ရခိုင်ပြည်နယ်အတွင်း လူသားချင်းစာနာတဲ့ အကူအညီပေးရေးလုပ်ငန်းတွေ လုပ်ကိုင်မယ့် NGO အဖွဲ့အစည်းတွေ အနေနဲ့ ရခိုင်ပြည်နယ်မှာ ဖွဲ့စည်းထားတဲ့ အရေးပေါ် ပေါင်းစပ်ညှိနှိုင်းရေးစင်တာ (ECC) အဖွဲ့ကို လုပ်ငန်း အသေးစိတ်တင်ပြပြီးမှသာ လုပ်ဆောင်ခွင့်ရမှာဖြစ်တယ်လို့ ဧပြီလ ၂၃ရက်နေ့ စစ်တွေမြို့မှာ ပြုလုပ်ခဲ့တဲ့ ECC အစည်းအဝေးက ဆုံးဖြတ်ခဲ့ပါတယ်။
အစိုးရပြန်ကြားရေးဝန်ကြီးဌာနကတော့ ရခိုင်ပြည်နယ်အတွင်းမှာ ကုလသမဂ္ဂလက်အောက် ခံအဖွဲ့အစည်းတွေအပါအ၀င် နိုင်ငံ တကာNGO အဖွဲ့အစည်းတွေအနေနဲ့ သူတို့ရဲ့လုပ်ငန်းတွေကို ပြန်လည် လုပ်ကိုင် ဆောင်ရွက်နေ တဲ့အကြောင်း မနေ့ကပဲ ထုတ်ပြန်ကြေညာ ထားပါတယ်။
အစိုးရကနိုင်ငံတကာ NGO အဖွဲ့အစည်းတွေရဲ့လုပ်ငန်းတွေ ပြန်လည် လုပ်ဆောင်နေပြီလို့ ကြေညာ ခဲ့ပေမယ့် Emergency Coordination center (ECC) အစည်း အဝေးကို လုပ်ငန်း တင်ပြမှ လုပ်ဆောင် ခွင့်ရမှာဖြစ် တယ်လို့ အစည်းဝေး တက်ရောက် ခဲ့တဲ့ မြို့မိမြို့ဖ တဦး ဖြစ်သူ ဦးသန်းထွန်းက အခုလိုပြောပါတယ်။
“ပြည်ထောင်စု အစိုးရအဖွဲ့က ကြေညာတာ လည်းမှန်ပါတယ်၊ ဒါပေမဲ့ ECC အစည်းအဝေး ဒီနေ့ပဲ လုပ်တော့ UN INGO တွေကို သူတို့လုပ် ငန်းဆောင် တာတွေ ဆက်လုပ် ခွင့်ရပြီဆိုပေမဲ့ ပြည်နယ် အဆင့် ECC အစည်း အဝေးကို အဲဒီလုပ် ငန်းတွေရဲ့၊ Procedure တွေတင်ပြပြီးမှ ဖြတ်သန်း ရပါလိမ့်မယ်၊ သူတို့က ECC အစည်း အဝေးပေါ်မှာ ဧပြီလ ၉ရက်နေ့ ကတည်းက တင်ပြထားတဲ့ Procedure တွေဟာ ပွင့်လင်းမြင် သာမှုမရှိဘူး၊ အသေး စိတ်မရှိဘူး၊ ရည်ရွယ်ချက် ဘာတွေမှန်းမသိဘူး။”
ဒါပေမယ့် မနေ့က ဆွေးနွေးပွဲမှာ MSF နယ်စည်း မခြား ဆရာဝန်များ အဖွဲ့နဲ့ မာတီဇာ အဖွဲ့အစည်းကို ရခိုင်ပြည်နယ်ထဲမှာ လုပ်ကိုင်ခွင့် မပေးဖို့ အပါအ၀င် အချက် ၃ခုကို အဓိကထား ဆွေးနွေးခဲ့ တယ်လို့လည်း ဦးသန်းထွန်းက အခုလို ပြောပါတယ်။
“ဒီနေ့အစည်း အဝေးမှာ UN ၊ INGOတွေရဲ့ ရုံးခန်းတွေနဲ့ နေထိုင်မယ့် အဆောက် အဦးတွေကို စစ်တွေမြို့ တောင်ဘက် စွန်းမှာ ပထမ အစည်းအဝေးက ဆုံးဖြတ်ထား တဲ့အတိုင်းပဲ သူတို့နေဖို့ဆုံးဖြတ်ခဲ့ကြတယ်၊ UN ၊ INGOတွေဟာ လုပ်ငန်း ဆောင်တာဒီနေ့လုပ်ချင်ရင် ဒီနေ့လုပ်လို့ရတယ်၊ ဒါပေမဲ့ ဒီနေ့လုပ်ဖို့က ဒီနေ့ဟာ ပွင့်ပွင့် လင်းလင်းမြင် သာ တင်ပြပေးရမယ် အဲဒါကို သဘောတူရင် လုပ်လို့ရတယ်၊ MSF နဲ့ မာတီဇာဆိုတဲ့အဖွဲ့ ၂ဖွဲ့ဟာ အစိုးရကိုယ် တိုင်က ရခိုင်ပြည်နယ်ထဲမှာ လှုပ်ရှားဆောင်ရွက်ခွင့် ရပ်ဆိုင်း ထားတဲ့အဖွဲ့ နှစ်ဖွဲ့ ဖြစ်တဲ့အတွက် အဲဒီအဖွဲ့ ၂ဖွဲ့ရဲ့ တရားမ၀င်လုပ်ဆောင်ချက်တွေဟာ UN ၊ INGOတွေ ရဲ့လုပ်ငန်းအပေါ်မှာ ဆိုးကျိုးတွေထိခိုက်နိုင်တယ်ဆိုတဲ့ အဲဒီ ၃ခု ထင်ထင်ရှားရှားရပါတယ် ဒီနေ့။”
လောလောဆယ်မှာ ရခိုင်ပြည်နယ်အစိုးရခွင့်ပြုချက်နဲ့ ဒုက္ခသည်စခန်းတွေကို ကမ္ဘာ့စားနပ် ရိက္ခာများအဖွဲ့ (WFP) နဲ့ နိုင်ငံတကာ ကြက်ခြေနီအဖွဲ့ (ICRC) က အရေးပေါ်စားနပ် ရိက္ခာထောက်ပံတာတွေကို ပေါက်တောမြို့နယ်မှာ သောက်သုံးရေပေးပို့တာတွေ တကြိမ်၊ နှစ်ကြိမ် လောက်ရှိပြီလို့လည်း ဆိုပါတယ်။
မနေ့ကပြုလုပ်တဲ့ အစည်းအဝေးကို ကုလသမဂ္ဂ လက်အောက်ခံအဖွဲ့အစည်းနဲ့ နိုင်ငံတကာ အဖွဲ့ အစည်းတွေအပြင် ရခိုင်ပြည်နယ်အစိုးရ နယ်လုံဝန်ကြီး ဗိုလ်မှူးကြီးထိန်လင်း၊ စည်ပင်ဝန်ကြီးဦးမြအောင်၊ နယ်စပ်ရေးရာဝန်ကြီးဌာနက ညွန်မှူးဦးထွန်းဦးနဲ့ စစ်တွေမြို့မိမြို့ဖတွေအပါအ၀င် အဖွဲ့ အားလုံး ၁၀ ဖွဲ့ကျော် တက်ရောက်ခဲ့ကြတဲ့အကြောင်း ရေဒီယို သြစတြေးလျ သတင်းထောက် မြတ်မိုးက သတင်းပေးပို့ထားပါတယ်။
ABC
No comments:
Post a Comment