နေတိုးနဲ့ ရုပ်ရှင်တွဲရိုက်မယ့် ဗီယက်နမ် မင်းသမီး

ဗီယက်နမ် မင်းသမီး ငုရင်ထရန်ဟုရန်မေနှင့် သရုပ် ဆောင် နေတိုးတို့ ရိုက်ကူးမည့် ရုပ်ရှင်ဇာတ်ကားအကြောင်းကို ဒီဇင်ဘာ ၂ ရက်တွင် ပြုလုပ်မည့် မီဒီယာတွေ့ဆုံပွဲ၌ စတင်မိတ် ဆက်ပေးမည်ဖြစ်ကြောင်း Myanmar Media 7 ဥက္ကဋ္ဌ ကိုဝေမင်းမောင်က ပြောသည်။

‘‘ကိုနေတိုးနဲ့ ရိုက်မှာက တော့ သေချာသွားပြီ။ ဇာတ်လမ်း က သုံးခုထဲကနေ အလိုက်ဖက် ဆုံးနဲ့ အကောင်းဆုံးဖြစ်မယ့်ဟာ ကို ရွေးနေတယ်။ ဒီဇင်ဘာ ၂ ရက်လုပ်မယ့် မီဒီယာတွေ့ဆုံပွဲမှာ ရိုက်မယ့် ရုပ်ရှင်ဇာတ်ကားအ ကြောင်းကို ပြောမယ်’’ဟု ၎င်းက ပြောသည်။

ဗီယက်နမ် မင်းသမီး ငုရင် ထရန်ဟုရန်မေကို ယခင်က နိုဝင် ဘာအတွင်း လာရောက်ရန် စီစဉ် ထားသော်လည်း ရွေးကောက်ပွဲရှိ နေသောကြောင့် ဒီဇင်ဘာသို့ ရွှေ့ ဆိုင်းခဲ့ခြင်းဖြစ်သည်ဟု ၎င်းက ဆိုသည်။

‘‘ကောင်မလေးက ဒီဇင်ဘာ ၁ ရက် ညနေရောက်မယ်။ ဒီဇင် ဘာ ၂ ရက် မနက်မှာ ရွှေတိဂုံ ဘုရားနဲ့ ဗိုလ်တထောင်ဘုရားကို လိုက်ပို့မယ်။ နေ့လယ်ပိုင်းလုပ်တဲ့ မီဒီယာတွေ့ဆုံပွဲကိုတော့ mntv ကနေ တိုက်ရိုက်လွှင့်မယ်’’ဟု ငုရင်ထရန်ဟုရန်မေ၏ ခရီးစဉ် အကြောင်းကို ကိုဝေမင်းမောင်က ပြောသည်။

ငုရင်ထရန်ဟုရန်မေ၏ ခရီး စဉ်မှာ နှစ်ရက်သာကြာမြင့်မည် ဖြစ်ပြီး ဒီဇင်ဘာ ၂ ရက်ညတွင် ဗီယက်နမ်နိုင်ငံသို့ ပြန်မည်ဟု ၎င်းက ဆိုသည်။

နေတိုးနှင့် ဗီယက်နမ် မင်း သမီးတို့ ရိုက်ကူးမည့် ရုပ်ရှင် ဇာတ်ကားကို ထိုင်းဒါရိုက်တာက ရိုက်ကူးမည်ဖြစ်ပြီး ၂၀၁၆ အတွင်းစတင်ရိုက်ကူးမည်ဟု ကိုဝေမင်းမောင်က ပြောသည်။

‘‘အချစ် Romance ပုံစံ ဇာတ်ကားလေးပဲဖြစ်ဖို့ များပါ တယ်။ ရိုက်တာကတော့ မြန်မာ နိုင်ငံမှာပဲ ရိုက်မှာပါ’’ဟု ၎င်းက ပြောသည်။

7Day News Journal