တောင်အမေရိကတိုက်ရဲ့ ပထမဆုံး ပုပ်ရဟန်းမင်းကြီးဖြစ်တဲ့ ပုပ်ရဟန်း မင်းကြီး Francis ဟာ အီကွေဒေါ၊ ဘိုလီဗီးယားနဲ့ ပါရာဂွေးနိုင်ငံတွေကို ၈ ရက်ကြာ ခရီးစဉ်စတင်ဖို့ တောင် အမေရိကတိုက်ကို ရောက်ရှိနေပြီ ဖြစ်ပါ တယ်။
အသက် ၇၈ နှစ်ရှိပြီဖြစ်တဲ့ ပုပ်ရဟန်းမင်းကြီးဟာ ပထမဆုံးအနေနဲ့ အီကွေဒေါနိုင်ငံ ကီတိုမြို့ကိုတနင်္ဂနွေ နေ့ နေ့လည်ပိုင်းက ရောက်လာခဲ့ပါ တယ်။ အီကွေဒေါအစိုးရ တာဝန်ရှိသူတွေနဲ့ ဘုရားကျောင်းတာဝန် ရှိသူတွေက လေဆိပ်မှာ ပုပ်ရဟန်းမင်းကြီးကို လာရောက်ကြိုဆိုခဲ့ကြပြီး ကလေးငယ်တွေနဲ့ လူကြီးတွေက လည်း ကောဇောနီဘေး တဘက်တချက်ကနေ ကက်သလစ်အလံတွေဝှေ့ယမ်းပြီး ကြိုဆိုခဲ့ကြပါတယ်။
လေဆိပ်ကနေ ပုပ်ရဟန်းမင်းကြီး တည်းခိုရာကို သွားရာလမ်းတလျှောက် မှာလည်း အီကွေဒေါပြည်သူတွေ ကကြိုဆိုခဲ့ကြပါတယ်။ ပုပ်ရဟန်းမင်းကြီး ဟာ သူ့ရဲ့မိခင်နိုင်ငံ အာဂျင်တီးနားကို အခုခရီးစဉ်မှာသွားရောက် မှာ မဟုတ်ပါဘူး။ ဒါပေမဲ့ လာမယ့်နှစ်မှာတော့ သူဟာ အာဂျင်တီးနားနိုင်ငံကို သွားရောက်မှာ ဖြစ်ပါတယ်။
လွန်ခဲ့တဲ့နှစ်နှစ် သူ ပုပ်ရဟန်းမင်းကြီးဖြစ်လာချိန်ကစပြီး ဒီခရီးစဉ်ဟာ သူ့အတွက် ၉ ကြိမ်မြောက် ပြည်ပ ခရီးစဉ်ဖြစ်ပါတယ်။
ပုပ်ရဟန်းမင်းကြီးက သူ့သွားရောက်မယ့် ၃ နိုင်ငံက ဆင်းရဲနွမ်းပါးသူတွေ ရင်ဆိုင်နေရတဲ့ ဒုက္ခတွေကို အလေးပေးလုပ်ဆောင်သွားချင်တယ်လို့ ရောမမြို့က ထွက်ခွါစဉ်မှာပဲ ပြောကြား ခဲ့ပါတယ်။ အထူးသဖြင့် အကူအညီ လိုအပ်နေတဲ့ကလေးငယ်တွေ၊ သက်ကြီးရွယ်အိုတွေ၊ နာမကျန်းဖြစ်နေ သူတွေ၊ အကျဉ်းကျခံ နေရသူတွေ၊ ဆင်းရဲနွမ်းပါးသူတွေအတွက်လို့ ဆိုပါတယ်။
ကမ္ဘာပေါ်မှာ ရိုမန်ကက်သလစ်ဘာသာဝင် ၁.၂ ဘီလီယံရှိပြီး အဲဒီထဲက အများစုဟာ လက်တင်အမေရိက နိုင်ငံတွေမှာဖြစ်ပါတယ်။ အီကွေဒေါ၊ ဘိုလီဗီးယားနဲ့ ပါရာဂွေးနိုင်ငံတွေ ဟာ တောင်အမေရိကတိုက်မှာ အဆင်းရဲဆုံးနဲ့ အသေးဆုံးနိုင်ငံတွေဖြစ်ပါတယ်။
VOA
No comments:
Post a Comment