ပုပ်ရဟန်းမင်းကြီး ၂ ပါး သူတော်စင်အဖြစ်ချီးမြှောက်ပွဲကျင်းပ

Roman Catholic အသင်းတော်ရဲ့ ပုပ်ရဟန်းမင်းကြီး Francis က အရင်ပုပ်ရဟန်းမင်းကြီး ၂ ပါးကို သူတော်စင်တင်မြှောက်လိုက်ပါတယ်။ဒုတိယမြောက် John Paul နဲ့ ၂၃ ပါးမြောက် John ကို Vatican က St. Peter's ရင်ပြင်မှာ ဒီကနေ့ အခမ်းအနားနဲ့ သူတော်စင်တွေအဖြစ် သတ်မှတ်လိုက်ပါတယ်။
ပုပ်ရဟန်းမင်းကြီး Francis က သူတော်စင်တင်မြှောက်တဲ့ ရွတ်ဖတ် ဝတ်ပြုဆုတောင်းမှုကို လုပ်ခဲ့ပါတယ်။ ဥရောပက တော်ဝင်မိသားစုဝင်တွေ၊နိုင်ငံခေါင်းဆောင်တွေ အပါအဝင် အထူးဧည့်သည်တော်တွေလည်း တက်ရောက်တဲ့ သူတော်စင်တင်မြှောက်ပွဲ အခမ်းအနားကို St. Peter's ရင်ပြင်မှာတင်မက Vatican city မြို့ထဲက လမ်းတွေပေါ်မှာပါ လာရောက်ကြသူ လူတသန်းလောက်အထိရှိတယ်လို့ တာဝန်ရှိသူတွေ က ပြောပါတယ်။ဂုဏ်ထူးဆောင် ပုပ်ရဟန်းမင်းကြီး ၁၆ ပါးမြောက် Benedict လည်း တက်ရောက်ပါတယ်။

အရင်ပုပ်ရဟန်းမင်းကြီး ၂ ပါးကို တပြိုင်တည်း သူတော်စင်တွေအဖြစ် သတ်မှတ်တာဟာ အခုပထမဆုံး အကြိမ်ဖြစ်ပါတယ်။ သတ်မှတ်ခံရတဲ့ သူတော်စင် ၂ ပါးရဲ့ ဓါတ်တော် မွေတော်တွေကိုလည်း အကြည်ညို ခံနိုင်ဖို့ ဒီအခမ်းအနားကို ပြန်လည်ယူဆောင်ခဲ့ပါတယ်။

၂၀၁၁ ခုနှစ်တုန်းက ကောင်းကင်ဘုံကိုရောက်သွားကြောင်း ဂုဏ်ပြုပွဲမှာသုံးခဲ့တဲ့ ပုပ်ရဟန်းမင်းကြီးဟောင်း John Paul ရဲ့ အသွေးတော်နဲ့ ၂၀၀၀ ခုနှစ်တုန်းက ကောင်းကင်ဘုံကို ကြွမြန်းသွားကြောင်း ဂုဏ်ပြုပွဲမှာ သုံးခဲ့တဲ့ ပုပ်ရဟန်းမင်းကြီး John ရဲ့အသားတော်တို့ကို အခမ်းအနားအတွက် ယူဆောင်လာခဲ့တာဖြစ် ပါတယ်။

VOA