မြန်မာ့အသွင်ကူးပြောင်းမှု စောင့်ကြည့်ခြင်း တစ်လကျော်အထိ အသွင်ကူးပြောင်းမှု ချောမွေ့နေ

အထွေထွေရွေးကောက်ပွဲ ပြီးဆုံးသွားသည်မှာ သီတင်းပတ်ပေါင်း ငါးပတ်၊ ရက်အားဖြင့် ၃၈ ရက်ရှိပြီဖြစ်သည်။

နှစ်ရှည်လများစောင့်မျှော်ခဲ့ရသော ပြည်သူ့အောင်ပွဲတစ်ရပ်ဖြစ်လာမည့် အရပ်သားအစိုးရသစ်တစ်ရပ်ပေါ်ပေါက်ရေး လက်တစ်ကမ်းအကွာကို ရောက်နေသော်လည်း မြန်မာပြည်သူလူထုမှာ ရဲရဲဝံ့ဝံ့အောင်ပွဲမခံနိုင်ကြ သေးပေ။ရွေးကောက်ပွဲအပြီး ဖြတ်သန်းရမည့် အနိုင်ရပါတီထံသို့ အာဏာလွှဲပြောင်းမှု ချောမွေ့ရေးကို ရင်တထိတ်ထိတ်နှင့်စောင့်ကြည့် နေကြခြင်းကြောင့် ဖြစ်သည်။

ဒေါ်အောင်ဆန်းစုကြည်ကို တွေ့ဆုံရန် စစ်အစိုးရအဆက်ဆက်နှင့် ယခု လက်ရှိအစိုးရခေါင်းဆောင်များကိုယ်တိုင် မည်သည့်အခါကမှ တောင်းဆို ခဲ့ခြင်းမရှိဘဲ ဒေါ်အောင်ဆန်းစုကြည်ကသာ အမျိုးသားရင်ကြားစေ့ရေး အတွက်တွေ့ဆုံဆွေးနွေးရေးလမ်းစဉ်ကို တစိုက်မတ်မတ် တောင်းဆိုလာ ခဲ့ခြင်းဖြစ်သည်။ လူထုခေါင်းဆောင်၏ တွေ့ဆုံဆွေးနွေးရန် ကြိုးပမ်း ချက်များသည် အစဉ်ငြင်းပယ်ခံခဲ့ရကာ ယခုရွေးကောက်ပွဲတွင် အမျိုးသား ဒီမိုကရေစီအဖွဲ့ချုပ်ကတောင်ပြိုကမ်းပြိုအနိုင်ရခဲ့ပြီး နောက်ပိုင်းမှသာ သမ္မတ၊ တပ်ချုပ်တို့နှင့် တွေ့ဆုံဆွေးနွေးမှုများဖြစ်ပေါ်လာခဲ့သည်။

တွေ့ဆုံမှုများအပြီး ထုတ်ပြန်ချက်များ၊ သဘောတူညီချက်များနှင့် နှစ်ဖက်ညှိနှိုင်းဆောင်ရွက်မှုများကို လေ့လာကြည့်ပါက လက်ရှိအချိန်အထိ မြန်မာ့နိုင်ငံရေးအကူးအပြောင်းနှင့် အာဏာလွှဲပြောင်းရေးလုပ်ငန်းစဉ်မှာ ရွေးကောက်ပွဲ ပြီး တစ်လကျော်သည်အထိ ချောမွေ့နေဆဲဖြစ်သည်။ ကြားကာလတစ်ခုလုံး အဆင်ပြေချောမွေ့စွာဖြင့် အာဏာလွှဲပြောင်းပေး နိုင်ခြင်း ရှိ၊ မရှိကို ကမ္ဘာကရော မြန်မာနိုင်ငံသားအားလုံးကပါ စောင့်ကြည့် နေသည်။

ဒေါ်အောင်ဆန်းစုကြည်နှင့် ဗိုလ်ချုပ်မှူးကြီး(ငြိမ်း) သန်းရွှေတို့ တွေ့ဆုံမှု အပြီးတွင် ဦးသန်းရွှေကဒေါ်အောင်ဆန်းစုကြည်အား ပြောကြားချက် များအပေါ် အစိုးရနှင့်တပ်မတော်အသိုင်းအဝိုင်းဘက်က တုံ့ပြန်မှုများသည် ဦးသန်းရွှေ သဘောထားနှင့် ကွဲပြားနေသည်ကို တွေ့ရသည်။ ယင်းမှာ ဒေါ်အောင်ဆန်းစုကြည်၏ အံ့အားသင့်ဖွယ် နိုင်ငံရေးခြေလှမ်းစိပ်မှုများကို ရင်ဆိုင်ရန် အသင့်ပြင်ဆင်ထားခြင်းဖြစ်နိုင်ကြောင်းနိုင်ငံရေးအကျဉ်းသား ဟောင်း ၈၈ မျိုး ဆက်ကျောင်းသားတစ်ဦးဖြစ်သူ ဦးဂျော်လီထွန်းက ပြောသည်။

ဦးသန်းရွှေအနေဖြင့် အစိုးရအဖွဲ့၏ မူဝါဒများကို ပြောင်းလဲရန် ဩဇာသက်ရောက်မှုမရှိတော့ကြောင်း သမ္မတပြောခွင့်ရပုဂ္ဂိုလ် ဦးရဲထွဋ်က ပြောကြားထားပြီး ဦးသန်းရွှေနှင့် ဒေါ်အောင်ဆန်းစုကြည်တို့၏ တွေ့ဆုံမှုကို ကြိုတင် သိရှိထားခြင်းမရှိကြောင်း တပ်မတော်ဘက်က တုံ့ပြန်ပြောကြားမှုများလည်း ရှိနေသည်။

‘‘သူတို့ဘက်က အကြီးဆုံးတွေ တစ်ဦးစီ၊ တစ်ဦးစီရဲ့ ထွက်လာတဲ့အသံ တွေက ကွဲပြားနေပါတယ်။ ရည်ရွယ်ချက်နဲ့ ကွဲတာလား၊ ရိုးရိုးကွဲတာလား ကတော့ မသိနိုင်ဘူးပေါ့။ အခုထွက်နေတဲ့ အသံတွေကို ခွဲခြမ်းစိတ်ဖြာ ကြည့်လိုက်ရင် အမျိုးသားပြန်လည်သင့်မြတ်ရေးမူကို အလဲထိုးနေတာကို မြင်နေရပါတယ်။ အန်တီစုရဲ့ အမျိုးသားပြန်လည်သင့်မြတ်ရေးမူကို အပျော့အမာစမ်းသပ်နေတဲ့ အခင်းအကျင်းတွေလို့ ထင်မြင်ပါတယ်။ အန်တီစုရဲ့ လုပ်ရပ်ဟာ သူတို့အတွက်၊ အနာဂတ်အတွက် အမျိုးသားပြန် လည်သင့်မြတ်ရေးမူဟာ တကယ်အစစ်အမှန်ပဲလို့ သူတို့ကယူဆရင် အလွှဲအပြောင်းဟာ ချောမွေ့မှာပါ’’ဟု ဦးဂျော်လီထွန်းက ပြောသည်။

နိုဝင်ဘာ ၈ ရက် ရွေးကောက်ပွဲရလဒ်များ ထွက်ပေါ်လာချိန်၊ ဒီချုပ်က အပြတ်အသတ်ဦးဆောင်အနိုင်ရရှိသည်ကို သိပြီးနောက် နိုဝင်ဘာ ၁၀ ရက်တွင် ဒေါ်အောင်ဆန်းစုကြည်က သမ္မတ၊ တပ်ချုပ်၊ သူရဦးရွှေမန်းတို့နှင့် တွေ့ဆုံရန်တောင်းဆိုခဲ့သည်။ နိုဝင်ဘာ ၁၉ ရက်တွင် သူရဦးရွှေမန်း၊ ဒီဇင်ဘာ ၂ ရက်တွင် သမ္မတ၊ တပ်ချုပ်တို့ နှင့် တွေ့ဆုံမှုများပေါ်ပေါက်လာ ခဲ့သည်။ သမ္မတနှင့် တွေ့ဆုံမှုတွင် ယခင်က အစဉ်အလာမရှိခဲ့သည့်နိုင်ငံ တော် အကြီးအကဲရာထူးများ လွှဲပြောင်းပေးရေး နှစ်ဖက်သဘောတူဆွေးနွေး ခဲ့ကြောင်း သတင်းထုတ်ပြန်နိုင်ခဲ့ပြီး တပ်ချုပ်နှင့်တွေ့ဆုံမှုတွင် တည်ငြိမ် အေးချမ်းရေးနှင့် တရားဥပဒေစိုးမိုးရေး၊ စည်းလုံးညီညွတ်ရေးနှင့် နိုင်ငံ ဖွံ့ဖြိုးတိုးတက်ရေးတို့အတွက်နှစ်ဖက်ညှိနှိုင်းပူးပေါင်းဆောင်ရွက်ကြရန် သဘောတူသည်ဟု ထုတ်ပြန်ခဲ့သည်။

အကူးအပြောင်းနှင့် အာဏာလွှဲပြောင်းရေးလုပ်ငန်းစဉ် စနစ်ကျစေရန် အစိုးရက နိုင်ငံတော်အကြီးအကဲတာဝန်လွှဲပြောင်းမှု အထောက်အကူပြု ကော်မတီကို ဖွဲ့စည်းထားပြီး ရွေးကောက်ပွဲအနိုင်ရဒီချုပ်ပါတီက အသွင်ကူး ပြောင်းရေးအဖွဲ့ကို ဖွဲ့စည်းထားကြောင်း ဒီဇင်ဘာ ၁၂ ရက်စွဲဖြင့် နိုင်ငံတော်သမ္မတရုံးက ကြေညာချက်ထုတ်ပြန်ခဲ့သည်။

ထို့အပြင် ဆယ်စုနှစ်တစ်ခုနီးပါးကြာ မျက်နှာချင်းမဆိုင်ခဲ့ကြသည့် ဗိုလ်ချုပ်မှူးကြီး (ငြိမ်း)သန်းရွှေနှင့်ဒေါ်အောင်ဆန်းစုကြည်တို့ တွေ့ဆုံမှုပေါ်ပေါက် လာခဲ့ပြီး တွေ့ဆုံမှုအပြီး နှစ်ဖက်ထုတ်ပြန်ချက်များ၊ အထူးသဖြင့် ဗိုလ်ချုပ် မှူးကြီး (ငြိမ်း)သန်းရွှေ၏ ဒေါ်အောင်ဆန်းစုကြည်အပေါ် အနာဂတ်ခေါင်း ဆောင်ဟု သုံးနှုန်းခြင်းတို့ကြောင့်ဒေါ်အောင်ဆန်းစုကြည် သမ္မတဖြစ်ရေး မျှော်လင့်ချက်အပါအဝင် အသွင်ကူးပြောင်းမှု ချောမွေ့စေရေးအပေါ် ပြည်သူများ၏မျှော်လင့်ချက်များ ပိုမိုရှင်သန်လာခဲ့သည်။

သို့သော်လည်း မြန်မာပြည်သူလူထုသည် အကူးအပြောင်းအပေါ် သတိကြီး ကြီးနှင့် စောင့်ကြည့်နေကြဆဲဖြစ်သည်။နှစ်ပေါင်းများစွာ ဖိနှိပ်ခံ၊ ခြိမ်းခြောက် ခံနေရပြီး ငြိမ်ဝပ်ပိပြားစွာနေရမည်ဟု ဘဝပေးအသိရှိနေပြီဖြစ်သောမြန်မာပြည်သူများ၏ နိုင်ငံရေးရေချိန်မှာ အတိုင်းအတာတစ်ခုအထိ ရင့်ကျက်လာပြီဖြစ်ကြောင်း စာရေးဆရာမ မသီတာ (စမ်းချောင်း)ကပြောသည်။

‘‘အကူးအပြောင်းမှာ အခက်အခဲအကျပ်အတည်းရှိသလားဆိုတော့လည်း တွေ့ဆုံမှုတွေကရှိနေတော့ မဟုတ်ပြန်ဘူး။ သေချာတာက မြန်မာပြည်သူ လူထုဟာ အကြောက်တရားနဲ့ သံသယတွေကို အခုထိခံစားနေရတုန်းပဲ။ ဒါ ကြောင့် လူထုဟာ အဲဒီရက် (အာဏာလွှဲပြောင်းမည့် ၂၀၁၆ မတ်လကုန်) မတိုင်ခင်အထိ ဘာကိုမှ မဆုံးဖြတ်မလုပ်ရဲတဲ့ ပုံစံမျိုးဖြစ်နေတယ်။ လူတွေ သတိကြီးကြီးနဲ့ ဖြတ်သန်းနေရတာက ဘာကိုပြနေလဲဆိုတော့ ရွေးကောက်ပွဲရလဒ်တစ်ခုတည်းနဲ့ သူတို့လိုချင်တဲ့ အပြောင်းအလဲကို ဦးမတည်နိုင်ဘူး။ ရွေးကောက်ပွဲသည် ရေရှည်သွားရမယ့်လမ်းမှာ အဆင့်တစ်ခုပဲ။ ဒါပေမဲ့ အရင်လိုစိတ်ခံစားမှုအလျောက် တုံ့ပြန်ဖို့ထက် လူထုက အဲဒီလို တုံ့ပြန်ဖို့ အချိန်ယူလာတာဟာ ကောင်းတဲ့ဘက်ကို ပိုများမယ်လို့ ယူဆပါတယ်’’ဟု မသီတာ (စမ်းချောင်း)က သုံးသပ်သည်။

‘‘အခြေအနေတွေက ကောင်းပါတယ်။ တစ်လကျော်ကျော်လောက်မှာ မြန်မြန်ဆန်ဆန်နဲ့ ဖြစ်သွားတဲ့အတွက် ဒီထက်တိုးတက်ကောင်းမွန်လာ မယ်လို့ ထင်ပါတယ်။ အခု အာဏာလွှဲပြောင်းရေးကာလမှာ နိုင်ငံရေးဇာတ် ခုံပေါ်မှာ ပါဝင်ကြတဲ့ တပ်မတော်သားခေါင်းဆောင်များအပါအဝင် Player အားလုံးဟာ ကိုယ့်ရဲ့မာန်မာနတွေ လျှော့ချဘေးဖယ်ပြီး တိုင်းပြည်နောင်ရေး အတွက် စဉ်းစားကြရင် ကျွန်မတို့နိုင်ငံရဲ့အနာဂတ် ဒီထက်ပိုကောင်းလာမယ် ထင်ပါတယ်’’ ဟု ရန်ကုန်တိုင်းဒေသကြီးလွှတ်တော်ကိုယ်စားလှယ် ဒေါက်တာ ညိုညိုသင်းက ပြောကြားသည်။

ရွေးကောက်ပွဲအပြီး ငါးပတ်အတွင်း အဆင့်ဆင့်ပေါ်ပေါက်လာသည့် အသွင်ကူးပြောင်းရေးလုပ်ငန်းစဉ်များတွင် လက်ရှိပြည်ထောင်စုလွှတ်တော် နာယက သူရဦးရွှေမန်းသည် အာဏာလွှဲပြောင်းမှုချောမွေ့ရေးအတွက် အတိုက်အ ခံခေါင်းဆောင် ဒေါ်အောင်ဆန်းစု ကြည်ဘက်က ကူညီလုပ် ဆောင်ပေးနေသူအဖြစ် နိုင်ငံရေးဇာတ်ခုံပေါ်တွင် ထင်ထင်ရှားရှားရပ်တည် လာသည်။ သူရဦးရွှေမန်းသည် ဗိုလ်ချုပ်မှူးကြီး (ငြိမ်း) သန်းရွှေနှင့် ဒေါ်အောင်ဆန်းစုကြည်တို့၏တွေ့ဆုံမှုကို နောက်ကွယ်က စီစဉ်ပေးခဲ့ သူများအနက်တစ်ဦးလည်း ဖြစ်သည်။

ထို့အပြင် သူရဦးရွှေမန်းသည်ရွေးကောက်ပွဲမတိုင်မီကပင် ဒေါ်အောင်ဆန်း စုကြည်၏ နိုင်ငံရေးဩဇာကို နားလည်၍ စောစီးစွာ မဟာမိတ်ဖွဲ့ထားသူ တစ်ဦးလည်းဖြစ်ပြီး ရွေးကောက်ပွဲအပြီး၌လည်း ဒေါ်အောင်ဆန်းစုကြည်၏ ရွေးကောက်ပွဲအနိုင်ရလဒ်အပေါ် လျင်လျင်မြန်မြန် အသိအမှတ်ပြု ထောက်ခံခဲ့သူတစ်ဦးလည်းဖြစ်ကြောင်း လေ့လာသူများက ထောက်ပြသည်။

အထူးသဖြင့် သမ္မတ၊ တပ် ချုပ်တို့နှင့်တွေ့ဆုံမှုများ မတိုင်မီ နှင့် တွေ့ဆုံမှုများအပြီးတွင် ဒေါ်အောင်ဆန်းစုကြည်က သူရဦးရွှေမန်းနှင့် တွေ့ဆုံခဲ့သည်။ ရွေးကောက်ပွဲအပြီး ၎င်းတို့နှစ်ဦးတွေ့ဆုံမှုသည် ဆယ်ကြိမ်ခန့်ရှိလာခဲ့ပြီးဒေါ်အောင်ဆန်းစုကြည်က အကြိမ်ရေအများဆုံး တွေ့ဆုံထားသူလည်းဖြစ်သည်။

ဒီဇင်ဘာ ၄ ရက်တွင် ဗိုလ်ချုပ်မှူးကြီး (ငြိမ်း) သန်းရွှေနှင့် မတွေ့ဆုံမီ ၎င်းတို့နှစ်ဦးသည် ဒီဇင်ဘာ ၃ ရက်တွင် ထပ်မံတွေ့ဆုံခဲ့ပြီး အဆိုပါ ဒီဇင်ဘာ ၂၊ ၃၊ ၄ ရက် တွေ့ဆုံမှုများကို ရည်ညွှန်း၍ သူရဦးရွှေမန်းက ၎င်း၏ လူမှုကွန်ရက် စာမျက်နှာတွင် ‘‘လူတစ်စုအကျိုးအတွက်၊ ကိုယ့်ပါတီ အကျိုးအတွက်ကို ကျော်လွန်ပြီး အမျိုးသားအကျိုးစီးပွား၊ပြည်ထောင်စု အကျိုးစီးပွားကိုကြည့်ပြီး လုပ်ရမယ့်အချိန်ဖြစ်ပါတယ်’’ဟု ရေးသားထား သည်။

ထို့အပြင် သူရဦးရွှေမန်းကလာမည့် လွှတ်တော်အသစ် ခေါ်ယူနိုင်ရေး ညှိနှိုင်းအစည်းအဝေးတစ်ရပ်ကိုလည်း ဒီဇင်ဘာ ၁၀ ရက်က ကျင်းပခဲ့သည်။

‘‘ကျွန်တော်တို့ အမြင်ကတော့ ချောချောမွေ့မွေ့ဖြစ်ဖို့များပါတယ်။ အများကြီးလည်း မျှော်လင့်ထားတယ်။ ကြားမှာ တခြားအစီအစဉ်တစ်ခုခုနဲ့ တစ်ဖက်က နောက်ကြောင်းပြန်သွားမယ်ဆိုတာတော့ မဖြစ်နိုင်ဘူးလို့ ယုံကြည်သလို ပြည်သူနဲ့ နိုင်ငံတကာကလည်း ဒါကို မလိုချင်ပါဘူး’’ဟု အမျိုးသားဒီမိုကရေစီအဖွဲ့ချုပ် ဗဟိုအလုပ်အမှုဆောင်အဖွဲ့ဝင် ဦးညီပုက ပြောသည်။

အစိုးရသစ်မဖွဲ့နိုင်မီ ကြားကာလအတွင်း တွေ့ဆုံညှိနှိုင်းမှုများတွင် မပြေလည်မှုများ ရှိခဲ့လျှင်ပင် ဒေါ်အောင်ဆန်းစုကြည်အနေဖြင့် တစ်ချိန်လုံး ကိုင်စွဲလာခဲ့သည့် အမျိုးသားပြန်လည်သင့်မြတ်ရေးနှင့် တွေ့ဆုံဆွေးနွေး ညှိနှိုင်းပြီး အဖြေရှာခြင်းကိုသာ ဆက်လက်ကိုင်စွဲမည်ဖြစ်သဖြင့် အာဏာလွှဲပြောင်းမှု အောင်အောင်မြင်မြင်ဖြစ်လာမည်ဖြစ်ကြောင်း ၎င်းကပြောသည်။

အမျိုးသား ပြန်လည်သင့်မြတ်ရေးဆိုရာတွင် လက်ရှိ အာဏာပိုင်များနှင့် တွေ့ဆုံညှိနှိုင်းမှုသာမက တိုင်းရင်းသားအရေးနှင့် ပြည်တွင်း ငြိမ်းချမ်းရေး ကိုလည်း ဆောင်ရွက်ရန် ဒီချုပ်၏ ရွေးကောက်ပွဲကြေညာစာတမ်း၌

ဖော်ပြထားသည်။ ထို့အပြင် ပြည်ထောင်စု တည်တံ့ခိုင်မြဲရေးအတွက် စစ်မှန်သည့် ပင်လုံစိတ်ဓာတ်ကို ထားကြရမည်ဖြစ်ပြီး ငြိမ်းချမ်းရေးရရန် စစ်မှန်သည့် ဒီမိုကရေစီပြည်ထောင်စုကို အုတ်မြစ်ချရန်လိုကြောင်း ဒေါ်အောင်ဆန်း စုကြည်က ဒီဇင်ဘာ ၅ ရက်တွင် နေပြည်တော် ပျဉ်းမနား၌ အထက်မြန်မာပြည်တစ်ဝန်း ရွေးကောက်ပွဲအနိုင်ရ ဒီချုပ်အမတ်များနှင့် တွေ့ဆုံစဉ်ပြောကြားခဲ့သည်။

သို့သော် ဒေါ်အောင်ဆန်းစုကြည်နှင့် မဟာမိတ်များဖြစ်သော တိုင်းရင်းသား ပါတီများကြား တွေ့ဆုံဆွေးနွေးမှု မပြုလုပ်ရသေးပေ။

မြန်မာ့အရေးကျွမ်းကျင်သူ ဘားတေးလ်လင့်တနာကမူ ‘‘သံသယဖြစ်စရာ တွေ တွေ့နေရတယ်။ ပြည်ခိုင်ဖြိုးအစိုးရနဲ့ တပ်မတော်ဟာ ရွေးကောက်ပွဲ ရလဒ်ကို အားပျော့သွားစေမယ့် အပေးအယူတွေ လုပ်လိမ့်မယ်။ ဘာကြောင့် လဲဆိုတော့ တကယ်တမ်းအသွင် ကူးပြောင်းမှုချောချောမွေ့မွေ့ဖြစ်စေ ချင်ရင် ဘာလို့ကော်မတီတွေ ဖွဲ့နေဖို့လိုဦးမလဲ။ ထုံးစံအတိုင်းကို ရွေးကောက်ပွဲမှာ အနိုင်ရလာတဲ့ ပါတီကို အာဏာလွှဲပေးလိုက်ရမှာပဲ။ ဦးရဲထွဋ်က နိုင်ငံတော် အကြီးအကဲရာထူးလွှဲပြောင်းမှု အစဉ်အလာ မရှိခဲ့ဖူးတဲ့အတွက်ဆိုတာဟာလည်း ကျိုးကြောင်းဆီလျော်မှုမရှိပါဘူး။ ဒါကို လှည့်ကွက်လို့ပဲ မြင်တယ်။ ဒါကို ကြည့်ခြင်းအားဖြင့် သူတို့ဟာ အာဏာကို လွယ်လွယ်နဲ့ စွန့်လွှတ်မှာ မဟုတ်ဘူးလို့ ထင်ရပါတယ်။ အစိုးရသစ်အတွက် ချောမွေ့တဲ့ အသွင်ကူးပြောင်းရေးသာ ဖြစ်လာမယ်ဆိုရင်တော့ ကျွန်တော်အရမ်းအံ့ဩမိမှာပါ’’ဟု သုံးသပ်ပြောကြားသည်။

ဒေါ်အောင်ဆန်းစုကြည်အနေဖြင့် ယခုလက်ရှိကာလအတွင်း အလွန်သတိရှိရမည်ဖြစ်ပြီး တပ်မတော်ကို ဝင်ရောက်စွက်ဖက်ခွင့်ရစေရန် အခွင့်အရေးပေးမိသကဲ့သို့ဖြစ်စေမည့် ကိစ္စရပ်များ သတိပြုရမည်ဖြစ်ကြောင်း ၎င်းက ဆက် လက်အကြံပြုသည်။

လက်ရှိ လွှတ်တော်သက်တမ်းမှာ ၂၀၁၆ ဇန်နဝါရီ ၃၁ ရက်တွင် ကုန်ဆုံးမည်ဖြစ်သော်လည်း ဖေဖော်ဝါရီမတိုင်မီ လွှတ်တော်သစ်ခေါ်ယူမည်ဟု သူရဦးရွှေမန်းက ပြောကြားသည်။ လက်ရှိအစိုးရမှာ ၂၀၁၆ မတ်လကုန်တွင် သက်တမ်းကုန်မည်ဖြစ်ပြီး အစိုးရသစ်ထံ အာဏာလွှဲပြောင်းပေးရမည် ဖြစ်သည်။ အာဏာလွှဲပြောင်းမှုလုပ်ငန်းစဉ်များချောမွေ့စွာပြီးဆုံးရန် မြန်မာပြည်သူများက အကူးအပြောင်းကာလကို စိတ်လှုပ်ရှားစွာ၊ စည်းကမ်းသေဝပ်စွာဖြင့်စောင့်ကြည့်နေသည်။

7Day News Journal