ဂျပန်နိုင်ငံကို ရောက်ရှိနေတဲ့ အမေရိကန်သမ္မတ အိုဘားမားနဲ့ ဂျပန် ၀န်ကြီးချုပ် ရှင်ဇိုအာဘေ
အမေရိကန်နိုင်ငံ သမ္မတ ဘရက်အိုဘားမားရဲ့ ဂျပန်နိုင်ငံ ခရီးစဉ်အတွင်း ဟီရိုရှီးမားနဲ့ နာဂါဆာကီကို သွားရောက်မှာမဟုတ်တဲ့အတွက် စိတ်ပျက်မှုတွေ ရှိနေပါတယ်။
၁၉၄၅ ခုနှစ် ကမ္ဘာစစ်ကာလအတွင်း ဂျပန်နိုင်ငံ ဟီရိုရှီးမားနဲ့ နာဂါဆာကီဒေသကို အဏုမြူဗုံးတွေ ကျဲခဲ့တဲ့အတွက် ထိခိုက်နစ်နာမှုတွေ အများကြီး ဖြစ်ခဲ့ရပြီး ဒုတိယကမ္ဘာစစ်ကို အဆုံး သတ်စေ ခဲ့တဲ့ ဖြစ်ရပ် တစ်ခုလည်း ဖြစ်ပါတယ်။
အဏုမြူဗုံးကျဲခံခဲ့ရတဲ့ ဒေသကို အမေရိကန်သမ္မတအနေနဲ့ လာရောက်ပြီး နျူကလီးယားလက်နက်တွေ မထုတ်လုပ်ကြဖို့ အကြောင်း ပြော ဆို ဖို့ ဒေ သ ခံ တွေက မျှော်လင့် ခဲ့ကြတာ ဖြစ်ပါတယ်။
ဒါပေမယ့် အဲဒီဒေသကို အမေရိကန် သမ္မတ မသွားဖို့ ဆုံးဖြတ်လိုက်တဲ့အတွက် စိတ်ပျက်နေကြတာ ဖြစ်ပါတယ်။ ဒီကနေ့မှာတော့ အမေရိကန်သမ္မတ ဘရက်အိုဘားမားက ဂျပန်ဝန်ကြီးချုပ် ရှင်ဇိုအာဘေနဲ့ တွေ့ဆုံဖို့ရှိပြီး နှစ်နိုင်ငံအကြား ဆက်ဆံရေးတိုးမြှင့်တဲ့အကြောင်း ကြေညာနိုင်တယ်လို့ သုံးသပ်နေကြပါတယ်။
အာရှ-ပစိတ်ဖိတ် ဒေသအတွင်း တရုတ်က နယ်ချဲ့လာနေတဲ့အပေါ် အမေရိကန်နဲ့ ဂျပန်က အတူတကွ တုန့်ပြန်မှုတွေလုပ်ဖို့ရှိပြီး ပြဿနာတိုင်းကို ဆွေးနွေးမှုတွေနဲ့ သံတမန်နည်းအရ ဖြေရှင်းဖို့ လိုတယ်လို့ ပြောသွားခဲ့ပါတယ်။
အဲဒါ့အပြင် စီးပွားရေးကိစ္စနဲ့ မြောက်ကိုးရီးယားအရေးကိုပါ ဆွေးနွေးဖို့ရှိပါတယ်။
အမေရိကန်သမ္မတ ဘရက်အိုဘားမားရဲ့ အာရှလေးနိုင်ငံ ခရီးစဉ်အတွင်း ဂျပန်နိုင်ငံကို အရင်ဆုံး ဝင်ရောက်တာ ဖြစ်ပြီး နောက်ပိုင်းမှာ တောင်ကိုးရီးယား၊ မလေးရှားနဲ့ ဖိလိပိုင်နိုင်ငံကို သွားရောက်ဖို့ ရှိပါတယ်။
ABC
No comments:
Post a Comment