ယူကရိန်းနဲ့ ရှရှားစစ်တပ်ကြား တင်းမာမှုတွေရှိနေဆဲ

ယူကရိန်းနိုင်ငံ ​Crimea ​ဒေသမှာရှိတဲ့ ​ရုရှားစစ်တပ်နဲ့ ​ယူကရိန်းစစ်တပ်အကြား ​တင်းမာမှု ​ဖြစ်ခဲ့ပေမယ့် ​အဓိကရုဏ်းဖြစ်ပွားတဲ့အဆင့် ​မရောက်ခဲ့ဘူးလို့ ​သိရပါတယ်။

Crimea ​ဒေသရှိ ​လေတပ်စခန်းတစ်ခုကို ​ရုရှားက ​သိမ်းပိုက်ထားတာကို ​မကျေနပ်တဲ့အတွက် ​ယူကရိန်းစစ်သားတွေဟာ ​လက်နက်တွေ ​မကိုင်ဆောင်ထားပဲ ​Belbek ​လေဆိပ်စခန်းဆီကို ​ချီတက်သွားခဲ့ကြပါတယ်။

လေဆိပ်တွင်းက ​ရုရှားစစ်တပ်တွေကလည်း ​မိုးပေါ်ကို ​သေနတ်တွေပစ် ​ခြိမ်းခြောက်မှုတွေ ​လုပ်ခဲ့ပါတယ်။

အဲဒီနောက်ပိုင်းမှာ ​အခြေအနေ ​ငြိမ်သက်သွားပြီး ​ယူကရိန်းစစ်သားတွေ ​ဘောလုံးကန်နေတာကို ​တွေ့ခဲ့ရပေမယ့် ​ယူကရိန်းနဲ့ ​ရုရှားတပ်တွေကြား ​တင်းမာမှုတွေဟာ ​အချိန်မရွေး ​ပေါက်ကွဲလာနိုင်တဲ့ အခြေအနေမှာ ​ရှိနေတယ်လို့ ​Belbek ​လေတပ်စခန်းကို ​ရောက်ရှိနေတဲ့ ​အေဘီစီ ​သတင်းထောက် ​Matt ​Brown ​က ​သတင်းပေးပို့ထားပါတယ်။

ယူကရိန်းစစ်တပ်ကလည်း ​မိမိရဲ့နိုင်ငံကို ​ကာကွယ်ဖို့အတွက် ​တပ်တွေတိုးမြှင့်ချထားမယ်လို့ ​ပြောဆိုနေ သလို ​ယူကရိန်းသမ္မကို ​ဖြုတ်ချခဲ့တဲ့ ​ဆန္ဒပြခေါင်းဆောင်တွေကလည်း ​ရုရှားက ​စစ်ရေးခင်းနေတဲ့အတွက် ​ယူကရိန်းတပ်တွေအနေနဲ့ ​ရုရှားပိုင် ​နယ်မြေတွေထဲအထိ ​ဝင်ပြီး ​တိုက်ပွဲဝင်ဖို့ရှိတယ်လို့ ​ပြောပါတယ်။

ရုရှားသမ္မတ ​Vladimir ​Putin ​ကတော့ ​Crimea ​ဒေသမှာ ​စစ်ရေးဖြန်ဖြေမှုတွေ ​မလိုအပ်ရင် ​ပြုလုပ်မှာ မဟုတ်ဘူးလို့ ​ပြောသွားခဲ့ပေမယ့် ​စစ်ရေးအရ ​မဖြေရှင်းပါဘူးဆိုတဲ့ ​ကတိကိုတော့ ​ပေးဖို့ ​ငြင်းဆိုထား ပါတယ်။

ယူကရိန်းနိုင်ငံ ​Cremia ​ဒေသခံတွေဟာ ​ရုရှားစကားကို ​ပြောကြသူတွေဖြစ်တဲ့အတွက် ​အဲဒီဒေသခံတွေကို ​ကာကွယ်ဖို့ ​ယူကရိန်းနိုင်ငံထဲ ​ဝင်ရတာလို့လည်း ​ရှရှားကပြောပါတယ်။

ခုလောလောဆယ် ​ထိပ်တိုက်ရင်ဆိုင်မှုတွေကို ​ယူကရိန်းနဲ့ ​ရုရှားတို့ ​ရှောင်ရှားနေပြီး ​နှစ်နိုင်ငံ ​ဝန်ကြီးအဆင့် ​ဆွေးနွေးမှုတွေ ​ပြုလုပ်နေကြတယ်ဆိုတဲ့ ​သတင်းတွေလည်း ​ထွက်ပေါ်နေပါတယ်။

ဗြိတိန်နိုင်ငံ ​နိုင်ငံခြားရေးဝန်ကြီးကလည်း ​ရုရှားစကားပြောတဲ့ ​လူနည်းစုကို ​ယူကရိန်းနိုင်ငံက ​ကာကွယ်မယ်ဆိုရင်တောင် ​ရုရှားအနေနဲ့ ​ဒီကိစ္စမှာ ​စစ်ရေးအရ ​မဖြေရှင်းပဲ ​သံတမန်နည်းလမ်းအရ ​ဖြေရှင်းဖို့ ​တောင်းဆိုထားပါတယ်။

အမေရိကန်သမ္မတ ​ဘားရက်အိုဘားမားကတော့ ​ရုရှားအနေနဲ့ ​ယူကရိန်းအရေးမှာ ​ဝင်ပါတာဟာ ​နိုင်ငံတကာ ​ဥပဒေချိုးဖောက်ရာ ​မရောက်ဘူးလို့ ​ပြောလိုက်တာကို ​ကြည့်ခြင်းအားဖြင့် ​ရုရှားသမ္မတဘေးမှာ ​ဝိုင်းရံထားတဲ့ ​ဥပဒေပညာရှင်တွေ ​ရှေ့နေတွေဟာ ​သူများနဲ့ ​မတူလို့ ​ဖြစ်နိုင်တဲ့အကြောင်း ​ရုရှား စကားပြောဆိုတဲ့ ​Crimea ​ပြည်သူတွေကို ​ရုရှားကာကွယ်ရမယ် ​ဆိုတာ ​မှန်ပေမယ့် ​ဒီလို ​အကြမ်းဖက် ဆန်တဲ့ ​နည်းမျိုး ​သုံးတာတော့ ​မှားတယ်လို့ ​ပြောသွားခဲ့ပါတယ်။

ABC