ထုိုင်း-မြန်မာ နှစ်နိုင်ငံပြည်ပြည်ဆုိုင်ရာလေဆိပ်ကနေ ဗီဇာမလိုပဲ နှစ်ပတ်ကြာ သွားလာနေ ထိုင်နိုင်ဖို့ နှစ်နိုင်ငံသဘောတူထားတဲ့ကိစ္စဟာ နောက် ၁၄ ရက်အကြာမှာ စတင်အသက်ဝင်မယ်လို့ နိုင်ငံခြားရေး ဝန်ကြီး ဦးဝဏ္ဏမောင်လွင်က ပြောပါတယ်။
ဇူလုိုင်လ ၂၈ ရက်နေ့က ထုိုင်းနိုင်ငံ ချင်းမိုင်မှာ ၈ ကြိမ်မြောက် ထုိုင်း-မြန်မာ နှစ်နိုင်ငံ နိုင်ငံခြားရေး ဝန်ကြီး ဌာန ပူးတွဲကော်မရှင် အစည်းအဝေးပွဲပြုလုပ် ခဲ့ပြီး နိုင်ငံဗီဇာကင်းလွတ်ခွင့် အတွက်လည်း နိုင်ငံခြားရေး ဝန်ကြီးတွေက လက်မှတ်ထုိုးခဲ့ကြပါတယ်။ လက်မှတ်ထုိုးပြီးနောက် ၁၄ ရက်အတွင်းမှ အတည်ဖြစ်သွား မယ်လို့ ပြောပါတယ်။
“ဒီဥစ္စာက နောက် ၁၄ ရောက်ကြာတဲ့ အခါမှာ သူက အတည်ဖြစ်သွားပြီး တော့ နှစ်နိုင်ငံကို နိုင်ငံတကာ လေဆိပ်တွေကနေဝင်လာမယ့် နှစ်ဖက်နိုင်ငံ သားတွေ သာမန်နိုင်ငံကူးလက်မှတ် လက်ဝယ်ကုိုင်ဆောင် ထားသူတွေဟာ နှစ်နိုင်ငံ အပြည်ပြည်ဆုိုင်ရာ လေဆိပ်ကနေ ဝင်ရောက်မယ်ဆိုရင် ဗီဇာလျှောက်စရာမလုို ဘဲနဲ့ ဝင်ခွင့်ရမှာဖြစ်ပါတယ်။ ဒါကို နှစ်နိုင်ငံ ပြည်သူတွေအနေနဲ့ ကူးလူးဆက်ဆံတဲ့ နေရာမှာ လွယ်လွယ်ကူ ကူနဲ့ မြန်မြန်ဆန်ဆန် သွားလာနုိုင်တဲ့ အခွင့်အရေးတွေရလာမှာဖြစ်ပါတယ်” ဦးဝဏ္ဏမောင်လွင်က ပြောပါ တယ်။
ဒါ့အပြင် အဲ့ဒီဆွေးနွေးပွဲမှာ လာမယ့်အာဆီယံစီးပွားရေး အသိုက်အ၀န်းအမီ နှစ်နိုင်ငံကြား နိုင်ငံရေး၊ စီးပွား ရေး၊ လူမှုရေးဆိုင်ရာ ဖွံ့ဖြိုးတိုးတက်အောင် ပူးပေါင်းဆောင်ရွက်ရေးနဲ့ နှစ်နိုင်ငံ ချစ်ကြည်ရေး ပိုမိုတည်တံ့ ခိုင်မြဲအောင် ဆောင်ရွက်ရေးကိစ္စတွေပါ ဆွေးနွေးခဲ့ကြပါတယ်။
နှစ်နိုင်ငံပူးပေါင်းဆောင်ရွက်ရေးကိစ္စမှာ နယ်စပ်ဖြတ်ကျော် မူးယစ်ဆေးဝါး ကုန်ကူးမှုပြဿနာ၊ လူကုန်ကူး မှုပြဿ နာ ဖြေရှင်းရေး ၊ ထားဝယ်ရေနက် ဆိပ်ကမ်းဒေသ ကျန်းမာရေး၊ စီးပွားရေး၊ လမ်းပန်းဆက်သွယ်မှု ဆိုင်ရာ ဖွံ့ဖြိုးရေးကိစ္စတွေပါ ဆွေးနွေးခဲ့ပါတယ်။
ထိုင်းနိုင်ငံအနေနဲ့ မြန်မာနိုင်ငံထဲမှာ ဘတ်သန်းပေါင်း ၁၀၀၀ ကနေ ၁၂၀၀ ထိ ရင်းနှီးမြှုပ်နှံမှုတွေ ပိုမို တိုးမြှင့်သွားဖို့ရှိတယ်လို့ ဆွေးနွေးပွဲအပြီး ထိုင်းနိုင်ငံခြားရေးဝန်ကြီးက သတင်းထောက်တွေကို ပြောပါ တယ်။
ဒီကနေ့ဆွေးနွေးပွဲကို မြန်မာဘက်က နိုင်ငံခြားရေးဝန်ကြီး ဦးဝဏ္ဏမောင်လွင် နဲ့ ထိုင်းဘက်က နိုင်ငံခြားရေး ၀န်ကြီး ဗိုလ်ချုပ်ကြီး ထနဆဒ်ဒီ ပတိမာကွန်း တို့က ဦးဆောင်ဆွေးနွေးခဲ့တာပါ။
နှစ်နိုင်ငံဆိုင်ရာ နိုင်ငံခြားရေးဝန်ကြီးနဲ့ အစိုးရတာဝန်ရှိသူတွေဟာ မနက်ဖြန် ဇူလိုင်လ ၂၉ ရက်မှာ ချင်းမိုင် မှာ ဖွင့်လှစ်မယ့် မြန်မာကောင်စစ်ဝန်ရုံး ဖွင့်ပွဲအခမ်းအနားကိုလည်း တက်ရောက်ဖို့ ရှိပါတယ်။
DVB
No comments:
Post a Comment