မြန်မာနိုင်ငံမှာဖြစ်နေတဲ့ လူမျိုးရေးဘာသာရေးအသွင်ဆောင်တဲ့ ပဋိပက္ခတွေပြေလည်ဖို့ အမုန်းစကား တွေမပြောစို့ ဆိုတဲ့လှုပ်ရှားမှုမှာ ဗုဒ္ဓဘာသာ ဘုန်းတော်ကြီးတွေ၊ အစ္စလာမ် ဘာသာရေး ခေါင်းဆောင်တွေ နဲ့ အောင်မြင်ကျော်ကြားနေသူတွေ သြဇာတိက္ကမကြီးသူတွေပါဝင်လာဖို့ အထူးလိုအပ်တယ်လို့ USIP ခေါ် အမေရိကန်ပြည်ထောင်စု ငြိမ်းချမ်းရေးဆိုင်ရာအဖွဲ့က ဘာသာရေးနဲ့ ငြိမ်းချမ်းရေး တည်ဆောက်မှု ဌါနရဲ့ အကြီးတန်းအရာရှိ Ms. Susan Hayward ကပြောဆိုလိုက် ပါတယ်။
မြန်မာနိုင်ငံက တိုင်းရင်းသားနဲ့ ဘာသာရေးဆိုင်ရာ အခြေအနေတွေနဲ့ ပတ်သက်လို့ အမေရိကန် ပြည်ထောင်စု ဝါရှင်တန်ဒီစီမြို့မှာ မနေ့ နေ့လည် ကပြုလုပ်တဲ့ဆွေးနွေးပွဲတခုမှာ Ms. Susan Hayward ကအခုလိုပြော လိုက်တာပါ။
ဒါ့အပြင် ပြုပြုင်ပြောင်းလဲရေးအတွက် နောက်လာမယ့် ၂ နှစ် အတွင်း ရွေးကောက်ပွဲအကြိုမဲဆွယ် ကာလတွေမှာလဲ တရား ဥပဒေစိုးမိုးရေးကိစ္စတွေ၊ နိုင်ငံရေး၊ စီးပွါးရေးဆိုင်ရာ ကိစ္စတွေ ကိုအဓိက ပြောဆိုဆွေးနွေးဖို့လိုအပ်ပါတယ်လို့ ပြောသွားတာပါ။
အဲဒီဆွေးနွေးပွဲမှာ Asia Society နဲ့ USIP အဖွဲ့ရဲ့ အကြီးတန်း အကြံပေး ပုဂ္ဂိုလ်တဦးဖြစ်တဲ့ Ms. Priscilla Clapp နဲ့ မြန်မာနိုင်ငံဖွံ့ဖြိုးရေးအရင်းအမြစ် များအဖွဲ့က သုတေသီ ဦးဝင်းမင်းတို့လဲ ပါဝင်ဆွေးနွေးခဲ့ကြပါတယ် ။ ဆွေးနွေးပွဲကို အမေရိကန်အသင်းအဖွဲ့တွေက ပုဂ္ဂိုလ်တွေ အယောက် ၃ဝ နီးပါးတက်ရောက်ခဲ့ပါတယ်။
RFA Burmese
No comments:
Post a Comment