အစိုးရနဲ့ အပစ်အခတ်ရပ်စဲရေးသဘောတူထားတဲ့ ရှမ်းပြည်ပြန်လည်ထူ ထောင်ရေးကောင်စီ RCSS/SSA ရှမ်းပြည်တပ်မတော်တောင်ပိုင်းတပ်ဖွဲ့ အနေနဲ့ တစ်နိုင်ငံလုံးအပစ်အခတ်ရပ်စဲရေး သဘောတူစာချူပ် NCA မချုပ်ဆိုနိုင်သေးချိန်မှာ ရှိပြီးသဘောတူညီချက် ၃၁ ချက်ကိုစွဲကိုင်ပြီး ရှေ့ဆက်လုပ်ဆောင်သွားမှာ ဖြစ်တယ်လို့ ထုတ်ပြန်ကြေညာလိုက်ပါတယ်။
RCSS အဖွဲ့ရဲ့ ၆ လပတ် ဗဟိုအလုပ်အမှုဆောင် ကော်မတီရဲ့ အစည်း အဝေးကို RCSS ဌာနချူပ်ရှိရာ လွိုင်တန်းလျန်းမှာ သုံးရက်ကြာ ကျင်းပခဲ့အပြီး ဇူလိုင်လ ၃ ရက်နေ့ ရက်စွဲနဲ့ ထုတ်ပြန်လိုက်တာဖြစ်ပါတယ်။
ဒီကိစ္စနဲ့ ပတ်သက်ပြီး RCSS အဖွဲ့က ပြောခွင့်ရပုဂ္ဂိုလ် ဗိုလ်မှူးကြီး စိုင်းလက RFA ကို အခုလိုပြောဆို ပါတယ်။
"တစ်နိုင်ငံလုံး အပစ်အခတ်ရပ်စဲမှု မဖြစ်နိုင်သေးခင်မှာပေါ့ မလိုအပ်တဲ့ ဒီပြဿနာတွေကို လျော့ချရေး တိုက်ပွဲတွေ ပြန်မဖြစ်ရေးပေါ့၊ အဲ့ဒါတွေကို ကျနော်တို့ ဒီရရှိထားတဲ့ သဘောတူညီချက် ၃၁ ချက်နဲ့အညီ စွဲကိုင်ပြီးတော့ ရပ်တည်သွားမယ်ဆိုတဲ့အကြောင်းပါပဲ၊ အဓိကအချက်ကတော့ ကျနော်တို့ ရောက်ရှိနေ တဲ့နေရာမှာ အပစ်အခတ်ရပ်စဲထားမယ် နိုင်ငံရေးဆွေးနွေးပွဲ တွေ ကျင်းပသွားမယ်၊ နိုင်ငံရေးဆွေးနွေးပွဲ တွေ မကျင်းပသေးခင်မှာ ပြည်သူလူထုနဲ့ လွတ်လပ်စွာ တွေ့ဆုံခွင့်ရှိတယ်၊ နောက်ပြီးတော့ နိုင်ငံရေးနဲ့ ပတ်သက်တဲ့ စတိတ်ဟိုးဒါတွေနဲ့ အားလုံးပေါ့နော် လွတ်လပ်စွာ တွေ့ဆုံ ခွင်ရှိကြောင်း သဘောတူညီ ထားတဲ့စာချူပ်ပေါ့နော်၊ အဲ့ဒါတွေ ပါပါတယ် ခင်ဗျ"
တဆက်တည်းမှာပဲ ဖေဖေါ်ဝါရီလ ၁၂ ရက်နေ့က သမ္မတ ဦးသိန်းစိန် ကိုယ်တိုင်ပါဝင်လက်မှတ်ရေးထိုးခဲ့တဲ့ ငြိမ်းချမ်းရေးနဲ့ အမျိုးသား ပြန်လည်သင့်မြတ်ရေးဆိုင်ရာ ကတိပြုစာချူပ် Deed Of Commitment ကို လက်ကိုင်ထားပြီး စစ်မှန်တဲ့ခိုင်မြဲတဲ့ ငြိမ်းချမ်းရေးရရှိဖို့အတွက်လည်း ဆက်လက်ကြိုးပမ်းသွားမယ်လို့ ပြောပါတယ်။
ရှေ့လုပ်ငန်းစဉ်တွေအနေနဲ့ ရှမ်းပြည်နယ်ထဲမှာ ဒေသခံပြည်သူတွေနဲ့ လူငယ်တွေဟာ မူးယစ်ဆေးဝါး အန္တရာယ်ကို ကြီးမားစွာရင်ဆိုင်နေကြရတဲ့ အတွက် မူးယစ်ဆေးဝါးတိုက်ဖျက်ရေးလုပ်ငန်းကို အလေးထား ဆောင်ရွက် သွားဖို့ ပြင်ဆင်ထားပေမယ့် အစိုးရဘက်က ပူးပေါင်းပါဝင်မှု မရှိသလောက် ဖြစ်နေတယ်လို့ ဗုိုလ်မှူးကြီး စိုင်းလက ဆက်ပြောပါတယ်။
"မူးယစ်ဆေးဝါးနဲ့ ပတ်သက်ပြီးတော့ ကျနော်တို့ UNODC နဲ့ အတူ အစိုးရနဲ့ သုံးဖွဲ့ပူးပေါင်းပြီးတော့ ဒေသ တွင်းမှာ မူးယစ်ဆေးဝါး တိုက်ဖျက်ရေးတွေ လုပ်ဆောင်သွားမယ်ဆိုတဲ့ သဘောတူညီချက်တော့ ပဏာမ ကျနော်တို့ ရရှိထားပါတယ်၊ ဒါပေမဲ့ အဲ့ဒီကိစ္စကို အကောင်အထည်ဖော်ဆောင်တဲ့နေရာ မှာ အစိုးရဘက်က ပူးပေါင်းဆောင်ရွက်မှု အားနည်းနေတဲ့အပိုင်းတွေ့ရှိတော့ ကျနော်တို့ တတ်နိုင်တဲ့အနေနဲ့ပဲ ကျနော်တို့ နယ် မြေတွင်းမှာ မူးယစ်ဆေးဝါး အန္တရာယ် အသိပေးဟောပြောပွဲတွေ အကြိမ်ကြိမ်လုပ်ပါတယ်၊ မူးယစ်ဆေး ၀ါး ထုတ်လုပ်သူတွေရဲ့ စာရင်းဇယားတွေကို ပြုစုပါတယ်။ ကူးသန်းရောင်း ၀ယ်မှုတွေ စုံစမ်းစစ်ဆေးပြီးတော့ ပြည်သူလူထု လူငယ်တွေနဲ့ ပူးပေါင်းပြီး တော့ ဆောင်ရွက်ပါတယ်၊ အဲ့ဒီ အဆင့်လောက်ပဲ ကျနော်တို့ လုပ်နိုင်ပါ တယ်"
ဒါ့အပြင် RCSS ရှမ်းပြည် ပြန်လည်ထူထောင်ရေးကောင်စီအနေနဲ့ ပြည်သူ့ အကျိုးပြုလုပ်ငန်းတွေဖြစ်တဲ့ စိုက်ပျိုးရေး၊ သဘာဝပတ်ဝန်းကျင်ထိန်းသိမ်း ရေးနဲ့ ဖွံ့ဖြိုးတိုးတက်ရေးလုပ်ငန်းတွေကို ပြည်သူလူထုနဲ့အတူ ပူးပေါင်း ဆောင်ရွက်သွားဖို့ ဒီအစည်းအဝေးကနေ ဆုံးဖြတ်ခဲ့ကြပြီး ဒီအစည်းအဝေးကို ဗဟိုကော်မတီဝင် ၂၃၀ ကျော် တက်ရောက်ခဲ့ကြတယ်လို့ သိရပါတယ်။
ရှမ်းပြည်ပြန်လည်ထူထောင်ရေးကောင်စီ RCSS/SSA ရှမ်ပြည်တပ်မတော် တောင်ပိုင်းတပ်ဖွဲ့နဲ့ မြန်မာ အစိုးရတို့ဟာ ပြီးခဲ့တဲ့ ၂၀၁၁ ခုနှစ် ဒီဇင်ဘာ လက ရှမ်းပြည်နယ် တောင်ကြီးမြို့မှာ ပဏာမအဆင့် အပစ် အခတ်ရပ်စဲရေး သဘောတူလက်မှတ်ရေးထိုးထားတဲ့ တိုင်းရင်းသားလက်နက်ကိုင်အဖွဲ့ တစ်ဖွဲ့ဖြစ်ပါတယ်။
RFA
No comments:
Post a Comment