ဝ ကိုယ်ပိုင်အုပ်ချုပ်ခွင့်ရတိုင်းထဲမှာ မြို့နယ် ၆ ခု ရှိတဲ့အနက် မြို့နယ်၂ ခု မှာသာ ၂၀၁၅ ရွေးကောက်ပွဲ အတွက် မဲဆန္ဒရှင် စာရင်းတွေ ပြုစုနိုင်ခဲ့ပြီး ကျန် ၄ မြို့နယ် မှာတော့ ရွေးကောက်ပွဲ ကော်မရှင် ရုံးခွဲလည်း မရှိ၊ မြန်မာ အာဏာပိုင်တွေ အနေနဲ့ ဝင်ထွက်သွားလာလို့ မရ ဖြစ်နေတယ်လို့ ရှမ်းပြည်နယ် ရွေးကောက်ပွဲ အရာရှိ တစ်ဦးက ပြောပါတယ်။
ဒါ့ကြောင့် မဲဆန္ဒရှင် စာရင်း ပြုစုနိုင်ခဲ့တဲ့ ဟိုပန် နဲ့ မက်မန်း ၂ မြို့နယ်မှာပဲ ရွေးကောက်ပွဲ ကျင်းပနိုင်ဖို့ အခြေအနေ ရှိနေတယ် ဆိုပြီး ရှမ်းပြည်နယ် ရွေးကောက်ပွဲ အရာရှိ ဦးသန်းလွင်မြင့်က ဘီဘီစီကို ပြောပါ တယ်။
ကျန် ၄ မြို့နယ် ဖြစ်တဲ့ မိုင်းမော၊ ပန်ဆိုင်း၊ နာဖန် နဲ့ပန်ဝိုင် တို့ကိုပါ မဲဆန္ဒနယ်တွေအဖြစ် လောလောဆယ် မှာ ထည့်သွင်း သတ်မှတ်ထားပေမယ့် နောက်ဆုံး အခြေအနေထိ မဲဆန္ဒရှင် စာရင်း မပြုစု နိုင်ဘူး ဆိုရင် တော့ ပြည်ထောင်စု ရွေးကောက်ပွဲ ကော်မရှင်က အဲဒီ့နယ်တွေ မှာ ရွေးကောက်ပွဲ ရွှေ့ဆိုင်းတယ် ဆိုတာ မျိုး ဒါမှမဟုတ် မဲဆန္ဒနယ်တွေ အဖြစ်က ပယ်ဖျက်တယ် ဆိုတာမျိုး ကြေညာလာနိုင် တယ်လို့လည်း ဦးသန်း လွင်မြင့်က ဆိုပါတယ်။
ဒါပေမယ့် အဲဒီ့ဒေသတွေကို အုပ်ချုပ်နေတဲ့ ဝပြည် သွေးစည်း ညီညွတ်ရေး တပ်မတော် UWSA က သာ မီးစိမ်းပြ ခွင့်ပြုပြီး ဒေသတွင်း တည်ငြိမ် ငြိမ်းချမ်းမှု အတိုင်းအတာ ကလည်း လွတ်လပ်ပြီး တရားမျှတတဲ့ ရွေးကောက်ပွဲ ကျင်းပနိုင်တဲ့ အခြေအနေမှာ ရှိရင်တော့ ကော်မရှင်အနေနဲ့ ရွေးကောက်ပွဲ ပြုလုပ်ပေးဖို့ အသင့်ပဲလို့ ရှမ်းပြည်နယ် ရွေးကောက်ပွဲ အရာရှိ ဦးသန်းလွင်မြင့်က ဘီဘီစီကို ပြောပါတယ်။
အခုလို UWSA ရဲ့ ထိန်းချုပ် နယ်မြေ တွေမှာ ရွေးကောက်ပွဲ လုပ်နိုင်ဖို့ မသေချာနိုင်တဲ့ အခြေအနေနဲ့ ပတ်သက်လို့ အနှစ်သာရ ရှိတဲ့ ပြည်တွင်း ငြိမ်းချမ်းရေး ဖြစ်စဉ် ပေါ်ထွန်း မလာမချင်း လက်နက်ကိုင် အဖွဲ့အစည်းကပဲ ဦးဆောင်နေဦးမယ့် သဘောမှာပဲ ရှိနေတယ် ဆိုပြီး ရှမ်းပြည်နယ် မဲဆန္ဒနယ် အမှတ် ၁၂ က ဝ ဒေသအတွက် အမျိုးသား လွှတ်တော်အမတ် ဦး စိုင်းပေါင်းနပ်က ဘီဘီစီ ကို ပြောပါတယ်။
UWSA ဟာ မြန်မာ အစိုးရနဲ့ အကြား အပစ်ရပ် သဘောတူထားတာ ၁၉၈၉ ခုနှစ် ကတည်းက ဖြစ်ပြီး၊ အဲဒီ့ ဒေသတွေမှာ တိုက်ပွဲတွေလည်း မရှိပါဘူး။ဒါပေမယ့် ပြည်တွင်း ငြိမ်းချမ်းရေး ဖြစ်စဉ်ဟာ နိုင်ငံရေး ဆွေးနွေး ပွဲတွေ လုပ်နိုင်တဲ့အဆင့်ကို မတက်လှမ်းနိုင်သေး ဖြစ်နေရတဲ့အတွက် မြန်မာအစိုးရ အနေနဲ့ UWSA ချုပ် ထိန်းမှု အောက်က နယ်တွေမှာ ရွေးကောက်ပွဲ ကျင်းပ ပေးနိုင်ဖို့ လိုအပ်တဲ့ ပြင်ဆင်မှုတွေ မလုပ်ဆောင်နိုင် ဖြစ်နေရတယ်လို့ အကဲခတ်တွေက ဆိုပါတယ်။
BBC Burmese
No comments:
Post a Comment