သြစတြေးလျနိုင်ငံအနောက်ပိုင်း ပါ့သ်မြို့ ဂျန်ဒါကော့တ်လေဆိပ်မှာ လေယာဉ်မှူး သင်တန်းသားတယောက်ကို လေကြောင်းထိန်းချုပ်ရေးဌာနက အရေးပေါ်လေယာဉ် ဆင်းသက်နိုင်အောင် လမ်းညွှန်ပေးခဲ့ရပါတယ်။
သြဂုတ် ၃၁ ရက်က လေယာဉ်ပျံတက်ပြီး ၁ နာရီအကြာ လေယာဉ်ပျံသန်းနေတုန်း လေယာဉ်မောင်းသင်တန်း နည်းပြ သတိလစ်သွားတဲ့အတွက် သင်တန်းသား မက်စ်ဆီလ်ဗက်စ်စတာဟာ လေကြောင်း ထိန်းချုပ်ရေးဌာနကို ဆက်သွယ်ခဲ့တယ်လို့ သြစတြေးလျ ရုပ်သံ ကော်ပိုရေးရှင်း ABC က ပြောပါတယ်။
သင်တန်းသား ဆီလ်ဗက်စတာဟာ အရင်က တခါမှ သူကိုယ်တိုင် လေယာဉ်မောင်းပြီး ကွင်းထဲကို မဆင်းဖူးလို့ လေကြောင်းထိန်းသိမ်းသူက လေယာဉ် မြေပေါ်ရောက်တဲ့အထိ ဆီလ်ဗက်စတာကို လမ်းညွှန်ပေးခဲ့ရပါတယ်။
ဆီလ်ဗက်စ်တာဟာ ၂ ကြိမ်၊ ၃ ကြိမ်သာ လေယာဉ်မောင်းဖူးသေးပေမယ့် အံ့သြချီးကျူးလောက်တယ်လို့ အဲရ် သြစတြေးလျ အင်တာနေရှင်နယ် လေကြောင်းလိုင်းရဲ့ ပိုင်ရှင် ချပ်ခ် မက်အယ်လ်ဝီးက ပြောခဲ့ပါတယ်။
DVB
No comments:
Post a Comment