရေးအင်အား အယောက်နှစ်ရာလောက် ချထားတယ်လို့လည်း သိရပါတယ်။
ဒီကိစ္စနဲ့ပတ်သက်ပြီး ရမည်းသင်းမြို့မရဲစခန်းကိုဆက်သွယ်မေးမြန်းခဲ့ပေမယ့် အသေးစိတ်မပြောနိုင်သေး ဘူးလို့တာဝန်ကျရဲတပ်ဖွဲ့ဝင်တစ်ဦးက ပြောပါတယ်။
အဲဒီ သပိတ်စခန်းကို ၂၀၁၃၊ ဒီဇင်ဘာလကတည်းက ရမည်းသင်းမြို့ သီလ၀လမ်းမှာ ဖွင့်ခဲ့တာဖြစ်ပြီး သက်ဆိုင်ရာကပြောင်းရွှေ့ခိုင်းတဲ့အတွက် ရွှေမြင်တင်တောင်ပေါ် ဘုရားအနောက်ဘက်မုခ်မှာ သပိတ်စခန်းဖွင့်လှစ်ခဲ့တာဖြစ်တဲ့အကြောင်း မြစ်မခ သတင်းအရ သိရပါတယ်။
ABC
No comments:
Post a Comment