လုပ်ငန်းရှင်နှင့် ညှိနှိုင်းဆွေးနွေးမှု မပြေလည်သည့်အတွက် ပုသိမ်မြို့စက်မှုဇုန်ရှိ တရုတ်နိုင်ငံသားပိုင် Myanmar Knitting အထည်ချုပ်စက်ရုံမှ အလုပ်သမား ၁ဝဝဝ ကျော်မှာ တတိယနေ့အဖြစ် ဆက်လက် ဆန္ဒဖော်ထုတ်ခဲ့ကြောင်း သတင်းရရှိသည်။
စက်ရုံအလုပ်ခွင်၌ အလုပ်သမားအခွင့်အရေး ချိုးဖောက်ခံနေရသည့်အတွက် တောင်းဆိုချက် ၄၅ ချက်တောင်းဆိုကာ စက်တင်ဘာလ ၂ ရက်နေ့မှ စတင်ကာ စက်ရုံအလုပ်သမားများ ၃ ရက်ဆက်တိုက် ဆန္ဒဖော်ထုတ်နေခြင်းဖြစ်ပြီး ပုသိမ်မြို့ စက်မှုဇုန်တွင် ရက်အရှည်ဆုံး အလုပ်သမားဆန္ဒဖော်ထုတ်ပွဲအဖြစ် မှတ်တမ်းဝင်ခဲ့သည်။
စက်တင်ဘာ ၃ ရက်နေ့တွင် စက်ရုံတာဝန်ရှိသူများနှင့် အလုပ်သမားခေါင်းဆောင်များ ဆွေးနွေးခဲ့ရာ တောင်းဆိုချက် ၄၅ ချက်အနက် ၃၉ ချက်ကို စက်ရုံဘက်မှ လိုက်လျောပေးခဲ့ပြီး အလုပ်သမားများအတွက် အဓိကကျသည့် အချက် ၆ ချက်ကို ယနေ့ နံနက်ပိုင်းတွင် ဆက်လက်ဆွေးနွေးနေကြောင်း သိရသည်။
သတင်းနှင့်ဓာတ်ပုံ - ဆလိုင်းသန့်စင်
ဧရာဝတီ
No comments:
Post a Comment