ရန်ကုန်တိုင်းအစိုးရအနေနဲ့ ကိုရီးယားဘဏ်တို့ ပူးပေါင်းပြီး ဒလမြို့သစ်ဖော်ဆောင်ဖို့နဲ့ ရန်ကုန်တိုင်းဒေသကြီး မြို့ပြနဲ့အိမ်ရာတွေ ဆောင်ရွက်သွားမယ်လို့ ရန်ကုန်တိုင်း လျှပ်စစ်၊စက်မှုနှင့် လမ်းပန်းဆက်သွယ်ရေးဝန်ကြီး ဒေါ်နီလာကျော်က ပြောပါတယ်။
ရန်ကုန်တိုင်းအစိုးရနဲ့ ကိုရီးယား KB Kookmin Bankတို့က တာဝန်ရှိသူတွေ စက်တင်ဘာ ၄ ရက်က ရန်ကုန်မြို့ Lotteဟိုတယ်မှာ နှစ်နိုင်ငံသဘောတူလက်မှတ်ရေးထိုးခဲ့ပြီး ပြောဆို လိုက်တာပါ။
“ကျမတို့အနေနဲ့ Kookmin ဘဏ်နဲ့ ပူးပေါင်းဆောင်ရွက်မှုအောင်မြင်စွာနဲ့ အကောင် အထည် ဖော်နိုင်အောင်လို့ တက်ကြွစွာနဲ့ထောက်ခံပေးပြီးတော့ ရှေ့အနာဂတ် ဒလမြို့သစ်စီမံကိန်း ဖော်ဆောင်မှုအပါအဝင် ရန်ကုန်တိုင်းဒေသကြီးရဲ့မြို့ပြဖော်ဆောင်ရေး၊ အိမ်ရာဖော်ဆောင်ရေးတွေ မှာ Kookmin ဘဏ်နဲ့ဆက်လက်ပြီး ပူးပေါင်းဆောင်ရွက်သွားဖို့ ရည်ရွယ်ထားပါတယ်’’ လို့ ဝန်ကြီး ဒေါ်နီလာကျော်က ပြောပါတယ်။
မနေ့က Lotte Hotel မှာ ကျင်းပတဲ့ အခမ်းအနားမှာ ဒလမြို့သစ်စီမံကိန်း အကြိုဆန်းစစ် လေ့လာခြင်းဆိုင်ရာ နားလည်မှုစာချွန်လွှာကို ရန်ကုန်မြို့တော်ဝန် ဦးမောင်မောင်စိုးနဲ့ Korea Land and Housing Corporation စီအီးအို Mr. Byeon Chang Heum တို့က လက်မှတ်ရေးထိုး ကြပါတယ်။
ဒါ့အပြင် ရန်ကုန်တိုင်းဒေသကြီး အစိုးရအဖွဲ့နဲ့ KB Kookmin Bank တို့အကြား အိမ်ရာ ငွေကြေးကဏ္ဍ ပူးပေါင်းဆောင်ရွက်မှု နားလည်မှုစာချွန်လွှာကိုလည်း လက်မှတ်ရေးခဲ့ပါတယ်။
အခမ်းအနားမှာ ဆောက်လုပ်ရေး ပြည်ထောင်စုဝန်ကြီး ဦးဟန်ဇော်က ကိုရီးယားသမ္မတနိုင်ငံ Seoul မြို့နားမှာ စမတ်စီးတီး မြို့သစ်တွေ ဝန်းရံတည်ဆောက်ထားသလို ရန်ကုန်မြို့ ပတ်ဝန်းကျင်မှာလည်း ခေတ်မီမြို့သစ်စီမံကိန်းတွေ ထူထောင်ဆောင်ရွက်သွားဖို့ရှိတဲ့ အကြောင်းနဲ့ ကိုရီးယား-မြန်မာ စက်မှုဇုန် (KMIC)နဲ့ ဒလချစ်ကြည်ရေးတံတားစီမံကိန်းစတင် အကောင်အထည် ဖော်တာနဲ့အတူ ဒလမြို့သစ်စီမံကိန်းအတွက် အကြိုလေ့လာမှုကို ဆောင်ရွက်နိုင်တာ အချိန်အခါ ကောင်း ဖြစ်တယ်လို့လည်း ပြောပါတယ်။
ဒါ့အပြင် မြန်မာနိုင်ငံက အသေးစားအလတ်စား စီးပွားရေးလုပ်ငန်းတွေ ဖွံ့ဖြိုးတိုးတက်ဖို့ မြန်မာနိုင်ငံက SME ဖွံ့ဖြိုးရေးဘဏ်နဲ့ ကိုရီးယား Industrial Bankတို့ သဘောတူစာချုပ် ကိုလည်း လက်မှတ်ရေးထိုးခဲ့ကြပါတယ်။
မြန်မာနိုင်ငံကို ကိုရီးယားသမ္မတ မွန်ဂျေအန်း လာရောက်လည်ပတ်တဲ့ခရီးစဉ်အတွင်း ခုလို လက်မှတ်ထိုးခဲ့ကြတာဖြစ်ပြီး လက်မှတ်ရေးထိုးပွဲတွေနဲ့ နှစ်နိုင်ငံ စီးပွားရေး ပူးပေါင်းဆောင်ရွက်မှု ဆွေးနွေးပွဲတွေကို ကိုရီးယားသမ္မတနဲ့ မြန်မာ ဒုသမ္မတ ဦးမြင့်ဆွေတို့လည်း တက်ရောက်ခဲ့ကြ ပါတယ်။
DVB
DVB
No comments:
Post a Comment