ကချင်ပြည်နယ်က တိုက်ပွဲရှောင် ပြည်သူ (၃၀၀၀) ကျော်အတွက် ဂျပန်နိုင်ငံနီပွန်ဖောင်ဒေးရှင်းက အမေရိကန်ဒေါ်လာ (၅)သန်းထောက်ပံ့သွားမှာဖြစ်တယ်လို့ အဲဒီဖောင်ဒေရှင်းဥက္ကဋ္ဌ Mr.YoheiSasakawa (ယိုဟီစာစာကာဝါ)က ပြောပါတယ်။
မြစ်ကြီးနားမြို့၊ ရှမ်းစုတောင်ရပ်ကွက်၊ ကချင် နှစ်ခြင်းခရစ်ယာန်အသင်းတော်ရုံးချုပ်မှာ ဒီဇင်ဘာ(၂၁)ရက်က ပြုလုပ်တဲ့ တိုက်ပွဲရှောင်ပြည်သူတွေ ပြန်လည်နေရာချထားရေးနဲ့ ရေရှည်စီမံကိန်း ဆောင်ရွက်ရေးသတင်းစာရှင်းလင်းပွဲမှာ ပြောကြားခဲ့တာဖြစ်ပါတယ်၊။
မြန်မာနိုင်ငံဆိုင်ရာဂျပန်သံအမတ်ကြီးက အပစ်အခတ်ရပ်စဲရေး၊ တိုက်ပွဲရှောင်ပြည်သူတွေ အလုပ်အကိုင်အခွင့်အရေးရရှိရေးနဲ့ မြန်မာနိုင်ငံရဲ့ငြိမ်းချမ်းရေးအတွက်ဂျပန်အစိုးရက နီပွန်ဖောင်ဒေးရှင်းနဲ့ပူးပေါင်းကူညီဆောင်ရွက်နေတဲ့ကိစ္စတွေကို ရှင်းလင်းပြောကြားခဲ့ပါတယ်။ သတင်းစာရှင်းလင်းပွဲကို နီပွန်ဖောင်ဒေးရှင်း ဥက္ကဋ္ဌ၊ မြန်မာနိုင်ငံဆိုင်ရာဂျပန်သံအမတ်ကြီး၊ ကချင်နှစ်ခြင်းခရစ်ယာန်အဖွဲ့ချုပ် ထောက်ပံ့ရေးတာ၀န်ခံ၊ ဘာသာရေးဆရာတွေနဲ့ တိုက်ပွဲရှောင်ပြည်သူတွေရဲ့ စခန်းကိုယ်စားလှယ်တွေ တက်ရောက်ခဲ့ကြပါတယ်။
နီပွန်ဖောင်ဒေးရှင်းဟာ ကရင်ပြည်နယ်မှာရှိတဲ့ KNUဒေသမှာလည်း လူဦးရေ(၃၀၀၀)အတွက် ဆေးရုံ၊ ဆေးခန်းတွေအပြင် အခြားလိုအပ်ချက်တွေကိုလှူဒါန်းခဲ့တယ်လို့ သိရပါတယ်။
သတင်း- မိုဃ်းကျ(မြစ်ကြီးနား)
No comments:
Post a Comment