ယူကရိန်းနိုင်ငံမှာ ဖြစ်နေတဲ့ ပြဿနာနဲ့ပတ်သက်ပြီးတော့ အမေရိကန်နိုင်ငံက ဇာတ်ဆရာဝင်လုပ် နေသလိုဖြစ်ပြီး ယူကရိန်းအရှေ့အလယ်ပိုင်းက လှုပ်ရှားမှုတွေအပေါ်လည်း သြဇာလွမ်းမိုးနေတယ်လို့ ရုရှား နိုင်ငံခြားရေးဝန်ကြီး ဆာဂေး လက်ဗ်ရော့ဗ်က ပြောလိုက်ပါတယ်။
ယူကရိန်းနိုင်ငံက စစ်တပ်တွေ အနေနဲ့ ရုရှားထောက်ခံသူတွေအပပေါ် ဖြိုခွင်းမှုတွေ လုပ်ဖို့ ယူကရိန်း ယာယီသမ္မတက အမိန့်ပေးလိုက်ပြီး တရက်အပြီးမှာပဲ ရုရှားက ခုလို တုန့်ပြန် ပြောလိုက်တာ ဖြစ်ပါတယ်။
အဲ့ဒါအပြင် ယူကရိန်းနဲ့ အမေရိကန်တို့ဟာ ယူကရိန်းမှာဖြစ်နေတဲ့ ပဋိပက္ခတွေ လျှော့ချနိုင်ဖို့အတွက် ပြီးခဲ့တဲ့ တပတ် ဂျီနီဗာ ဆွေးနွေးပွဲက သဘောတူထားခဲ့တဲ့ နိုင်ငံတကာ သဘောတူညီမှုကိုလည်း ပျက်စီးအောင်လုပ်ဆောင်နေတယ်လို့ ရုရုားက စွပ်စွဲပြောဆိုလိုက်ပါတယ်။
အနောက်နိုင်ငံတွေအနေနဲ့ ယူကရိန်းအရေးနဲ့ပတ်သက်ပြီး အမှန်တကယ် ငြိမ်းချမ်းရေးကို လိုလားတယ်လို့ ရုရှားက ယုံကြည်နေပေမယ့် တကယ့်လက်တွေ့မှာဖြစ်နေတဲ့ အခြေအနေနဲ့ ဆန့်ကျင်ဘက်ဖြစ်နေတယ်လို့ ရုရှားနိုင်ငံခြားရေး ၀န်ကြီးဌာနက ထုတ်ပြန်တဲ့ ကြေညာချက်ထဲမှာ ဖော်ပြထားပါတယ်။
ယူကရိန်းအရှေ့ဘက်ခြမ်းမှာရှိတဲ့ အစိုးရအဆောက်အဦး တွေကို ၀င်ရောက် စီးနင်းထားတဲ့ ရုရှားထောက် ခံသူတွေအနေနဲ့ လက်နက်တွေချပြီး အဲဒီ အဆောက်အဦးတွေကနေ ထွက်ခွာသွားအောင် ရုရှားအနေနဲ့ ပြောပေးဖို့ အမေရိကန်က ရုရှားကို တောင်းဆိုလိုက်ပါတယ်။
ဒါပေမယ့် ယူကရိန်းမှာဖြစ်နေတဲ့ ပြဿနာတွေဟာ ရုရှားအပေါ် ခြိမ်းခြောက်မှုတွေ ဖြစ်လာမယ် ဆိုရင်တော့ ရုရှားဘက်က ပြန်လည် လက်တုန့်ပြန်သွားမယ်လို့ ရုရှားနိုင်ငံခြားရေးဝန်ကြီး ဆာဂေး လက်ဗ်ရော့ဗ် ကဆိုပါတယ်။
ABC
No comments:
Post a Comment