ကယားပြည်နယ်တွင် သွားရောက်ရိုက်ကူးခဲ့သော Amazing Cities အစီအစဉ်၌ ရိုးရာဝတ်စုံများဝတ်ဆင်၍ ရိုက်ကူးခဲ့ရပြီး ပဒေါင်တိုင်းရင်းသားများနှင့်လည်း တွေ့ဆုံခဲ့ရကြောင်းမိုးစက်ဝိုင်ကပြောသည်။‘‘ရှေးဟောင်း ကယားဝတ်စုံ တွေဝတ်ပြီးရိုက်ခဲ့တယ်။ တိုင်းရင်းသားဝတ်စုံတွေက စိတ်ဝင်စားဖို့ ကောင်းတယ်။
တစ်ယောက်နဲ့ တစ်ယောက်လည်းမတူဘူး။ ခုချိန် ထိ ၀တ်ဖူးသမျှထဲမှာ မိုးစက်သတိ ထားမိတာတစ်ခု ကတော့ ခေါင်းကနေ ခြေထောက်အထိတန်ဆာ ပလာလေးတွေပါတယ်’’ဟု မိုးစက်ဝိုင်ကရိုးရာ ၀တ်စုံများ ၀တ်ဆင်ရခြင်းနှင့်ပတ်သက်၍ ၎င်း၏ ခံစားချက်ကိုပြောသည်။
‘‘ပဒေါင်လူမျိုးတွေနဲ့ စကား ပြောတော့ သူတို့ရဲ့ ရိုးရာသံကွင်း စွပ်တာ သိပ်မရှိတော့ဘူးလို့ပြော တယ်။ လည်ပင်းမှာသံကွင်းတွေ အများကြီးစွပ် ထားတဲ့လူကြီးတစ် ယောက်ကို ရိုးရာဓလေ့ကိုထိန်း သိမ်းနိုင် ပါစေလို့ ဆုတောင်းပေး ပါတယ်လို့ပြောတော့ သူကသေ တဲ့အထိ ထိန်းသိမ်းမယ်တဲ့။ အဲဒီ လိုပြောတော့ မိုးစက်တောင်စိတ် မကောင်းဘူး’’ဟု မိုးစက်ဝိုင်က ပြောသည်။
ပြီးခဲ့သည့်ရက်ပိုင်းကလည်း မြန်မာနိုင်ငံ ဓာတ်ပုံအသင်းက အကူအညီတောင်းသောကြောင့်တွံတေး ဘက်ရှိ အိုးလုပ်ငန်းများကို နန်း ခေးမားနှင့်အတူ မော်ဒယ်အနေဖြင့် သွားရောက်ကူညီပေးခဲ့ သည်ဟု မိုးစက်ဝိုင်ကပြောသည်။
အိုးလုပ်သည့် သဘာဝပေါ် စေရန် တစ်ကိုယ်လုံးကို ရွှံ့များ သုတ်၍ ရိုက်ကူးခဲ့ရပြီးဓာတ်ပုံဆရာနှစ်ဆယ် ခန့်က ရိုက်ကူးခြင်း ဖြစ်သောကြောင့် ကြိုးစား၍ကိုယ် ဟန်ပြခဲ့ရသည်ဟုဆိုသည်။
လတ်တလောအနုပညာ လှုပ်ရှားမှုအနေဖြင့်ကြော်ငြာများ ရိုက်ကူးရန် အစီအစဉ်ရှိပြီး ဇာတ်ကားရိုက်ကူး ရေးအတွက်ကိုမူ ညှိ နှိုင်းနေဆဲ သာဖြစ်ကြောင်းမိုးစက် ၀ိုင်ကပြောသည်။
7Day News Journal
No comments:
Post a Comment