အိန္ဒိယနိုင်ငံသို့ ချစ်ကြည်ရေးခရီးရောက်နေသော တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်သည် ယနေ့ ဇူလိုင် ၂၉ ရက်နေ့က အိန္ဒိယ၀န်ကြီးချုပ် ရှရီ နရန်ဒရာ မိုဒီနှင့် နယူးဒေလီမြို့ ၌ တွေ့ဆုံဆွေးနွေးခဲ့ ကြောင်း အိန္ဒိယ ပြန်ကြားရေးဝန်ကြီးဌာနက ထုတ်ပြန်ထားသည်။
ဆွေးနွေးမှုကို အသေးစိတ်ဖော်ပြထားခြင်းမရှိသော်လည်း နှစ်နိုင်ငံအကြားစစ်ရေး၊ ကာကွယ်ရေးနှင့် ရေပြင် လုံခြုံရေးကိစ္စ များကို ပူးတွဲဆောင်ရွက်ကြ မည်ဟု ဆိုသည်။
"နှစ်နိုင်ငံအကြား ရေပိုင်နက်လုံခြုံရေးအပါအ၀င် ကာကွယ်ရေးဆိုင်ရာကိစ္စ များကို ပူးပေါင်းဆောင်ရွက်ရန် အလေးအနက် ထားကြောင်း ဗိုလ်ချုပ်မှူးကြီး က ကတိပြုသည်။ ထို့ပြင် အိန္ဒိယ၏ အရှေ့မျှော်မူဝါဒနှင့် ပတ်သက်၍ အရေး ကြီးသည့် အခန်းကဏ္ဍ၌ပါဝင်မည်" ဟု ပြောကြောင်း ထုတ်ပြန်ချက်တွင် ဖော်ပြထား သည်။
အိန္ဒိယ၀န်ကြီးချုပ်က မြန်မာနိုင်ငံသည် အိန္ဒိယအတွက် အာဆီယံနိုင်ငံများသို့ ဆက်သွယ်ရန် အဓိကဂိတ် ပေါက် တခုဖြစ်သဖြင့် ပူးပေါင်းဆောင်ရွက်ကြမည် ဟု ပြောဆိုသည်။
သမ္မတဦးသိန်းစိန်က ၀န်ကြီးချုပ်အား မြန်မာနိုင်ငံသို့ လာရောက်လည်ပတ် ရန် ဖိတ်ကြားကြောင်း ဗိုလ်ချုပ် မှူးကြီးက စကားပါးသကဲ့သို့ ၀န်ကြီးချုပ် ကလည်း အမြန်ဆုံး လာရောက်နိုင်ရန်ကြိုးစား မည်ဟုပြော ဆို သည်။ ထို့ပြင် သမ္မတဦးသိန်းစိန်အား အိန္ဒိယသို့ လာလည်ရန် ဖိတ်ကြားကြောင်း စကားပါး လိုက်သည်။
နိုဝင်ဘာရွေးကောက်ပွဲကိုလည်း လွတ်လပ်မျှတစွာဖြင့် အောင်မြင်စွာကျင်းပ နိုင်စေကြောင်း ဆန္ဒပြုလိုက် သေးသည်။
ဝန်ကြီးချုပ်နှင့် ဇူလိုင် ၂၉ တွင် မတွေ့ဆုံမီ ဗိုလ်ချုပ်မှူးကြီးဦးဆောင်သည့် ချစ်ကြည်ရေးအဖွဲ့သည် ဇူလိုင် ၂၈ ရက်က Delhi Cantoment ရှိ စစ်လက် နက်များထုတ်လုပ်သည့် Army Base Workshop သို့ သွားရောက်ခဲ့သေး သည်။ ထို့နောက် Information Management and Analysis Centre - IMAC Gurgaon သို့လည်း လေ့လာခဲ့သည်။ ပင်လယ်ရေကြောင်း လုံခြုံရေး ဆောင်ရွက်မှုများနှင့် ပတ်သက်၍ လည်း လေ့လာမှတ်သားခဲ့ကြသည်။
ခေတ္တတည်းခိုသည့် Taj Palace ဟိုတယ်၌ မြန်မာစစ်သံ (ကြည်း၊ ရေ၊ လေ) ဗိုလ်မှူးကြီး ဆန်းညွန့်ဦးနှင့် ဇနီး၊ စစ်သံရုံးမှ စစ်သည်မိသားစုဝင်များ၊ သင်တန်းသားများအား တွေ့ဆုံသည်။
ယင်းနေ့ ညနေပိုင်းတွင် အိန္ဒိယနိုင်ငံဆိုင်ရာ မြန်မာသံရုံးသို့ ရောက်ရှိကြရာ သံအမတ်ကြီး ဦးအောင်ခင်စိုး နှင့်ဇနီးအပါအ၀င် သံရုံးမှ တာဝန်ရှိသူများ၊ မိသားစုဝင်များနှင့် တွေ့ဆုံခဲ့သည်။
Ref; PIB, Myawady
Mizzima - News in Burmese
No comments:
Post a Comment