မြန်မာနုိုင်ငံတ၀န်း ပြည်နယ်/တုိုင်းဒေသကြီး အစုိုးရအဖွဲ့တွင် ၀န်ကြီးချုပ်နှင့် ၀န်ကြီးရာထူးများ၊ ပြည်နယ်/တုိုင်းဒေသကြီး လွှတ်တော်ဥက္ကဋ္ဌ ရာထူးများ အတွက် လျာထားသူ NLD ပါတီမှ ပြည်နယ်/တုိုင်းဒေသကြီး လွှတ်တော် အမတ် ၅၀ ကို အုပ်ချုပ်ရေးဆုိုင်ရာ သင်တန်းတရပ် NLD က ပို့ချခဲ့ပြီး ယနေ့ သင်တန်း ပြီးဆုံးသွားကြောင်း သတင်းရရှိသည်။
၎ ရက်ကြာမြင့်သော အဆုိုပါ သင်တန်းသုို့ ပြည်နယ်/တုိုင်းဒေသကြီးမှ NLD လွှတ်တော် အမတ် ၅၀ ဦးပါဝင်ပြီး သင်တန်းပြီးဆုံးသည့် ယနေ့တွင် NLD နာယက ဦးတင်ဦး၊ ဗဟုို အလုပ် အမှုဆောင် ဦးဝင်းထိန်၊ ပြည်သူ့လွှတ်တော် ဥက္ကဋ္ဌ ဟောင်း သူရဦးရွှေမန်း၊ NLD ဥက္ကဋ္ဌ ဒေါ်အောင်ဆန်းစုကြည် တုို့ လာရောက်၍ NLD တုိုင်းဒေသကြီးနှင့်ပြည်နယ် လွှတ်တော် အမတ်များ ကို အမှာစကား များ ပြောဆုိုကြောင်း သိရှိရသည်။
“ သင်တန်းက အုပ်ချုပ်ရေး ဆုိုင်ရာတွေမှာ လုပ်ရမှာတွေကို သင်တန်းပေး တာပေါ့။ အဓိကတော့ ပြည်နယ်/တုိုင်းဒေသကြီး အစုိုးရရော၊ ပြည်နယ်/တုိုင်း လွှတ်တော်တွေရောပေါ့။ အားလုံးအတွက် သင်တန်းကပုို့ချတာပါ။ အဓိက အုပ်ချုပ်ရေးပေါ့” ဟု ဧရာဝတီတုိုင်းဒေသကြီး လွှတ်တော်အမတ် ဦးမန်းဂျော်နီက ဧရာဝတီသုို့ပြောသည်။
ဒေါ်အောင်ဆန်းစုကြည်က NLD ပြည်နယ်နှင့်တုိုင်းဒေသကြီး လွှတ်တော် အမတ်များကို ပူး ပေါင်း ဆောင်ရွက်တတ်သည့် ဓလေ့ ကျင့်သုံးရန်နှင့် အားလုံး ပူးပေါင်းဆောင်ရွက်မှုကို အလေး ထားဆောင်ရွက်ကြရန် မှာကြားကြောင်း သိရှိရသည်။
အုပ်ချုပ်ရေးဆုိုင်ရာ သင်တန်း တက်ရောက်ခဲ့သည့် ပြည်နယ်/တုိုင်းဒေသကြီး လွှတ်တော် အမတ်များတွင် ရန်ကုန်တုိုင်းဒေသကြီးမှ တုိုင်းဒေသကြီး လွှတ်တော်အမတ် ဦးဖြိုးမင်းသိန်း၊ ဦးနုိုင်ငံလင်း၊ ဒေါ်စန္ဒာမင်း အပါအ၀င် ၆ ဦး၊ မန္တလေးတုိုင်းမှ ဒေါက်တာဇော်မြင့်မောင်၊ မကွေးတုိုင်းမှ ဒေါက်တာ အောင်မုိုးညို၊ ကရင်ပြည်နယ်မှ ဒေါ်နန်းခင်ထွေးမြင့် ၊ ဧရာဝတီတုိုင်း ဒေသကြီးမှ ဦးမန်းဂျော်နီ အပါအ၀င် စုစုပေါင်း ၅၀ ဦးပါဝင်သည်။
ဧရာဝတီ
No comments:
Post a Comment