Monday, September 21, 2015

အစိုးရအဖွဲ့ကို အကျပ်အတည်းဖြစ်အောင် တောက်လျောက်လုပ်ခဲ့သည့် NLD ပါတီကို မဲမပေးသင့်ကြောင်း ဧရာဝတီတိုင်းဝန်ကြီးချုပ် ဦးသိန်းအောင် ပြည်ခိုင်ဖြိုးပါတီ မဲဆွယ်စည်းရုံးပွဲတွင်ပြောကြား


အစိုးရအဖွဲ့ကို တောက်လျှောက် နည်းမျိုးစုံ အကျပ်အတည်းတွေ့အောင် ပြုလုပ်ခဲ့သည့် NLD ပါတီကို မဲမပေးသင့်ကြောင်း၊ အနောက်အုပ်စုဘက်သို့ ယိမ်းသည့် ပါတီဖြစ်၍ ၎င်းပါတီအနိုင်ရရှိပါက စစ်ပွဲများ ဖြစ်ပေါ်လာနိုင် ကြောင်း၊ အခြားနိုင်ငံသားများနှင့် သွေးသားတော်စပ်မှုရှိသော ခေါင်းဆောင် ဖြစ်သဖြင့် မဲမပေးသင့်ကြောင်း ပြောဆိုခဲ့သည်ဟု သိရသည်။

စက်တင်ဘာလ ၁၉ ရက်နေ့က ပုသိမ်မြို့၊ ဧရာရွှေဝါခန်းမတွင် ပြုလုပ်သော ရွေးကောက်ပွဲ လုံခြုံရေးအ တွက် ရွေးကောက်ပွဲ ကော်မရှင်နှင့် ဌာနဆိုင်ရာ အကြီးအကဲများ၊ အရပ်ဖက် လူမှုအဖွဲ့ အစည်းများ တွေ့ ဆုံပွဲတွင် ၀န်ကြီးချုပ် ဦးသိန်းအောင်က ဧရာဝတီတိုင်းဒေသကြီးအတွင်းရှိ ဌာနအသီးသီးမှ အရာရှိကြီးများ ကို မဲဆွယ်စည်းရုံးရာတွင် ထိုသို့ပြောဆိုခဲ့ခြင်းဖြစ်သည်။

ကျွန်တော် အဲ့ဒီအဖွဲ့အစည်းက ပုဂ္ဂိုလ် ကိုယ်စားလှယ်တစ်ယောက်ကို မေးကြည့်ပါတယ်။ ခင်ဗျားတို့ အနိုင်ရရင် ဘယ်သူ့ကို သမ္မတခန့်မလဲပေါ့။ သူမဖြေနိုင်ပါဘူး။ ” ဟု ဧရာဝတီတိုင်းဒေသကြီး ၀န်ကြီးချုပ် ဦးသိန်းအောင် က အဆိုပါပွဲတွင် ပြောသည်။

ဝန်ထမ်းများအနေဖြင့်လည်း ပါတီတစ်ခုမှ ကိုယ်စားလှယ်လောင်းတစ်ဦး အောင်နိုင်ရေးကိစ္စကို လိုက်မလုပ် သင့်ကြောင်း သို့သော် မိမိ၏မိသားစုဝင် များ ၊ ရင်းနှီးသူများနှင့် တပည့်သားချင်းများကို ဘယ်ပါတီအား မဲထည့်ပါဟု တိုက်တွန်းနိုင်ကြောင်း ပြောဆိုခဲ့သည်ဟု တက်ရောက်ခဲ့သည့် ဌာနဆိုင်ရာ အရာရှိများထံမှ သိရသည်။

ဧရာဝတီတိုင်းဒေသကြီး ၀န်ကြီးချုပ်ဦးသိန်းအောင်သည် ယခုရက်ပိုင်းအတွင် ပုသိမ်မြို့ပေါ်ဈေး အသီးသီးမှ ဈေးသည်များ၊ ဆန်လုပ်ငန်းရှင်များ၊ ဟိုတယ်လုပ်ငန်းရှင်များ၊ ပညာရေးဌာနမှ ၀န်ထမ်းများ၊ တောင်သူများ၊ အရပ်ဘက်အဖွဲ့အစည်းများနှင့် တွေ့ဆုံပွဲများ ဆက်တိုက်ပြုလုပ်နေကြောင်း သိရသည်။

ဝန်ကြီးချုပ် ဦးသိန်းအောင်သည် "ကျွန်တော်သာ ဆိုက္ကားနင်းရရင်တောင် ချမ်းသာအောင် လုပ်နိုင်ကြောင်း ပြောခဲ့ဖူးသကဲ့သို့ ဧရာဝတီတိုင်း ဒေသကြီးသည် သယံဇာတများ စားမကုန် သောက်မကုန်လောက်အောင် များပြားသဖြင့် ၄င်းအနေဖြင့် တာဝန်ဆက်လက် ယူရမည်ဆိုပါက စင်ကာပူနိုင်ငံကဲ့သို့ တိုးတက်လာအောင် လည်း လုပ်နိုင်သည်ဟုလည်း ပြောခဲ့ဖူးသူဖြစ်သည်။

ဧရာဝတီတိုင်းဒေသကြီး အစိုးရအဖွဲ့ ၀န်ကြီးချုပ် ဦးသိန်းအောင်သည် လာမည့် ရွေးကောက်ပွဲတွင် ၄င်း၏ မွေးရပ်မြေဖြစ်သည့် အင်္ဂပူမြို့ မဲဆန္ဒနယ်မှ ပြည်ခိုင်ဖြိုးပါတီကိုယ်စားပြု ကိုယ်စားလှယ်လောင်းအဖြစ် ၀င် ရောက်ယှဉ်ပြိုင်မည်ဖြစ်သည်။

MMK
The Ladies News Journal

No comments:

Post a Comment

My Blog List