သူရဦးရွှေမန်းက သူ့ဖေ့ဘွတ်စာမျက်နှာတွင် ယနေ့အတွက် အကြီးမားဆုံး သော စိန်ခေါ်မှုမှာ တစ်ဦးနှင့်တစ်ဦး၊ ❝တစ်ဘက်နှင့်တစ်ဘက်ယုံကြည်မှု❞ ရရှိရေး ဖြစ်သည့် ရိုးသားမှု၊ ပွင့်လင်းမြင်သာမှု၊ တာဝန်ခံမှု၊ တာဝန်ယူမှု၊ လေးစားမှု၊ နားလည်ပေးမှုများ အပြန်အလှန် ရရှိရေးတို့အတွက် တွေ့ဆုံ ဆွေးနွေး အဖြေရှာရေးပင်ဖြစ်သည်ဟုယနေ့နံနက်က ရေးသားထားသည်။
အကူးအပြောင်းကာလ ဖြစ်သော ယနေ့ကာလအတွက် ကြီးမားသော စိန်ခေါ်မှုကဘာလဲ ???
အဲဒါက အနိုင်ရပါတီ၏ ခေါင်းဆောင်၏အမေး။
❖ ယင်းကို မိမိ Facebook စာမျက်နှာတွင် တင်၍ ဆက်လက်မေးမြန်းခဲ့သည်။
များစွာသော ပြန်လည်ဖြေကြား၊ အကြံပေးမှုများရရှိခဲ့၍ ကျေးဇူးတင် ကြိုဆိုပါသည်။ ယင်းသုံးသပ်အကြံပေးမှုတို့ကို သူ့နေရာနှင့်သူ အသုံးပြုရေး စီစဉ်သွားပါမည်။
❖ ယနေ့အတွက် အကြီးမားဆုံးသော စိန်ခေါ်မှုမှာ တစ်ဦးနှင့်တစ်ဦး၊ ❝တစ်ဘက်နှင့်တစ်ဘက်ယုံကြည်မှု❞ ရရှိရေး ဖြစ်သည့် ရိုးသားမှု၊ ပွင့်လင်းမြင်သာမှု၊ တာဝန်ခံမှု၊ တာဝန်ယူမှု၊ လေးစားမှု၊ နားလည်ပေးမှုများ အပြန်အလှန် ရရှိရေးတို့အတွက် တွေ့ဆုံဆွေးနွေး အဖြေရှာရေးပင်ဖြစ်သည်။
❖ မြန်မာနိုင်ငံ၏ နိုင်ငံရေးတွင် လူပုဂ္ဂိုလ်ခေါင်းဆောင်များ၏အခန်းကဏ္ဍသည် အလွန်အရေးကြီးသည်။ အချင်းချင်း အပြန်အလှန် ❝ယုံကြည်စိတ်ချရေး❞ အတွက် တွေ့ဆုံဆွေးနွေးမှုများ တိုင်ပင်ညှိနှိုင်းမှုများ ရှိကြရမည်။
❖ ထိုသို့မဟုတ်ဘဲ မတွေ့ဆုံနိုင်၊ ညှိနှိုင်းတိုင်ပင်ဆွေးနွေးနိုင်မှုများမရှိကြလျင် အမျိုးသားရင်ကြားစေ့ရေး၊ တိုင်းရင်းသား စည်းလုံးညီညွတ်ရေး၊ ငြိမ်းချမ်းရေးတို့အတွက် မမျှော်လင့်နိုင်သလို ယနေ့ကာလအပါအ၀င် နောင်အနာဂတ် နိုင်ငံအတွက် ကောင်းလာမည်မဟုတ်။
❖ ဤအချိန်တွင် စိတ်ကြီးဝင်၍ အကောင်းအဆိုး၊ အကြောင်းအကျိုးကိုမသိသော၊ ငွေပြား(အသပြာ)လည်ပင်းတွင် ဆွဲထားခံကြရသော၊ မဟောသဓာဇာတ်တော်လာ ၀ိဒေဟရာဇ် ပုတ်သင်ကဲ့သို့ အချို့သူများ၏ စိတ်ကြီးဝင် ကယောင်ကတန်း ရေးသားပြုမှုပြောဆိုမှုများကြောင့် မြန်မာတို့၏အနာဂတ်အလှကို မဖျက်ဆီးစေလို၊ မပျက်စီးစေလို။ ထိုသို့သော အရေးအသား၊ အပြောအဆိုများကို ရပ်တန်းကရပ်ကြရန် ပြည်သူများက လိုလားနေကြသည်။
❖ အများပြည်သူများကလည်း တိုင်းပြည်တည်ငြိမ်ရေး၊ ငြိမ်းချမ်းရေးနှင့် ပြည်သူလူထုကောင်းစားရေးအတွက် ဆောင်ရွက်နေကြသူများကို အားပေးကူညီ ဆောင်ရွက်လျှက်ရှိနေကြသည်ကို တွေ့ရှိရသည်။
❖ ပြည်သူများက ယုံကြည်စွာ တာဝန်ပေးထားသောပုဂ္ဂိုလ်နှင့်ပါတီကလည်း ❝ ပြည်သူ့ယုံကြည်မှု ❞ ကို ဆက်လက် ထိန်းသိမ်းပြီး ဤကာလအတွက် ကြီးမားသောစိန်ခေါ်မှုဖြစ်သည့် တစ်ဘက်နှင့်တစ်ဘက် ❝တစ်ဦးနှင့်တစ်ဦးယုံကြည်မှု❞ ရရှိအောင်၊ ထိုမှတစ်ဆင့် နုိုင်ငံ့ဂုဏ်သိက္ခာ၊ ပြည်သူများ၏ဂုဏ်သိက္ခာနှင့် ပြည်သူများ၏ကောင်းကျိုးကို ပြည်သူများနှင့်အတူ လက်တွဲ၍ ဆောင်ရွက်ပေးကြရမည်ဖြစ်သည်။
❖ အမုန်း၊ အညှိးအတေး၊ အာဃာတများကို ဖြစ်ပေါ်စေခဲ့သည့် အတိတ်က သင်ခန်းစာများကိုရယူကာ မိမိတို့သည်လည်း ပြည်သူ့အကျိုးပြုနိုင်ငံရေးကို မည်သည့်နေရာကမဆို ပြည်သူများနှင့်အတူ ပါဝင်လုပ်ဆောင်ကြရမည်ဖြစ်ပါကြောင်း။
✔ ကောင်းကျိုးလိုရာဆန္ဒများ ပြည့်ဝကြပါစေ..။
✔ ကောင်းကျိုးလိုရာဆန္ဒများ ပြည့်ဝအောင် ဆောင်ရွက်ပေးနိုင်ကြပါစေ..။
(ယမန်နေ့ရက်များနှင့် ၁၄-၁၂-၂၀၁၅ ရက်နေ့ တွေ့ဆုံမှုများမှ)
Popular News Journal
No comments:
Post a Comment