ရှမ်းပြည်မြောက်ပိုင်း လားရှိုးမြို့ အမှတ် (၂) ရဲစခန်းအနောက်ဘက်မှာ စက်တင်ဘာ ၃ ရက် ယမန်နေ့ညက အမည်မသိ သေနတ်သမားက ဆိုင်ကယ်နဲ့ လာရောက်ပစ်ခတ်သွားပါတယ်။
အဆိုပါ ရဲစခန်းဟာ လားရှိုးမြို့ ရပ်ကွက် ၁၂ ရပ်ကွက် ခိုလောင်းအုပ်စုထဲမှာရှိပြီး အမည်မသိ သေနတ်သမားက ၂ ချက်ပစ်ခတ်သွားတာကြောင့် ရဲတပ်ဖွဲ့က ပြန်ပြီးလိုက်လံပစ်ခတ်ခဲ့တယ်လို့ လားရှိုး ဒေသခံ စိုင်းဟန်က ဒီဗွီဘီကို ပြောပါတယ်။
“အဲဒီနားနေတဲ့လူတွေ ပြန်ပြောပြတာကတော့ မနေ့ည ၇ နာရီခွဲလောက်မှာ ဆိုင်ကယ်စီးတဲ့ လူ ၂ ယောက်က ရဲစခန်းအနောက်ဘက်လမ်းကနေ ပစ်ခတ်သွားတယ်။ သေနတ်သံ ၂ ချက် ကြားပြီး ရဲတွေကပြန်ပြီးတော့ ပစ်လိုက်တဲ့အသံ လေးငါးချက်ကြားတယ်လို့ ပြောတယ်။ အပျက်အစီးတော့ မရှိပါဘူး။ ဒါပေမယ့် အသံကကျယ်တော့ ကြောက်ကြတာပေါ့။ ပဲ့တင်သံ ထပ်တော့ ကိုယ်နဲ့နီးနီးလေးလို့ဘဲ ထင်တာ။”
ဒီကိစ္စနဲ့ ပတ်သက်ပြီး လားရှိုးအမှတ် (၂) ရဲစခန်းကို ဒီဗွီဘီက ဆက်သွယ်မေးမြန်းဖို့ ကြိုးစားပေမယ့် မရသေးပါဘူး။
လားရှိုးမြို့စွန် သိန္နီသွားလမ်းပေါ်မှာ ပြီးခဲ့တဲ့လက မြောက်ပိုင်းမဟာမိတ်တပ်ဖွဲ့နဲ့ မြန်မာ့ တပ်မတော်တို့ ပစ်ခတ်မှုဖြစ်ပွါးပြီး ဓာတ်ဆီဆိုင်တဆိုင် လက်နက်ကြီးကျည်ထိမှန်မီးလောင်ခဲ့ သလို ကုန်းဆာအုပ်စုထဲမှာလည်း လက်နက်ကြီးကျရောက်ပြီး ရွာသား ၁ ဦးသေဆုံးခဲ့ပါတယ်။
DVB
No comments:
Post a Comment