အမျိုးသားဒီမိုကရေစီအဖွဲ့ချုပ်(NLD) ၏ ဗဟိုအလုပ်မှုဆောင်ကော်မတီဝင် များသည် ဇန်နဝါရီလ (၃၁) ရက်က တိုင်းဒေသကြီးနှင့်ပြည်နယ်များရှိ အဖွဲ့ချုပ်ကိုယ်စားလှယ်များကို အသုတ်လိုက်ခွဲ၍ တွေ့ဆုံမှု ပြုလုပ်ခဲ့ပြီး လွှတ်တော်တွင်း မဲပေးရာတွင် အမှားအယွင်း မဖြစ်စေရန် သတိပေးပြော ကြားခဲ့ကြောင်း သိရသည်။
လွှတ်တော်အတွင်း စက်ခလုပ်နှိပ်၍ မဲခွဲဆုံးဖြတ်ခြင်းသည် အပြောင်းအလဲ အတွက်အရေးကြီးကြောင်း နှင့် ထောက်ခံမဲပေးရမည့် နေရာတွင် ကန့်ကွက် မဲပေးမိခြင်းမျိုးမဖြစ်စေရန် ဗဟိုကော်မတီဝင်များက တွေ့ဆုံ၍ သတိပေး ပြောကြားခဲ့ကြောင်းသိရသည်။
ထို့ပြင် အရင်အချိန်က အတိုက်အခံများဖြစ်နေလာခဲ့သည့် NLD ၏ ကိုယ်စားလှယ်များသည် လက်ရှိ အချိန်တွင် ပြည်သူအများစုတာဝန်ကို ကိုယ်တိုင်ထမ်းဆောင်ကြရတော့မည်ဖြစ်ကြောင်းနှင့် ယင်းတာဝန်ကို ရဲဝင့်စွာထမ်းဆောင်ကြရန်လည်း တိုက်တွန်းခဲ့ကြောင်း မန္တလေးတိုင်းဒေ သကြီး လွှတ်တော်ကိုယ်စားလှယ် တစ်ဦးကပြောသည်။
အဆိုပါ တွေ့ဆုံမှုကို နေပြည်တော်စည်ပင်သာယာရေးကော်မတီ ဧည့်ရိပ် သာ ထမင်းစားဆောင်တွင် တွေ့ဆုံခဲ့ပြီး အမျိုးသားလွှတ်တော်ကိုယ်စားလှယ် ဆော်သြရေးတာဝန်ခံတစ်ဦး ၊ ပြည်သူ့လွှတ်တော် ကိုယ်စားလှယ် ဆော်သြ ရေးတာဝန်ခံတစ်ဦးတို့ကိုလည်း မိတ်ဆက်ပေးခဲ့ကြောင်းလည်း သိရသည်။
Mizzima - News in Burmese
No comments:
Post a Comment