ဟေတီနိုင်ငံ မြို့တော် ပို့စ်အော်စပရင်မှာ စက်တင်ဘာ ၃ ရက်နေ့က အတိုက်အခံ ထောက်ခံသူတွေ လွှတ်တော်အတွင်း ဝင်ရောက် ဖျက်ဆီးခဲ့တယ်ပါတယ်။
လမ်းမတွေပေါ် ကားတာယာတွေ မီးရှို့ထားသလို အတိုက်အခံအမတ်တွေနဲ့ ထောက်ခံသူတွေက လွှတ်တော်အဆောက်အဦအတွင်းက စားပွဲခုံတွေကို မှောက်လှန်ပြီး ပစ္စည်းတွေကိုလည်း ဖျက်ဆီးပစ်ခဲ့ပါတယ်။
ဟေတီနိုင်ငံအတွင်း လချီ ဆန္ဒပြပွဲတွေ ဖြစ်ခဲ့ပြီးနောက် အခုလို ဖြစ်ရပ် ပေါ်ပေါက်လာတာပါ။ လွှတ်တော်အမတ် တဦးက သူတို့ဟာ အစိုးရဝန်ကြီးဌာနတွေရဲ့ မူမမှန်တာတွေကို အချိုးကျကျ တုံ့ပြန်လိုက်တာဖြစ်တယ်လို့ ပြောပါတယ်။
အောက်လွှတ်တော် ဥက္ကဋ္ဌရဲ့ လွှတ်တော် အစည်းဝေးကျင်းပလိုတဲ့ ပုံစံကို သဘောမတူ ဘူးလို့လည်း သူက ပြောပါတယ်။ နောက်လွှတ်တော် အမတ်တဦးကတော့ ဒါဟာ နိုင်ငံတခုရဲ့ ပုံရိပ်ကိစ္စ ဖြစ်ပြီး ဒီလုပ်ရပ်ဟာ ပြည်သူပိုင်ပစ္စည်း ဖျက်ဆီးမှု ဖြစ်တယ်လို့ ပြောပါတယ်။
၁၈၀၄ ခုနှစ်က ကျေးကျွန်ဟောင်းတွေနဲ့ ပထမဆုံး တည်ထောင်ခဲ့တဲ့ ဟေတီနိုင်ငံဟာ အမေရိကနိုင်ငံတွေထဲမှာ အဆင်းရဲဆုံးဖြစ်ပါတယ်။ ဟေတီနိုင်ငံမှာ ကာလရှည် နိုင်ငံရေး မငြိမ်သက်မှုတွေ၊ နိုင်ငံခြား ဝင်ရောက်စွက်ဖက်မှုနဲ့ စီမံခန့်ခွဲမှု အလွဲတွေကြောင့် နိုင်ငံ စီးပွားရေး တိုးတက်မှု ရပ်တန့်ခဲ့ရတယ်လို့ ရိုက်တာသတင်းမှာ ဖော်ပြပါတယ်။
ဓာတ်ပုံ- Miami Herald
DVB
No comments:
Post a Comment