ဘင်္ဂလားဒေ့ရ်ှနိုင်ငံသို့ နေရပ်စွန့်ခွာထွက်ပြေးသွားတဲ့သူတွေ အဖွဲ့ ၃ ဖွဲ့ကွဲနေဟု မောင်တောခရိုင် ဒုအုပ်ချုပ်ရေးမှူးက ပြောပါတယ်။
၂၀၁၇ သြဂုတ်လ အကြမ်းဖက်ဖြစ်စဉ်တွေကြောင့် ဘင်္ဂလားဒေ့ရ်ှနိုင်ငံသို့ နေရပ်စွန့်ခွာ ထွက်ပြေးသွားကြသူတွေ ပြန်လည်ဝင်ရောက်လာရေးအတွက် မြန်မာနဲ့ ဘင်္ဂလားဒေ့ရှ် နှစ် နိုင်ငံသဘောတူညီချက်တွေကြောင့် မြန်မာဘက်က ၃ ကြိမ်တိုင်တိုင် ပြန်လည်လက်ခံရေး အစီအစဉ်တွေကို အဆင်သင့်ပြုလုပ်ထားခဲ့ပေမယ့် နေရပ်စွန့်ခွာသူတွေ တဦးတယောက်မှ ပြန်လည်ဝင်ရောက်လာတာ မရှိသေးပါဘူး။
ပြန်လည်ဝင်ရောက်မှုမရှိတဲ့အပေါ် မောင်တောခရိုင် ဒုအထွေထွေအုပ်ချုပ်ရေးမှူး ဦးရဲထူးက “ဟိုဘက်ကိုရောက်နေတဲ့ သူတွေမှာလည်း အုပ်စု ၃ ခု ကွဲနေတယ်လို့သိရတယ်။ ပြန်မလာချင်ဘဲ တတိယနိုင်ငံတခုခုကို သွားလိုတဲ့အုပ်စု၊ နောက်အုပ်စုကတော့ အာဆာအဖွဲ့ရဲ့ စည်းရုံးတာကိုခံရပြီး ပြစ်မှုကျူးလွန်ထားခဲ့တာတွေရှိတယ်။ ဒီလူတွေကလည်း ပြန်လာရင် ဥပဒေအအရေးယူခံရမှာ ကြောက်ပြီးပြန်မလာရဲတာရှိတယ်။ နောက်အုပ်စုတခုကတော့ ဒီဘက်မှာ သူတို့ရဲ့ ဆွေမျိုးတွေကျန်ခဲ့တယ်။ လယ်ယာမြေတွေ ကျန်ခဲ့တယ်။ ပုစွန်ကန်တွေ ကျန်ခဲ့တယ်။ အဲဒီလူတွေကတော့ ပြန်လာချင်ကြပေမယ့် သူတို့ကို လည်း တခြားလွှမ်းမိုးမှုတွေက ရှိနေတယ်။ သူတို့ကျတော ဒီကိုပြန်လာချင်တယ်။ အဲ့ဒီမှာ အဆင်မပြေဘူး။ ဒါပေမယ့် ကျနော်တို့ကို စောင့်ကြည့်နေတဲ့သူတွေရှိတယ် ဆိုပြီး ကျနော်တို့ကို ဆက်သွယ်လာတာတွေရှိတယ်။ အယောက် ၈၀ လောက်ရှိတယ်။ သူတို့က လာချင်ပေမယ့် တရားဝင်လမ်းကလည်း မလာနိုင်ဘူး။ သူတို့ဖာသာ လာမယ်ဆိုရင်လည်း စောင့်ကြည့်နေသူတွေ ရှိတယ်။ အန္တရာယ်ကျရောက်မှာကို စိုးရိမ်နေကြတယ်။ ဒါပေမယ့် သူတို့နည်းလမ်းနဲ့ ပြန်လာတဲ့သူတွေလည်း ရှိပါတယ်”ကပြောပါတယ်။
ရွှေစားကျေးရွာအုပ်စု ကပ်ပ္ပကောင်းကျေးမှ ဦးကျော်သာ (ခေါ်) ဇာဘောအာလောင်ကတော့ “ကျနော့်အမြင်ကတော့ သူတို့ရဲ့ရပိုင်ခွင့်တွေ လိုအပ်ချက်တွေ အပြည့်အဝမရလို့ မြန်မာအစိုးရနဲ့ ဘင်္ဂလားအစိုးရနဲ့ သဘောတူချက်တွေရှိပေမယ့်လည်း ပြန်မလာကြတာလို့ ထင်ပါတယ်။ အဓိကကတော့ နိုင်ငံသားအခွင့်အရေးရချင်ကြတယ်။ အားလုံးက နိုင်ငံသားဖြစ်ချင်ကြတယ်။ နိုင်ငံသားဖြစ်ခွင့် ရရှိရေးက လျှောက်ထားမှ ရရှိမှာကို နားမလည်ကြဘူး”လို့ ပြောပါတယ်။
၂၀၁၇ သြဂုတ် အကြမ်းဖက်ဖြစ်စဉ်ကြောင့် က်ဘင်္ဂလားဒေ့ရှိနိုင်ငံသို့ လူတွေ သိန်းနဲ့ချီ နေရပ်စွန့်ခွာသွားပြီး UEHRD အစီအစဉ်အရ မြန်မာဘက်က ပြန်လည်လက်ခံရေးအတွက် ၂၀၁၈ ဇန်နဝါရီလ ၂၃ ရက်မှာ ပထမတကြိမ် ၂၀၁၈ နိုဝင်ဘာလ ၁၅ ရက်မှာ ဒုတိယအကြိမ် ပြန်လည်လက်ခံဖို့ အဆင်သင့်ပြင်ဆင်ထားခဲ့ကြပေမယ့် ပြန်လည်ဝင်ရောက်လာတာ မရှိပါဘူး။
ပြီးခဲ့တဲ့ ၂၀၁၉ ခုနှစ် သြဂုတ်လ ၂၂ ရက်နေ့ကလည်း တတိယအကြိမ်ပြန်လည်လက်ခံရေး အစီအစဉ်အရ ပထမ အသုတ်အဖြစ် ဒုက္ခသည် ၃၄၅ဝ ဦးကို ပြန်လည်လက်ခံဖို့ စီစဉ်ထားခဲ့ပေမယ့် တယောက်မှ ပြန်လာတာ မရှိခဲ့ပါဘူး။
DVB
No comments:
Post a Comment