မဲတံဆိပ်တုံး အသုံးပြုရာတွင် မင်ယိုစိမ့်လျှင်လည်း ပယ်မဲမဖြစ်ဟု တာဝန်ရှိသူများပြော

ရွေးကောက်ပွဲ မဲပေးရာတွင် အမှန်ခြစ် မဲတံဆိပ်တုံး နှိပ်ရာ၌ မဲလက်မှတ်တွင် မင်ယိုစိမ့်မှုရှိသွားလျှင်လည်း ပယ်မဲ မဖြစ်ကြောင်း ပြည်ထောင်စုရွေး ကောက်ပွဲကော်မရှင်အဖွဲ့ဝင် ပဲခူးတိုင်းဒေသကြီး တာဝန်ခံ ဒေါက်တာ ဒေါ်မြင့်ကြည်က ပြောသည်။

‘‘တံဆိပ်တုံးတွေက ယူအီးစီ က ထုတ်ပေးထားတာတွေဖြစ်တယ်။ အသုံးပြုတဲ့ အခါမှာ တစ်ခါ ပဲထုလို့ မင်ယိုစိမ့်မှုဖြစ်သွားခဲ့ရင် ပယ်မဲမဖြစ်ပါဘူး။ နှစ်ခါထပ်ထု တာမျိုးတော့ မဖြစ်ဖို့လိုတယ်။ ပြီးတော့ မဲရုံတွေကိုလည်း အ ကြောင်းကြားထားတယ်။ မဲမပေး ခင် တခြားစာရွက်တစ်ခုမှာ ခုနစ် ခါ၊ ရှစ်ခါလောက် တံဆိပ်တုံးကို အစမ်းထုထားခိုင်းတယ်။ အဲဒီလို လုပ်ရင် မင်ယိုစိမ့်မှုမရှိတော့တာ ကို တွေ့ရတယ်’’ဟု ဒေါက်တာ ဒေါ်မြင့်ကြည်က ပြောသည်။အောက်တိုဘာ ၂၉ ရက်မှ စတင်ကာ ကြိုတင်မဲများ ရယူမှု များတွင် UEC တံဆိပ်တုံးများ အသုံးပြုရာ၌ မင်ယိုစိမ့်မှုများရှိခဲ့ ကြောင်း ပြည်ခရိုင် အတွင်းရှိ ရပ်/ကျေး ကော်မရှင်၊ ပါတီကိုယ် စားလှယ်များမှ တင်ပြမှုများရှိခဲ့ သောကြောင့် ယင်းတင်ပြမှုများ နှင့်ပတ်သက်၍ အောက်တိုဘာ ၃၁ ရက်က ပြည်မြို့၊ ခေတ္တရာ ခန်းမတွင် မြို့နယ်ကော်မရှင် အဖွဲ့ ခွဲများနှင့် တွေ့ဆုံရာ၌ ဒေါက်တာ ဒေါ်မြင့်ကြည်က ပြောကြားခဲ့သည်။

မဲပေးရာတွင် အသုံးပြုသည့် တံဆိပ်တုံးသည် မင်ယိုစိမ့်မှုမရှိ ကြောင်းနှင့် အကယ်၍ ဆန္ဒမဲပေး နေစဉ် မင်ယိုစိမ့်ခဲ့ပါက ပယ်မဲမ ဖြစ်ကြောင်း ပြည်ထောင်စုရွေး ကောက်ပွဲကော်မရှင် အဖွဲ့ဝင်ဦး ၀င်းကြည်က ပြောသည်။

‘‘မင်ယိုစိမ့်တာကတော့ မ ဖြစ်သလောက်ပါပဲ။ ဖြစ်ခဲ့မယ်ဆို ရင်လည်း နှစ်ကြိမ် မနှိပ်မိဖို့ဘဲလိုတာ။ နှစ်ကြိမ်မနှိပ်ရင် မင်ယို လည်း ပယ်မဲမဖြစ်ဘူး’’ဟု ၎င်းက ဆိုသည်။

အောက်တိုဘာ ၂၉ ရက်မှ စတင်၍ ကြိုတင်မဲရယူမှုများ တွင် အချို့သော ရပ်/ကျေး ကော် မရှင်များက အမှန်ခြစ် မဲပေးခြင်းသာသိရှိပြီး တံဆိပ်တုံးဖြင့် မဲပေးရမည်ကို မသိရှိခြင်းကြောင့် မြို့နယ်ကော်မရှင်အဖွဲ့ခွဲများ အနေဖြင့် ရပ်ကွက်၊ ကျေးရွာ အုပ်စု ကော်မရှင်အဖွဲ့ခွဲများအထိ သိရှိနားလည်ရန် ဆောင်ရွက်စေလိုကြောင်း ဒေါက်တာ ဒေါ်မြင့်ကြည်က ပြောကြားခဲ့သည်။

‘‘ကျွန်မကိုယ်တိုင်ကို တွေ့ခဲ့ တာ။ ရပ်ကွက်ကော်မရှင်ရုံးခွဲက ကို အမှန်ခြစ်ရမယ်ဆိုပြီးလုပ်တာ တွေ့ခဲ့ရတယ်။ ဒီလိုမျိုး မသိတာဟာ အားနည်းချက်ပါပဲ။ ဒါ ကြောင့် မြို့နယ်ကော်မရှင်များအနေနဲ့ ကိုယ့်ရပ်/ကျေးကော်မရှင်အဖွဲ့ခွဲတွေအထိ သိအောင် ရောက်အောင် ဆောင်ရွက်ပေး ကြပါ’’ ဟု ပြည်ခရိုင်ရှိ မြို့နယ်ကော်မရှင် အဖွဲ့ခွဲများအား ဒေါက်တာ ဒေါ်မြင့်ကြည်က ပြောကြားသည်။

ဆန္ဒပြုရမည့် တံဆိပ်တုံး ကြောင့် မဲလက်မှတ်တွင် မင်မစွန်း စေရန် မင်ခံခွက်(Ink Pad)နှင့် နှိပ်ရသည့် တံဆိပ်တုံးအစား မင်အမြန်ခြောက်လွယ် သော လေဆာတံဆိပ်နှင့် ဆန္ဒပြုရန် စီစဉ်ထားပြီးအကြိမ်ပေါင်း ငါးထောင် ရိုက်နှိပ်နိုင်သည်။ အဆိုပါ တံဆိပ်တုံးကို ပြည်တွင်းတွင် UEC က တာဝန်ယူ စီစဉ်ပြုလုပ်ခြင်း ဖြစ်ကာ အသုံးပြုမည့်မင်ကိုသာပြည်ပမှတင်သွင်းခြင်းဖြစ် သည်။

မဲရုံများ၌ အသုံးပြုရန် ရပ်/ကျေးရွေးကောက်ပွဲကော်မ ရှင် အဖွဲ့ခွဲများထံသို့ ပေးပို့ထား သည့် UEC တံဆိပ်တုံးများကို အောက်တိုဘာ ၂၉ ရက်မှစ၍ ကြိုတင်မဲရယူမှုများတွင် အသုံးပြု ရာမင်ယိုစိမ့်နေမှုများ တွေ့ရှိရ ကြောင်း ရပ်/ကျေးကော်မရှင် တာဝန်ကျ ပါတီကိုယ်စားလှယ် များက တင်ပြလာ၍ အချိန်မီပြု ပြင်ပေးရန် ပြည်ခရိုင် ရွေးကောက် ပွဲကော်မရှင်အဖွဲ့ခွဲထံသို့ ပြည်မြို့နယ် အမျိုးသားဒီမိုကရေစီအဖွဲ့ချုပ်အောင်နိုင်ရေးအဖွဲ့ကအောက် တိုဘာ ၃၀ ရက်ကတင်ပြခဲ့သည်။ ထိုသို့တင်ပြခဲ့ပြီး နောက်တစ်နေ့ တွင် တာဝန်ရှိသူများက အထက် ပါအတိုင်း ရှင်းလင်းကြခြင်းဖြစ် သည်။

7Day News Journal