Saturday, September 12, 2015

ကာကွယ်ရေးဝန်ကြီးဟောင်း ဦးဝေလွင် မဲဆွယ်


ပြည်သူ့လွှတ်တော် ကိုယ်စားလှယ်လောင်း ကာကွယ်ရေးဝန်ကြီးဟောင်း ဒုတိယဗိုလ်ချုပ်ကြီး ဝေလွင်က မိမိအနေနဲ့ မဲရဖို့အတွက် ကျေးရွာ ၁၆ ရွာ မီးလင်းရေးအတွက် လှူဒါန်းခဲ့တာမဟုတ်ကြောင်းနဲ့ အဲဒီအလှူ ကြောင့် မဲပေးတာမျိုး မလုပ်ကြဖို့ကို ဒေသခံတွေနဲ့ တွေ့ဆုံစဉ် ပြောကြားပါတယ်။

ဒီကနေ့ နေပြည်တော် ပုဗ္ဗသီရိမြို့နယ် အောင်သုခကျေးရွာမှာ ဒေသခံတွေနဲ့ တွေ့ဆုံပြီး မဲဆွယ်စည်းရုံးစဉ် မှာ ဒုတိယဗိုလ်ချုပ်ကြီးဟောင်း ဝေလွင်က ပြောလိုက်တာဖြစ်ပါတယ်။

"ကျနော်ရွာတွေထဲမှာ သွားပြီးလှူတဲ့အခါပြောခဲ့ပါတယ်၊ ဒီလိုလှူလို့ မဲပေးတဲ့ အချိန်မှာ ဒီလှူတယ်ဆိုတဲ့ အကြောင်းကိုခံပြီးတော့ မဲပေးတာမျိုးမလုပ်ပါနဲ့ မကြိုက်ရင်မပေးပါနဲ့ ဒီအလှူကိုလည်း စိတ်ထဲမှာမထားပါနဲ့ သူ့ဘာသာသူ လှူချိန်တန်တော့လှူတာဖြစ်တယ်၊ မဲပေးရင်ကိုယ်ကြိုက်တဲ့လူကို ပေးနိုင်ပါ တယ်၊ ဒါကို ကျနော် ကိုယ်တိုင်လည်း မဲရဖို့လာဘ်ထိုးရတဲ့ဟာမျိုး မျက်နှာချိုသွေးရတဲ့ဟာမျိုးကျတော့ ငါတစ်သက်ဘယ် တော့မှ မလုပ်ဘူးဆိုပြီး ဆုံးဖြတ် ချက်ချထားပြီးသားဖြစ်ပါတယ်"

ပြီးခဲ့တဲ့ စက်တင်ဘာလ ပထမပတ်က ပုဗ္ဗသီရိမြို့နယ် ကျေးရွာ ၁၆ ရွာ မီးလင်းရေးအတွက်ဆိုပြီး ကျပ် သိန်း ၆၀၀ ကျော်ဖိုးလှူဒါန်းခဲ့တယ်လို့ ကိုယ်စားလှယ်လောင်း ဦးဝေလွင်က ပြောပါတယ်။ အဲဒီအတွက် ကော်မရှင် ထံမဲဆွယ်တယ်ဆိုပြီး တိုင်ကြားထားတာရှိကြောင်းလည်း သိရပါတယ်။ 

ဒုတိယဗိုလ်ချုပ်ကြီးဟောင်း ဝေလွင်နဲ့ ဗိုလ်ချုပ်ကြီးဟောင်း လှဌေးဝင်းတို့ဟာ တပ်မတော်ကနေ အငြိမ်းစား ယူပြီး ပြည်ခိုင်ဖြိုးပါတီ ကိုယ်စားလှယ်တွေ အဖြစ် နေပြည်တော် ပုဗ္ဗသီရိနဲ့ ဇေယျာသီရိ မဲဆန္ဒနယ်မြေတွေ ကနေ ၀င်ရောက်ယှဉ်ပြိုင်ကြမှာ ဖြစ်ပါတယ်။ 

နေပြည်တော်ကောင်စီနယ်မြေမှာ ပြည်ခိုင်ဖြိုးပါတီကိုကိုယ်စားပြုပြီး တပ်မတော်အရာရှိတွေနဲ့ ပြည်ထောင် စုဝန်ကြီး၊ ဒုတိယဝန်ကြီးတွေ ဝင်ရောက်ယှဉ်ပြိုင်မှာဖြစ်ပါတယ်။

RFA Burmese

No comments:

Post a Comment

My Blog List