Thursday, November 7, 2013
ပြီးခဲ့သည့် မေလအတွင်းက အင်ဒိုနီးရှားနိုင်ငံ ဂျကာတာမြို့ရှိ မြန်မာသံရုံးအား ဗုံးဖောက်ခွဲရန် ကြိုးစားမှုသ ည် မြန်မာနိုင်ငံအတွင်း ဖြစ်ပွားခဲ့သော ပဋိပက္ခများအား မကျေနပ်၍ တုံ့ပြန် လုပ်ဆောင်ခြင်းဖြစ်သည်ဟု အ ဆိုပါ ကြံစည်မှုကြောင့် ဖမ်းဆီးခံထားရသည့် သံသယရှိသူတစ်ဦးက ၀န်ခံ ထွက်ဆိုခဲ့သည်။
အဆိုပါ အစီအစဉ်ကို အခြားအစွန်းရောက်များနှင့်အတူ Facebook အင်တာနက် စာမျက်နှာမှတစ်ဆင့် စီစ ဉ်ခဲ့ခြင်း ဖြစ်ကြောင်း ၎င်းက ထွက်ဆိုခဲ့သည်။
အစိုးရရှေ့နေ Susilo ၏ ပြောကြားချက်အရ Separiano သည် လွန်ခဲ့သော နှစ်ပိုင်းကစ၍ ဂျကာတာရှိ အ စွန်းရောက် ဗလီဆရာတစ်ဦးဖြစ်သည့် Abu Bakar Bashir ထံမှ အစွန်းရောက် အတွေးအခေါ်များ ရရှိခဲ့ပြီး Bakar Bashir သည် ၂၀၀၂ ခုနှစ် ဘာလီ ဗုံးဖောက်ခွဲမှုများကို ကျူးလွန်ခဲ့သည့် Jemaah Islamiyah အ စွန်းရောက်အဖွဲ့၏ ဘာသာရေး ခေါင်းဆောင်တစ်ဦးအဖြစ် သတ်မှတ်ထားသူ ဖြစ်ကြောင်း သိရသည်။ Se pariano သည် အင်တာနက် လူမှုကွန်ရက် Facebook မှတစ်ဆင့် ဗုံးဖောက်ခွဲရန် ခိုင်းစေသူ Negara Isla m Indonesia အဖွဲ့ခေါင်းဆောင် Sigit Indrajid နှင့် စတင်တွေ့ရှိခဲ့ခြင်း ဖြစ်သည်ဟု Susilo က ပြော ကြားသည်။
Sigit သည် Facebook စာမျက်နှာများပေါ်တွင် မြန်မာနိုင်ငံရှိ မွတ်စလင်ဘာသာဝင် (ရိုဟင်ဂျာ) များအြေ ကာင်း သတင်းအများအပြား ရေးသား၍ ဗုဒ္ဓဘာသာဝင်များအပေါ် တုံ့ပြန်လက်စားချေရန် ရေးသားမှုများ စွာ ပြုလုပ်ခဲ့သည်။ ထို့အပြင် Sigit မှ အင်ဒိုနီးရှားရှိ မြန်မာသံရုံးကို ပစ်မှတ်ထား တိုက်ခိုက်သင့် သည်ဟူေ သာ ရေးသားချက်အောက်တွင် Separiano က" Yes,OK " ဟု အကြောင်းပြန် ရေးသားထားသည်။
ရဲမှ ဖမ်းဆီးချိန်တွင် သံသယရှိသူများထံမှ ပိုက်ဖြင့် ပြုလုပ်ထားသည့် ဗုံးငါးလုံး၊ ဓာတုပစ္စည်းများနှင့် ဗုံးပြုလု ပ်နည်းလမ်းညွှန်များ သိမ်းဆည်းရရှိခဲ့သည်။ သံရုံးဗုံးဖောက်ရန် ကြံစည်မှုအတွက် ဖမ်းဆီးထားသည့် သံသ ယရှိသူများအနက် Separiano သည် ပထမဆုံး တရားဝင် စစ်ဆေးခံရသူဖြစ်သည်။
သြဂုတ်လအတွင်း ဂျကာတာရှိ ဗုဒ္ဓဘာသာ ဘုန်းကြီးကျောင်းတစ်ခုတွင် အသေးစား ပေါက်ကွဲမှုတစ် ခု ဖြ စ်ပွားခဲ့ပြီး ပေါက်ကွဲမှု ဖြစ်စေခဲ့သည့် အထုပ်ပေါ်တွင် "ရိုဟင်ဂျာများ၏ ငိုကြွေးမှုများအား တုံ့ပြန်ခြင်း ဖြစ် သည်" ဟု ရေးသားထားကြောင်း မျက်မြင်သက်သေများက ပြောကြားသည်။
Eleven Media Group
No comments:
Post a Comment