ကင်ဂျုံအန်း၊ ဟစ်တလာတို့က အဘ ခေါ်ရလောက်အောင် ကြမ်းကြမ်းတမ်းတမ်း ပေါက်ကရ လျှောက်ပြောခဲ့တဲ့ ဝန်ကြီးဦးအုန်းမြင့် နုတ်ထွက်စာ တင်ပြီ ဆိုရင် ဒါ အံ့သြစရာ မဟုတ်ပါဘူး။
ဝန်ကြီးတာဝန်ယူထားပြီး အဲဒီလို မိုက်မိုက်ရိုင်းရိုင်း ပြောမိလို့ နုတ်ထွက်စာ မတင်ဘူး ဆိုမှသာ အံ့သြကြရမှာပါ။ ဒီလူတွေ မျက်နှာပြောင် တိုက်ပြီးတိုက်ပါလား ဆိုပြီး အံ့သြရမှာပါ။
ဖြစ်ပုံက ဒီလိုပါ - ပြီးခဲ့တဲ့ရက်ပိုင်း အတွင်း မွေး/ရေ ဝန်ကြီး ဦးအုန်းမြင့်က မကွေးမြို့ သစ်ရာကောက်ကျေးရွာမှာ သောက်သုံးရေ ရရှိရေး တင်ပြတဲ့ ဒေသခံတွေကို ခပ်ကြမ်းကြမ်း ခပ်ရိုင်းရိုင်း ကြိမ်းမောင်းခဲ့ပါတယ်။
- -
သူ့ရဲ့ ကြိမ်းမောင်းချက်တွေကို ရန်ကုန်အခြေစိုက် ယူနတီဂျာနယ်က မျက်နှာဖုံးသတင်းအဖြစ် ဖော်ပြခဲ့တာပါ။ ချက်ချင်းဆိုသလိုပဲ ကြိမ်းမောင်းချက် ရုပ်သံဖိုင်က အွန်လိုင်းထဲ ရောက်လာပါတယ်။
သူ့ရဲ့ ရိုင်းရိုင်းစိုင်းစိုင်းပြောဆိုချက်တွေ စတင် ဖော်ပြခဲ့တဲ့ ဂျာနယ်က တာဝန်ရှိသူ နဲ့ သတင်းသမား တချို့ အထိန်းသိမ်းခံနေရ ပါတယ်။
ပေါက်မြို့နယ် လျှို့ဝှက်ဓာတုစက်ရုံ မျက်နှာဖုံးဆောင်းပါး ဖော်ပြအပြီးမှာနိုင်ငံတော်လျှို့ဝှက်ချက်ပေါက်ကြားမှုနဲ့ အထိန်းသိမ်း ခံနေရတယ်ဆိုတဲ့သတင်းတွေ ထွက်နေပါတယ်။
ဦးအုန်းမြင့်က မွေး/ရေ ဝန်ကြီး ဌာနကို ၂၀၁၂ သြဂုတ်က စပြီး ကိုင်တွယ်ခဲ့ရသူပါ။
အဲဒီရွာကို ထန်းရည်သွားသောက်ရင်း ထန်းရည်ဝိုင်းမှာ ပြောမိတယ် ဆိုရင်တော့ ပြဿနာ မရှိပါဘူး။
ဝန်ကြီးတယောက်အနေနဲ့ အဲဒီရွာကိုသွားတယ်၊ ၀န်ကြီးဌာနတာဝန်ပိုင်းဆိုင်ရာစကားတွေကို ပြောတယ် ဆိုရင်တော့ ပြဿနာ ရှိပါပြီ။
ဝန်ကြီးတယောက်အနေနဲ့ အဲဒီရွာကိုသွားခဲ့တာ ဆိုရင်တော့ သူပြောတာတွေက အစိုးရနဲ့မဆိုင် သမ္မတ သဘောထားနဲ့ မဆိုင် ဆိုပြီး ဆင်ခြင်လက်ခြေပေးတာမျိုးတော့ မသင့်တော်ပါဘူး။ ဆင်ခြေပေးရင် အဲဒီသမ္မတလည်း ထွက်သင့်ပါတယ်။
ဗိုလ်ချုပ်အုန်းမြင့်ဆိုပြီး နယ်တကာလှည့် ပါးရိုက်ရဲတယ်၊ ဘယ်သူတွေကို ထောင်ချလိုက်မယ် ဆိုတဲ့ ပြောဆိုချက်တွေကြောင့် မှားမှန်း သိရင် အခုလောက်ဆို နုတ်ထွက်စာ တင်ပြီးလောက်ပါပြီ။
နုတ်ထွက်စာ မတင်ရသေးဘူး ဆိုရင်တော့ ပြောတာ မမှားဘူးလို့ ခံယူထားကြပုံ ရပါလိမ့်မယ်။
ဝန်ကြီးတယောက် တာဝန်ချိန်အတွင်း တရားဝင် ပြောဆိုခြင်းရဲ့ ကောင်းကျိုးဆိုးကျိုးက အစိုးရအဖွဲ့အပေါ် ကျလာပါပြီ။
သူက ပါတီလူကြီးလည်း ဖြစ်တဲ့အတွက် ကြံ့ခိုင်ရေးပါတီကလည်း ဒီပြောဆိုချက်အတွက် အခုလောက်ဆိုရင် ဖြေရှင်းချက် ဘယ်လိုထုတ်ရမလဲ ဆိုတာကို တိုင်ပင်နေလောက်ပြီလို့ ယူဆရပါတယ်။
ဧရာဝတီblog
No comments:
Post a Comment