ရွှေပါရမီတောရ ဆရာတော် အရှင်ဆန္ဒာဓိက က ပုဒ်မ ၄၃၆ ပြင်ဆင်ပေးဖို့အတွက် ရန်ကုန်မြို့ ဗဟန်းမြို့ နယ်မှာရှိတဲ့ အမျိုးသားဒီမိုကရေစီအဖွဲ့ချုပ်ရုံးချုပ်မှာ ဒီနေ့ လက်မှတ်ရေးထိုးခဲ့ပါတယ်။ပုဒ်မ ၄၃၆ ပြင်ဆင်ပေး ဖို့ လက်မှတ်ရေးထိုးတာဟာ ရဟန်းအလုပ် ရဟန်းလုပ်တာဖြစ်တယ်လုိ့ ဆရာတော် အရှင်ဆန္ဒာဓိကက အခုလို မိန့်ကြားပါတယ်။
"ဦးဇင်းတို့ ရဟန်းသံဃာတော်တွေက ကိုယ်တိုင်လည်း မကောင်းမှုရှောင် ကောင်းမှုဆောင် ဖြူအောင် စိတ်ကိုထားရမယ်၊ ပတ်သက်ရာ ပတ်သက်ကြောင်း ဒကာ ဒကာမတွေကိုလည်း တိုက်တွန်းရမယ်၊ အခု ပုဒ်မ ၄၃၆ ကို လက်မှတ်ထိုးလိုက်တယ်ဆိုတာက တရားမမျှတတဲ့အလုပ်ကို လုံးဝမလုပ်ပါနဲ့ တရားမျှတ တဲ့အလုပ်ကို လုပ်ပါ၊ တရားမျှတတဲ့ စိတ်ထားကို မွေးမြူပါလို့ တရားဟောလိုက်တာနဲ့ အတူတူပါပဲ၊ နှုတ် နဲ့ဟောတာ စာရေးပြီးတော့ဟောတာစသဖြင့် တရားဟောပုံဟောနည်းတွေ အများကြီးပဲရှိတဲ့အထဲက ဦးဇင်း ကတော့ လက်မှတ်ထိုးတဲ့နည်းနဲ့ တရားဟောပေးတာပါ၊ ဒီနေ့ ဦးဇင်း လက်မှတ်လာထိုးတာဟာ ရဟန်းအလုပ် ရဟန်းလုပ်တာပါပဲ၊ ဘုန်းကြီးအလုပ် ဘုန်းကြီးလုပ်တာပါပဲ"
ဖွဲ့စည်းပုံ အခြေခံဥပဒေဟာ နိုင်ငံသားတိုင်းနဲ့ သက်ဆိုင်ကြောင်း၊ ရဟန်းသံဃာတော်တွေဆိုတာ နိုင်ငံသားတွေဖြစ်တဲ့အတွက် ပုဒ်မ ၄၃၆ ပြင်ဆင်ရေးဟာ သံဃာတော်တွေနဲ့လည်း သက်ဆိုင်တယ်လို့ ဆရာတော် အရှင်ဆန္ဒာဓိကက မိန့်ကြားပါတယ်။
ဒီနေ့မှာကျရောက်တဲ့ အမျိုးသားဒီမိုကရေစီအဖွဲ့ချုပ် ဥက္ကဌ ဒေါ်အောင်ဆန်းစုကြည်ရဲ့ ၆၉ နှစ်မြောက် မွေးနေ့အတွက် ဆရာတော်က ဒေါ်အောင်ဆန်းစုကြည်အနေနဲ့ တိုင်းပြည်နဲ့လူမျိုးအကျိုးအတွက် ဆောင်ရွက်နိုင်ပါစေလို့ မွေးနေ့ဆုတောင်းစကား မိန့်ကြားခဲ့ပါတယ်။
RFA Burmese
No comments:
Post a Comment