တလင်တမယား ဥပဒေအပေါ် အမြင်များ

အသက်ဝင်လာပြီဖြစ်သည့် “တလင်တမယားစနစ် ကျင့်သုံးခြင်းဆိုင်ရာ ဥပဒေ” သည် လူ့အခွင့် အရေးကို ချိုးဖောက် သော ဥပဒေဖြစ်ပြီး ကိုးကွယ်ရာဘာသာရေးအရ ရပိုင်ခွင့်များနှင့် ဓလေ့ထုံးတမ်းများကို ထိခိုက်စေသည့်အပြင် အမျိုးသမီးအခွင့်အရေးနှင့် ကလေးငယ်သူငယ် အခွင့်ရေးများကိုပါ ထိခိုက်စေသည် ဆိုသော ဝေဖန်ချက်များ ပေါ်ထွက်လာသည်။ 

“တလင်တမယားစနစ်ကျင့်သုံးခြင်းဆိုင်ရာဥပဒေ” သည် မျိုးစောင့် ဥပဒေ ၄ ခု အနက် တခုဖြစ် ပြီး၊ သြဂုတ် လ ၂၈ ရက်က အတည်ပြု ပြဌာန်းလိုက်ခြင်း ဖြစ်သည်။ ယင်းဥပဒေ သည် မြန်မာနိုင်ငံတွင် နေထိုင်သူ နိုင်ငံသား၊ နိုင်ငံခြား သားများ အားလုံး အကျုံးဝင်ကြောင်း ဖော်ပြထားသည်။ 

ယင်းဥပဒေနှင့် ပတ်သက်၍ ဘာသာကြီး ၄ ခု မှ ပုဂ္ဂိုလ်များ၊ ရှေ့နေများ၊ လူ့အခွင့်အရေးလှုပ်ရှားဆောင် ရွက်သူများနှင့် အမျိုးသမီးအခွင့်အရေး ဆောင်ရွက်သူများ၏ အမြင် သဘောထားများကို ဧရာဝတီသတင်း ဌာန သတင်းထောက်များဖြစ်ကြသည့် နန်းလွင်နှင်းပွင့်၊ နန်းဆိုင်နွမ်၊ မေစစ်ပိုင်နှင့် ထွန်းထွန်းတို့က ဆက် သွယ်မေးမြန်းထားပါသည်။

တရားလွှတ်တော်ရှေ့နေ ဦးအေးပိုင်

ဒီဥပဒေ က ကျနော်တို့ ဘာသာအပြင် ကျန်တဲ့ဘာသာတွေရဲ့ ဥပဒေနဲ့လည်း တိုက်ရိုက်ဆန့်ကျင်တာ မဟုတ်ဘဲနဲ့ မြန်မာ အမျိုးသမီး တွေသာမက ဘာသာပေါင်းစုံ က ကိုးကွယ်သူအမျိုးသမီးများကို ခံစားခွင့် ပေးတဲ့ အင်မတန် သင့်လျော် ကောင်း မွန် တဲ့ဥပဒေလို့ မှတ်ချက်ပြုချင်တယ်။ အဓမ္မကျင့်လို့ ထောင် ၃ နှစ်ပဲ ကျမယ်ဆိုတဲ့ ဝေဖန်ချက်တွေက မှားတဲ့ ဝေဖန် ချက်တွေ ဖြစ်နေတယ် ။ ပုဒ်မ ၃၇၆ ဆိုတာ ထောင် ဒဏ် ၁၀ နှစ်အထိပေးနိုင်တဲ့ ဥပဒေဖြစ်တယ်။ လက်ရှိ ဥပဒေက ပြီးပြည့်စုံလုံလောက်တဲ့ဥပဒေတော့ မဟုတ်နိုင်ဘူးပေါ့။ ဒါပေမယ့် ရာခိုင်နှုန်းအများဆုံးကတော့ အင်မတန် ကောင်းမွန် တဲ့ဥပဒေ ဖြစ်ပါတယ်။ ဘာကြောင့်လဲဆိုတော့ အိမ်ထောင်ရေး ဖောက်ပြန်ချင်တဲ့သူတွေ မဖောက်နိုင်အောင်၊ ခံစားခွင့်မဲ့ နေတဲ့မိန်းက လေးတွေ ခံစားခွင့်ရအောင် လုပ်ပေးတဲ့ဥပဒေဖြစ်တယ်။တရားမဝင်နေထိုင် တဲ့ မိန်းမတွေ အပျော်မယား အဖြစ်နေထိုင်တဲ့မိန်းကလေးတွေအတွက် ဒီဥပဒေက ဆိုလိုတာပါ။

အပျော်မယားက မွေးတဲ့ သားသမီးတွေဟာ မြန်မာ့ဓလေ့ထုံးတမ်းစဉ်လာ အရ အမွေခံစားခွင့်မရှိပါဘူး။ ဒီဥပဒေဟာ ကလေးသူငယ်အခွင့်အရေးနဲ့ လည်း မဆိုင်ပါဘူး။ မိန်းကလေးတွေဟာ တရားဝင်မိန်းမ ဖြစ်အောင် ကြိးစားရမှာပါ။ အပျော်မယားအဖြစ်နေမယ့် မိန်းကလေးတွေလည်း နောင်မနေရဲအောင်လို့ ကာကွယ်ပေးထားတဲ့ဥပဒေဖြစ်တယ်။ ဒီဥပဒေကို တခြားဘာသာဝင်မိန်းကလေးတွေလည်း ထောက်ခံမယ် လို့ အပြည့်အဝ ယုံကြည်တယ်။

ဥပဒေကြမ်းတွေရေးဆွဲတုန်းကတည်းက ကျနော်ကိုယ်တိုင် ပါဝင်ခဲ့တာဖြစ်ပြီး ဘာသာကြီး ၄ ခု စလုံးရဲ့ ဥပဒေတွေကို လေ့လာခဲ့တာပါ။ ဥပမာဆိုရင် အစ္စလာမ်ဘာသာဝင်အမျိုးသမီးတွေလည်း ဒီဥပဒေကို ထောက်ခံမှာပါ။ ဘာကြောင့်လဲဆိုတော့ သူတို့ဘာသာရဲ့ ဥပဒေတွေထဲက မိန်းကလေးတွေရဲ့ ရပိုင်ခွင့် အခွင့် အရေးက မဖြစ်စလောက်ရှားပါးနေတဲ့အတွက် ဒီဥပဒေက ပြည့်စုံလုံလောက်မှုနီးပါးဖြစ်တော့ သူတို့ ထောက်ခံမှာပါ။ ဒီဥပဒေကို သေချာလေ့လာပေးကြပါ။

ဒီဥပဒေက မည်သည့်ဘာသာရဲ့ ဥပဒေမှ ဆန့်ကျင်ခြင်းမရှိဘဲနဲ့ အထူးသဖြင့် ဘာသာတခုကနေ တခုကို ကူး ပြောင်းရင်ဖြစ်စေ ဘုံစည်းကမ်းဖြစ်တယ်။ ငြိမ်းချမ်းရေးဥပဒေဖြစ်တာကြောင့် တိတိကျကျ လိုက်နာမယ် ဆိုရင် ဘာသာပေါင်းစုံ ပဋ္ဋိပက္ခကိုလည်း အတိုင်းအတာတခုထိ ကာကွယ်ပေးနိုင်မယ့်ဥပဒေ ပါ။ ဘယ်လူ့အ ခွင့်အရေးကိုမှလည်း မချိုးဖောက်ဘူး။

ဆရာတော် ဦးပါမောက္ခ (မကွေးကျောင်းတိုက်)

တလင် တမယား စနစ်ကျင့်သုံးခြင်းဆိုင်ရာဥပဒေကို ပြောမယ်ဆိုရင် ဗုဒ္ဓဘာသာရဲ့ ဓလေ့ထုံးတမ်းတွေနဲ့ အလွန်ပဲ ကိုက်ညီပါတယ်။ယောက်ျား တယောက်ဟာ တရားဝင်မိန်းမလေးယောက်လောက်ယူခွင့် ပြုထား တာ မျိုးကလူဦးရေ ပိုပြီးဖောင်းပွမှုတွေဖြစ်လာစေတယ်။အဲဒီလိုလူတွေသာ များပေမယ့် နိုင်ငံအပေါ်သစ္စာ မစောင့်သိဘူး၊ နိုင်ငံရဲ့တာဝန်တွေကို မထမ်းဆောင်ဘူးဆိုရင် ပိုဆိုးပါတယ်။ ဘုန်းကြီးတို့ကတော့ ဒီဥပဒေ ကို အပြည့်အ၀ ထောက်ခံပါတယ်။

ကုလသမဂ္ဂလူ့အခွင့်အရေး ပဋိဥာဉ်စာတမ်းပါ ၃၂ချက်ထဲက အပိုဒ် ၁၆ မှာ ပြဌာန်းထားတာက အရွယ် ရောက်ပြီး သူတိုင်း သည် မိသားစုတည်ထောင် ခွင့်ရှိတယ်။ လူမျိုးခြား၍သော်လည်ကောင်း၊ ဘာသာ ခြား၍ သော်လည်း ကောင်း၊ နိုင်ငံခြား၍သော်လည်းကောင်း၊ ခွဲခြားဆက်ဆံခြင်းမပြုရဘဲ လွတ်လပ်စွာ မိသားစု တည်ထောင်ခွင့်၊ ကိုးကွယ်ခွင့်ရှိ ရမှာဖြစ်ပါတယ်။

လူ့အခွင့်အရေးဆိုတာကို ဘုန်းကြီးပြောချင်တာက မျိုးစောင့်ဥပဒေတွေထဲက ဘယ်အချက်ကတော့ နိုင်ငံ တကာ လူ့အခွင့် အရေးဆိုတာတွေနဲ့ မကိုက်ညီဘူးဆိုတာကို ပြတ်ပြတ်သားသားထောက်ပြ ဆွေးနွေးလို့ရ ပါတယ်။ ဘုန်းကြီးတို့ ဗုဒ္ဓဘာသာအမျိုးသမီးများဟာ မည်သည့် ဘာသာဝင်နဲ့မဆို အိမ်ထောင်ပြုခွင့်ရှိပြီး ကျန်တဲ့ဘာသာဝင် အမျိုးသမီး များကရော အဲ့ဒီလို အိမ်ထောင်ပြုခွင့်ရှိရဲ့လားပြန်မေး ချင်ပါတယ်။တလင် တမယာစနစ်ကျင်း သုံးခြင်းသည် လူဦးရေ ထိန်းညှိ ခြင်းအပေါ်မှာလည်း သက်ရောက်မှုရှိပြီး ကမ္ဘာ့နိုင်ငံ တွေမှာလည်း လူဦးရေထိန်းချုပ်ထားတာတွေဟာ ရှိပါတယ်။ မျိုးစောင့်ဥပဒေတွေက လူ့အခွင့်အရေတွေ ချိုးဖောက်တာမရှိပါဘူး။ ဒီဥပဒေကို ကျင့်သုံးခြင်းကသာ အသင့်တော်ဆုံးလို့ ယူဆပါတယ်။

တရားလွှတ်တော်ရှေ့နေ ဦးရောဘတ်စန်းအောင်

ပြောမယ်ဆိုရင် ချစ်ခြင်းမေတ္တာကို ဥပဒေနဲ့ တားမြစ်တဲ့သဘောပဲဖြစ်တယ်။ ချစ်ခြင်းမေတ္တာကို ဥပဒေနဲ့ တားလို့မရနိုင်ဘူး။ ဥပဒေတရပ်ကို ထုတ်ပြန်တယ်ဆိုတာ လူ့အဖွဲ့အစည်းအတွက် တကယ်အသုံးဝင်နိုင် မယ့် ဥပဒေ မျိုးဖြစ်သင့်တယ်။ ဒီဥပဒေကို လေ့လာတဲ့အခါမှာ အကျိုးပြုနိုင်လောက်တဲ့အနေအထားမတွေ့ ရဘူး။ ပြောရရင်တော့ ရွေးကောက်ပွဲနီးလို့ နိုင်ငံရေးကစားလိုက်တဲ့သဘောပဲလို့ မြင်တယ်။ အဲဒါမျိုးက တော့ အောင်မြင်ဖွယ်ရာအကြောင်းမရှိပါဘူး။ အမျိုးသမီး တွေအတွက် ဆွဲထားတဲ့ဥပဒေလို့ ပြောနေပေ မယ့် လက်တွေ့မှာ အထောက်အကူပြုဖို့ အားနည်း ချက်တွေအများကြီးရှိတယ်။

အမျိုးသမီးတယောက်အနေနဲ့ မယားပြိုင်အဖြစ် ဥပဒေက ခွင့်ပြုထားတာရှိတယ်။ မစ္စဝေဒီနဲ့ ဒေါ်ကြည် ကြည်အမှုမှာ ကင်းဝန်မင်းကြီး ဦးကောင်းရဲ့ ၃၆ စောင် ဓမ္မသတ်ကျမ်းနဲ့မကိုက်ညီဘူးဆိုတဲ့ ပုံစံမျိုးပေါ့။ အဲဒီလိုမကိုက်ညီတာတွေက ဥပဒေအတွက် အခက်အခဲဖြစ်တယ်။ ဥပဒေပြဋ္ဌာန်းတယ်ဆိုတာက ရွေး ကောက်ပွဲအထောက်အကူပြုအောင်လုပ်တယ်လို့ပဲ သုံးသပ်မိတယ်။ လက်တွေ့အသုံးမဝင်မှာကိုလည်း စိုးရိမ်တယ်။ ဒီဥပဒေဟာ အမျိုးသမီးအခွင့်အရေးတွေ ဆုံးရှုံးနိုင်တဲ့အနေအထားပဲ။ ချစ်ခြင်းမေတ္တာအရ နောက်ထပ်အိမ်ထောင်ပြုမယ်ပေါ့။

လူ့ဘောင်အဖွဲ့အစည်းမှာဒီလိုပဲရှိကြတာပဲ။ မြန်မာ့ဓလေ့မှာလည်း ဒါတွေပါပြီးသား။ ကင်းဝန်ဦးကောင်းရဲ့ ကျမ်းမှာလည်း သားသမီးတွေ အခွင့်အရေးလည်းပါတာပဲ။ ဒီဥပဒေဟာ နောက်ဆက်ခံသူမိန်းကလေးတွေ ကို မယားတယောက်ရဲ့ အခွင့်အရေးကိုမရနိုင်ဘူး။ ကျနော်တို့ကတော့ ဒီဥပဒေကို အစိုးရသက်တမ်းက ပြန်စဉ်းစားသုံးသပ်ပြီး အမျိုးသမီးတွေ အခွင့်အရေးမဆုံးရှုံးရအောင် လူ့အခွင့်အရေးလှုပ်ရှားဆောင်ရွက်နေ သူ တွေနဲ့ပြန်ပြီး တိုင်ပင်သင့်တယ်။ ဒါက ဘာသာရေးပြဿနာမဟုတ်ဘူး။ လူမျိုးရေး ပြဿနာသာဖြစ် တယ်။ ပြန်လည်သုံးသပ်သင့်တယ်လို့ အကြံပြုချင်တယ်။

သိက္ခာတော်ရ ဆရာတော် စောမက်သယူးအေးပြောခွင့်ရပုဂ္ဂိုလ်၊ ကရင် အမျိုးသားစည်းလုံးရေးနှင့် ငြိမ်းချမ်းရေးကော်မတီ

ခရစ်ယာန်ဘာသာမှာ နဂိုတည်းက တလင်တမယားစနစ်ပဲ သွားတာဆိုတော့ ကျနော်တို့ ဘာသာဝင် တွေအတွက် အခက်အခဲ သိပ်မရှိနိုင်ဘူး၊ နဂိုတည်းက တလင်တမယားစနစ်ပဲ ၊ ဘုရားကျောင်းမှာ လက် ထပ်ပြီးရင် နောက်တကြိမ် ထပ်ပြီး လက်ထပ်လို့ မရဘူး၊ ခရစ်ယာန်တွေက Church Marriage ကို ဦးစားပေးတော့ ဘုရားရှေ့မှာ ကတိပြု လက်ထပ်ထားတာက သေသည်အထိ တလင်တမယားပဲ ။ အကြောင်းအမျိုးမျိုးကြောင့် ကွဲရင်တောင် ကွဲဖို့ တော်တော်ခက်ခဲတယ်၊ တကယ့်ကို တိကျခိုင်လုံမှ ကွဲ လို့ ရတယ်၊ နောက်တကြိမ်ပြန်လက်ထပ်လို့ ရတယ်။ တော်တော်ကို ရှားပါတယ် ဒါမျိုးက ။ တလင်တမယားက ခရစ္စယာန်ဘာသာဝင်တွေအတွက် အခက်အခဲ မရှိနိုင်ပေမယ့် မျိုးစောင့်ဥပဒေ ဖြစ်တဲ့ တခြားဥပဒေတွေ ကတော့ စိတ်ပူမိတာ ရှိတယ်။ 

ခရစ္စယာန်မှာ Mix- Marriage ကို ဦးစားမပေးတော့ ဗုဒ္ဓဘာသာက ဘာသာ လာပြောင်းမယ်ဆို အရှုပ် အထွေး တွေဖြစ်မှာ တခုတော့စိုးရိမ်တယ်။ ကျနော်တို့မှာ ဘယ်သူ တဦးတယောက် ကိုမှ ဖိအား ပေးတာ မျိုး မလုပ်ရဘူး ဘုရားသခင်က သတ်မှတ်ထားတာမို့ အတင်းအကျပ် ဘာမှ မလုပ်ဘူး။ ခုက ထောင်ဒဏ် တွေ ဘာတွေနဲ့ ဆိုတော့ ခက်သားပဲ။ သူ့ဘာသာသူ ယုံကြည်ပြီး ဒီဘက် ၀င်လာရင်တောင် စိုးရိမ်ရမယ့် အခြေအနေပဲ ။

မဒီဒီပိုးကျိန်

တအောင်းန်အမျိုးသမီးအဖွဲ့အစည်း

ကျမသဘောထားက ဥပဒေက ဒီအတိုင်းကြည့်ရင် ကောင်းတယ်၊ သူ့ရဲ့ နောက်ဆက်တွဲကို သေသေ ချာချာ ပြန်ကြည့်ရင်တော့ ရှုပ်ထွေးမှုတွေ ရှိတယ်၊ ရှုပ်ထွေးမှုကနေ ပြဿနာတွေ အများကြီး ဖြစ်လာ နိုင်တယ်။ ပြီးတော့ ဗုဒ္ဓဘာသာ မဟုတ်တဲ့ ဘာသာခြားတွေ အတွက် အကျုံးမ၀င်တာ တွေ တွေ့ရတယ်၊၊ အကျုံးမ၀င်ဘူးဆိုတာ သူတို့တွေရဲ့ ဘာသာဓလေ့ထုံးတမ်းတွေအရ သွေဖည်နေတာတွေ ပါနေတယ်။ တကယ်ဆို ဥပဒေတခု လုပ်မယ်ဆို ဒီနိုင်ငံမှာ ရှိတဲ့ နိုင်ငံသားအားလုံး လိုက်နာ နိုင်မလား၊ ဘယ်လိုလဲ ဆိုတာ အရင် ဆာဗေးတွေ လုပ်သင့်တယ် ။ အခုက ဘာသာခြား တွေကို မလေ့လာဘူး။ ပြီးတော့ ဥပဒေ ထွက်လာတော့ နိုင်ငံသားတိုင်း လိုက်နာရမယ်လို့ ပြဌာန်းထားတယ်။ နောက်ပြီး ဒီလို မျိုးစောင့်ဆိုတာမျိုး က အလောတကြီး ပေါ်လာတယ်၊နိုင်ငံသားတိုင်းကို မလွှမ်းခြုံဘူး။ တကယ်ရော အသက်ဝင် မှာလား ။ နိုင်ငံအတွက် တကယ် လိုအပ်လား ဘာမှတ်တမ်းမှ မရှိဘူး၊ နိုင်ငံရေး ပယောဂကြောင့်လား ကျမတို့တွေ ပြန်သုံးသပ်ဖို့ လိုနေပြီ။

မမေစံပယ်ဖြူ

ကျား၊ မ ရေးရာ တန်းတူညီမျှ ရေး ကွန်ရက် ( Gender Equlity Network)

ကျမတို့က စရေးဆွဲကတည်းက မဖြစ်သင့်ဘူးဆိုတဲ့အကြောင်းတွေပြောပါတယ်။ ဘယ်လို မဖြစ်သင့်ဘူးဆို တာလဲ ပြောခဲ့ပါတယ်။ မလုပ်သင့်တဲ့အကြောင်း၊ လုပ်သင့်အရာတွေ ကို ကျမတို့ တိုက်တွန်းတယ်။ အကြံပြု တယ်။

ကျမတို့ ဘယ်လောက်ပဲလုပ်လုပ် အတည်ပြုလိုက်တယ်။ အတည်ပြုတဲ့အခါမှာလဲ အခုဆိုရင် ဝေဖန်တဲ့ အသံတွေ အများကြီးပဲ။ ဥပဒေဆိုတာ ပြဋ္ဌာန်းဖို့တခုတည်း ရှိရမှာမဟုတ်ဘူး။ ဒီဥပဒေ အသက်ဝင်အောင် ဘယ်လို အကောင်ထည် ဖော်ပြမှာလဲ ဆိုတာကို သိသင့်တယ်လို့ ထင်ပါတယ်။ ကျမတို့အနေနဲ့ ကတော့ ဒီလို ဥပဒေ မဖြစ်သင့်ဘူး။

အကောင်အထည် ဖော်ရင်လည်း အခက်အခဲတွေ အများကြီး ဖြစ်လာနိုင်တယ်ဆိုတာ ကို ကျမတို့ ထောက်ပြ ပြောဆိုသွားမှာပါ။ တကယ်တမ်းမှာတော့ ဖြစ်လာနိုင်တဲ့ လူမှုရေး ဘာသာတွေကို ထည့်သွင်းစဉ်းစားထားချင်းမရှိဘဲ ဒီဥပဒေကို ရေးဆွဲထားတယ်လို့ ကျမတို့ ဝေဖန်လိုတယ်။ ဥပဒေ ကို အသိအမှတ်ပြုသည့် ဖြစ်စေ မပြုသည်ဖြစ်စေ ဒီလိုမျိုး လက်မထပ်ဘဲ အတူနေတာပဲ ဖြစ်ဖြစ် ဒါမှမဟုတ် လက်ထပ်ထားတဲ့ တရားဝင် ဇနီး မယား ရှိပေမယ့် ထပ်ပြီး Living Together နေတာတို့ ကတော့ ရှိနေမှာပဲ။ ရှိနေဦးမှာပဲ။

ဥပဒေ ပြဋ္ဌာန်းပြီး အားဖြင့် အဲ့လို မျိုး တရားဝင် ဥပဒေ အရ အသိအမှတ်မခံရတဲ့ အမျိုးသမီးတွေ မွေးဖွားလာတဲ့ ကလေးတွေ အခွင့်အရေးကိုပါ ထည့်သွင်းမစဉ်းစားရာ ဘူးဆိုတာ ကျမတို့ ထောက်ပြပြီးသားပါ။ ဘယ်ဘာသာ၊ ဘယ်သာသနာ ပဲဖြစ်ဖြစ် ဘာသာ သာသနာ ဆိုတာ တိုင်းဟာ လူတိုင်း စောင့်ရှောက်ကောင်းတဲ့အရာပါ။ ဒါပေမယ့် ဥပဒေ ပြုပြီး စောင့်ရှောက်ရမယ် မဟုတ်ဘူး လို့ ယူဆပါတယ်။ ဒီဥပဒေ မှာလဲ ဘယ်ဘာသာဆိုတာ အတိအကျ မပြောထားပါဘူး။ သို့သော်လည်း ကျမတို့ အကုန်လုံးသိနိုင်တာကတော့ ဘယ်ဘာသာကို ကြည့်ပြီးပြောနေတယ် ဘယ်ဘာသာကို ဦးတည် ပြောချင်နေလဲ ဆိုတာကတော့ မရေးထားပေမယ့် အားလုံးက သဘောပေါက်ပြီးပါပြီ။

ဒါကတော့ ကျမတို့ နိုင်ငံသမိုင်းမှာ အမျိုးသမီးတွေရဲ့ လင်ယူ သားမွေး ပြီးတော့ လူသားတယောက်အနေနဲ့ ကိုယ့်ရဲ့ ကိုးကွယ်ယုံကြည်ခွင့် လွတ်လပ်ခွင့်တွေကို အစိုးရတရပ် ဥပဒေပြု အာဏာရှိသူက ဝင်ရောက်လွှမ်း မိုးမှု ကြိုးစားတဲ့သမိုင်းတွင် တဲ့အခွင့်အရေးပေါ့။ အမျိုးသမီး အခွင့်အရေးပေမယ့် အမျိုးသမီးတွေရဲ့ ဆုံးဖြတ် ပိုင်ခွင့် အမျိုးသမီး ရွေးချယ်ပိုင်ခွင့်ကို အတိအကျ ကန့်သတ်လိုက်တာဖြစ်သလို နိုင်ငံသား တယောက်အ နေနဲ့ သူတို့ရဲ့ လွတ်လပ်စွာ ကိုးကွယ် ယုံကြည် ခွင့်ကို အခြေခံဥပဒေ ထဲမှာ ဘာတွေ ပဲ ဖော်ပြထား ဥပဒေ နဲ့ ကန့်သတ်ဖို့အတွက် ကြိုးစားတယ်။

ဒေါ်ထားထား

အခရာ အမျိုးသမီးအဖွဲ့

ဥပဒေ ကိုကြည့်မယ်ဆိုရင် တလင် တမယား စနစ်ကျင့်သုံးခြင်း ဆိုင်ရာ ဥပဒေက အမျိုးသမီးတွေအတွက် ကောင်းတယ် လို့မြင်ကြမှာပါ။ ဥပဒေကို ကြည့်မယ်ဆိုရင် မရှိသင့်အရာပေါ့။ ပြည်သူလူထု တားမြစ်နေတဲ့ ကြားက အလောသုံးဆယ် လုပ်တာသည် အကြောင်း ရှိတယ်ဆိုတာ ပိုခိုင်မာသွားတယ်။ ဒီလို အချိန်မှာ မလုပ်သင့်ဘူး။ ဒီကြားထဲမှာ ပြသာနာ မဖြစ်စေချင်ဘူးဆိုရင် မလုပ်သင့်ဘူး။

ဥပဒေ အင်္ဂါရပ်တွေနဲ့ မညီပါဘူး။ လူအခွင့်အရေး စံချိန် စံညွန်းနဲ့ မညီပါဘူး။ ဒီ ဥပဒေ ဆွဲတဲ့သူကလည်း ကြေညာပြီးသား။ ဒီ ဥပဒေက လူ့အခွင့်အရေးနဲ့ ညီစရာ မလိုပါဘူး။ မြန်မာပြည်ရဲ့အမျိုးဘာသာ သာသနာ ရဲ့ ရှုထောင့် ကနေပဲကြည့်မယ်ဆိုတာ။ ဘက်ပေါင်းစုံကိုထည့်သွင်းစဉ်းစားမထားတဲ့ ဥပဒေ ကိုယ်လုပ်ချင် တာကို လုပ်တဲ့ ဥပဒေ။ ဒီဥပဒေ က ပြည်သူလူထုအမြင်တွေ ပြည်သူလူထုက ဒါကို မလုပ်ပါနဲ့ ပြောနေ တာကို နားမထောင်ဘူး။ ဥပဒေ အင်္ဂါရပ်နဲ့ မညီတဲ့အတွက် ဟိုဟာကို သွားငြိ ဒီဟာကို သွားငြိ ဖြစ်နေ တယ်။ ဒါတွေကြောင့် ကလေး အခွင့်အရေး ပါသွားငြိတာပေါ့။

ပြီးတော့ အမျိုးဘာသာ သာသနာကို စောင့်ဖို့ဆိုတာ ဘာကို စောင့်ဖို့လဲ။ ဗုဒ္ဓဘာသာတွေက တင်သွင်းလို့ ဗုဒ္ဓဘာသာ အမျိုးကို စောင့်ဖို့ပဲ။ တိုင်းရင်းသား စည်းလုံးညီညွတ်မှု ကို ပြိုကွဲစေဖို့ပါပဲ။ နိုင်ငံတကာ ကူးလူး ဆက်ဆံလာတဲ့အချိန်မှာ လူတိုင်းမှာ နိုင်ငံတကာနဲ့ အဆင့်မှီဖို့ ရင်ဘောင်တန်းဖို့ သူတို့နဲ့ ကူးလူးဆက်ဆံ ပါဝင်ပတ်သတ်ရတဲ့အတွက် လိုအပ်တဲ့ ဥပဒေ လုပ်ထုံးလုပ်နည်း ပြဋ္ဌာန်းရမယ့် အစား ခေတ်နောက်ပြန်ဆွဲ တဲ့ ဥပဒေ ဖြစ်တယ်။တိုင်းရင်းသား စည်းလုံး ညီညွတ်မှုကို ဘယ်လိုမှ ထည့်သွင်းစဉ်းစားထားတဲ့ ဥပဒေ မဟုတ်ဘူး။

ဦးအေးသာအောင်

ရခိုင်အမျိုးသားပါတီ

ကျနော့်အမြင်မှာ တလင်တမယားစနစ်ဆိုတာ မြန်မာလူမျိုး ၊ ဗုဒ္ဓဘာသာတွေ ကျင့်သုံးလာတာ တခုပဲ ၊ ဥပဒေအရပြဋ္ဌာန်းစရာတောင် မလိုပါဘူး၊ ဒါပေမယ့် တချို့ကတော့ အိမ်ထောင်ရှိလျက်နဲ့ နောက်တ ယောက် ကို လက်ထပ်တာ ယူတာတွေ နည်းနည်းပါးပါးရှိတယ်။ အခုက မယူရဘူးဆိုတာ ပြဌာန်း လိုက် ပေမယ့် တချို့ အမျိုးသား တွေက ယူမယ်ဆို တနည်းနည်းနဲ့ ယူလို့ ရတယ်။ အရပ်စကားနဲ့ ပြောရရင် တိတ်တိတ်ပုန်းယူကြတာမျိုးပေါ့။ ဒီလိုအချက် တွေကျ ဥပဒေမှာ မပါတော့ ဥပဒေပြဌာန်းပေမယ့် ထိရောက် မှု ရှိလိမ့်မယ်လို့ မထင်ဘူး။ တချို့ငွေချမ်းသာတဲ့သူတွေ ဒီလိုပဲ ယူထားကြတာ ရှိတာပဲ။ အများမသိကြဘူး။

မည်သို့ပင်ဆိုစေ အခု ဥပဒေက ပြဌာန်းလိုက်ပြီဖြစ်တော့ လိုက်နာဖို့တော့ လိုမယ် ထင်ပါတယ်။ ဥပမာ အစ္စလာမ် ဘာသာဝင်တွေဆို ၃ ယောက် ၄ ယောက် ယူကြတာ ရှိတယ်၊ ရခိုင်ပြည်နယ်မှာဆို တချို့ အစ္စလာမ် မိသားစုတွေမှာ ကလေးတွေ ရေတွက်ရတာတောင် များလွန်းတယ်။ ဒီတော့ ဘယ်ဘာသာပဲ ကိုးကွယ် ကိုးကွယ်၊ ဘာလူမျိုးပဲ ဖြစ်ဖြစ် ဒီနိုင်ငံမျာေ နရင်တော့ လက်ရှိ နိုင်ငံရဲ့ ဥပဒေတွေကို လိုက်နာဖို့ လိုတယ်၊ လိုက်လျောညီထွေအောင် နေဖို့ လိုပါတယ်။ အခု ပြောတာက ဘာသာရေးအရ ပြောတာ မဟုတ် ပါဘူး။ နိုင်ငံတနိုင်ငံမှာနေတယ်ဆိုရင် လက်ရှိနိုင်ငံ နဲ့သဟဇာတဖြစ်အာင် အများစုနေထိုင်နေတဲ့ လူမျိုးစု တွေနဲ့ လိုက်လျော ညီထွေအောင် နေရမယ်လို့ ဆိုလိုတာပါ။ တကယ် လည်း လုပ်ဖို့ လိုအပ်ပါတယ်။

ဆရာတော် ဦးကာဝိယ (ဂဠုန်နီဆရာတော်)

မန္တလေးမြို့ ငွေငါးကျောင်းတိုက်

ဒီလိုဥပဒေတွေက ဗုဒ္ဓဘာသာဝင်တွေရဲ့ ဓလေ့ထုံးတမ်းတွေနဲ့တော့ တခြားစီပါ။ဒီနေ့ခေတ်အနေအထား အရ လိုအပ်လာလို့ ထုတ်ပြန်လိုက်ရတဲ့သဘောပါပဲ။ မြန်မာ ဗုဒ္ဓဘာသာဝင်အမျိုးသမီးတွေဟာ တခြား ဘာသာတွေနဲ့ လက်ထပ်တဲ့အခါ အရှုံးကြီးပဲ ဖြစ်နေတာပါ။အတင်းအဓမ္မ ဘာသာကူးပြောင်းခိုင်းတာတွေက အထောက်အထား တွေအများကြီး ရှိပါတယ်။ကုလသမဂ္ဂ၊ လူ့အခွင့်အရေးဆိုတာတွေက ဘယ်လိုမှန်းတော့ မသိဘူး ဗုဒ္ဓဘာသာနိုင်ငံ ရဲ့ ဥပဒေ တွေကိုပဲ လိုက်ပြောနေပေမယ့် တခြားဘာသာတွေရဲဥပဒေတွေကို ဘာမှမဝေဖန်ကြပါဘူး။ ဥပဒေကို တကယ် လိုက်နာရင် ကောင်းပါတယ်၊ ဥပဒေကတမျိုး လုပ်နေတာတွေ က တမျိုးဆိုမကောင်းပါဘူး။

မ.ဘ.သ လို အမျိုး၊ဘာသာ၊သာသနာစောင့်ရှောက်ရေးဆိုပြီး ဟိုပါတီမဲမပေးရ၊ဒီပါတီမဲမပေးရဆိုပြီး လိုက် လုပ်နေတာ တွေက မူလရည်ရွယ်ချက်နဲ့ တော်တော်လေးလွဲသွားပြီ။ အဲ့လိုပဲဆိုရင် မျိုးစောင့်ဥပဒေတွေ ကလည်း နောက်ပိုင်း တလွဲတချော်တွေဖြစ်ကုန်မှာပဲ။ဒီနေရာမှာ နိုင်ငံရေးလည့်ကွက်တွေလည်း ပါနေ တယ်။ အဓိက ကတော့ ဥပဒေ တွေဟာတဦးအပေါ်၊လူမျိုးတမျိုးအပေါ် မထိခိုက်ရင် ပြီးတာပါပဲ။ ဒီဥပဒေ တွေက ၁၉၅၀ခုနှစ်ကတည်းကပြဌာန်း ခဲ့တာပဲ၊ အကောင် အထည်မဖော်ခဲ့ကြတာပဲ၊ နောက်ပြီး အဲ့တုန်းက လည်း ဒီလိုအခြေအနေမျိုးတွေမရှိသေးဘူး လေ။ ဥပဒေဆိုတာ ကန့်ကွက် တာ၊ ထောက်ခံတာက လုပ်လို့ ရပါတယ်၊လူအများစုရဲ့ ဆန္ဒအတိုင်းပေါ့၊ ဒါပေမယ့် ဘုန်းကြီးအာဏာရှင်၊ လူအာဏာရှင်တွေနဲ့ ထိပ်တိုက် သွားလုပ်ရင်တော့ မလွယ်ဘူးပေါ့။ လူတိုင်းလွတ်လပ်စွာ ကိုးကွယ်ခွင့်၊ရပ်တည်ခွင့်တွေအတွက် ဥပဒေတွေ ထိန်းချုပ်လာတာက ၀ိရောဓိတွေဖြစ်လာနိုင်ပါတယ်။ ဥပဒေဆိုတာ တဦးတယောက်ရဲ့ လွတ်လပ်ခွင့်၊ ရပ် တည်ခွင့်တွေကို မထိခိုက်ရင် အကောင်းဆုံးပါပဲ။

အရှင် ခေမာနန္ဒ (မိုးသု မန္တလေး)

ဓလေ့ထုံးတမ်းတွေကတော့ ဗမာတွေလည်း မိန်းမနှစ်ယောက် သုံးယောက်ယူကြတာပဲလေ။ဒီလိုဥပဒေတွေ ပြဌာန်းဖို့ ကတော့ အမျိုးသမီးတွေရဲ့ သဘောဆန္ဒကို စစ်တမ်းအရင် ကောက် သင့်တာပေါ့။ ဥပဒေဆိုတာ က တကယ် အသက် ၀င်နိုင်မှ ဥပဒေထုတ်တာပိုကောင်းပါတယ်။ တည်ငြိမ်အေးချမ်းမှုကို ပျက်ပြားစေ နိုင်တဲ့ ဥပဒေဆိုရင်တော့ မထုတ် တာပဲကောင်းပါတယ်။ ဒီဥပဒေထုတ်ပြန်လိုက်လို့လည်း ဘာမှထူး လာမယ် မထင်ပါဘူး။ ဗြောင်ယူလို့မရရင် တိတ်တိတ်ပုန်းနားလည်မှုနဲ့ ယူနေကြမှာပဲလေ။ အစကတည်းက ဗြောင်ယူသူက နည်းပါတယ်။ ဒီလိုဥပဒေတွေ ကြောင့်တော့ မိသားစုတွေဒုက္ခဖြစ်လိမ့်မယ်။ နိုင်ငံရဲ့ တည်ငြိမ်အေးချမ်းမှုကိုတော့ ဥပဒေအသက်မ၀င်ရင် ထိခိုက်မယ် မထင်ပါဘူး။ အသက်ဝင်ရင်တော့ ပြဿနာတွေတက် လိမ့်မယ်။ ပြည်တန်ဆာတွေက ရှိသေးတာကိုး။

ဒါတွေက ကိုယ်ကျင့်တရား၊ လူ့အသိ စိတ်ဓာတ်နဲ့ ထိန်းသိမ်းရမယ့်အရာလို့ မြင်တယ်။ လူ့အခွင့်အရေးချိုး ဖောက်မှု ရှိ၊ မရှိဆိုတာကတော့ အမျိုးသမီး ထုကို စစ်တမ်းကောက်သင့်တာပေါ့။ ဒါက သူတို့အပြင်က ပိုအရေးကြီး ပါတယ်။ယောက်ျားတွေကတော့ လူ့အခွင့်အရေးချိုးဖောက်တယ်လို့ မြင်ကြမယ်ထင်ပါတယ်။ နောက်ဆက်တွဲကတော့ ဒီဥပဒေကြောင့် အိမ်ထောင်ကွဲ၊ အိမ်ထောင်ပျက်တွေ များလာမယ်လို့ထင်ပါတယ်။ မယားငယ်ကြောင့် မယားကြီးတွေကို ကွာပြီးတော့ ယူကြဖို့အလားအလာ များပါတယ်။ အချိန်ယူ စစ်တမ်း တွေကောက်လုပ်ပြီးမှ လုပ်ရမယ့်ဟာကို အခုလိုဝုန်းဒိုင်းကြဲလုပ်လိုက်တာ မကောင်းဘူးလို့ ပြောချင်တယ်။

ဧရာဝတီ