စစ်သွေးကြွအဖွဲ့သို့ဝင်ရန်ကြိုးပမ်းမှုဖြင့် တရုတ်ဝီဂါတစ်ဦးကို အင်ဒိုနီးရှား ထောင်ချ

အင်ဒိုနီးရှားတရားရုံးတစ်ခုသည် နိုင်ငံကအလိုရှိဆုံး စစ်သွေးကြွဦးဆောင်သော အစ္စလာမစ်အစွန်းရောက် အုပ်စုသို့ဝင်ရောက်ရန် ကြိုးပမ်းစဉ်ဖမ်းမိသော တရုတ်ဝီဂါလူမျိုးတစ်ဦးကို ဇူလိုင် ၂၉ကထောင်ဒဏ်ခြောက် နှစ် ချမှတ်လိုက်သည်။

အာမက်ဘိုဇော့ဂလန်သည် ၄င်းနှင့် တခြားလူနည်းစု မွတ်စလင် သုံးဦးနှင့် အတူ Eastern Indonesia Mujahideen ဟုခေါ်ဆိုသော အဖွဲ့၏ခေါင်းဆောင် စစ်သွေးကြွ ဆန်တိုဆိုနှင့် တွေ့ဆုံရန်ကြိုးပမ်းစဉ် ဆူလာဝေဆီကျွန်းပေါ်တွင် လွန်ခဲ့သည့်စက်တင်ဘာလက ဖမ်းဆီးခံရခြင်းဖြစ်သည်။ အခြားသုံးဦးလည်း ယခုလအစောပိုင်းက ထောင်ခြောက်နှစ်စီချမှတ်ခံရသည်။

စစ်သွေးကြွဒုစရိုက်နယ်တစ်ခုခေါ်ဆိုသော ဧရိယာတစ်ခုရှိ တောအုပ်ထဲတွင် ပုန်းအောင်းနေသော ဆန်တို ဆိုအုပ်စုသည် အင်ဒိုနီးရှားတွင် ခြိမ်းခြောက်နေ သော အစွန်းရောက်အဖွဲ့အနည်းငယ်တွင် ပါဝင်သည်ဟု ယူဆကြသည်။ ထို့အပြင် ၄င်းအဖွဲ့သည် ရဲတပ်ဖွဲ့ကို ကြောက်မက်ဖွယ်တိုက်ခိုက်မှုပြုလုပ်ခဲ့ သည်ဟုလည်း စွပ်စွဲခံထားရသည်။ ဆန်တိုဆိုသည် အိုင်အက်စ်အုပ်စုအပေါ် သစ္စာခံထားသည်။

အသက် ၂၈နှစ်အရွယ်ရှိ ဘိုဇော့ဂလန်သည် အစ္စလာမ္မစ်စစ်သွေးကြွအဖွဲ့သို့ ၀င်ရန်ကြိုးပမ်းမှုအတွက် အပြစ်ရှိသည်ဟု ဦးဆောင်တရားသူကြီး ဟောက်မန်တိုဘင်က ပြောကြားခဲ့သည်။ ထို့အပြင် ဘိုဇော့ ဂလန် သည် တူရကီပတ်စ်ပို့အတုဖြင့် အင်ဒိုနီးရှားနိုင်ငံထဲသို့ ၀င်လာခြင်းဖြင့် လူဝင်မှုကြီးကြပ်ရေးဥပဒေကိုလည်း ချိုးဖောက်ခဲ့သည်ဟုဆိုသည်။ တရားခံ၏အပြုအမူသည် စိုးရိမ်ထိတ်လန့် မှုဖြစ်စေသည်ဟုလည်း တိုဘင်း က ဂျာကာတာရှိ တရားရုံးတစ်ခုတွင် ပြောကြားခဲ့သည်။

ထို့အပြင် ဘိုဇော့ဂလန်ကို ရူပီးယားသန်း ၁၀၀ (ဒေါ်လာ ၇,၄၀၀)ကိုလည်း ဒဏ်ရိုက်ခဲ့သည်။ ဒဏ်ငွေမ ဆောင်နိုင်ပါက နောက်ထပ် ထောင်ခြောက်လ ကျခံရမည်ဖြစ်သည်။

လူနည်းစု ၀ီဂါလူမျိုးများမှာ တရုတ်နိုင်ငံ အနောက်မြောက်ပိုင်းရှင်ကျန်ဒေသ မှ လာရောက်ပြီး ယင်းဒေသ တွင် ယဉ်ကျေးမှုနှင့် ဘာသာရေးဖိနှိပ်ခံနေ ရသည်ဟု စစ်သွေးကြွအုပ်စုက ပြောသည်။ မကြာသေး မီနှစ် များအတွင်း မတည်ငြိမ်သော ရှင်ကျန်ဒေသမှ လူအများအပြား ထွက်ပြေးခဲ့ကြသည်ဟု ယုံကြည်ရသည်။ ၀ီဂါတို့က အရှေ့တောင်အာရှမှတဆင့် တူရကီတွင်ပြန် လည် အခြေချရန်မျှော်လင့်နေကြသည်။

Mizzima - News in Burmese