နိုင်ငံတော်သမ္မတ မှ ပထမအကြိမ် ပြည်ထောင်စုလွှတ်တော်သို့ ပြောကြားသည့် နိုင်ငံတော်အခြေပြမိန့်ခွန်း (အပိုင်း- ၂)

လွှတ်တော်ကိုယ်စားလှယ်များခင်ဗျား -

နိုင်ငံစီးပွားရေးဖွံ့ဖြိုးတိုးတက်အောင် ဆောင်ရွက်တဲ့နေရာမှာ ဆက်သွယ် ရေး ကဏ္ဍဟာလည်း အရေးကြီးပါတယ်။ ဒါ့ကြောင့် ကျွန်တော်တို့အစိုးရသစ် လက်ထက်မှာ မိုဘိုင်းဖုန်းနဲ့ အင်တာနက်သုံးစွဲမှုကို တိုးချဲ့ဖို့ အလေးထား ဆောင်ရွက်ခဲ့ပါတယ်။ ဒီလို တိုးချဲ့ခြင်းဟာ သာမန်ဆက်သွယ်ပြောဆိုရုံ အတွက်သာမဟုတ်ပဲ ပြည်သူများရဲ့ သတင်းအချက်အလက်သိပိုင်ခွင့်၊ အသိပညာရှာဖွေဆည်းပူးနိုင်ခွင့်ကိုလည်း တိုးချဲ့ပေးလိုက်တာ ဖြစ်ပါတယ်။ ကျေးလက်နေပြည်သူများအနေနဲ့ မိုဘုိုင်းဖုန်း၊ အင်တာနက်တို့ကနေ ဈေးကွက်သတင်း၊ ရာသီဥတုသတင်းများကို ရယူနိုင်တဲ့အတွက် ကျေးလက်နဲ့ မြို့ပြကြား အသိ ပညာကွာဟချက်ကို ကျဉ်းမြောင်းစေပြီး ကျေးလက်ဒေသ စီးပွားရေး ဖွံ့ဖြိုး တိုးတက်မှုကိုလည်း အထောက်အကူဖြစ် စေပါတယ်။ 

ဒါ့ကြောင့် ကျွန်တော်တို့အနေနဲ့ ဆက်သွယ်ရေးကဏ္ဍမှာ နိုင်ငံတကာကုမ္ပဏီများ ပါဝင်ဆောင်ရွက်ခွင့်ပြုခဲ့တဲ့အတွက် ယခုအခါ နိုင်ငံတွင်း မိုဘုိုင်းဖုန်းသုံးစွဲနိုင်မှုဟာ ၂၀၁၁ ခုနှစ်က ၄%၊ ၅% ခန့်သာ ရှိခဲ့ရာ ကနေ အခုအခါမှာ ၈၀% ကျော်အထိ တိုးတက်လာခဲ့ပြီဖြစ်ပါတယ်။ ဆင်းကဒ်ဈေးနှုန်း များဟာ ၁၅ သိန်း၊ သိန်း ၂၀ ကနေ ၁၅၀၀ ကျပ်အထိ လျှော့ချပေးခဲ့တဲ့အတွက် လူတိုင်း လက်လှမ်းမီတဲ့ ဈေးနှုန်းဖြစ်လာပါပြီ။ မကြာခင်မှာ Mobile Banking ကိုပါ တိုးချဲ့ ဆောင်ရွက်မှာဖြစ်တဲ့အတွက် ကျေးလက်ဒေသနေပြည်သူများရဲ့ စီးပွားရေး အခွင့်အလမ်း များက ပိုမိုမြင့်မားလာတော့မှာဖြစ်ပါတယ်။

ကျွန်တော်တို့နိုင်ငံရဲ့ စီးပွားရေးဖွံ့ဖြိုးတိုးတက်မှုမှာ အားနည်းချက်တစ်ခု ကတော့ လျှပ်စစ်မီးရရှိသုံးစွဲနိုင်ရေးပဲဖြစ်ပါတယ်။ ဒါ့ကြောင့် ကျွန်တော်တို့ အစိုးရလက်ထက်မှာ အမျိုးသားစွမ်းအင်မူဝါဒကို ရေးဆွဲအတည်ပြုခဲ့ပြီး ကာလရှည် စွမ်းအင်ဆိုင်ရာ ပင်မစီမံ ချက်ကိုလည်း ရေးဆွဲခဲ့ပြီးဖြစ်ပါတယ်။ ဒါ့အပြင် အမျိုးသားလျှပ်စစ်ဓာတ်အား ပင်မစီမံ ချက်ကို ဂျပန်နိုင်ငံတကာ ပူးပေါင်းဆောင်ရွက်ရေးအေဂျင်စီနဲ့ ပူးပေါင်းပြီးလည်းကောင်း၊ အမျိုးသား လျှပ်စစ်ဓာတ်အားဖြန့်ဖြူးရေးစီမံချက်အား ကမ္ဘာ့ဘဏ်နှင့် ပူးပေါင်းပြီး လည်းကောင်း ရေးဆွဲခဲ့ပြီးဖြစ်ပါတယ်။

ပြီးခဲ့တဲ့ငါးနှစ်အတွင်းမှာ ကျွန်တော်တို့အနေနဲ့ လျှပ်စစ်ဓာတ်အား (၁၈၂၂) မဂ္ဂါဝပ် တိုးတက်ထုတ်လုပ်ခဲ့တဲ့အတွက် ယခုဆိုရင် မြို့ပေါင်း (၄၂၂) မြို့၊ ကျေးရွာပေါင်း (၂၉၁၀၉ ) ရွာမှာ လျှပ်စစ်မီးအသုံးပြုနိုင်နေပြီဖြစ်ပါတယ်။ အဲဒီလို တိုးချဲ့ဆောင်ရွက်ခဲ့တဲ့ အတွက် ၁၉၄၈ ခုနှစ် လွတ်လပ်ရေးရရှိချိန်ကစပြီး မဟာဓာတ်အားလိုင်းစနစ်ကနေ လျှပ်စစ်ဓာတ်အားမရရှိခဲ့တဲ့ ချင်းပြည်နယ်နဲ့ ရခိုင်ပြည်နယ်များမှာ လျှပ်စစ်ဓာတ်အား စတင်ရရှိနေပြီဖြစ်ပါတယ်။ ဒါ့အပြင် ကျေးလက်မီးလင်းရေးကနေ ငါးနှစ်အတွင်း ကျေးရွာ ပေါင်း (၁၀၄၂၁ ) ရွာကို မီးလင်းအောင် ဆောင်ရွက်ပေးနိုင်ခဲ့ပါတယ်။ အမျိုးသား လျှပ်စစ်ဓာတ်အားပင်မစီမံချက်အရ ၂၀၁၅ ခုနှစ်မှ ၂၀၁၉ ခုနှစ် အတွင်း ငါးနှစ် စီမံကိန်းနဲ့ အိမ်ထောင်စုပေါင်း ၁.၇ သန်းကို လျှပ်စစ်ဓာတ်အား ဆက်သွယ်ပေးနိုင်ရေး စီမံထားပြီးလည်း ဖြစ်ပါတယ်။

လွှတ်တော်ကိုယ်စားလှယ်များခင်ဗျား -

ကျွန်တော်တို့ အကောင်အထည်ဖော်ဆောင်ရွက်ခဲ့တဲ့ နိုင်ငံရေးနဲ့ စီးပွားရေး ပြုပြင်ပြောင်းလဲမှုများရဲ့ ရလဒ်များကို ပြည်သူများ ရရှိခံစားနိုင်ဖို့အတွက် အုပ်ချုပ်ရေး စနစ် ပြုပြင်ပြောင်းလဲမှုများကိုလည်း ဆောင်ရွက်ခဲ့ရပါတယ်။ ဒီမိုကရေစီစနစ်ဟာ ကောင်းမွန်သောအုပ်ချုပ်မှုစနစ်နဲ့တွဲဖက်မှသာ အောင်မြင်မှာဖြစ်တဲ့အတွက် ကျွန်တော်တို့ အစိုးရအဖွဲ့အနေနဲ့ ကောင်းမွန်သောအုပ်ချုပ်မှုစနစ် ပေါ်ပေါက်အောင် ဥပဒေ၊ နည်းဥပဒေ၊ လုပ်ထုံးလုပ်နည်းများနဲ့အညီ တာဝန်သိမှု၊ တာဝန်ယူမှုဖြင့် ပြည်သူများရဲ့ အကျိုးစီးပွားကို မျှတစွာ အကောင်အထည်ဖော်နိုင်ဖို့အတွက် ဆောင်ရွက်ခဲ့ပါတယ်။

ယခင်က အထက်မှအောက်ကိုဆင်းသက်တဲ့ Top Down စနစ်အား အောက်ခြေမှ ဗဟိုကို တင်ပြတဲ့ Bottom Up ပြည်သူဗဟိုပြုအုပ်ချုပ်ရေးစနစ်ကို ပြောင်းလဲကျင့်သုံး ခဲ့ပါတယ်။ ပြည်သူတွေကိုယ်တိုင် ရွေးချယ်ဖွဲ့စည်းထားတဲ့ ရပ်ကွက်၊ ကျေးရွာ၊ မြို့နယ် ဖွံ့ဖြိုးတိုးတက်မှုအထောက်အကူပြုအဖွဲ့များ၊ စည်ပင်သာယာရေးကော်မတီများဟာ လွှတ်တော်ကိုယ်စားလှယ်များ၊ စီမံခန့်ခွဲရေးကော်မတီများနဲ့ပေါင်းစပ်ပြီး မိမိဒေသ ဖွံ့ဖြိုးတိုးတက်ရေးများကို ဆောင်ရွက်စေခဲ့ပါတယ်။

ပြည်ထောင်စုအစိုးရနဲ့ တိုင်းဒေသကြီး၊ ပြည်နယ်အစိုးရများအကြား ပိုမိုပေါင်းစပ် ဆောင်ရွက်နိုင်ဖို့အတွက် ဒုတိယ၀န်ကြီးများဦးစီးတဲ့ Delivery Unit များကို ဖွဲ့စည်းကာ ပေါင်းစပ်ညှိနှိုင်းဆောင်ရွက်စေခဲ့သလို အုပ်ချုပ်ရေးလုပ်ငန်းများမှာ ပွင့်လင်းမြင်သာမှု ရှိစေဖို့နဲ့ လွယ်ကူချောမွေ့စေဖို့အတွက် တိုင်းဒေသကြီး၊ ပြည်နယ်များမှာ One Stop Shop ရုံးပေါင်း (၂၆၇) ရုံးကို ဖွင့်လှစ်ခဲ့ပြီး ဆက်လက် တိုးချဲ့ဖွင့်လှစ်လျက်လည်း ရှိပါတယ်။

အုပ်ချုပ်ရေးကဏ္ဍပြုပြင်ပြောင်းလဲရေးမှာ အဓိကကျတာကတော့ နိုင်ငံဝန်ထမ်းများ ပဲဖြစ်ပါတယ်။ ဒါ့ကြောင့် ကျွန်တော်တို့အစိုးရလက်ထက်မှာ ၀န်ထမ်းများ အရည်အသွေး မြင့်မားရေးနဲ့ သက်သာချောင်ချိရေးအတွက် သင်တန်းများပေးခြင်း၊ ပညာတော်သင် စေလွှတ်ခြင်းများအပြင် လစာများတိုးမြှင့်ပေးခြင်း၊ အငြိမ်းစားလစာများ တိုးမြှင့်ပေးခြင်း တို့ကို ဦးစားပေးလုပ်ဆောင်ခဲ့ပါတယ်။ အခြားဒီမိုကရေစီနိုင်ငံများနည်းတူ အစိုးရ အဆက်ဆက်ပြောင်းလဲပေမယ့် ဌာနတာဝန်များကို တည်ငြိမ်စွာ လက်ဆင့်ကမ်း ထမ်းဆောင်သွားနိုင်ဖို့အတွက် အမြဲတမ်းအတွင်းဝန်များကို ပြန်လည်ခန့်ထားခဲ့ပြီး လိုအပ်တဲ့ ဖွဲ့စည်းပုံဆိုင်ရာ ပြုပြင်ပြောင်းလဲမှုများကိုလည်း ဆောင်ရွက်ခဲ့ပါတယ်။ ပြီးခဲ့တဲ့ ငါးနှစ်ကာလအတွင်းမှာ အဆင့်ဆင့်သော ရာထူးတာဝန်များကို ထမ်းဆောင် နေတဲ့ နိုင်ငံ့ဝန်ထမ်း တစ်သန်းခွဲကျော်ဟာ ယခင်အုပ်ချုပ်ရေးစနစ်နဲ့ လုံးဝ ကွဲပြား ခြားနားတဲ့ အုပ်ချုပ်ရေးစနစ်တစ်ခုပေါ်ပေါက်လာအောင် အစွမ်းကုန် ကြိုးပမ်း ဆောင်ရွက်ခဲ့ကြတာကို တွေ့ရမှာဖြစ်ပါတယ်။ ဒီအတွက်လည်း ဝန်ထမ်းများရဲ့ ကြိုးပမ်း ဆောင်ရွက်မှုများကို အသိအမှတ်ပြုကြောင်း ဒီနေရာကနေ ပြောကြားလိုပါတယ်။

လွှတ်တော်ကိုယ်စားလှယ်များခင်ဗျား -

အုပ်ချုပ်ရေးကဏ္ဍ ပြုပြင်ပြောင်းလဲရေးအပါအ၀င် အသွင်ကူးပြောင်းရေးလုပ်ငန်း စဉ်များမှာ အရေးကြီးတဲ့လုပ်ငန်းစဉ်တစ်ခုကတော့ သတင်းမီဒီယာကဏ္ဍ ဖွံ့ဖြိုးတိုးတက် ရေးပဲဖြစ်ပါတယ်။ ကျွန်တော်တို့အစိုးရလက်ထက်မှာ ခေတ်စနစ်နဲ့မကိုက်ညီတဲ့ စာနယ်ဇင်းဆိုင်ရာဥပဒေများကို ပယ်ဖျက်ပေးခဲ့ပြီး လိုအပ်တဲ့ ဥပဒေသစ်များကိုလည်း ပြဋ္ဌာန်းပေးခဲ့ပါတယ်။ သတင်းမီဒီယာများရဲ့ ကျင့်ဝတ်နဲ့ စာနယ်ဇင်းအတတ်ပညာဆိုင်ရာ အဆင့်အတန်းများ မြင့်မားစေဖို့အတွက် နိုင်ငံတကာမီဒီယာအဖွဲ့အစည်းများကို သတင်း မီဒီယာဆိုင်ရာ စွမ်းဆောင်ရည်မြှင့်တင်ရေးလုပ်ငန်းများ ဆောင်ရွက်ခွင့်ပြုခြင်း၊ နိုင်ငံတကာ သတင်းမီဒီယာအဖွဲ့အစည်းများကို လွတ်လပ်စွာ သတင်းရယူခွင့်ပြုခြင်း များကို ဆောင်ရွက်ခဲ့ပါတယ်။

လက်ရှိအချိ်န်မှာ သတင်းမီဒီယာကဏ္ဍ ဖွံ့ဖြိုးတိုးတက်ရေးအတွက် လွတ်လပ်တဲ့ သတင်းမီဒီယာကောင်စီကို ဖွဲ့စည်းခဲ့ပြီးဖြစ်သလို လွတ်လပ်တဲ့ ရုပ်မြင်သံကြားနှင့် အသံလွှင့်ကောင်စီကိုလည်း ဆက်လက်ဖွဲ့စည်းရမှာဖြစ်ပါတယ်။ ဒါ့အပြင် သတင်းမီဒီယာ သမားများ လွတ်လပ်စွာ သတင်းရယူခွင့်ကို အထောက်အကူဖြစ်စေမယ့် သတင်းအချက် အလက်ဆိုင်ရာ အခွင့်အရေးဥပဒေကြမ်း ( Right to Information Law ) ကိုလည်း ရေးဆွဲပြုစုထားပြီးဖြစ်တဲ့အတွက် နောက်အစိုးရအဖွဲ့ကို လွှဲပြောင်းပေးသွားမှာ ဖြစ်ပါတယ်။ ဒီအဖွဲ့အစည်းတွေ၊ ဥပဒေတွေ အသက်ဝင်လာတာနဲ့အမျှ ဒီကနေ့ သတင်း မီဒီယာသမားများ ကြုံတွေ့နေရတဲ့ ကျင့်ဝတ်ဆိုင်ရာပြဿနာများ၊ ဥပဒေကြောင်းဆိုင်ရာ အခက်အခဲများ လျော့နည်းပပျောက်သွားမှာ ဖြစ်ပါတယ်။

အလားတူ လူ့အခွင့်အရေးကော်မရှင်ဟာလည်း သက်ဝင်လှုပ်ရှားနေပြီ ဖြစ်ပါတယ်။ အစိုးရအဖွဲ့မှာလည်း လာဘ်ပေးလာဘ်ယူမှု တိုက်ဖျက်ရေးကော်မတီကို ဖွဲ့စည်းထားသလို တစ်ဘက်ကလည်း လွတ်လပ်တဲ့ အဂတိလိုက်စားမှုတိုက်ဖျက်ရေး ကော်မရှင်ကို ဖွဲ့စည်းဆောင်ရွက်နေတာ တွေ့နိုင်ပါတယ်။ International Transparancy Initiative အရ ၂၀၁၀ ခုနှစ်မှာ Anti Corruption Index ၁၈၃ ကနေ ယခု ၂၀၁၅ ခုနှစ်မှာ ၁၄၆ ဖြစ်ခဲ့တာကို ကြည့်ခြင်းအားဖြင့် ပိုမိုကောင်းမွန်တဲ့ဘက်ကို ရွေ့လာတာ တွေ့နိုင်ပါတယ်။ ကာလကြာရှည် သံချေးတက်နေတဲ့ အလေ့အကျင့်တွေကို ပြုပြင်တဲ့နေရာမှာ ချက်ချင်းတော့ ကျွန်တော်ဖြစ်ချင်သလို မဖြစ်နိုင်ခဲ့တာ တွေ့ရပါတယ်။

ပုဂ္ဂလိကကဏ္ဍ ဖွံ့ဖြိုးတိုးတက်ရေးနဲ့ပတ်သက်ပြီး သက္ကရာဇ် ၂၀၂၀ မှာ မြန်မာ နိုင်ငံကို အလယ်အလတ်အဆင့်ဝင်ငွေရရှိသော နိုင်ငံဖြစ်ရန်အတွက် ရည်မှန်းချက်ထား ဆောင်ရွက်ရာမှာ နိုင်ငံ့စီးပွားရေးရဲ့ အဓိကမောင်းနှင်အားဖြစ်တဲ့ ပုဂ္ဂလိကကဏ္ဍ ဖွံ့ဖြိုး တိုးတက်ဖို့ လိုအပ်တဲ့အတွက် ပုဂ္ဂလိကကဏ္ဍရဲ့ ထုတ်လုပ်မှု၊ ကုန်သွယ်မှုနဲ့ ရင်းနှီးမြှုပ်နှံမှု တိုးတက်ရေးများကို ဆောင်ရွက်ခဲ့ပါတယ်။ အဲဒီလို လုပ်ဆောင်ခဲ့တဲ့အတွက် ပုဂ္ဂလိက ကဏ္ဍပါဝင်မှုဟာ ကုန်ထုပ်လုပ်မှုကဏ္ဍမှာ ၇၂.၈%၊ လယ်ယာစိုက်ပျိုးရေးကဏ္ဍမှာ ၉၇.၂% နဲ့ ၀န်ဆောင်မှုကဏ္ဍမှာ ၈၃% အထိ မြင့်မားလာခဲ့ပြီဖြစ်ပါတယ်။ ဒါ့အပြင် အပြည်ပြည်ဆိုင်ရာ ကုန်သွယ်မှုကဏ္ဍမှာလည်း ပုဂ္ဂလိကပါဝင်မှုဟာ ၂၀၁၀-၂၀၁၁ မှာ ၅၃.၁၆ % သာရှိရာကနေ ၂၀၁၄-၂၀၁၅ မှာ ၆၅.၈၁ % အထိ မြင့်မားလာခဲ့ပြီ ဖြစ်ပါတယ်။

လွှတ်တော်ကိုယ်စားလှယ်များခင်ဗျား -

၂၀၁၀ ပြည့်နှစ်ရွေးကောက်ပွဲဟာ မြန်မာနိုင်ငံမှာ ဒီမိုကရေစီ အသွင် ကူးပြောင်းရေး လုပ်ငန်းစဉ် စတင်ဖို့အတွက် ပထမခြေလှမ်းပဲဖြစ်ပါတယ်။ အဲဒီရွေးကောက်ပွဲကနေ ပေါ်ပေါက်လာတဲ့ လွှတ်တော်အသီးသီးနဲ့ ကျွန်တော်တို့အစိုးရအဖွဲ့ဟာ တာဝန်သိမှုနဲ့ လွတ်လပ်မှုကို ဟန်ချက်ညီညီကျင့်သုံးတဲ့ ဒီမိုကရေစီစနစ်တစ်ရပ်ကို ဖော်ဆောင်နိုင်ဖို့ အတွက် လက်တွဲညီညီ ကြိုးပမ်းခဲ့ကြပါတယ်။ ကျွန်တော်တို့အစိုးရအဖွဲ့အနေနဲ့ ပြုပြင် ပြောင်းလဲရေးလုပ်ငန်းစဉ်များကို ဆောင်ရွက်နေတဲ့တစ်ချိန်တည်းမှာပဲ ၂၀၁၅ ခုနှစ် ရွေးကောက်ပွဲဟာ မြန်မာနိုင်ငံရဲ့ ဒီမိုကရေစီအသွင်ကူးပြောင်းရေးကို နောက်တစ်ဆင့် တက်လှမ်းနိုင်မယ့် အခွင့်အရေးဖြစ်တယ်ဆိုတာကိုလည်း သတိပြုဆောင်ရွက်ခဲ့ပါတယ်။

ဒါ့ကြောင့် ကျွန်တော်တို့အစိုးရအဖွဲ့ရဲ့ ပြီးခဲ့တဲ့ ငါးနှစ်သက်တမ်း လုပ်ဆောင်ချက် များဟာ ၂၀၁၅ ခုနှစ်မတိုင်မီ ငြိမ်းချမ်းရေးရရှိဖို့၊ နိုင်ငံရေးတည်ငြိမ်ဖို့၊ အားလုံးပါဝင်နိုင် တဲ့ နိုင်ငံရေးဖြစ်စဉ်ပေါ်ပေါက်လာဖို့၊ ပြည်သူတွေရဲ့ လူမှုစီးပွားဘ၀ ဖွံ့ဖြိုးတိုးတက်ပြီး အသိပညာဗဟုသုတပြည့်စုံလာစေဖို့ ရည်ရွယ်လုပ်ဆောင်ခဲ့တာ ဖြစ်ပါတယ်။ တနည်းအားဖြင့်ပြောရရင် ၂၀၁၅ ရွေးကောက်ပွဲကနေ ဘယ်ပါတီပဲနိုင်နိုင် ဒီမိုကရေစီ အစခရီးဖြစ်တဲ့ ၂၀၁၀ ပြည့်နှစ်မှာရှိနေတဲ့ နိုင်ငံရေး၊ စီးပွားရေး၊ လူမှုရေးအခြေအနေများ ထက် ပိုမိုကောင်းမွန်တဲ့ အခြေအနေတစ်ရပ်ကို ရရှိစေဖို့အတွက် အခြေခံကောင်းများ တည်ဆောက်ပေးခဲ့ခြင်းပဲဖြစ်ပါတယ်။ ဒါဟာ ကျွန်တော့်အနေနဲ့ သမ္မတအဖြစ် ဒုတိယအကြိမ် ပြန်လည်တာဝန်ထမ်းဆောင်ခွင့်ရရှိရေး၊ ပြည်ထောင်စုကြံ့ခိုင်ရေးနဲ့ ဖွံ့ဖြိုးရေးပါတီ ထပ်မံအနိုင်ရရှိရေးထက် ပိုပြီး ကျယ်ပြန့်မြင့်မားတဲ့ ရည်မှန်းချက်လည်း ဖြစ်ပါတယ်။ ဒါဟာ ပုဂ္ဂိုလ်တစ်ဦးတစ်ယောက်၊ အဖွဲ့အစည်းတစ်ခု အကျိုးစီးပွားထက် ပိုပြီးမြင့်မားတဲ့ အမျိုးသားနိုင်ငံရေး ရည်မှန်းချက်လည်းဖြစ်ပါတယ်။ ဒါဟာ မြန်မာနိုင်ငံမှာ ဒီမိုကရေစီစနစ်ခိုင်မာဖို့အတွက် အဓိကကျတဲ့ ရည်မှန်းချက်လည်းဖြစ်ပါတယ်။

ဒီရည်မှန်းချက်ကို အကောင်အထည်ဖော်ဆောင်ရွက်ရာမှာ အထက်မှာ အစီရင်ခံ တင်ပြခဲ့တဲ့ အောင်မြင်မှုတွေရရှိခဲ့သလို အခက်အခဲတွေ၊ အားနည်းချက်တွေ၊ စိန်ခေါ်မှုတွေ အများကြီးရှိခဲ့ပါတယ်။ ထိပ်တိုက်ရင်ဆိုင်မှုတွေ၊ ၀ိရောဓိတွေလည်းရှိခဲ့ပါတယ်။ ဒါပေမယ့် ကျွန်တော့်အနေနဲ့ မြန်မာ့ဒီမိုကရေစီ အသွင်ကူးပြောင်းရေးလုပ်ငန်းစဉ် ရပ်တန့် မသွားစေဖို့၊ နောက်ကြောင်းပြန်မသွားစေဖို့အတွက် ပကတိအရှိတရားနဲ့ လက်တွေ့ နိုင်ငံရေးအခြေအနေက ခွင့်ပြုထားတဲ့ အတိုင်းအတာအတွင်းကနေ ဖြစ်သင့်တာနဲ့ ဖြစ်နိုင်တာကို သဟဇာတဖြစ်အောင် ကိုင်တွယ်ဖြေရှင်းခဲ့ပါတယ်။ ပုဂ္ဂိုလ်ရေးအရ ထိခိုက်နာကျင်မှုတွေကို မေ့ပျောက်ပြီး နိုင်ငံနဲ့ ပြည်သူများရဲ့ ရေရှည်အကျိုးစီးပွား အတွက် စိတ်ရှည်သည်းခံဆောင်ရွက်ခဲ့ပါတယ်။ အမိန့်အာဏာနဲ့ လုပ်ဆောင်ခြင်းထက် ပါဝင်ပတ်သက်တဲ့ Stake Holder များအကြားမှာ စိတ်တူသဘောတူ ပူးပေါင်း ဆောင်ရွက်မှုရအောင် ကြိုးစားလုပ်ဆောင်ခဲ့ပါတယ်။

ဒါ့ကြောင့်လည်း ဒီကနေ့ ရောက်ရှိနေတဲ့ မြန်မာ့နိုင်ငံရေးဖြစ်စဉ်ဟာ မတူညီတဲ့ နိုင်ငံရေးအင်အားစုတွေ ပိုမိုပါဝင်လာပြီး မတူကွဲပြားတဲ့ သဘောထားများကို စေ့စပ် ဆွေးနွေးအဖြေရှာခြင်းဆိုတဲ့ နိုင်ငံရေးယဉ်ကျေးမှုတစ်ရပ် ပေါ်ပေါက်လာပြီ၊ ပြည်သူတွေ အတွင်းမှာ ဒီမိုကရေစီကျင့်စဉ်တွေ ပိုမိုထွန်းကားလာပြီ၊ နိုင်ငံရေးနယ်ပယ်မှာ ဒီမိုကရေစီစနစ်နဲ့ကိုက်ညီတဲ့ နိုင်ငံရေးအဆောက်အဦ ( Political Institution ) တွေ ပိုမို ခိုင်မာလာပြီဆိုတာ ဘယ်လိုမှ ငြင်းလို့မရတဲ့ အမှန်တရားပဲဖြစ်ပါတယ်။ ဒါ့ကြောင့်လည်း မြန်မာ့ဒီမိုကရေစီ အသွင်ကူးပြောင်းရေးလုပ်ငန်းစဉ်အပေါ်မှာ ပြည်တွင်း၊ ပြည်ပက ယုံကြည်မှုတွေ ပိုမိုရရှိလာတာပဲဖြစ်ပါတယ်။ ဒီလိုယုံကြည်လို့ မြန်မာနိုင်ငံနဲ့ မြန်မာလူမျိုး တို့ရဲ့ နိုင်ငံရေးဂုဏ်သိက္ခာမြင့်မားလာပြီး တစ်ချိန်က မြန်မာနိုင်ငံကို အထီးကျန်ပိတ်ဆို့ ထားခဲ့တဲ့နိုင်ငံများနဲ့ ချစ်ကြည်ရင်းနှီးတဲ့ဆက်ဆံရေးကို ပြန်လည်တည်ဆောက်နိုင်ခြင်း၊ အာဆီယံအလှည့်ကျဥက္ကဋ္ဌ ရာထူးတာဝန်ကို ထမ်းဆောင်နိုင်ခြင်း၊ အရှေ့တောင်အာရှ အားကစားပြိုင်ပွဲ လက်ခံကျင်းပနိုင်ခြင်း၊ အာရှဒေသတွင်းနဲ့ နိုင်ငံတကာရေးရာများမှာ ပိုမိုတက်ကြွစွာ ပါဝင်ဆောင်ရွက်လာနိုင်ခြင်း ဆိုတဲ့ နိုင်ငံခြားရေးမူဝါဒဆိုင်ရာ အောင်မြင်မှုများကိုလည်း ရရှိခဲ့တာဖြစ်ပါတယ်။

လွှတ်တော်ကိုယ်စားလှယ်များခင်ဗျား -

ပြီးခဲ့တဲ့ ငါးနှစ်တာကာလအတွင်း ကျွန်တော်တို့အားလုံးရဲ့ ကြိုးပမ်းလုပ်ဆောင်မှု များနဲ့ ပြုပြင်ပြောင်းလဲရေးလုပ်ငန်းစဉ်များကနေ ဒီမိုကရေစီ အသွင်ကူးပြောင်းရေးအတွက် အရေးကြီးတဲ့ အထွေထွေရွေးကောက်ပွဲကြီးကို တည်ငြိမ်အေးချမ်းစွာ၊ လွတ်လပ်စွာ ကျင်းပပေးနိုင်ခဲ့ပြီဖြစ်ပါတယ်။ ဒီရွေးကောက်ပွဲကြီးကနေ ပေါ်ပေါက်လာတဲ့ ရလဒ်များအရ အမျိုးသားဒီမိုကရေစီအဖွဲ့ချုပ်က ဦးဆောင်ပြီး ဥပဒေပြုရေးနဲ့ အုပ်ချုပ်ရေးတာဝန်များကို ထမ်းဆောင်တော့မှာဖြစ်ပါတယ်။ ကျွန်တော်တို့အစိုးရအဖွဲ့အနေနဲ့ ရွေးကောက်ပွဲ မတိုင်မီက ကတိပြုထားတဲ့အတိုင်း ရွေးကောက်ပွဲကနေ ပေါ်ပေါက်လာတဲ့ အစိုးရအဖွဲ့ကို စနစ်တကျ တာဝန်လွှဲပြောင်းနိုင်ရေးအတွက် တည်ဆဲဥပဒေများ၊ နည်းဥပဒေများ၊ လုပ်ထုံးလုပ်နည်းများ၊ ပြဋ္ဌာန်းချက်များနဲ့အညီ ဆောင်ရွက်သွားမှာဖြစ်ပါတယ်။ ဒီတာဝန်လွှဲပြောင်းမှုဟာ မြန်မာနိုင်ငံလွတ်လပ်ရေးရရှိတဲ့အချိန်ကစပြီး ပါတီစုံဒီမိုကရေစီ အထွေထွေရွေးကောက်ပွဲကနေ ပေါ်ပေါက်လာတဲ့ အစိုးရနဲ့ နိုင်ငံတော်အကြီးအကဲက နောက် အထွေထွေရွေးကောက်ပွဲကနေ ပေါ်ပေါက်လာတဲ့ အစိုးရနဲ့ နိုင်ငံတော် အကြီးအကဲကို တည်ငြိမ်အေးချမ်းစွာ တာဝန်လွှဲပြောင်းပေးတဲ့ ပထမဆုံးဖြစ်စဉ်လည်း ဖြစ်ပါတယ်။ ဒီလို နိုင်ငံရေးအနှစ်သာရပြည့်ဝပြီး အရေးကြီးတဲ့ တာဝန်လွှဲပြောင်းမှုကို စနစ်တကျ အောင်မြင်အောင်ဆောင်ရွက်သွားမှာဖြစ်ကြောင်း ဒီနေရာကနေ ထပ်မံ ကတိပြုပြောကြားလိုပါတယ်။

လွှတ်တော်ကိုယ်စားလှယ်များခင်ဗျား -

သက်တမ်းအလိုက် ပုံမှန်ကျင်းပတဲ့ ရွေးကောက်ပွဲများဟာ ဒီမိုကရေစီစနစ်ရဲ့ အင်္ဂါရပ်တစ်ခုပဲဖြစ်ပါတယ်။ ဒီရွေးကောက်ပွဲများကနေ ပြည်သူများရဲ့ အဆုံးအဖြတ် အတိုင်း နိုင်ငံရေးပါတီများရဲ့ အနိုင်၊ အရှုံးဆိုတာလည်း ပေါ်ပေါက်နေမှာဖြစ်ပါတယ်။ အများစုအနိုင်ရတဲ့ပါတီများက နိုင်ငံနဲ့ ပြည်သူအကျိုးစီးပွားအတွက် အကောင်အထည်ဖော် ဆောင်ရွက်သလို အနည်းစုပါတီများကလည်း အမျိုးသားအကျိုးစီးပွားအခြေခံပေါ်ကနေ ပူးပေါင်းဆောင်ရွက်ခြင်း၊ လိုအပ်ရင် အပြုသဘောဆောင် ဝေဖန်ထောက်ပြခြင်းများ ဆောင်ရွက်ရမှာဖြစ်ပါတယ်။ အဲဒီလိုပဲ နောင်အဆက်ဆက်သော ရွေးကောက်ပွဲများမှာ မိမိတို့ပါတီရဲ့မူဝါဒများကို ပြည်သူတွေ လက်ခံယုံကြည်လာအောင် ဒီမိုကရေစီနည်းလမ်း တကျ ကြိုးပမ်းဆောင်ရွက်ကြရမှာဖြစ်ပါတယ်။

ဒီကနေ့ မြန်မာနိုင်ငံရဲ့ ပကတိအရှိတရားအရ မည်သည့်ပါတီက တာဝန်ယူသည် ဖြစ်စေ တိုင်းပြည်တည်ငြိမ်အေးချမ်းရေးနဲ့ ဖွံ့ဖြိုးတိုးတက်ရေးကို ဆက်လက် အကောင် အထည်ဖော်ဆောင်ရွက်ရမှာပဲဖြစ်ပါတယ်။ အဲဒီတာဝန်ကို အကောင်အထည်ဖော်နိုင်ဖို့ အတွက် ကျွန်တော်နဲ့ အစိုးရအဖွဲ့ဝင်အားလုံးက နောက်အစိုးရနဲ့ ပူးပေါင်းဆောင်ရွက် သွားမှာဖြစ်ပါတယ်။ လွှတ်တော်ကိုယ်စားလှယ်များအနေနဲ့လည်း နောင်လွှတ်တော်များ မှာ မပါဝင်တော့ဘူးဆိုရင်တောင် လွှတ်တော်ပြင်ပကနေ နိုင်ငံတည်ငြိမ်အေးချမ်းရေးနဲ့ ဖွံ့ဖြိုးတိုးတက်ရေးအတွက် ပူးပေါင်းပါဝင်ဆောင်ရွက်ကြဖို့ တိုက်တွန်းလိုပါတယ်။

လွှတ်တော်ကိုယ်စားလှယ်များခင်ဗျား -

လာမယ့် မတ်လ ၃၀ ရက်နေ့မှာ ကျွန်တော်တို့အစိုးရသက်တမ်း ကုန်ဆုံးတော့မှာ ဖြစ်ပါတယ်။ ကျွန်တော်တို့အစိုးရအဖွဲ့အနေနဲ့ ပြီးခဲ့တဲ့ ငါးနှစ်သက်တမ်းအတွင်းမှာ နိုင်ငံ တည်ငြိမ်အေးချမ်းရေး၊ ဖွံ့ဖြိုးတိုးတက်ရေးနဲ့ အသွင်ကူးပြောင်းရေးလုပ်ငန်းစဉ်များကို တည်ငြိမ်အေးချမ်းစွာ အကောင်အထည်ဖော်နိုင်ရေးအတွက် ကိုယ်စွမ်းဥာဏ်စွမ်းရှိသမျှ ကြိုးပမ်းဆောင်ရွက်ခဲ့ပြီးဖြစ်ပါတယ်။ ကျွန်တော်တို့တာဝန်ယူစဉ်ကာလအတွင်းမှာ ပြုပြင်ပြောင်းလဲရေးလုပ်ငန်းစဉ်များ အောင်မြင်စွာ အကောင်အထည်ဖော် ဆောင်ရွက် နိုင်ရေးအတွက် ပူးပေါင်းဆောင်ရွက်ခဲ့တဲ့ မဏ္ဍိုင်အသီးသီးမှာ တာဝန်ရှိသူများ၊ အရပ်ဘက်လူမှုအဖွဲ့အစည်းများ၊ နိုင်ငံ့ဝန်ထမ်းများ၊ နိုင်ငံတကာအစိုးရများ၊ နိုင်ငံတကာ အဖွဲ့အစည်းများနဲ့ အသိပညာရှင်၊ အတတ်ပညာရှင်များ၊ သတင်းမီဒီယာများနှင့် ပြည်သူများအားလုံးကို ကျေးဇူးတင်ကြောင်း ဒီနေရာကနေ ပြောကြားလိုပါတယ်။

နောက်ပေါ်ပေါက်လာမယ့် အစိုးရနဲ့ လွှတ်တော်များအနေဖြင့် ပြည်ထောင်စု သမ္မတမြန်မာနိုင်ငံတော်ကြီးကို ပိုမိုအေးချမ်းသာယာပြီး ဖွံ့ဖြိုးတိုးတက်အောင် ဆောင်ရွက်နိုင်ပါစေ၊ မ်ိဘပြည်သူအားလုံး ကိုယ်စိတ်နှစ်ဖြာကျန်းမာချမ်းသာကြပါစေ၊ တိုင်းရင်းသား ညီအစ်ကို မောင်နှမအားလုံး ချစ်ချစ်ခင်ခင် စည်းစည်းလုံးလုံးနဲ့ ဥမကွဲ သိုက်မပျက် အေးအတူပူအမျှ ပြည်ထောင်စုကြီးကို တည်ဆောက်နိုင်ပါစေကြောင်း ဆုမွန်ကောင်းတောင်းရင်း အားလုံးကုို နှုတ်ဆက်ခဲ့ပါတယ်။

(Credit - Myanmar President Office)