ဘရာဇီးနိုင်ငံတွင် ဝင်ငွေနည်းပါးသော မိသားစုများအတွက် တန်ဖိုးနည်းအိမ်ရာ သုံးသန်းကျော် ၂ဝ၁၄ ခုနှစ် မတိုင်မီ တည်ဆောက်ပြီးစီးရေး စီမံကိန်းကို လုပ်ငန်းစဉ် သုံးရပ်ဖြင့် အကောင်အထည်ဖော် လျက်ရှိကြောင်း ဘရာဇီးသမ္မတဒဲလ်မာရုဆဖ်က ဒီဇင်ဘာ ၁ဝ ရက်တွင် ပြောကြားသည်။
ပထမအသုတ် အိမ်ခြေ တစ်သန်းကို တည်ဆောက်ပြီးဖြစ်ပြီး ဒုတိယအသုတ် အိမ်ခြေတစ်သန်းကို တည်ဆောက်နေပြီဖြစ်ကြောင်းသမ္မတဒဲလ်မာ၏ ရေဒီယိုအသံလွှင့်ချက်ကို ဆင်ဟွာသတင်းတွင်ကိုကား ဖော်ပြ သည်။
ယခု တန်ဖိုးနည်းအိမ်ရာ စီမံကိန်းသည် ဝင်ငွေနိမ့်ပါး မိသားစုများ
အိမ်ပိုင်ရာပိုင်ဖြင့် နေထိုင်ရေး အတည် တကျ ဖြစ်စေရန် စွမ်းဆောင်
အကောင်အထည်ဖော် ပေးလျက်ရှိရာ အစိုးရ၏ ကျွန်ုပ်တို့ အိမ်၊ ကျွန်ုပ်တို့
စီမံကိန်း၏ ကဏ္ဍတစ်ရပ်ဖြစ် သည်။
တန်ဖိုးနည်းအိမ်ရာ စီမံကိန်းအရ
ဝင်ငွေနည်း မိသားစုများအနေဖြင့် လစဉ်အရစ်ကျ ငွေပေး သွင်းခြင်းဖြင့် နေအိမ်တစ်လုံး ပိုင်ဆိုင်နိုင်မည်ဖြစ်ကြောင်း၊ လစဉ် ဝင်ငွေ၏
ငါးရာခိုင်နှုန်းသာ အရစ်ကျ ပေးသွင်းရမည်ဖြစ်ကြောင်း သိရသည်။
No comments:
Post a Comment