ကော့ကရိတ်မြို့နယ်အတွင်း အစိုးရတပ်တွေနဲ့ ဒီမိုကရေစီအကျိုးပြု တပ်မတော် DKBA တပ်တွေ ဖြစ်ပွား နေတဲ့ တိုက်ပွဲတွေဟာ ဒီကနေ့မနက် ၁၀နာရီခန့်ကစပြီး ညနေပိုင်းအထိ ဆက်တိုက်ဖြစ်ပွားလျက်ရှိတယ် လို့ DKBA တပ်ဖွဲ့ကပြောပါတယ်။
အစိုးရတပ်တွေက လက်နက်ကြီးတွေနဲ့ စတင်ပစ်ခတ်ခဲ့တာလို့ ကလိုထူးဖေါ ဗျူဟာထောက်လှမ်းရေးမှူး ဗိုလ်ကြီး စောသရီးထုး ကပြောပါတယ်။
"အခုအခြေအနေက ပစ်နေတုန်းပဲ၊ ဒီနေ့တိုက်ပွဲက ၁ဝ နာရီ မိနစ် ၄ဝ မှာ စပါတယ်ခင်ဗျ၊ ၁၁ နာရီခွဲမှရပ် တယ်၊ လက်နက်ကြီးနဲ့ လှမ်းပစ်နေတာသက် သက်ပဲ၊ အနီးကပ်တိုက်ပွဲ မဖြစ်သေးဘူး၊ ၁၁ ခွဲနောက်ပိုင်းမှာ သူတို့ခဏ ရပ်တယ် ပြီးတော့ သူတို့လူနဲ့တက်လာပြီးတော့ ၂ နာရီခွဲမှာ တိုက်ပွဲဖြစ်တာ အခုထိမပြီးသေး ဘူး"
တိုက်ပွဲဖြစ်ပွားနေတဲ့နေရာနဲ့ နှစ်မိုင်ဝန်းကျင်အကွာမှာရှိတဲ့ ဇောဟဲရွာကို အစိုးရတပ် စကခ၁၂ လက် အောက်ခံ တပ်တွေ ရောက်ရှိလာပြီး ၁၉နှစ်အရွယ် ကရင်အမျိုးသမီးတစ်ဦးကို ဖမ်းဆီးခေါ်ဆောင်သွား တယ်လို့ DKBA က ပြောပါတယ်။
အခုဖြစ်ပွားနေတဲ့ တိုက်ပွဲတွေနဲ့ ပတ်သက်ပြီး DKBA နဲ့ အစိုးရအာဏာပိုင်တွေ ဘားအံမြို့မှာ မနက်ဖြန် ဆွေးနွေးကြမယ်လို့ သိရပါတယ်။
KNU ကရင်အမျိုးသားအစည်းရုံးကလည်း တိုက်ပွဲတွေနဲ့ပတ်သက်ပြီးနှစ်ဘက် ညှိနိုင်းမှုတွေ ဆောင်ရွက်ပေး နေတယ်လို့ သိရပါတယ်။
RFA
No comments:
Post a Comment