နိုင်ငံရေးအကျဉ်းသားတွေနဲ့ နိုင်ငံရေးအရ တရားစွဲ အမှုရင်ဆိုင်နေရသူ တွေကို ၂၀၁၅ ရွေးကောက်ပွဲ မတိုင်ခင်မှာ လွှတ်ပေးဖို့အတွက် နိုင်ငံရေး အကျဉ်းသားဟောင်းများအဖွဲ့က ဒီကနေ့ နိုင်ငံတော်သမ္မတထံ မေတ္တာရပ် ခံစာပေးပို့ လိုက်ပါတယ်။
လာမယ့် ၂၀၁၅ ရွေးကောက်ပွဲမှာ နိုင်ငံရေးအကျဉ်းသားတွေလည်း ပါဝင်ခွင့်ရနိုင်အောင်ဆိုတဲ့ ရည်ရွယ် ချက်နဲ့ တောင်းဆိုတာဖြစ်တယ်လို့ နိုင်ငံရေးအကျဉ်းသားဟောင်းများအဖွဲ့က ဦးတင်မောင်ဦးက ပြောပါ တယ်။
"နိုင်ငံရေးအရအကျဉ်းကျနေတဲ့လူတွေက အခုဆက်တိုက်ပြန်ပြီးတော့ မြင့်တက်လာတဲ့အခါမှာအကျဉ်းသား အရေအတွက်က စိုးရိမ်စရာကောင်းတဲ့ အရေအတွက်တစ်ခုကိုရောက်လာပြီ၊ ၂ဝ၁၅ ရွေးကောက်ပွဲကို ရောက်တဲ့ အခါမှာ ကျနော်တို့နိုင်ငံရေးအရ ဖမ်းဆီးခံနေရတဲ့လူတွေ နိုင်ငံရေးအရ တရားရင်ဆိုင်နေရတဲ့ လူတွေရဲ့ ဆန္ဒသဘောထားတွေကိုလည်း ဒီရွေးကောက်ပွဲမှာ ထင်ဟတ်ပေါ်လွင်ခွင့်ပေးသင့်တယ်"
ပေးပို့တဲ့စာထဲမှာ အမျိုးသားပြန်လည်သင့်မြတ်ရေးအတွက် လာမယ့်ရွေး ကောက်ပွဲမှာ အားလုံးပါဝင်နိုင်ခွင့် ရရှိရေးနဲ့ တကယ်လို့ နိုင်ငံရေးအကျဉ်း သားတွေထဲက ရွေးကောက်ပွဲကို ပါဝင်ယှဉ်ပြိုင်ချင်သူတွေရှိခဲ့ရင် လည်း ဝင်ရောက် ယှဉ်ပြိုင်ခွင့်ရနိုင်အောင် ပြန်လွှတ်ပေးဖို့ မေတ္တာရပ်ခံစာပေးပို့ တာလို့ ပြောပါတယ်။
လွန်ခဲ့တဲ့ ၂၀၁၃ ခုနှစ်က သမ္မတဦးသိန်းစိန်ရဲ့ လုပ်ပိုင်ခွင်နဲ့နိုင်ငံရေးအကျဉ်း သားတွေကို ၁၁ ကြိမ်မြောက် ပြန်လည် လွှတ်ပေးခဲ့တဲ့အတွက် နိုင်ငံရေးအကျဉ်းသားဦးရေ သိသိသာသာနည်းသွားရာကနေ လက်ရှိအ ချိန်မှာတော့ စိုးရိမ်စရာကောင်းတဲ့ အရေအတွက်ကို ပြန်ရောက်နေပြီလို့ ဦးတင်မောင်ဦး က ပြောပါတယ်။
အကျဉ်းထောင်တွေထဲမှာ ပြစ်ဒဏ်ကျနေတဲ့ နိုင်ငံရေးအကျဉ်းသား ၁၆၄ ဦး အထိရှိနေပြီး လက်ရှိအမှုရင် ဆိုင်နေရဆဲ ၄၅၀ ကျော် ရှိနေတယ်လို့ နိုင်ငံရေး အကျဉ်းသားဟောင်းများအဖွဲ့က ပြုစုထားတဲ့စာရင်းတွေ အရ သိရပါတယ်။
RFA
No comments:
Post a Comment